1988 (已結業)

呢間係工廈入面既泰國菜我已經黎過幾次，入面係cafe既寧靜環境，但有正宗既泰國菜食，而且價錢又唔貴，不過樓下入口既位置有少少隱蔽。沙嗲雞肉($56)，首先叫返個串燒先，有豬或雞肉揀，我揀左雞肉，肉嫩香口，配埋沙嗲醬更惹味。小食拼盤($76)，有三款小食係蝦餅、春卷同泰國雞棗，三款都香脆可口，蝦餅夠彈牙鮮味，春卷係雜菜餡食落比較清新爽口，雞棗就有點似雞肉丸咁。黃咖哩牛腩($88)，上面加左椰漿，味道非常香濃，牛腩燜到好淋又入味，叫左個薄餅點黎食好正。蝦醬炒飯($88)，飯粒炒到粒粒分明夠乾身，味道香濃唔會過鹹，仲有好多配料如青芒絲、泰式香腸、肉鬆、蛋絲。