2DP (已結業)

10點後乜都無，無野飲無熟食，選擇太少 但又有最低消費 $75 / 一個item完全唔合理 茶味雪糕唔出，完全唔好食......尢其焦糖水蜜桃....真係完全唔吸引人想食==

是日甜品來到尖沙咀厚福街的2DP Tea. Veggie. Dessert 食甜品，今次揀選了新鮮蜜瓜碗農場牛乳刨冰，單睇餐牌已經好吸引，食埋個實物就知道好唔好食啦～初初我還以為蜜瓜同刨冰係超凍的，當入口時蜜瓜的溫度是室溫，沒有放在雪櫃急凍的，蜜瓜剛剛熟好甜同多汁。農場牛乳刨冰都不是太凍，而且不甜，味道像蜜瓜鮮奶一樣，好清新。生果同刨冰份量都多，仲有成半個蜜瓜咁大，獨食或同朋友share食都得，價錢就偏貴了少少，每個$108加10%Service Charge, 埋單要$119，但間中食下也尚可接受，日日食就唔可以囉。

昨晚往這餐廳食飯，前一日訂位兩位，昨天reconfirm 冇講限食個半鐘，咁我一個早到左，七點半我七點已到，咁佢比我坐低，跟住就同我講限食個半鐘，八點半要交枱；咁我同佢講訂枱時冇講點解要有限時？跟住個Waitress, 水吧兩個人加埋望住我，跟住同我講係個訂枱既嗰陣忘記講，咁我話關我乜事，咁我朋友又未到，咁我係咪要唔坐低七點半正正常常咁入來坐先比我坐到九點呀？我非常尷尬望住佢，終於有個似in charge 既人同我講冇問題，但糸已經令我非常尷尬，唔係約咗朋友我真係想即刻走。食物質素普通過普通所以冇相有冇評論自己去唔去就大家自己諗啦。

冇幾耐之前黎過2DP, 果次有好多野食都想試，但試唔哂，所以今日再番黎食dinner其實我好少餐廳會去完再想去。但2DP真心環境同食物質素都高，又唔貴，性價比超班今晚得一個人。而且趕時間所以叫得兩樣款式荔枝西柚紅茶士多啤梨窩夫加鐵觀音雪糕先講飲品 我本身口淡淡冇咩胃口飲完即刻覺得好清新 好香甜既味道 原來荔枝同西柚咁夾仲有足料荔枝果肉Waffle更是正有三大塊 好鬆軟好好味鐵觀音味雪糕 雪糕終於唔係死甜想一食再食味道好有層次必食！！

甜品味道來來去去幾款有時都會覺得幾悶下，呢間除了有主食，仲有部分用茶做成的甜品.今日我選的都是鐵觀音雪糕，分別以芭菲及窩夫展示，鐵觀音雪糕沒過分的甜味，還帶有少許茶苦澀，芭菲最低層是紅豆，在雪糕及紅豆之間的味道是由淡轉濃，食得出層次感。 另外, 鐵觀音雪糕配窩夫, 微脆及暖暖的窩夫, 將雪糕放上去剛好開始融化時放入口中, 2種口感截然不同, 嘴巴夠大的還可以配上莓果, 甜味可中和了莓酸, 跟芭菲又是不同的享受.最後細啖大棗熱飲，由冷變成暖，這是我最愛嘅秋冬食甜品方式。

上次食2DP好似已經係好耐之前，今次經過見到餐牌，就好想試佢d甜品，因為每樣都好吸引。餐牌上面有好多特別嘅甜品選擇，沙冰當最引人注意，平時鍾意食蜜瓜嘅我地，今次就決定叫咗個蜜瓜沙冰。係咪好靚呢！有成個蜜瓜做底，蜜瓜肉圓look look咁挖咗出黎，擺咗喺沙冰上面，淨係賣相已經攞滿分！一食落去更加冇得輸，一來蜜瓜非常之鮮甜多汁，配埋下面嘅沙冰更加一流，因為沙冰有好香濃嘅牛奶味，同蜜瓜係出奇意料嘅絕配！逾食逾開胃，雖然我地食飽咗再黎食甜品，但係我地竟然食得晒，下次一但會再黎試更多嘅甜品！

友人提議試一試尖沙咀這間餐廳，上網查看才知是素食，偶爾吃素可以接受的。店內頗為擠迫，每張枱的距離很窄，所以環境也很嘈吵，與友人聊天有點吃力。首先叫了杯火龍果乳酪，因為見在場食客很多而也有叫，果然沒令人失望，乳酪很清新很解渴！ 另外賣上也真的很美薈火龍果火紅色配上近期火紅的紅鶴，令我忍不住為它拍多幾張照。再叫了素漢堡，素蟹餅，還有牛肝菌大麥飯。 素漢堡淡而無味，十分令人失望。素蟹餅非常香口，沒有太油膩的感覺 。大麥飯的口感像薏米 ，感覺沒太多調味，建議可加香口材料及 及豐富一點的調味。

次次行經厚福街都好想入來2DP，呢間迫爆食客既店一試今晚終於在附近食過晚餐，跟朋友入來一嘗甜品原來呢間餐廳除了有甜品，仲有正餐，賣相都十分吸引，下次都要來一試跟朋友急不及待，等到位置後，看看餐牌，有多款不同款式的甜點款款都好精美，好吸引看到這裡的雪糕十分特別，有鐵觀音，有普洱，很有趣，把中式的茶飲品醜入到西式的雪糕中，好期待會是什麼口味我們三人點了三款甜品先來一款普洱雪糕配窩夫十分特別，賣相都十分精美普洱雪糕味道好濃郁，感到好濃郁的茶香，放上又香又鬆軟的厚pancake來吃，好滋味。仲有好多又香又甜的水蜜桃為生果呢款甜點的確不錯沒想到普洱都能成雪糕另一款甜品是以鐵觀音為雪糕的，呢款甜品叫阿法奇朵，其實我都是第一次聽這個名字整件事都很新穎，令人好期待鐵觀音雪糕較為清新一點，清清的茶香，沒普洱雪糕那般濃帶點另類清新輕盈的口感同味道十分特別呢款甜點好特別，會送上一杯茶。再把茶淋上雪糕球上畫面好靚，煙霧彌漫雪糕轉眼便融化，融化後雪糕的汁混入杯底中的脆脆中，吃起來脆中帶甜，十分滋味呢呢個甜品杯好特別，十分鍾意最後我們吃了呢款五合一芋圓綜合碗內有的材料十分多，有紅豆、桃膠、珍珠、芋圓、豆花，足足有

一心諗住黎試下蜜瓜碗，點知賣哂，就改叫西瓜碗，結果都相當不錯。西瓜份量多，而且非常清甜，配合埋牛乳刨冰，十分解暑黑白玉露荔枝芭菲，荔枝味不重，但感覺清新，且有幾款配料，層次豐富鐵觀音紅豆抹茶芭菲，有抹茶雪糕，抹茶脆脆，抹茶啫喱同紅豆蓉，抹茶味濃郁，而鐵觀音亦能消膩，配合起來甜而不膩車厘子金奇異果鐵觀音刨冰，鐵觀音味非常濃郁，略帶苦澀，反而奇異果味則不太突出，較適合喜歡濃茶口味的朋友柚子薄荷香檳，柚子清香，加上薄荷感覺清新

Green Monday! 一直都想一週有幾餐食素，減少身體的負擔，今次就終於約到願意同我一起去食素的朋友✌🏻2DP一早已少有名氣，現在竟然還有買一送一的午餐優惠，當然要趁優惠期時來試試。優惠午餐有三款，最欣賞是它的餐牌上有寫卡路里、主要食材和功效，對女士來說這些資訊都是很重要的！我就根據喜好選了南瓜芝士米形意粉，配上沙律和是日茶飲which is洛神花茶。先上是沙律，菜新鮮，上面仲有藜麥，配上油醋汁，感覺清新再來是飲品，呢個就麻麻地啦，冇咩味🙅🏻‍♀️第一次見的主角米型意粉好食喎！有好多芝士，南瓜味幾出，個意粉煮得啱啱好，唔會太生或太腍。而且啲意粉同greens吸曬啲南瓜汁，正！重點是食完有滿足感，唔會覺得自己冇肉落肚好空虛，而且卡路里低，食曬都冇罪惡感(⁎⁍̴̛ᴗ⁍̴̛⁎)推介來這裡green mondays，依家真係好抵食😆

牛油果觀音冰!!! 上碟嘅時候真係畀佢嚇咗一嚇😂好似煲仔飯哈哈牛油果可以再熟啲 有少少偏硬～如果熟少少呢就可以督爛佢 撈埋啲沙冰食 會更加夾😥欣賞佢嘅沙冰係非常之高濃度嘅鐵觀音做出嚟!! 食落去有好濃嘅茶味 但我同朋友都覺得濃過頭 變得有少少太苦😭成個沙冰最好食嗰啖就係有牛油果+煉奶+沙冰個啖咁樣最夾😆😍所以大家可以嘗試問下staff可唔可以落多啲鍊奶咁會順口啲😍😍●黑松露薯條($62)●每次同班friend出去食嘢 都必叫黑松露薯條!!!😆😆真係無法抗拒黑松露咁香嘅味道💓這種香會令人上癮呀薯條係即叫即炸 好熱好熱～我太心急之後辣親lol😂同埋份量都夠多但係解凍應該解得太耐 所以炸出嚟唔夠脆身 有少少可惜😥😥黑松露醬嘅份量都比較少 點咗三分之一嘅薯條就已經冇喇😭但係黑松露醬真係好香😍😍係唔錯嘅💭💭💭好味(⑦/⑩)抵食 (⑥.⑤/⑩)

同朋友去完韓國街，想食d甜品，見到呢間好爆滿，就諗住試試好在只係等左5分鐘左右，店員好迅速又友善咁幫我地安排座位。之前只聽過朋友話呢間有素食，但吾知原來甜品都咁正喎！我地一共4個人，叫足4個甜品加一杯飲品，都食得一乾二淨XD首先叫左鐵觀音紅豆抹茶芭菲&黑白玉露荔枝芭菲。芭菲層次感好足，茶味雪糕配上d脆脆，仲有底部的啫喱，加上紅豆不算十分甜，口感好豐富之餘不會膩，茶香濃，好清新特別，呢個真係必試。黑白玉露荔枝芭菲，荔枝味好似有少少被個雪糕既名蓋過了，但都好好食。另外叫了一杯柚子烏龍香檳，呢個配搭真係第一次見XD又幾得意喎，柚子酸甜加上茶既清香，再配香檳，我個人幾鐘意~~西瓜牛乳刨冰，其實就係比個樣吸引到既，好在味道都冇令人失望呢，西瓜都幾多粒，刨冰都幾綿~最後仲有呢個，車厘子牛乳刨冰，用個缽仔裝住真係好得意啊^^好有諗頭！影相一流!

由於正餐嗰餐實在食得太唔滿足，所以食完即刻轉場去食甜品。2DP主打茶飲和素食，而甜品餐牌上面亦有茶品與甜品fusion嘅選擇。哩個”士多啤梨紅茶芭菲”上面配有普洱朱古力意大利雪糕，先講個雪糕，味道好特別，中間仲夾雜普里茶葉。一層一層咁食落去，由cream到士多啤梨再到下面嘅似係椰果嘅東西。有咬口之餘味道亦都好夾。我試食咗一口”豆花桃膠芋圓綜合碗”裏面嘅珍珠，細細粒好QQ<—台灣代表好彈牙咁解。而且重奶茶味，食完嗰種奶茶味仲會留喺口腔。“水蜜桃窩夫伴普洱朱古力意大利雪糕”個窩夫比出面甜品店嘅窩夫甜少少，不過配合埋雪糕一齊食，味道中和返啱啱好！

每次同朋友食完飯都一定要去食甜品先算完美， 厚福街出名多甜品舖 ，見到呢間好多人排隊，個menu又幾得意，決定入去試下! order咗兩款甜品， 一款係水蜜桃窩夫配普洱朱古力雪糕($98) ， 另一款係哈密瓜盆農場牛乳刨冰 ($108)首先講下窩夫， 水蜜桃好清甜， 普洱朱古力雪糕好特別，食到茶味之餘原來同朱古力都好夾至於刨冰， 一嚟到已經聞到好香濃嘅哈密瓜味， 似係日本貨 加埋煉奶同刨冰 ，真係好好味呀!!! 雖然價錢有點貴， 但食得好滿足!留意： weekend 要排好耐下咖!!

每次經過尖沙咀口福街都係美食天堂的方，見到呢間2DP 開左一段時間，甜品好似好吸引咁😊，就去試一試！女人有兩個胃的😊，所以今晚食飽飽就去2DP 食甜品，去到先知🤦🏻‍♀️原來重有好多不同類型食物叫的，重以為係單單一間甜品店😅！《新派素食茶室》九點鐘時段已經超多人，見證素菜既吸引力，等了五分鍾就可以入坐！話明新派，連甜品都特別精緻！鐵觀音阿法奇朵＄68👍🏻先試了一口茶味雪糕，感受到濃厚的茶味帶點甜，再加入熱熱的鐵觀音，又是另一種香滑感覺，連可可米一同進食，更是可口美味！豆香桃膠芋圓綜合碗＄65女士最啱食💆🏻‍♀️，桃膠養顏，紅豆補血，再加埋珍珠，芋圓，爽口Q彈，材料配合得好好，底下重有滑滑的豆花，多重口感，超滿足😋！黑杞子蜜糖菊花茶/洛神薄荷橘子＄30可選擇熱或凍飲，清清甜甜，又一健康之選！