1988 (已結業)

今日朋友👫約食飯，帶我去食泰國🇹🇭野。佢之前食過，話個豬手飯🐷✋🏻🍚好食。咁我當然要試下啦！😋於是，我order了「泰式無骨滷水豬手飯」，($88)餐牌上最貴的一個餐。🧐豬手滷至深啡色，帶有骨膠嘅皮好好味，好淋好有口感，就算要戒口，都會忍唔住食幾舊🙈🙈🙈。滷水豬手份量都幾多，個飯有一份菜係中間，份量都不少，可以balance一d，無咁膩之餘，都健康d。仲有泰式辣汁，酸酸甜甜，開胃d。本身想叫泰式咖啡☕️試下，不過個Waiter🤵🏽提醒會比較甜，所以最後無試到。不過，我要讚👍🏻👍🏻👍🏻佢，起碼佢會提醒d客，唔係我叫咗，又覺得唔好飲🤦🏽‍♂️。

嘗試訂座3次都未能成功，所以今次早近2星期訂位，終於成功!!工廈深深處，鋪頭細細，高朋滿座。冬陰公食泰國菜必點，湯料有3大隻大頭蝦，蝦頭好多蝦膏，小蕃茄，秀珍菇分量很充足，略嫌湯不夠熱，只屬暖。大蝦炒金邊粉金邊粉炒得唔油膩，微辣甜甜地，好惹味，有5隻蝦球，推介!黃咖喱牛腩咖喱唔辣，想吃火辣的應該要失望了。牛腩出奇地唸，用一支叉已可以輕易將牛腩一分為二，咖喱入面既薯仔同洋蔥份量很多，不過略嫌唔夠熱。薄餅+蒜蓉包叫得咖喱當然唔可以浪費咖喱汁，所以叫左份薄餅同蒜蓉包，可惜薄餅竟然係焗酥皮，厚脹難吸收咖喱汁，好容易粉碎。蒜蓉包唔點咖喱就咁食已經好咸，食落覺得蒜蓉本身加入鼓油既，咸到不想喇第二塊。總捨而言食物質素唔錯，但略嫌唔夠熱。環境方面店舖光猛，員工友善，但由於店舖較細，有食客講野大聲回音大，就比較嘈了。

適逢我嘅生日，我自己揀咗呢間餐廳同朋友一齊食餐飯。諗起想食泰國嘢但係又唔想去九龍城坐得唔舒服，就搵到呢間泰國餐廳。一早訂咗位，嚟到嘅時候見到外邊有條好長嘅人龍都嚇親不過條人龍都清得好快。食客都係一家大細多，每張枱都唔算太細不過枱與枱之間就有少少迫。間餐廳裝修都有心事，杯杯碟碟都幾靚。服務來講，侍應都算殷勤不過就唔夠醒目，水同紙巾都要提先會俾你。可能係人手不足嘅問題，但禮貌都好好嘅。值得一睇嘅會係佢係免開瓶費。嘢食來講質素算中上，嘢食偏鹹同埋濃味不過泰國嘢都係咁。你話佢係咪好地道，我就話唔係，不過都幾好食。個蒜蓉包同埋生菜肉碎好好食。嘢食賣相唔錯不過唯一要投訴嘅地方係唔夠熱，可能係本身碗碟大同埋個地方大冷氣，令到一分啲嘢食嘅時候啲嘢食好快變凍。一家大細如果係觀塘出沒都可以試吓。

1，食過幾次，特別想讚紅咖喱燒鴨配白飯：雖然餐牌上寫明辣度是半隻辣椒，但閃我覺得這碟咖喱其實不辣，是偏甜那種，汁料很足料，有菠蘿、車厘茄，甚至有荔枝，好適合我這種喜歡以生果入饌的人，好想介紹「幽默大師2014」來試試，食落喉嚨真係好舒服！（真心）燒鴨大件厚肉，啖啖肉又沒有骨，蘸著咖喱汁配白飯，味道好夾，好好味啊。希望1988可以安排紅咖喱燒鴨多點出場，我試過晚市想食，點知原來唔係成日有，如果該星期午市餐牌有呢味，晚市先會有...2，蠔杯都好好味，不過原來而家要預訂先有，又食唔到要等下次3，海南雞好滑滑，真正sir滑雞4，清邁雞腳好耐冇出現喺午市餐牌，是咪已經唔再整？好懷念啊5，雞翼鹹咗啲

觀塘越來越多隱世美食隱藏在工廈裡今次找到了間挺好味泰菜😋泰菜裝潢一反傳統，全以白色調打造典雅感覺🍃中間還擺放著美美的大型綠色盤栽🌴以作間隔用----------------🐶冬蔭公($88) 紅噹噹的湯頭，濃郁惹味，一碗湯已放入四隻大蝦，足見份量冬蔭公夠晒香，帶少少辣，酸酸辣辣，叫人開胃🐶泰式燒豬頸肉($56) 豬頸肉肥瘦適中，配以店舖秘製帶少辣的汁，不會過膩，有水準🐶焗蒜蓉法包($48/5件) 即叫即爆的法包，蒜蓉鋪滿法包，包身超香脆，蒜蓉味濃，超惹味配上青咖哩，香脆鬆軟的法包味道一流！🐶青咖哩雞($88) 咖哩不會太辣，但夠晒香，椰香味重，雞件嫩口，加上配雜菜，不錯不過如果咖哩能更稠身口感更佳🐶蜜糖撻配新鮮西柚啫喱($38) 擺碟好靚，呢個撻算幾創新，蜂巢做餡，口感比較硬身，但味道挺新鮮伴以西柚啫喱，酸甜令人覺得好清新------------------餐廳是工廈中質素幾高💯，泰菜亦夠精緻，價錢又相宜‼️餐廳格局擺位好靚😍，慶祝朋友生日是不錯的選擇

呢間係工廈入面既泰國菜我已經黎過幾次，入面係cafe既寧靜環境，但有正宗既泰國菜食，而且價錢又唔貴，不過樓下入口既位置有少少隱蔽。沙嗲雞肉($56)，首先叫返個串燒先，有豬或雞肉揀，我揀左雞肉，肉嫩香口，配埋沙嗲醬更惹味。小食拼盤($76)，有三款小食係蝦餅、春卷同泰國雞棗，三款都香脆可口，蝦餅夠彈牙鮮味，春卷係雜菜餡食落比較清新爽口，雞棗就有點似雞肉丸咁。黃咖哩牛腩($88)，上面加左椰漿，味道非常香濃，牛腩燜到好淋又入味，叫左個薄餅點黎食好正。蝦醬炒飯($88)，飯粒炒到粒粒分明夠乾身，味道香濃唔會過鹹，仲有好多配料如青芒絲、泰式香腸、肉鬆、蛋絲。

餐廳引入自然光, 感覺份外舒適。午市套餐包主菜和飲品, 價格合理, 可選擇加配小食和甜品。青咖喱雜菜配白飯 + 泰式奶茶 $68 - 優惠券 $6青咖喱汁充滿椰香, 辣辣地好惹味, 完全勾起食慾。白飯甚有咬口, 伴上青咖喱汁, 一碗似乎不夠。雜菜有南瓜, 泰國迷你圓茄, 西蘭花, 椰菜花, 豆角等。泰國迷你圓茄實淨, 南瓜煮得香口, 兩者不會煮得過軟。西蘭花及椰菜花為健康蔬菜, 配上爽口豆角, 令人回味。蜜糖撻配新鮮西柚啫喱 $15西柚啫喱的酸帶來清新感。蜜糖撻甜而不膩, 沾上蜜糖感覺甜蜜, 很想encore。

1988 - 工廈中的泰好味隱世的工廈泰式菜，純白色的牆身，淺木色的圓桌，深木色的椅子，一棵棵綠色的植物，牆上掛著芭蕉葉、香蕉葉的畫框，清新度假黎的感覺。青芒沙律開胃的沙律，爽口的青芒果切成絲，加上蕃茄、辣椒，加上花生增加口感，醬汁酸酸微辣的。沙嗲雞肉豬肉串燒雞肉燒烤得剛剛好，肉質非常嫩滑多肉汁，而豬肉是有用香茅餣製，烤好後香味濃烈，配上惹味的沙嗲醬配合得很。鮮蝦炒金邊粉海量多的大蝦，金邊粉炒得一點也不乾，濕濕的帶蕃茄的味道，加上青懧汁、花生碎、蝦乾、豆腐乾、青蔥、蛋花，非常正宗地道的。菠蘿炒飯有別於平常吃有原個菠蘿盛著的炒飯，菠蘿化作菠蘿粒混入在炒飯中，菠蘿是新鮮切粒的，炒飯底像星洲炒米的味道，加上提子乾、雜豆、蕃茄粒、青瓜片、肉鬆和腰果，菠蘿和提子乾的果甜，肉鬆的底甜、蕃茄粒的酸、雜豆的口感和腰果的脆，炒飯粒粒分明。

一般，一定要訂位，位置好隔涉，好難搵，檸檬塔一般，個底超硬⋯青咖哩汁又係一般，生牛肉湯麵普通。柚子茶太澀味，全部野冇食哂😖失望而回，不再來第二次～～因為評價而來，第一次來的時候好多位置咭， 平日去佢話要book先至有位~所以好期望佢應該好食⋯所以今次下晝去，3:00前可去～間野去2次員工都串串地所以以為一定好食啦諗住啲嘢食唔好食甜品一定好食啦。，食完之後跑左去第二度再食甜品。可能因為價錢唔貴所以多人去食掛？

誤打誤撞入佐黎依間餐廳先知道，原來係食泰國菜既(因為原先係諗住食隔離😂，劇透！）一入座，店員安排佐我地坐係角落位。成間店唔係好大，但都感受到有用心去佈置，環境絕對適合聚餐。星期三晚都已經坐爆晒，店員仲同我地講當晚係full booking😳.黃咖哩牛腩 $88 + 薄餅 $48份量好足，牛腩整得好林岩岩好，咖哩同薄餅都有陣陣既椰奶香，但略嫌有啲偏鹹。.鮮蝦炒金邊粉 $88份量都幾大碟，仲會見到有好多香料去襯托依碟金邊粉，都有放啲花生碎係碟邊，可以比客人按不同喜好去加，不過味道有啲淡。.泰式凍奶茶 $26差不多次次食泰菜都必點，好飲😚 好香滑好有泰式茶味 （不過唔好甜既可能會嫌甜，但對於我黎講就好正🤤）.總結，絕對係聚餐既一個好地方，好舒適去傾計聚舊既感覺，不過建議大家都可以book定位先😆。泰菜都係適合多啲人食可以試多啲🙈，因為依間偏主食種類多，麵類較少，得兩個人好難選擇😕所以我都會想再約朋友試下其他菜式😙 而且除佐環境，擺盤睇得出都好有心機。店員服務態度都好好，不時都有幫我地加水👍🏻

一坐低打開Menu當然係海南雞飯最吸引😍終於唔使經歷一場選擇困難症既折磨就可以下定決心Order了😃Menu寫海南雞飯(油/白飯)我Order既時候叫左油飯，同事Order既時候就無特別specify要油飯，點知最後係每人各一碟油白飯mixed😂👍兩樣都可以試晒太好了，飯有獨特的甘香，幾特別。至於雞都幾夠滑，配搭埋個醬係幾好味😋至於飲品都幾多選擇，特別d有洛神花茶都唔使另外加錢，天氣乾燥所以我就揀左潤喉既熱檸蜜，有好香既蜜糖味，混入鮮榨檸檬汁，酸得黎帶甜，甜得黎帶香，好補充到Vitamin C既感覺😄見到旁邊第二枱既凍飲似乎都製作得幾用心，賣相幾吸引，下次要再試先得，今次要讚一句有誠意，值得一試👍💕

1988係我最喜愛既泰國餐廳之一，去前記住要book位，免得摸門訂！Whatsapp左餐廳負責人訂枱，隨即佢就會發出menu比你，仲有得pre-order!👍叫左炭燒豬頸肉飯：超多豬頸肉！足足有十幾塊！多到食唔哂😂而且豬頸肉燒得好香，爽口又不會太肥，配埋醬汁食少少辣超惹味！建議青瓜可以多番少少refreshing 啲。凍西柚茶：茶底好香好濃味，大大的一杯又不用加錢超抵👍有一片西柚係面，酸酸甜甜好解渴。

尋味觀塘，終於搵到間值得一再幫襯既fusion 泰菜啦lunch time 多數都滿座，所以早有準備訂左位啦！餐廳以簡約白色為主幾光猛，有不少綠色植物作佈置，令人有放鬆既舒適感覺。泰式無骨滷水豬手飯既肉質超軟腍，皮肉分離，加上秘制滷水汁，非常入味配合酸甜酸辣醬，開胃到一啖接一啖咁食落去跟餐揀左西柚梳打竟然唔使加錢，好抵一大舊西柚置頂，感覺好fresh！酸酸甜甜，清涼解渴！香茅汁魚柳配白飯味道雖無豬手般濃味，白汁嗅落充滿香茅味，與炸魚塊出奇地夾，味道也不錯！唯獨凍檸茶既茶底偏甜，似係沿用泰式奶茶既茶底，略嫌一般。

黃咖喱牛腩飯🍛（$78) 咖喱味濃而不辣。牛腩炆得好淋，但薯仔🥔太生唔夠入味。不過我成碗掃曬😏因為個咖喱汁好好香好好食❣️.西柚西柚梳打,有一大舊西柚肉係入面，好fresh😌中和咖喱油膩感😝✨必點泰式炸蝦餅🍤 （$28/2件）彈牙新鮮炸蝦餅，脆脆外層蝦餅炸得啱啱好，令人食指大動👍🏻泰式海南雞飯($78) 雞肉嫩滑而皮薄, 油飯油而不膩 , 但係無雞油香茅味😌只得個色😂😂秘制醬味酸酸辣辣,好開胃❣️整體嚟講，環境及食物質素都好好 但比較難book要食就記得早的的book位啦🤗

今日心血來潮想食泰國菜，所以晏晝喺openrice search到呢間就決定一試，拿拿林打去book位。講真，對路痴嘅我黎講，地點真係好難搵。特別係黎食晚餐，過左19:00，某d閘口會閂左，某d路又唔通，我同男朋友就圍住工廈兜啊兜......入正題先我地2個嗌左唔係好多野：泰式炒飯1人份size小食拼盤(蝦餅x2,春卷x2,泰式雞棗x4)叫得個拼盤就預左會幾熱氣, 但又有少少salad菜一齊食,罪惡感減低返dd咁多la脆脆雞翼雞翼控必食!!~ 我本身怕辣, 但一試停唔到口邊嗌話好辣邊要食好羨慕隔離檯係6,7個人,share食多d款式,至少可以淺嘗下串燒...甚至甜品