616牛肉火鍋專門店 (皇后大道西)

營業中

休息中

都算唔貴，由好肚餓，食到100%飽，💰2男1女，平均每人$290。嗌左好多火鍋料，揀啲特別好食既介紹下。.🔸鴛鴦青花椒牛骨湯($78)青花椒湯底出色！一開始覺得好普通，點知越煲越辣，越辣越過癮，越食越好食，食到停唔到口。最尾辣到頂唔順嘅時侯，又可以食隔離牛骨湯。.🔸滑尾龍($48)有隻生雞蛋係牛肉上面，撈勻再滾熟。食落真係好滑，一啲都唔韌，再嗌多碟。.🔸安格斯橫隔肌($48)牛味較濃，唔韌唔痴牙，都再嗌多碟。.🔸手打墨魚滑($48)每次食火鍋都點，口感彈牙。.🔸芋絲($28)🔸竹苼($48)🔸稻庭烏冬($28)以上都係好吸味既火鍋料，湯底好味，自然好味。.🔸洛神玫瑰花茶($15)🔸烏梅汁($15)飲品濃，較甜，洛神玫瑰花茶相對好飲。

前幾年去過616其他分店，本來覺得頗貴同埋選擇不多。後來轉到西環店，初期開張時選擇仍然不多，但是肉質有一定的保證。而家差唔多每個星期都去一次，服務態度非常之好。服務方面:昨天，我以為訂咗位，但係發生不明錯誤，所以沒有訂到。但係616佢哋都俾番優惠我，覺得非常之貼心。食物方面:一定試花椒湯底，飲頭啖湯嗰種味覺刺激真係好high！滑尾龍、雙層肉、安格斯牛脊……總之要叫牛！如果覺得太多肉，可以叫墨魚滑、竹笙同牛骨髓都有保證。

若想吃牛肉火鍋時，往往第一時間想起的就是616牛肉火鍋專門店。清湯+青椒鴛鴦湯底，充滿濃濃牛骨香，湯煱佈滿牛油光，玉液奔流, 香氣四溢。進食豆腐或蔬菜是可用清湯，吸盡牛肉精華。而進食肉類或餃子時就使用辣椒湯底，非常惹味。澳洲和牛的內裙肉，入口溶化，配以厚薄適中的切法🔪，讓人點完一碟又一碟。炸魚皮保持新鮮，輕輕點完湯後亦能保持香脆。豆腐分南北方兩種，南方嫩滑如水，而冰豆腐則以獨特手法製作有如蜂巢般的結構，牢牢的的鎖住湯底精華。竹笙非常新鮮，形態飽滿，不會出現腥味。此店大部份牛肉紋理清晰，肉質鮮嫩，厚薄適中，大小相約，放進火鍋內時如落玉盤，令口感更清甜。蔬菜和菌類慢慢吸收醬汁，色香俱合，百味融於一。下次會再光顧。

全食🐂，湯底好正，就咁飲都覺得好味！食唔同部份牛，講真，價錢收得好抵！環境唔錯，有空間感！乾淨，舒服！牛有牛味，湯底好特別，每一個部位既牛都好好食！就算食飽都可以影下相，因為環境唔錯！打卡一流！我叫左好多牛部位，每一個部位都好新鮮，好好味！會再去食！醬料任你加，價錢真係好抵！全牛呀！買單都係400位倒，我覺得好抵！加上服務態度都幾好，又加分！所以我會再去食！佢既牛每一個位都唔差！藥試過先知好味！

已經係第二次嚟啦，唔記得咗上次食過乜嘢，上次食完亦都冇寫食評，所以今次一路食一路Mark低食後感⋯⋯牛坑爪＝香口膠牛滑＝有牛味牛腩心＝冇乜牛味但口感好滑牛腩=好好味，不過唔淋牛駝峰=牛味最重吊龍伴=唔夠牛味但口感都幾好牛舌=少少牛舌嘅騷味肩胛翼板=牛味重橫隔肌=微牛味有口感牛腩清湯／沙嗲湯=好味烏冬=好味雖然用膳時間100分鐘，但係三個人食都足夠，而且圍番每人唔使$300 ，我覺得以散叫來講都算幾抵食。

之前經過開時已經發現這餐廳，但之後一直忘記咗。今日忽發其想打邊爐，上open roce睇完後，網上預約。經open rice網上預約9:30後的，可享88折。我地到左之後，先order酸菜湯，我同老公都食唔到好辣。這個剛好。不過，佢個湯底黎之後我都夾起左一半辣椒之後我哋order牛，因這裡主打牛。佢有好多唔同部位可選擇，份量不多，剛好可以兩個人食，我哋選了幾個部位吃，可能個人口味，有啲部位我老公鐘意食，我就一般，所以不能介紹邊樣最好食。然後再order了一份凍魚皮，這個我很喜歡，很爽不林，味道是麻辣。飲品方面，佢地有手工啤，鐘意試新野既我，當然唔會錯過，它的味道很重麥味，很好👍🏻這餐我哋兩個人食左$6xx。已折扣，希望之後有更多優惠

今日黎到西環，行行下見到間霓虹燈做招牌既新式火鍋店，裝修比較有心思復古，仲有好多未聽過又未食過既牛牛部位，比佢吸引左😛 🥰食肉獸必試！匙柄～ 牛既肩胛位，好重牛味，手切厚薄岩我食，小好牛既我都忍唔住食多幾舊😂 （覺得佢個名好搞笑）花雕醉牛，大大塊有口感，上面仲舖左杞子同菜，不過一碟得4舊🙈唔夠喉因為唔太食辣，所以叫左理點想鮮湯底，感覺又似平時牛腩清湯咁😂BTW walk in 好好彩，咁啱前面無人等唔使10分鐘入得，但後面遲小小既人就要等半個鐘🤣建議大家想試就記得要book 位😇

比佢個燈牌吸引到入去，內面既裝修係舊香港既樣貌，等位個到仲有 月光寶盒可以比等緊位既你打下機！，而等位都唔係需要好多時間！第一時間叫左個 沙爹 同埋 牛骨湯底 - 尼兩個湯底黎配牛肉係岩岩好！ 牛骨湯底好清加埋玉米就更甜，而沙爹都唔錯但就落少左花生，所以無甘香，但都唔錯！之後就入正題！就叫左滑尾骨加埋蛋非常滑呀！之後仲推介橫隔肌，牛駝峰同埋肩胛翼板，因為佢好有牛味。落去沙爹最岩既就係爽脆黃喉加鴨血。最後蝦滑，真心唔好叫，因為真係唔好食。

同朋友一齊去，禮拜天下午。環境OK，乾淨。牛肉品種多樣，吃法多樣，會有詳細介紹，蔬菜都OK。我們參考其他人推薦的菜品選擇，都還不錯。但份量好少，鍋也不大。最主要老闆在我們吃的過程中催我們，從100分鐘內到一小時內，最後還讓我們不要講話快點吃。其他方面都還行，可能下次想要趕時間快點吃的時候會來？結帳走的時候還聽到讓剛剛進來的兩位擺桌子在等候區吃，用餐限時四十分鐘...不過我想也可能做到吧，畢竟上菜還是很快的，不是嗎？

今次要介紹嘅係616牛肉火鍋專門店，提供眾多牛肉唔同嘅部位，每一碟嘅份量唔多，而相對上價錢都較相宜，可以淺嚐多幾款牛肉。616 is a restaurant specializes in beef hotpot, providing different uncommon parts of beef. The amount and price of each serving are relatively low, that allows you to try more different parts.◾️花雕醉蜆鍋 (Clam soup with Huadiao) $98蜆嘅份量好多，用上少少花雕令味道更鮮，而且每一隻蜆都冇沙。作為湯底特別之餘仲好抵食，剩係蜆都多咗一道菜。The soup serves with a large number of clams. With some Huadiao, the soup becomes more refreshing. Also, clams are well cleaned with all sands removed.◽️匙柄 (Ch

之前已經聽過呢間以牛為主題嘅打邊爐店 咁岩西環都有 所以去試下.-牛雜湯底- 🌟牛雜湯底勝在牛雜份量多特別係牛肺同埋牛肚 我本身好鍾意食牛肺 所以呢樣加左分 雖然一開始牛雜湯底冇咩味道 但係食耐左煲耐左牛肉味越來越重 個湯底越來越鮮甜超好飲🍲.-安格斯橫隔肌- 🌟橫隔肌位於肋骨內側與橫膈膜相連 肉味係牛中最濃 同埋最有入口即溶感覺.-澳洲五花趾-牛後腿肌腱嘅中心部份 係最彈牙嘅部位 筋同紋路比較多 口感脆有啲咬口.-脖仁-脖仁即係牛頸嘅核心部分 油花密密分布 入口柔嫩 而且有嚼頭.-封門柳-初初見到呢個封門柳個名幾特別所以叫左黎試吓 先知原來佢係橫膈膜下面嘅一條柳 而且每隻牛只有兩細塊 但係肉味超級濃郁 口感有少少實 都不錯.🌟重點：跟佢時間煮 啲牛就超好食🌟我初初就係冇跟到😳淥得熟左小小

如果你係牛肉嘅愛好者，鍾意食牛嘅唔同部位，咁就一定要來呢間食啦！講緊你平時打邊爐食嘅牛嘅部位都唔會太多，食來食去都係肥牛，牛筋等等嘅位置。但係依間勝在係真係比到你食牛身體唔同嘅部份，仲會有埋指引，教你到底錄幾多秒先好食。一去到環境唔算好大，但係都幾闊落，裝修行懷舊風，都幾唔錯。而且醬料選擇好多，自助式咁樣選擇，都方便。我哋叫咗一個牛雜湯底，入邊嘅材料非常之多，$68來講已經回咗本。跟住我哋叫咗幾個罕有嘅牛肉部位，大概淥六至7秒，有種入口即溶嘅感覺！

兩個人叫左一個牛雜煲 4碟牛 一碟牛柏葉同鴨血 牛好食 特別係吊龍伴 好夠牛味！ 鴨血口感正 似啫哩！ 牛雜湯底好足料 特別鐘意食牛肚😄 牛柏葉就一般可以唔叫 辣椒醬好食 好辣既可一試 一坐埋位就有西瓜送 食物上台速度快 整體好滿意😋

在網上看到這家吃火鍋的餐廳有很多正評，而且可以吃到牛不同的部位，覺得很特別，所以來試試看。很多部位都是第一次聽，第一次吃，每一個部位也有建議的烹調時間，介乎6到15秒。醬料可以自己選，調配適合自己的口味。吃第一口的時候，忍不住要讚嘆，因為真的太好吃了，入口即溶。相對來說，滑尾龍差一點點，但因為當晚有做特價，所以點了兩盤。這一頓吃得很滿足，一定會介紹給其他朋友。

啱D食hot pot 淨係鍾意不停食牛肉的人，因為全店不會有什麼丸子海鮮之類，只有不同部位的牛肉！一碟大概有10片牛肉左右，細細碟可以叫多幾碟慢慢食。可以叫支大可樂慢慢飲，好少地方有大支玻璃樽可樂飲，可樂又夠凍，正！D姐姐服務幾好，一叫即到，不會黑面不會托手踭。本人至中意沙嗲湯底，又濃又好味，唔會水水咁