18樓雞煲火鍋專門店

營業中

休息中

天氣涼涼地 最啱食雞煲🤤今次來到荃灣嘅18樓雞煲 食完雞煲再打番個邊爐 正🤤 星期一至星期四食成人都係178（要加一）叫咗個微辣嘅雞煲 好香好惹味 食落有少少麻麻地 我本身唔食辣 都覺得好好食🤤食完雞煲係時候打番個邊爐可以用手機app落配料 海鮮肉類都有～菜類等等可以自己出去菜櫃攞連西洋菜都有wow app落左後 好快已經有野食到 手打墨魚滑好好食 豬膶 蝦 都嗌咗兩次同埋分量都係細細份咁 食完再叫 唔會浪費！ 野飲都有幾多選擇 今次飲左百香果蜜細細支 飲完又可以試下其他野飲 唔錯唔錯 最黎再食埋個甜品 滿足🤘

因太耐無約朋友一齊出嚟食飯，而且涼涼地，又心郁郁想食雞煲，同朋友嚟食，當然搵間坐位闊落d,又多野食啦，最緊要地點方便，價錢又抵😎😎,岩晒我大食妹😋😋😋😋怕自己太早到，仲等到夠鐘先入，原來一早5點就開，所以如果下次雞餓，又唔想撞到太多人，就可早d去刷餐飽，因有120分鐘全叫全食，所以一定夠時間慢慢食，又唔會心急，所以就輕鬆瘋狂食。食。食。🤣🤣🤣9點後入去食，仲平d,都係＄148，又開到零晨3點，同朋友仔嚟宵夜岩晒🤫🤫🤫🤫坐位超闊落，差不多全部都卡位，而且走廊位又夠闊，同朋友傾計，都唔會嘈親隔離抬🤭🤭飲品櫃都有好幾台，款式多，推介自制台式冬瓜茶，又唔會死甜咁，咁清涼，配雞煲火鍋一流👍🏿👍🏿👍🏿自助調味料bar,款式唔多，但雞煲夠晒味，簡單配料就夠自助雪糕及熱飲都有，岩晒試埋冰火嘅朋友仔🤣入坐前要先選定BB辣，大，中，小辣，選好後，坐低都不用2分鐘就會上雞煲😚😚,完全唔會浪費你嘅時間，雞煲咸辣適中，而且帶少少麻味，超惹味，雖然雞煲份量唔多，但都夠2人份量，開開胃先🤫🤫好戲在後頭食完雞煲仲有勁多配料食火鍋，🐄🐂🐃、🐷🐽、🐟、🦞、🦑、各款丸及大量蔬菜... ...,用ER code落單，方便環保

荃灣掋食雞煲🐓👏🏻星期一至四 1700-2130 $178 特價時段✨2130-0300 $148位置好多 大部分都係梳化位🛋️現場非常多人 但唔洗等好耐位😂非常之欣賞佢哋既環保♻️採用QR CODE 落單👍🏻會先上雞煲 後再打邊爐🍲雞煲好惹味 好香😍 唔會太辣 (嗌左小辣)而且一上菜 就可以立即開餐😳唔洗再等d雞煮熟🤣啱晒好肚餓既我😚打邊爐菜單好多🤪安格斯牛肉/豬肉/鮮牛肉好新鮮🥰 7分肉3分油脂 比例剛剛好😆海鮮類 亦都好有驚喜☺️魷魚🦑蜆 鯇魚腩 都好👍🏻✨蔬菜類🥬可以自助取菜🥦🥒亦都好多可以落order，例如:必點既金菇😆丸類/炸魚皮 都可以try try!!😙飲品選擇 都幾多😁最後 大家一定要食埋個ice cream 🤤

呢排成日係屋企食，已經好耐無出街食好西。今日約左個朋友去食雞煲，佢推介話呢間一定滿足到我🙈🙈。去到都要等一陣，7點呢個時間已經差唔多枱枱滿。飲品既選擇好豐富，仲有好多台灣飲品，幾啱我😂加上有自制既冷泡茉莉綠茶同冬瓜茶🥰🥰冬瓜茶個味幾夠，又唔會太點，用嚟解油膩一流。好快雞煲就黎到，雞煲個味好好，叫左小辣都幾夠辣，個香料味好重又唔會係一味死咸。啲雞食落都仲好嫩滑同入味，我呢個朋友果然無推介錯吖🤤🤤。蔬菜都係出面自己攞，又多款又新鮮 。啲火鍋料都有好多選擇，特別推介個墨魚滑，好香好好味又彈牙，同出面食既好唔同。肥牛都有好多款，呢個美國牛都唔錯。肉味都重又唔韌。呢個嚮聆又係佢哋自家製，即炸好脆口又香，放入個煱吸一吸真係一絕，我食左成三個🙈🙈。呢個菜餃入面勁足料，好多好多菠菜，又係一個推薦。🤟🏻🤟🏻兩個鐘食到勁飽，最後飽到食唔到雪糕🙈🙈。

今日嚟試下呢間位於荃灣嘅雞煲火鍋專門店。一坐落即上一煲招牌雞煲，香味撲鼻。二人份量都唔少，因為我唔太食得辣，所以只係叫咗微辣。睇顔色應該都幾好味，食落果然惹味，雞肉嫩滑，係唔太辣，反而麻多啲，而且越食越麻，後勁十足。食完雞煲，自己倒入上湯就可以淥其他嘢食。手機掃入座紙上面嘅QR Code就可以自助落單。種類都幾齊全豐富，豬牛羊雞、海鮮、蔬菜乜都有。因為已經食咗雞，羊肉又怕羶，所以淨係嗌咗雪花肥牛同特級肥牛。雪花肥牛食落好甘，特級肥牛脂肪多小小，食落就比較爽口。響鈴、山根、炸枝竹都係我哋嘅飛佛，值得一讚嘅係芝士豆腐，裡面好香甜嫩滑，而且有芝士嘅香味同煙韌。台灣一口腸都唔錯，外皮脆口，肉質爽甜，仲有小小辣。魚皮餃爽口，好香嘅蝦醬味。炸魚皮好香脆，個人覺得味道較淡，可以落湯放淋先食，一樣惹味。蔬菜都幾新鮮，娃娃菜、生菜、萵筍爽甜，仲有金菇、秋葵等等。飲品種類唔等太多，有一款冷泡茉莉綠茶，淡淡嘅茉莉花味，冰涼嘅口感，又無糖，啱晒打邊爐。仲有自制甜品嘅，可惜食得太飽，已經冇位再試啦。

秋風秋意起，開始又係打邊爐嘅好時候啦！但原來今次食呢間特別啲，打邊爐前係食咗雞煲先，雞煲都有分唔同麻辣度，好似我唔係好食得辣但又鍾意有啲辣味就揀小辣，辣辣地其實真係開胃啲過癮啲😆雞煲食到咁上下就可以直接加上湯，但建議唔好加太多，因為本身舖頭原意係想直接湯底有味，豉油都可以唔駛點，所以如果湯加太多就會唔夠味啦！建議加2寸高嘅湯就岩岩好啦！星期一至四$200 有找就可以食到一鍋兩味！雖然個價唔貴但啲牛肉估唔到都唔錯，個人覺得雪花牛肉好過特級牛肉，肥瘦均勻唔會乾！其他任叫嘅選擇都唔少，而且仲係半份半份咁叫，兩個人食都唔駛擔心叫太多食唔到其他嘢👍🏻另外嘢飲選擇都好多，最值得一提係自家製冷泡茶，真係每一杯入面都有個茶包，仲要係我最鍾意嘅桂花烏龍，食咁個麻辣雞煲都已經飲咗一杯啦😆真心正！星期五至日都只係貴多十幾蚊，真心唔貴！而且環境都好整潔每張枱都有間隔開，大家都可以食得安心！

疫情有所舒緩 終於可以出去食飯係屋企可以打邊爐但好難整到雞煲 🙌🏽今日就去咗荃灣食任食雞煲入去環境好闊落 環境棋你衛生 食得都放心啲第一個驚喜就係有任飲嘅自家製台式冬瓜茶 甜咗少少但係都唔錯 👍🏽👍🏽👍🏽主角出場 二人份量嘅微辣雞煲 雞嘅份量好多而且味道好濃 配上大量洋蔥同芹菜 令到醬汁更加香食完個雞已經好飽😂但點可以錯過火鍋環節有好多任食火鍋配料比我地揀 肥牛驚喜地高質 絕對唔係脂肪多過肉的低「肥」牛另外要大力推薦鱔片 厚切新鮮當然仲有必食甜品軟雪糕咁多野食先係$178一位 真係抵到難9:30後入座仲有優惠 希望快啲解除限聚令 真係失去左先知出街食飯既可貴😭😭😭

雞煲真係食極都吾會厭，我比較喜歡食麻辣雞煲，最喜歡麻既感覺。今晚約了朋友去呢間18樓雞煲到食晚飯，出奇意料的好味👍🏻👍🏻一入到店舖，度體溫後，店員便問我雞煲想要幾辣，有微辣，小辣，中辣，大辣選擇。而我選擇了小辣，因為太辣我食完會胃吾舒服。雞煲上菜啦，我第一個感覺係好香，果種麻辣既香味，聞到都想即刻放入口。雞件佢地應該挑選過，好明顯係每一舊都有肉，吾會只有骨，而且可以話係啖啖肉👍🏻佢地既麻辣比較出色，微辣岩岩好，但一入口，真係會食到麻既味道，好爽，令我食到停吾到口，好快我地就清晒個雞煲了😂雞煲過後，加入上湯，便可以開始火鍋了。店鋪用上手機電子落單，快捷衛生，而飲品因為有太多選擇，所以可以去雪櫃自取。但去取飲品時，記得保護個人衛生，帶上口罩才去取飲品。火鍋料方面，好多選擇，吾一一介紹了，中家可以去試下。最有印像的是肥牛及生蝦，雖然是任食，但牛肉同蝦既質素一啲都吾差，一定可以滿大家👍🏻 大家都啲去荃灣呢間18樓雞煲火鍋專門店試下。

好耐冇食雞煲，今晚黎開荃灣就試下呢間18樓雞煲，個名超易記，幫你記埋樓層添😂😂入到去視野好開揚，同埋全場大部分都係卡位，坐得好舒服。我地揀咗小辣既雞煲，小辣真係唔算辣，食得輕鬆，個醬汁都好惹味。除咗蔬菜其他火鍋料都係用手機落單，好方便～鍾意呢度好多野都有得揀半份，兩個人食都可以試多啲唔同既野～呢度既響鈴好似個波咁，索汁之餘又保留到脆脆口感，唔錯；魚皮都炸得好脆～肉類方面我地剩係揀咗牛，特級肥牛好腍好滑。丸類我地最鍾意魚片頭，超彈牙～呢度既飲品都幾多選擇，好多冷泡茶都係無糖既，又解膩又低脂～最推介桂花烏龍，桂花既清香好突出～最後仲可以食埋frozen yoghurt，微酸既yoghurt好開胃，比起其他餐廳又冇咁甜，推介～

荃灣18樓雞煲聽就聽得多，今日終於有機會試下，果然名不虛傳！🤩呢間嘢有兩款自家製飲品：冬瓜茶同烏龍茶。鐘意甜嘅朋友可以一試佢嘅冬瓜茶，都幾好飲。而烏龍茶係完全無落糖嘅，個人覺得正好中和食雞煲嘅油膩同重味道🤓呢度係兩個人嘅份量。雞煲一拎上枱已經食得，唔洗等👍🏻 佢呢度嘅雞好夠味，估計應該醃左好耐，配埋芫荽食又係一絕😬市面好多放題任食嘅肥牛都好劣質，韌過橡筋咁😵 而呢間有兩款免費嘅牛可以選擇，圖中係其中一款。我諗大家由佢嘅顏色都睇得出佢唔係個啲橡筋牛肉，食落好淋好有肉味，亦都有足夠嘅脂肪👍🏻 如果有錢嘅朋友可以試埋佢要額外收錢嘅牛肉，相信會更加好食🤣總括黎講，我覺得呢個價錢食到咁嘅質素絕對物有所值，荃灣友未試過嘅絕對值得一戰！🤓

放工黎到荃灣，因為約左朋友黎食雞煲，朋友只係話大鴻輝18樓等，我去到附近問一問街坊，他們一指就好易搵到，lift一到18樓開門，香氣四溢，裡面坐滿哂人，幸好朋友一早黎搵位兼叫定個雞煲食住等我，哩度一入座就會開始計時，兩小時任飲任食。我坐定左之後先夾兩舊雞品嚐，味道都幾濃，好香，肉質都好滑，食剩幾件雞時，我同朋友就分頭行事分工合作，我用電話掃描QR Code叫食物落單，朋友就出去自助吧拎湯加水轉做打邊爐，落左單，店員就會用手推食物車快速地將食物送到枱上，網站中所見一般打邊爐見到既食品都有，仲有海蝦、花膠、墨魚、鱔、魚腩片同蜆等海鮮提供。而飲品都好多元化，韓式飲品至中式涼茶都有，仲有依家好興飲既冷泡茶，一杯杯沖好哂放係雪櫃內任拎，好方便。煲內既湯開始滾起，我地不斷倒食物入煲，食物整體都好新鮮同乾淨，值得贊既地方係比既份量真係按人數比，唔會因亂點而浪費太多食物。食完火鍋同雞煲，朋友話要食埋杯雪糕先肯走，果然講到食甜品係會有多個胃。

今個星期好想食雞煲 平時經過大鴻輝已經見到佢外牆的廣告 所以就決定一試六點半去到 未駛等位環境間隔都可以 有卡位 唔會話好迫食完之後其實覺得佢講得幾中肯 又真係唔太駛點豉油野飲方面有唔同味道的冷泡茶對於想健康d 唔飲高糖飲品的我 係滿足的餐廳都係有QR code點餐 基本上面落左單5 分鐘內都會送到等左十分鐘內 雞煲 （微辣）就到 雞幾嫩口 個汁都入味 我會認為係對得住食雞煲的主題食完雞煲就係火鍋時間 基本上打邊爐的配料佢都有齊 幾好的地方係可以選半份 兩個人食都可以有多些選擇基於食到都太飽 見到甜品區都未有一戰以每人$178 黎講 我會覺得想食雞煲黎講係值得一試

自從爆發疫情後 沒有再打邊爐/自助餐了 今晚終於的起心肝與友人相約吃雞煲享受一番 這間只需$178加一便可任吃任飲兩小時半的雞煲火爐 好吸引哦每枱相隔一定距離 感覺除口罩進食都很安心 但注意離開座位皆需立即戴口罩哦入座前需選擇辣度 坐下安頓後不久 雞煲亦上枱 滿滿濃郁的醬汁包著雞件十分吸引 忍不住即刻動筷夾返件吃 雞肉十分嫩滑 全部都完完整整 沒有碎骨出現 二人鍋有成十多件雞 吃得十分滿足加湯後即大火滾湯 掃二維碼便能選火鍋料下單 任食包的種類十分多 牛豬雞羊海鮮菜走不了 每碟的份量都少少的 二人可試多很多種類當中推介🤩雪花肥牛淥後不點醬已足夠香 海中蝦肉質新鮮 水魷夠爽口 有鮮淮山外脆內黏 炸芋頭條一點也不粉 炸魚皮脆卜卜 蟹抓肉棒超鮮 蟹子墨魚滑彈牙 是日海鮮係蜆 每隻都開口 漲卜卜的蜆肉這火鍋店飲料比較特別 提供玫瑰烏龍及冬瓜茶選擇👍🏻感覺十分清新 配搭火鍋十分解渴最後二人點了26個半份 挺著肚皮走 大滿足的一餐😋

又黎荃灣覓食😝😝今次係食雞煲，平時打邊爐打得多，都好耐冇食過雞煲！第一次黎18樓雞煲火鍋專門店，原來真係喺18樓，大鴻輝既18樓！🤣我哋揀咗微辣🌶 我坐低冇幾耐就會上菜，雞煲嘅份量我唔肯定半隻定係一隻，但係今晚我哋兩個人食就啱啱好，唔會食到飽晒跟住食唔落其他配料。原來微辣都唔算好辣，我諗下次可以試下小辣🌶雞煲真係好惹味，唔會太咸，我個friend食第一啖已經讚👍🏻👍🏻同埋啲雞肉都幾嫩滑🤤 好正啊😍 唔會比啲頭頭尾尾你，反而食到有雞髀肉、雞鎚、雞翼等等，質素都唔錯！食到咁上下清晒啲雞肉，就可以加上湯，變成打邊爐🍲建議你坐低就可以用手機點餐，好多食物種類可以揀，仲有部份比較高質嘅食材要收費嘅。推薦佢個墨魚滑！好彈牙🤓🤓啲蜆（定沙白）都幾大隻，食落冇沙嘅！肥牛都唔錯啊，肥瘦均勻，唔會成片都係肥膏😛好鍾意啲配料每碟兩件，咁就可以每人食一件，好食再叫唔驚浪費👍🏻👍🏻食到最後我哋要咗個稻庭烏冬，配埋雞煲個湯底好好食😍😍😍😍除咗平時放題舖頭火鍋店嘅罐裝飲品之外，呢度有一杯杯嘅冬瓜茶、酸梅湯、綠茶、桂花烏龍茶等等我就拎咗杯冬瓜茶，唔會過甜👍🏻👍🏻食到飽一飽，再拎咗杯乳酪雪糕食🤤🤤總括來講呢度真係好抵食

朋友巳經是第2次在我面前讚這間荃灣的18樓雞煲火鍋專門店， 稱讚雞煲非常好味，其他材料也很高質，所以專程安排時間過來食。餐廳裝修很舒適，一枱枱一格格的間開， 坐得舒適食得放心。食雞煲+火鍋任飲任食放題。坐下后，侍應先送上的是雞煲， 見到 醬汁夠濃， 滾到熱辣辣，一陣陣的濃香氣味， 濃濃的醬汁包裹著雞件，啖啖肉，味道非常濃郁又入味，又嫩又滑的，真是色香味俱全。食完雞煲，當然是跟著加湯再食火鍋。牛肉都有幾款有雪花肥牛及嫩滑的鮮牛肉，雪花肥牛切得很大片及較薄 ，灼上八至十秒已經可以食，有牛味又軟嫩。鮮牛肉相對較厚，灼的時間較為長一些，非常的鮮味。海中蝦海中蝦，食得出的新鮮，爽口又鮮味。滋補花膠 花膠夠厚，入口軟滑滋補。冰豆腐 冰豆腐 我也很愛食，像蜂巢一樣，吸收了湯底的精華，非常美味。蟹子墨魚滑蟹子墨魚滑也是食得出的新鮮，一粒粒的蟹子脆卜卜，有口感又美味。還食了很多的火鍋配料，這裡有百多款的配料任點任食，還有甜品及飲品，放題真是高質之餘又美味，食得非常開心，滿足感100分。