2DP (已結業)

情人節去厚福街揾食，今次就比哩間裝潢簡潔清新嘅素食cafe吸引！餐牌種類唔算話好多，勝在創新有驚喜！素牛漢堡伴薯條🍟素burger份量好大，伴碟有沙律同薯條，薯條係粗身個隻，炸得好脆但唔油。burger實在有番咁上下份量，一路食一路另一邊掉緊啲菜出黎😂素牛肉漢堡扒都唔會太乾，好厚身。加上burger中間夾住塊脆片，令整體嘅口感更加豐富。火龍果紅茶乳酪飲品方面嗌左火龍果紅茶乳酪。之前未試過火龍果嘅飲品，都抱住試伏嘅心態，點知佢哩杯火龍果係用紅肉個種，比白肉嘅甜同香，類似火龍果沙冰撞埋乳酪，好清新好清甜！至於茶味就無咩，下次黎都會想encore!