2DP (已結業)

上次食2DP好似已經係好耐之前，今次經過見到餐牌，就好想試佢d甜品，因為每樣都好吸引。餐牌上面有好多特別嘅甜品選擇，沙冰當最引人注意，平時鍾意食蜜瓜嘅我地，今次就決定叫咗個蜜瓜沙冰。係咪好靚呢！有成個蜜瓜做底，蜜瓜肉圓look look咁挖咗出黎，擺咗喺沙冰上面，淨係賣相已經攞滿分！一食落去更加冇得輸，一來蜜瓜非常之鮮甜多汁，配埋下面嘅沙冰更加一流，因為沙冰有好香濃嘅牛奶味，同蜜瓜係出奇意料嘅絕配！逾食逾開胃，雖然我地食飽咗再黎食甜品，但係我地竟然食得晒，下次一但會再黎試更多嘅甜品！