影片
更多
2018-12-13
416 瀏覽
一年前曾幾偶爾幫襯過，當時覺得呢間幾特別，因為有好多唔同牛既部位，仲要聽都未聽過。某啲部位既牛肉係幾好食。對呢間餐廳印象唔錯。早幾日想同朋友再去幫襯，咁岩又見到某訂座apps有位又有9折，所以就係個apps訂 (時間為用餐前3日)。點知去到食飯果日，餐廳打黎話因為訂座好full，要安排座露天位。我第一時間係諗，今日落雨喎？！第二，乜果條街咁窄有露天座咩？ 不過當時就嘗試同餐廳了解食早d或者晏d有無位。(但明明我係訂左枱…) 點知餐廳都係話無，最後仲直接話如果介意既你就自己上番個apps取消啦！我明白，在商言商，我地張單係有discount所以有咩事都係郁我地。但退一步諗，點解餐廳會出現overbooking? 係管理既問題？定一早諗好有咩事就趕走discount既客？(因為我到而家都未諗到邊到有位擺露天位… 就算假設真係有露天位，請唔好忘記當日係有雨…)在我個人而言，食物質素係重要，但我覺得一間餐廳最重要既係佢地對客既心。如果只睇點樣賺到最盡，咁樣係唔會贏到顧客既心。不過，當然而家係香港要搵間重視客人既餐廳係好難… (而同時無理取鬧既客人亦無處不在…)
早幾日想同朋友再去幫襯，咁岩又見到某訂座apps有位又有9折，所以就係個apps訂 (時間為用餐前3日)。
點知去到食飯果日，餐廳打黎話因為訂座好full，要安排座露天位。我第一時間係諗，今日落雨喎？！第二，乜果條街咁窄有露天座咩？ 不過當時就嘗試同餐廳了解食早d或者晏d有無位。(但明明我係訂左枱…) 點知餐廳都係話無，最後仲直接話如果介意既你就自己上番個apps取消啦！
我明白，在商言商，我地張單係有discount所以有咩事都係郁我地。但退一步諗，點解餐廳會出現overbooking? 係管理既問題？定一早諗好有咩事就趕走discount既客？(因為我到而家都未諗到邊到有位擺露天位… 就算假設真係有露天位，請唔好忘記當日係有雨…)
在我個人而言，食物質素係重要，但我覺得一間餐廳最重要既係佢地對客既心。如果只睇點樣賺到最盡，咁樣係唔會贏到顧客既心。
不過，當然而家係香港要搵間重視客人既餐廳係好難… (而同時無理取鬧既客人亦無處不在…)
[題外話：由於取消左，係周圍都係人既星期五，walkin 左成粒幾鐘食第二間。但又真係比我搵到顧客至上既餐廳，又真係咁都見到麻煩客。😂 有機會再講。]
張貼