2DP (已結業)

呢間我一直都想去 除左聽過佢背後故事🤩佢個概念亦好好 所以一直好想去食🤤但驚佢唔飽 都係食左正餐先去 餐廳空間感好大 座位都多 都好舒服 有台灣cafe嘅感覺 😌 佢地擁有自己茶園 所以我都要試下個泡沫奶茶 佢珍珠分開上 飲第一啖 同一般珍珠奶茶好唔同 茶味甘香 好有層次 你越放我耐佢越好飲 慢活之選😗 打卡之選蜜瓜雪花冰 大家好易會將佢同icremeria相比, 蜜瓜味香, 唔會太甜, 用料新鮮, 3.6北海道牛奶雪花冰入面仲加左台灣芭樂汁, 酸酸甜甜 無得輸😆👍🏻 最驚喜係原個木瓜雪耳桃膠燉奶 木瓜散上焦糖燒香 味道好夾 好值得一試！真心推介😍 下次行開真係可以再去食 佢都幾大碟 絕不馬虎😋

新年期間吃得太多肉食，想平衡番吃得清淡啲，於是朋友提議吃齋，但印象中的齋鹵味、五柳芋頭魚等都很油膩，朋友就介紹了一間主打新派素食的Fusion餐廳。餐廳位處尖沙咀旺區，交通方便，很好找。店內裝修簡樸，實而不華，落地大玻璃旁有吧枱位，亦有普通長枱座位，寬敞開揚，環境舒適。 Menu大大本，製作頗精美，創意素食菜款式多，有小食，有主菜，還有甜品，口味豐富。因為有點餓，點了一份大麥飯晚餐$168 ，還有湯，沙律和飲品。 餐湯+沙律餐湯是忌廉湯，喝時不大覺有奶味，可能是以豆奶調製，味道幾清新，還伴以一小片比白麵包較健康的麥包。沙律以數款沙律菜加上蕃茄、凍豆腐而成，凍豆腐冰涼軟滑，蕃茄帶點酸味，口感豐富，還有醬汁的芝麻香味，好開胃。 黑松露忌廉雜菌大麥飯大麥飯賣相精緻，外觀很像意大利飯，creamy味道濃，有淡淡的黑松露香味，粒粒分明，煙煙韌韌有嚼口，不會太硬，還伴有很多菇片，口感十足，而且很飽肚呢。 黑杞子蜜糖黃菊餐牌上多款飲品都不錯，但今天想喝熱飲，便點了一杯『黑杞子蜜糖黃菊』，以玻璃杯盛載，茶內有一大朵金菊花和數朵小白菊，茶色淡黃，黑杞子味甘，配以蜜糖，香甜潤喉，清熱明目，飯後喝，很舒暢。

上星期經過尖沙咀厚福街，發現了一間健康素食店，主打茶飲和素食，跟一位素食者朋友講起呢塊「新大陸」，佢竟然急不及待就約我今晚來試試。 餐廳有一個開放式廚房，淺木色的枱櫈配以白色牆身，裝修雅潔光猛。 食物款式頗多，有小食、薄餅、意粉和飯類等，但看到有 Set Dinner 提供，咁就不需害怕「選擇困難症」了。 【精選餐湯及是日沙律】忌廉湯濃稠適中，喝一口就感到有很豐富的薯蓉，味道清淡，不會太濃味。沙律由凍豆腐、蕃茄、火箭菜等配上日式芝麻醬而成，醒胃又健怡，作為前菜，很適合。 【意式薄餅】我喜歡吃香口食物，所以點了薄餅餐，Pizza餡料有牛油果、車厘茄、白菌和粟米，每一口都感覺營養滿滿，加上餅底薄身香脆，咬落好有口感，而且蕃茄醬汁多，酸酸甜甜，非常惹味，很好吃。 【黑杞子蜜糖黃菊】套餐不包飲品，加＄18就可選餐牌內任何一款冷熱飲品，我點了一杯『黑杞子蜜糖黃菊』，花茶色澤明潤鮮亮，味道清香，不會太甜，潤喉舒服。黑杞子有抗衰老、改變睡眠嘅功效，再加蜜糖和菊花，更可養肝明目，潤肺止咳，最適合經常熬夜的我。  以往和朋友吃素食多以中式齋菜為主，但原來西式煮法亦款式很多兼賣相精緻，食物美味得來又健康，

10月死亡月，又有mid term又要清assignment仲要有幾個dance show，真係chur到一個點，為左比自己忙裡偷閒，久唔久點都要食返餐好既慰勞自己，出到尖沙咀，見到2DP=2 decimal places（比喻餐廳既用心細心🤣）呢間幾得意既餐廳名，主打Tea、Veggie、Dessert，又係素食人士既主場🤤既然呢間係一間網紅店，咁緊係要試一試啦。隔離咁岩坐左一對基督徒情侶，趁佢地開聲祈禱謝飯果陣我都祈埋一份haha🙈不過佢地真係好sweet哂親我呢個小毒毒，禱文都滿有愛意😎～～～～～～～～～～～～～～～～～～～～～～蕃茄醬水牛芝士薄餅 Margherita Pizza $98薄餅皮好脆好香口🍕不過略嫌芝士唔夠多🧀蕃茄芝士一句都係好配搭黎，加上幾塊薄荷葉，凝造出層次既味道好味指數：4.0/5.0——————————————————————牛油果藜麥沙律配香芒油醋汁🥗 $82至從鍾意左食牛油果🥑好多時候一見到佢就會食佢，沙律既脆脆為沙律增添左格外既口感，香芒油醋汁都比較特別，加左係沙律入面酸酸甜甜既味道特別開胃好味指數：4.5/5.0——————————————————

同朋友喺尖沙咀食完晚飯之後意猶未盡於是嚟咗成條街都係餐廳嘅厚福街見到呢間2dp賣相唔錯 裝修清新 於是入咗去我哋每人叫咗一樣甜品：1）北海道牛乳刨冰 番薯芋頭芋圓芋圓質感幾好 好有咬口但係真係冇乜味北海道牛乳刨冰就好快溶 好碎牛奶味亦都唔夠濃2）鮮磨黑芝麻 奇亞豆香 湯圓呢個真係好難形容😂黑芝麻糊冇乜味 湯圓亦都係冇乜味所以成件事加埋就係唔知道做緊乜唔建議叫🙈係咪因為呢間餐廳主打素食所以啲嘢咁淡😂見到有人食窩夫 好似幾跪 下次應該會試埋鹹食 希望有驚喜😋不過整體來講價錢真係貴咗啲兩樣甜品加埋好似要150-180同一個價位附近其實有好多選擇😭

今日腸胃唔多好，要食清淡食素都可以，記得上次經過2dp，見到素牛漢堡仿真度極高，今晚正好嘗試。行入嚟店舖唔算細，白色做主色，感覺乾淨整齊。四款漢堡素牛餅底一樣，睇你想配甚麼，本身大啡菇周不時俾人用作素肉，烤大啡菇素牛漢堡等於雙層牛肉。食落知道完全改變食素的概念，以前覺得食素會好寡，素牛肉有質感，夾著黑椒汁味道豐富，配合芝士生菜大啡菇，真的一樣。另外的牛油果素三文魚他他非常清新，三文魚非常似，賣相漂亮。

情人節去厚福街揾食，今次就比哩間裝潢簡潔清新嘅素食cafe吸引！餐牌種類唔算話好多，勝在創新有驚喜！素牛漢堡伴薯條🍟素burger份量好大，伴碟有沙律同薯條，薯條係粗身個隻，炸得好脆但唔油。burger實在有番咁上下份量，一路食一路另一邊掉緊啲菜出黎😂素牛肉漢堡扒都唔會太乾，好厚身。加上burger中間夾住塊脆片，令整體嘅口感更加豐富。火龍果紅茶乳酪飲品方面嗌左火龍果紅茶乳酪。之前未試過火龍果嘅飲品，都抱住試伏嘅心態，點知佢哩杯火龍果係用紅肉個種，比白肉嘅甜同香，類似火龍果沙冰撞埋乳酪，好清新好清甜！至於茶味就無咩，下次黎都會想encore!

平時聽過朋友介紹呢間餐廳嘅素食不錯，所以就約好朋友一齊過嚟試吓個晚餐。一入門口就見到簡約嘅裝飾，環境上令人覺得好舒服。而且枱與枱之間都有很多的空間，不會太擠迫。打開餐牌才發現原來呢間餐廳主打係素食同埋甜品，所以叫咗唔同嘅嘢食去試吓。因為係兩個人嘅份量，所以叫咗一個前菜- 雜菜蟹餅蝦餅入邊再加埋少少磨菇粒，配上佢哋自家製嘅醬料，有啲似沙律醬，不過食落又唔會太肥膩，炸得啱啱好。跟住叫咗兩個主菜：牛肝菌意式大麥飯同埋意式素意大利薄餅。牛肝菌意式大麥飯係用煲仔飯嘅煲去上菜，令佢保持溫度，牛肝菌嘅醬料非常濃厚，而且配上大麥飯，令到成個菜式非常趙口，增加飽滿度。至於另一樣主菜：意式素意大利薄餅，雖然成個薄餅上都冇肉，但係有好多粟米、蕃茄、火箭菜去襯托，所以食兩三舊已經夠飽，而且賣相亦非常吸引。最後叫埋嘢飲，試咗呢杯火龍果紅茶乳酪，呢杯乳酪非常之驚喜，火龍果肉同埋乳酪嘅比例啱啱好，飲得出係好新鮮嘅火龍果，而且唔多糖，10分推介呢本野飲！由於食完以上嘅嘢食之後我同朋友都已經好飽，所以我哋都冇再叫甜品，不過總括來講，呢間餐廳嘅素食都非常出色，下次一定會再試吓個甜品！

2DP密瓜刨冰係外面睇到個牌，已經覺得好吸引，同好貴。睇真啲價錢都真係幾貴。不過佢係用原個密瓜，整出黎，超好味，密瓜好夠甜。啲冰都好綿，係牛奶冰黎，所以唔會唔夠味，而且冇低消，幾個朋友share都ok。環境食物都靚，好岩打卡。

職員佢哋話轉新餐牌，叫我地比下意見，所以我選擇喺openrice給他意見，等全世界都睇到。因為我係第一次嚟， 所以無論佢係咪轉新餐牌，對我來來說都是新嘗試。味道不錯， 樣貌非常靚，打卡一流， 在上亦有很多年輕人試，但份量真的太細。。。 而且價錢非常貴。這職員不太熟悉菜式的內容是什麼， 我問他那個汁是淋上面還是點的? 只能夠支吾以對。🙄🙄我們今次五個人， 平均消費差不多200蚊一位， 但大家時食唔飽的， 等陣要再搵下有冇其他小食。因為很多人訂位， 而我們又臨時才訂位的關係， 只有一個小時的時間進食，有少少趕。

因想在上堂前食點輕食，就揀了此間2DP ，我們兩個人，就只選了3款一起分享。雜菜蟹餅（$68）這個是賣相似蟹餅但實質是沒有蟹肉的蟹餅，原則上是由雜菌和亞麻籽組成，還有辣蛋黃醬放在上面，食之前最好滴上檸檬汁，減少油膩的感覺。芝士香草焗蘑菇（$58）小小蘑菇賣相很可愛，配上自家製的香草醬，味道略為偏淡。鮮磨腰果露、豆香、湯丸（$62）鮮磨腰果露夾雜著豆腐花，還有奇亞籽，口感很豐富，湯丸又夠煙韌，一定記住要蘸上多些周邊的芝麻，就更加好味。我們原本打算要蜜瓜碗-北海道牛乳刨冰，但今晚的天氣卻有點寒冷，所以我們已經決定下次上堂前一定要嘗試。

放工後約了朋友到尖咀吃飯，行到厚福街見這間餐廳環境不錯，而且網上評價幾好，就入内一試。Menu 印刷精美，賣相很吸引。打開餐牌就可以知道餐廳主打創意素食fusion 菜，款色亦多，有burger, pasta, pizza, 當然還有我最喜愛的甜品啦牛肝菌意式大麥飯 $118這是餐牌上唯一一個飯，我們就點了試一試。上枱熱辣辣，打開蓋，菌香，芝士味樸鼻而來。大麥飯口感特別，粒粒分明，有咬口。黑糖紅棗桃膠燴原個雪梨 $78這個甜品賣相精緻，很滋補，很足料，有雪耳，紅棗，杞子，啖啖桃膠，加上含豐富維他命和礦物質的黑糖，健康又養生，女士至愛。是日消費每人一百元左右。

<2dp西餐甜品一樣好味>厚福街係一條 tst好細但又好多野食既街 . 通常轉手好快 要好味先可以留低😃 呢間2dp間中我經過都見到大排長龍 因為佢無論西餐同中西式甜品都有 種類多就啱哂香港人👍🏻而我較早前試過佢個麥瓜冰 十分好味 😍見佢甘耐都䇄立不倒 決定再幫襯😙🍴水蜜桃窩夫 伴普洱朱古力意大利雪糕 98 蚊🍦外表好靚既窩夫 香脆既窩夫 入面密度高足足三塊都幾飽 🙂上面有 d 水蜜糖醬更添美味🍑中間有香滑既 cream脆杏仁 同蜜糖漿點綴🍯連側邊既生果都夠新鮮 用焦糖燒到有 d脆邊 夠哂心機 最正係佢個雪糕 食落茶味豐富 ☕後續有香濃朱古力味 🍫 好正 推介🍴蕃薯 芋圓 北海道牛乳刨冰 82 蚊❄🍡泡冰既冰好碎好滑 入口即溶 好欣賞佢個糖水底 牛乳味香濃 甜度適中 🍦d牛乳🥛同刨冰合埋一齊 夠哂香甜 芋圓 有蕃薯同紫薯 比較硬 如果煙靭 d更好 整體都唔錯🍡#甜品 #窩夫 #刨冰 #芋圓Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value

真無完全唔明點解間野有甘多好評！因為真係極級唔掂，唔掂嘅程度，係難食到隔離枱都忍唔住問你係咪覺得好難食！！可想而知係差到一個點無辦法接受。伏到爆...... 餐牌內嘅圖片的確好似好靚，價錢貴，但同品質出入好大差別。嗌咗兩個甜品，先上一個士多啤梨窩夫窩夫唔脆‘林’嘅，唔香只係好普通質素，雪糕正常，水果淡極品黎啦...另一個 ‘老薑蕃薯奶露•芋圓桃膠’餐牌話係熱食，黎到竟然比室溫還要低，蕃薯蓉比黑芝麻搶哂味，奶露芋圓桃膠完全係無味，小小甜味都無！附上嘅薑汁一樣無味，唔辣唔甜，所謂嘅甜品係feel唔到有糖嘅成份成個配搭九唔搭八，無樣野係match。真係想像唔到發明尼個甜品嘅功臣，其實知唔知咩叫甜品，仲要賣得唔平！最後好浪費只係好勉強食咗兩三啖，就放棄！食到最後，仲要廁所漏水漏到出鋪面，唔提醒食客要小心D，直到水浸到係腳下先發現，食客急急走。服務方面，缺乏應變能力！ 總括而言，食物質素好差，見到枱枱都食淨，食客反映難食不特止，真係好想向排緊隊嘅人講：千奇唔好入黎！無心去做食物嘅餐廳，無必要再俾機會......可一不可再。 食評唔可以盡信，真難食定假難食，盡管唔信就試試。

呢排食得有啲油膩諗住去食素中和下，見到呢間咁多人讚都想試左好耐機緣巧合下就試吓啦。入到去冇乜人唔使點等位，坐得都叫舒服。我同朋友叫左牛肝菌意式大麥飯，雜菜蟹餅同埋菠菜芝士西蘭花米型意粉。蟹餅: 個蛋黃醬幾香口唔會好辣，而且又唔會好多，感覺冇咁有罪惡感但係好似炸得有啲過火。菠菜米意粉:成餐飯最好食。第一次食呢一類型嘅意粉感覺好特別好似risotto。個醬汁做得幾好，唔會話好重芝士味感覺好膩，西蘭花配埋呢一個sauce係好食嘅，非常飽肚。牛肝菌麥飯:用煲仔形式上幾有趣。牛肝菌嘅份量都夠嘅但係個味道就唔夠出。而其他調味嘅配料就好香，令到成個麥飯粒粒都充滿着香濃嘅香草味不過個大麥飯有啲咬口所以好快飽。整體來講啲嘢食嘅醬汁會比較濃郁，而且份量都好夠，但係如果呢一個價錢配食物質素就好似差一啲。下次未必會再嚟寧願去試吓其他新野。