616牛肉火鍋專門店 (皇后大道西)

營業中

休息中

It’s okey kinda expensive tho. They got unlimited drinks so this good. The stuff anit they nice they ask u to do everything on the iPad they won’t even explain anything just say look at the iPad . None of the staff are helpful I don’t know what’s the point on having them that’s the only thing they do is ask us to use the iPadThe hotpot was alright but it is too expensive for the whole experience I’m really disappointedThe environment looked really cute though

而家好多人都覺得返大陸打邊爐，覺得又平又抵食但我都覺得食過幾次西環呢間616都覺得物超所值當晚因為有book定既關係，所以一去到等左大約5分鐘就可入座，而店內入口位置擺左一部街機係到，等既時間打一陣機時間都好快過一入到裝修比較有懷舊士多既特色，擺滿左兒時玩意同埋兒時食到既糖果（不過只係裝飾，唔好拎黎食）咁打邊爐最緊要就係個湯底啦 ，我就揀左個比較清淡既 理想點"鮮" ，湯底係用牛腩同蘿蔔煲成既湯底，牛腩份量都好多，所以當其他配料未到之前都可以頂住個肚先成個menu入面有好多唔同牛既部位可以選擇，可惜實在太多，唔可以一齊過試哂而menu都會好細心咁提提你每個部位淥幾多秒就夠我就比較喜歡食 滑尾龍 同 吊龍伴滑尾龍 有蛋醬包圍住咁一齊淥，而且牛味相重，最好唔洗點咁多醬料吊龍伴 比較好爽滑 ，食一舊就食上癮，當晚我地都叫左三碟食至肯收手

凍凍地就去打邊爐啦～ 叫咗個花雕醉蜆鍋，原因係我唔食得辣，朋友就就我，食樣唔辣嘅湯底，比較特別就係未試過食哂啲蜆先打邊爐，店員超好人，會不時走嚟問有無嘢要幫手，要唔要熄細啲冷氣，好窩心。食過616 尖沙咀，覺得616 尖沙咀好食啲，西環店啲牛無咁好食，個蜆鍋尚算唔錯，粒粒蜆都幾大粒又無咩沙，所以我都幾鍾意，不過牛就真係無tst 做得咁好，例如係tst 食到金花趾好正，但西環食又突然覺得好普通，仲有，都係嗰句：千奇唔好叫餃子，次次食到我又飽又唔好😩其實除咗牛，其他都可以唔洗叫🙈🙈

這間餐廳是我近年來最喜愛的麻辣火鍋！！！店舖裝修充滿懷舊特色，十分別緻。店內中間位置有一個汁醬區，可以自行添加醬油和配料。大家一定要試試他的秘製牛肉汁，味道帶少少甜味，令食物都變得鮮甜可口。食材方面更提供不同部份的牛肉，可以根據個人口味，選擇不同口感的牛肉。更有指示不同牛肉部位的參考烹調秒數，非常講究。與麻辣鍋簡直是最佳配搭！！！特別想介紹兩款店內手製特飲，菊花桂圓水和烏梅汁，清熱潤肺，十分窩心！！！

店舖陳設懷舊有趣，四人坐位剛好，食物新鮮，尤其匙柄好味，每碟份量適中，可以多試幾款不同牛肉，炸魚皮好味，建議海鮮類別可以多2-3款，自助醤油和冰水供應，價格合理，會再去

#616牛肉火鍋專門店人均222左右 (免加一)早兩日聽到 朋友話返咗大陸食百合里搞到我又好想食全牛打邊爐但係我近排好忙未得閒聽大陸住所以就睇吓香港邊度有得食啦見到銅鑼灣有間616牛肉火鍋 價錢都係一碟48-68左右就黎試下叫左最平既湯底 $38😂😂胸口膀 $48澳洲和牛 牛胸肉 $68牛頸脊 $48牛肉質數都唔錯 特別係和牛牛胸肉好重口味同香但係胸口膀如果兩個引來嘅話就要諗下叫唔叫好因為其實佢成塊白色都係油食兩舊已經好飽我哋食剩好多不過係幾好味嘅邪惡嘅味道

剛剛看了人地的review和我的一樣。都係用其他App平台去book。因為有discount去到又話冇位、要坐街趕客。原來食店自己找客果D唔洗比折扣、。所以佢地一定会比自己客仔先、。咁下=欠book台唔好用openrice就好D

踏入冬季當然要打邊爐暖肚啦第一次幫襯616火鍋店內裝修行老香港懷舊風格 蠻有特色餐具同餐枱尚算整潔 唔會油淋淋 二人餐枱不大 但有餐車提供 所以空間可以接受自助醬料枱有很多選擇同整潔 還有自助冰水任斟未食野第一印象已經唔錯餐單內牛肉款式多樣化 食物質素新鮮 湯底濃郁 (我選了沙嗲和牛骨清湯雙拼)*注意食物份量只是中等 比一般火鍋店少但是配合了apps 八折訂位優惠 性價比提高不少整體很不錯 會再光顧不得不讚賞當晚工作的服務員阿姐們動作勸快 熱情有禮 好客親切地推介牛肉款式 👍👍👍

呢幾日轉冷，打邊爐就啱晒！朋友住西環，介紹咗呢度俾我試！一早爆滿，我哋要露天打邊爐！呢度最出名係食牛肉，好多唔同牛嘅部位都可以試到，佢每樣都細細碟，所以你可以叫好多碟一次過試晒，每樣野佢都會教你錄幾耐先至熟！牛白肉！亦即係胸口膀！唔係好多地方試到，呢度有得叫梗係第一時間叫啦！六秒熟，爽口彈牙好食！別叫！匙柄，朋友試過話一定要食！佑林又有肉味，真係好正！好有口感牛駝峰！聽都未聽過！但係又係幾好食牛上肋，睇到已經覺得好正啊！食咗先講因為坐露天，所以真係別有一番風味！天氣好凍，對住個邊爐好正，唯一唔好就係個煲永遠都唔會滾，可能天氣太凍又或者係我哋坐露天嘅關係！雖然是露天天井位，難得佢個地下都係乾淨唔會有水漬，你唔會擔心呢度污糟

一年前曾幾偶爾幫襯過，當時覺得呢間幾特別，因為有好多唔同牛既部位，仲要聽都未聽過。某啲部位既牛肉係幾好食。對呢間餐廳印象唔錯。早幾日想同朋友再去幫襯，咁岩又見到某訂座apps有位又有9折，所以就係個apps訂 (時間為用餐前3日)。點知去到食飯果日，餐廳打黎話因為訂座好full，要安排座露天位。我第一時間係諗，今日落雨喎？！第二，乜果條街咁窄有露天座咩？ 不過當時就嘗試同餐廳了解食早d或者晏d有無位。(但明明我係訂左枱…) 點知餐廳都係話無，最後仲直接話如果介意既你就自己上番個apps取消啦！我明白，在商言商，我地張單係有discount所以有咩事都係郁我地。但退一步諗，點解餐廳會出現overbooking? 係管理既問題？定一早諗好有咩事就趕走discount既客？(因為我到而家都未諗到邊到有位擺露天位… 就算假設真係有露天位，請唔好忘記當日係有雨…)在我個人而言，食物質素係重要，但我覺得一間餐廳最重要既係佢地對客既心。如果只睇點樣賺到最盡，咁樣係唔會贏到顧客既心。不過，當然而家係香港要搵間重視客人既餐廳係好難… (而同時無理取鬧既客人亦無處不在…)

變凍又係時候去打邊爐，本來想翻炒同區另一間火鍋…但即日訂枱已經全部滿座…好在616有位！我係第一次去，朋友食過，話記得啲牛都唔錯，身為牛魔王既我梗係躍躍欲試啦。店內係懷舊theme，坐位少少迫，櫈下有個籃仔放袋。但咁凍個個都又有褸又有頸巾，就冇位放了。全店都用Ipad落單，不過咁樣反而難啲一眼睇晒有咩食（例如同一種牛肉放左喺兩個category度)。第一次去，真係唔識啲牛既部位，好在墊枱紙係牛肉部位圖，雖然大部份都冇食過，但起碼望住叫無咁lost。唔辣既湯底只得牛骨清湯一款，但上枱飲落都冇咩牛味，反而蘿蔔味重啲。因為本身都鍾意飲湯，所以有啲失望…第一輪牛肉叫左滑尾龍、牛朴肉、匙柄、吊龍伴，呢幾樣都見到openrice推介既。呢幾種入面我地最鍾意牛朴肉，因為嫩得耐又有咬口。反而匙柄感覺好乾，同埋唔太重牛味。滑尾龍係打左隻生蛋落去，要拌勻再落鍋。食法都幾得意，會有啲蛋絲痴左喺片牛肉度，牛肉超級滑，滑到我朋友話有啲dodgy，唔知係咪落左啲咩去marinate先咁滑。第二輪叫左脖仁、牛駝峰，相對比較滿意。脖仁即係牛頸脊，自己覺得佢有肥牛既口感，但就少好多肥膏，係當晚最鍾意。牛駝峰都唔錯，但就

當晚一行五人到此店吃火煱，牛的每個部分都印在纸上，還可以利用ipad直接點餐非常方便，出菜也快，也有教我們煮不同部位牛的時間，可算細心周到。在一個充滿懷舊的環境下用膳，非常歡。

今日同朋友一齊去到西環食牛肉火鍋早有聽聞呢邊有一間專門食牛肉嘅火鍋店。入面嘅環境好復古懷舊，好似舊時嘅小巷。裝飾佈置都係復古風格，好多舊嘅傢私陳設。坐位都幾寬闊，落單用平板電腦好high technology。唔同部位唔同價錢一目了然。枱上有個牛肉部位分佈嘅圖片。好快就上咗個湯底，揀咗鴛鴦鍋，好似一邊牛骨，一邊酸菜。酸菜嗰邊酸味都麻辣味都好夠勁，一試難忘。好似係封門柳。圖上方係匙柄，下方係牛陀峰，好似係。。呢個係滑尾龍。仲有一個叫水蓮菜，好少見於是叫咗試下。狂食牛好滿足另外要提一提，佢個醬油，好似叫咩牛肉汁醬油之類嘅，好麻麻。但總體值得一讚。

牛魔王嘅我一直將牛放係我人生中嘅第一位。今日聽朋友講有間火鍋店以牛肉做主題，當然即刻約女朋友去見識一下！餐廳有好多特別之處，其一，餐廳夠晒hi-tech，可以用iPad點菜，當我見到呢一個版面，有差唔多10款牛肉選擇，真係流晒口水。其二，餐廳有幾間主題房， 呢一間就係以七八十年代嘅零食為主題，我同女朋友都認得幾款小食，如果帶埋老豆老母，一定勾起好多兒時回憶。但最特別之處就係呢一張餐紙，有齊晒每個部位要淥幾多秒既建議，仲會有五款推介食法。醬料係自助式，要行幾步去common area調教自己既醬汁。餐廳9秒9就送上飲品，仲附送幾片西瓜。我同女朋友一個好食得辣，一個唔係好食得，所以叫鴛鴦鍋就最好不過。酸菜湯底非常足料，所以辣度非常夠。牛骨湯亦唔例外，可以見到湯底有一大舊豬骨，甚至蘿蔔粟米等等，湯底淆得非常入味。今餐嘅主角當然係牛啦！我總共叫咗四款唔同部位嘅牛。首先介紹嘅係最右邊嘅牛駝峰，比較多筋，偏瘦，但係牛味非常重。牛駝峰上面嗰碟就係澳洲和牛，三角柳，牛味依舊重之餘，仲非常多肉汁。中間嗰碟叫安格斯橫隔肌，油脂較多，囗感非常鬆化。最後左邊就係肩胛翼板，肉質比較鮮嫩。一心食牛嘅我地當然連丸都

long weekend約左家人係呢度聚餐幾盡興本身屋企人都唔多出去打邊爐, 因為靚料既店家又太貴, 平既又難食。 遇到間岩食既約齊腳就book枱喇喂。 不得不讚既係個佈置, 簡直係成個香港歷史博物館既縮細版, 好多古舊既香港用品, 俾老既一輩show off下, 又俾下一代見識多d。又俾我影相呃like囉食物方面我地揀左老幼都岩食既牛骨清湯($38) 個湯底冇味精有少量蔬果同牛骨, 同10幾款醬料俾你自己調味, 又送上餐前水果。 幾好服務。響鈴: 幾爽口油麥菜: ok新鮮烏冬: 幼身好入味匙柄: 好新鮮, 滑口正肩胛翼板: 唔錯, 自己去超市買未必有呢個質素牛扑肉牛胸肉: 肥左d滑尾龍: 幾新鮮既配搭, 值得一試蝦滑: 普通, 我鍾意多d蝦肉重質感d總結: 家人坐得舒服, 又有特色。 物有所值