2DP (已結業)

之前已經嚟食過佢嘅蜜瓜牛奶冰，蜜瓜鮮甜，牛奶夠香，所以一場黎到，當然要再encore。第二次嚟，覺得佢Menu多咗好多食物嘅選擇，加上同朋友未食晚餐，所以就試吓佢嘅南瓜飯啦。完全冇諗過佢係原隻南瓜上，造型已經贏咗。味道方面，南瓜好綿好鮮甜，配埋啲飯勁香，完全冇諗過素食都可以咁好味。同朋友中試咗佢嘅番薯芋圓鐵觀音冰，個冰有好濃郁嘅茶味，配埋芝麻粒同番薯茸，好甘香！但芋圓比較林，我自己鍾意食彈牙啲。當晚去食，仲有意外驚喜，就係見到有明星都黎捧場，哈哈。

年廿九阿媽請食飯，阿媽出雞我出豉油，於是團年飯後帶一家去食甜品！尖沙咀厚福街一向出名多餐廳美食，當中有間甜品店筆者行過必食的……可惜這間甜品店年廿九已經休息，唯有甫入附近另一間有素食、茶及甜品店。餐廳名叫【2DP】一個非常特別的名字。 【2DP】 是2 decimal places 的簡寫，解釋為數學上2個小數位的精準，代表店主對食物的認真與執著。餐廳以素食、茶及甜品作招徠。餐廳佈置簡潔，但用上不少茶具作擺設。另外Menu 的頭幾頁都是與茶葉有關，可以看到店主對茶有要求。不過筆者為的不是來品茶而來……不過筆者為的是甜品，不是茶。甜品選擇有不少選擇，但賣點不是傳統中式甜品或西式蛋糕。另外有些秋冬滋潤甜品。【牛油果觀音兵 $88】用上瓦煲呈上，賣相特別。不過裡面放入原個切片牛油果及淺啡色冰，賣相不大討好。以為觀音茶加牛奶嘅獨製冰底，入口原來係芝麻味，味道比牛奶冰重，味道比較特別。不是芝麻味蓋過牛油果的味道同時蓋過觀音茶的回甘味，只留下牛油果Creamy口感。【蜜瓜農場牛乳刨冰$108】蜜瓜起肉造成球狀，每粒大小一樣再砌成一個小山，賣相吸引。Menu 上蜜瓜是紅肉，實物就變成綠色。其實用原個

聽說尖沙咀有餐廳是吃素食，今天帶埋朋友仔過黎食，試下佢同肉有咩唔同。首先點左一個餐廳新出的南瓜忌廉大麥飯，這個南瓜忌廉大麥飯的南瓜殼是來自日本而內裡的南瓜蓉側是本土南瓜，加上佢有芝士，令到成個菜式好有芝士及南瓜的香味另外，佢既大麥飯都係重點，餐廳自己餚既上湯去煮的，十分入味。之後，叫左烤菠蘿素牛漢堡配燒烤醬同50/50 蕃茄自家製水牛芝士薄餅，我想覺個感覺好得意，佢有少少肉的質感，但食落又唔係肉黎。如果同肉食黎比，我覺得素食仲整得好味Ｄ！呢到令到我對素食有改觀，一直以為素食既料理係一碟野亂炒，估唔到佢地賣相同味道同我想像中差咁遠！

行街食飽飽 朋友想有下場繼續吹水 唔打唔撞黎到厚福街 發現呢間素菜餐廳 🍴 門口睇完menu決定同朋友入去一試究竟刨冰🍧係我地今次的目的 被店員安排入內的bar枱位置 架隔有自助拎水 有熱有凍 非常細心 menu上的正餐都十分吸引 眼見其他客人食南瓜🎃燕麥飯 食到好滋味 下次都要留肚試試 牛油果刨冰係最特別的 但我地選擇左蜜瓜 其實西瓜都好想食 但太大碗了 2個人吃一碗都有難度蜜瓜碗 北海道牛乳刨冰🍧 $108 同照片上的橙肉不同 呢個係綠肉蜜瓜拍完之後急不及待吃一口 刨冰是用牛奶打成 有濃濃的牛奶🥛味 再配上蜜瓜 鮮甜的蜜瓜 令到同牛奶相得益彰實在難以忘懷 蜜瓜數量多 清新的感覺 絕對不甜不膩 可以令人一口接一口 朋友仲掘埋個蜜瓜碗的肉食 完全唔浪費呀

✴️2DP | #尖沙咀 .🥗厚福街新派素食 以茶入饌 🍵尖沙咀做完瑜珈 素食同學帶我黎呢間素食cafe 晚餐時段好多人 估不到好多男士都中意食素 🍔素burger係人氣之一 店內走簡約清新風 餐枱以木為主調 燈光鮮明。有不小二人和四人枱 ，中意有多啲空間傾訴 好似我咁坐吧枱也不錯。Menu 選擇很多 而且仔細咁寫明材料。 有不少選擇，小食意粉沙律飯等。 有多國菜式，泰日韓西式😋今日消耗太多能量 試一下新出的原個南瓜忌廉大麥飯 😋 賣相好別緻 炸天使麵鬆脆 芝士和忌廉香氣撲鼻 大麥有咬口 非常裹腹 配撘內裡的南瓜肉 中和了忌廉的膩👍🏻有心思 又靚 .韓國泡菜卡邦尼意粉 係近年不少餐廳的新寵 而我又中意辣 今次呢碟更特別 因為用了素火腿 意粉彈牙 微辣👏🏻.餐廳有不少茶的品種 撘配不同材料 製作成特色飲品 桂花烏龍加黑糖珍珠 甜度自由調節 桂花清香後勁淡淡紅茶甘 ☺️ 玫瑰花白茶香檳 有氣茶有趣 但偏甜.🔶原個南瓜飯 $138🔶韓國泡菜卡邦尼意粉 $78

今日同朋友放工後相約喺尖沙咀嘗試一間佢推介嘅新派素食餐廳！地鐵站行過去非常方便，5分鐘唔使！朋友說他是近來身體有點差可能關乎近來常食肉，她想試一試究竟吃素有沒有幫助😝😝打開餐牌其實都有好多選擇，唔係好似傳統素食咁沉悶，比較偏西式！除咗有飯，麵，亦有漢堡選擇，最驚喜係竟然有all day breakfast 😂😂因為午飯食得太飽所以我選擇咗一款沙律，朋友選擇咗南瓜飯。首先牛油果羽衣甘藍沙律，材料非常豐富及新鮮，有牛油果，藜麥，羽衣甘藍及車厘茄，果仁好脆好香口，醬汁亦教得好好味，酸酸甜甜非常醒胃！然後南瓜飯送到，賣相非常吸引，有整個南瓜，入邊裝了滿滿的大麥飯，熱辣辣香噴噴！南瓜十分鮮甜，煮得剛剛好，不會太硬！大麥飯煙煙韌韌，比risotto容易入口! 雖然沒有肉類，但其實食食下，都幾飽！

呢間甜品店近H8個邊，食完晚飯就可以黎呢到一嘗佢地嘅甜品我地叫左個蜜瓜碗 北海道牛乳刨冰 $108啲冰好有牛乳味，入口即溶，超級好食哈蜜瓜更係甜到入心，而且份量好多雖然價值略貴，但質素超高，完全唔同層次而且份量多，同朋友仔share食都好夠食完真係大滿足好推介黎呢度食刨冰，真係會一試難忘而且呢度環境都好靚，好文青咁，都係好適合姐妹們飯後二次聚會嘅地方

好評係買返黎嗎？垃圾之中嘅垃圾張枱癡立立 應該都冇抹過枱虛有其表 好後悔俾裝修吸引左入去得樽裝茶稍為正常少少整嘅嘢食同飲品都好冇誠意求求期期敷衍了事餐牌上嘅名好似特色 其實不外如是出面一間餐廳都一定整得比呢間好南瓜飯真係好難食睇到都唔開胃 好似一團嘔吐物呢杯mojito剩係得酸味一啲茶味都冇完全唔知飲緊啲咩就連棵薄荷葉都係攞嚟裝飾一啲薄荷味都冇好懷疑沖嗰個人有冇飲過真正嘅mojito飲左兩啖已經唔想繼續飲之後呢杯柚子香檳茶得微量柚子味 黎到已經冇晒氣 又無糖似飲緊無糖柚子水咁好懷疑呢間餐廳係用梳打水代替香檳嚟整飲可樂都會開心啲伏野試一次都厭多😟真係唔值呢個價

包子的夫君一向是食肉獸，但新年過後直到現在，包子和夫君每一餐都是吃肉，包子也吃滯了。 所以今晚包子提議與夫君去食素菜，夫君一向都不喜歡素食，因為一般素食都是多獻汁和他吃完之後，通常一兩小時就會肚餓。 但是包子一意孤行，決定與夫君去這間西式素食餐廳進晚餐。😎😎這次點了牛油果羽衣甘藍沙律、冬蔭功蒟蒻麵和南瓜燴飯。🥑🥬🍝🥢牛油果羽衣甘藍沙律🥗的材料新鮮, 有羽衣甘藍、小量沙律菜、牛油果和堅果。 值得一提的是堅果十分脆口。沙律汁則上了橙油醋汁，令到沙律份外清新，十分醒胃！👍🏻🥢冬陰功蒟蒻麵🍝，入面有豆腐乾，茹及金不換！冬陰功汁不像一般在泰國餐廳吃到的那般酸、那麼辣，味道適中。加上蒟蒻做麵絕對適合gluten-free diet人士。🥢南瓜飯是這裏的招牌菜，這個相當有驚喜😍，賣相已非常吸引，不惜工本用上整個南瓜，本身以為南瓜燴飯會用上普通白飯，但是這裏用大麥做飯，就算用上忌廉和南瓜肉烹調，之後盛載在南瓜內，飯也不會太糊，保持住口感。 這裏還用上了露筍來煮飯， 加上南瓜肉，令本身用忌廉煮的大麥飯，吃的時候也不會太膩。大讚！😬————————————————————————🍨🍧至於甜品，我們點了黑糖

今晚約左朋友仔係尖沙咀飲野，所以就近近地係附近搵少少野食。咁岩係藍馬商業大廈飲野，就見到地下有間食素食既餐廳，諗住食少少野就上去RELAX下!入到去，同以往我見到的素食餐廳感覺十分唔同。呢到好靚，裝潢亦好時尚！首先點左個南瓜忌廉大麥飯，呢個係餐廳新推出的！一上菜，就已經聞到好香的芝士及南瓜味！它的殼是來自日本的，而裡面的南瓜蓉是本地南瓜。最特別的是，它用的是大麥飯，是餐廳特別用上湯淆的，夠哂入味！另外，點了50/50 蕃茄自家製水牛芝士薄餅，沒有試過素版的薄餅，感覺好新鮮，不知道為什麼我會覺得這個比肉食的薄餅更好吃！再加左個沙律，令到今餐感覺好健康！

某個星期日同朋友2位黎食，都係睇呢度評價幾好先決定去既，當然最後係失望我同朋友一點四十幾分到餐廳門口，入面得返幾枱客，大把位可以坐，一入去就有個男侍應(?)係度執緊其中一張枱（嗰枱客人未走），我地一入去佢抬頭望一望，然後繼續執枱，跟住我先留意到成間餐廳得返佢一個樓面，3個人係水吧。然後佢執緊既嗰枱客起身去埋單，佢就跟埋去埋單，收銀係係門口既，佢嗰時又望左我地一眼，無反應咁你執緊枱無問題架，你忙住收錢係ok，但你既然見到我地2個客企係度等，你起碼招乎一聲然後話「等等」都可以啩？完全無好喇，佢終於望實我地喇，咁我地都好識做話2位，佢其實係一句說話都無講自己行左去，咁我地就跟住佢啦，然後佢帶我地坐係高枱嗰邊，我見到隔離有張4人枱，就問佢可唔可以坐4人枱，然後佢答「嗰張係4人枱黎架喎」？？？？然後繼續抹枱？？？？咁既態度？？？非常好啦，即時無下次，但我朋友話反正都坐低左，不如嗌野食，可能好好味呢 😊事實係極之普通既味道，加埋呢個態度，真係要俾差評架呢碟意粉口感幾特別，好似食緊飯粒咁，雖然佢係綠色，但係忌廉汁黎架😊呢個牛肉漢堡極之難食，佢個牛肉超乾，係完全係可以一粒粒咁分開，又無乜醬，我地食左一

尖沙咀食完Dinner想搵下甜品食見到2DP好多人排隊 應該會好食的朋友又唔介意排下對傾下偈咁就決定去食啦食前食後都Keep住都有好多人排隊不過條隊都去得好快見到好多人都食蜜瓜北海道牛乳刨冰不過好似好大個 驚食唔曬就叫咗個芭菲餐廳裝修簡約清新 今日入面太多人會有啲嘈🍧士多啤梨紅茶芭菲 $82芭菲上面係普洱朱古力意大利雪糕🍨 味道好特別茶味唔會太搶 中間有啲士多啤梨🍓同窩夫最下面有椰果好豐富 食完好滿足😋10% Service Charge💰

今日同兩位美媽媽tea，所以黎咗呢間健康又養顏嘅2DP試試😋呢度主打西式素食+養生甜品，我地3個人食左8樣野呀😋 我本身有濕疹，所以少食海鮮，不過係呢度就可以盡情食啦，因為全部都係偽海鮮，而且全部食材養生又養顏，賣相同味道完全唔似素食，所以食咗都唔怕敏感同有罪惡感啦😆 我地點咗海葡萄無花果沙拉，牛油果沙拉，素肉醬意粉🍝，All day breakfast ，炸🐟薯條🍟，綠茶壺拼盤，雪燕燉蛋白，蕃薯雪蓮佐芋圓 ，仲有杯Rose latte ☕️ 好滿足呀

飯後食甜品是常識吧! 經過厚福街見到呢間2DP店外排滿長長嘅人龍再加埋門面鮮明時尚嘅裝潢更顯得呢間甜品店出色嘅一面。排了大概二十分鐘左右, 便急不及待品嚐佢嘅意大利gelato雪糕waffle及各類甜品。基本上外面排隊的人龍只有增無減, 好厲害喔!水蜜桃窩夫伴普洱朱古力意大利雪糕 gelato Peach Waffle $98Gelato雪糕一直係我至愛, 加上朱古力囗味簡直係完美。Waffle好香甜軟口, 再配蜜糖水蜜桃, 果香夾普洱朱古力雪糕好匹配。蕃薯芋圓北海道牛乳刨冰 Sweet Potato Taro Balls  Shaved Ice $82牛乳融入幼細嘅刨冰好柔滑, 入口即溶。蕃薯香甜芋圓好有口感。真可稱得上軟硬兼施。

尖沙咀一向好多野食你一日早左放工嚟厚福街搵嘢食因為得一個人所以都搵左好耐見到呢間有甜品食我見裝修好靚就入咗去帶咗一個蜜瓜冰本身我以為細細個點知原來佢係成個蜜瓜整成一個刨冰蜜瓜超級甜又消暑啲蜜瓜波波布滿晒成個刨冰面但啲冰入邊冇糖水搞到有啲淡我諗兩三個人食就最啱啦因為我坐旁邊係牆上面仲有USB叉電位一個人食都無問題我見間餐廳仲有其他嘢食下一次都可以去試吓同埋餐廳嘅服務都幾好因為一入去嘅時候我都冇話想食咩叫佢哋主動介紹都有介紹