18樓雞煲火鍋專門店

營業中

休息中

最近雖然氣溫稍為回升 , 20度左右 , 並且早一星期前才食過雞煲火鍋 , 但仍無損打邊爐即興之心今次近近地重回主場荃灣同老友覓食大鴻輝樓上多層均是食肆集中之地 有日式放題 , 中式酒樓 , 韓式料理燒肉 , 打邊爐等 均盡皆有之雖然住得近荃灣 , 但仍未試晒咁多層在樓下參詳一番 , 決定試試18樓火鍋雞煲 , 名乎其實果然也是位於18樓一出lift會看到等候區 , 入座時間是7:12 選擇了最便宜的A餐 $188/位 任食限時2小時店舖甚廣 , 全層大約3000-4000呎都有 , 200餘個座位 , 入座不久後已差不多座無虛席 , 全場爆滿環境寬敞 , 衞生程度理想 , 店員也算殷勤有禮此店也是全QR落單, 落單後有5分鐘count down 先可落下一張單 , 款式甚多 , 效率高甚少漏單首先麻辣雞煲要等約10分鐘 , 建議趁有空檔叫定一堆火鍋料先麻辣雞煲 (小辣)份量是半隻雞 , 汁醬出色 , 濃香撲鼻 , 好惹味 , 驚喜的是有花膠 , 有傳統的洋蔥,芫茜,辣椒,花椒,八角等材料雞件也算嫩滑 , 以質素以食咁多間黎計叫做至少中上食完雞肉後就加上湯正式火鍋雪花肥牛 及 特級肥牛

近期好鍾意同朋友去荃灣食飯,因為愛上左一間任食雞煲,嗰度啲食物除咗新鮮,份量又多，而且食物嘅選擇仲係好多，價錢又公道合理，最緊要係坐得舒服，我講緊嘅就係荃灣眾安街大鴻輝中心，18樓雞煲火鍋專門店雞煲火鍋專門店最重要就係個雞煲，雞煲嘅味道好香，色香味俱全，而且雞件嘅份量仲係好多，加埋佢秘製嘅醬汁，非常之好味，雞件嘅肉質好嫩滑，而且雞味好重，而醬汁令到個雞嘅鮮味更加突出，口感同味道都好好，淨係個雞煲已經一百分💯食完雞煲你就可以攞湯打邊爐，食完之後加啲湯煲滾左就可以放食物落去，食物有好多選擇，有最受歡迎嘅牛肉，海鮮，丸類，基本上打邊爐基本應該有嘅食物佢都有得供應，而蔬菜方面出面直情有個蔬菜櫃俾你任揀任攞任食，全部都係時令蔬菜，所以特別新鮮牛柏葉非常之爽口，而且鮮甜牛肉，脂肪比例好均勻，牛肉味好濃，入口好嫩滑鮮脆鯇骨腩，非常之肥美爽口，食落去充滿着魚油香味，而且仲係好新鮮響鈴，剛剛炸出來特別爽口，熱辣辣浸一兩秒湯已經好好味，因為啲湯已經有雞煲嘅味道，真係好正鵝腸就係我嘅最愛，新鮮嘅鵝腸有少少脂肪，灼一灼已經可以食，鮮味十足，而且爽口，味道好新鮮仲有太多食物，有興趣食雞煲嘅一定要來試吓呢間18樓

天氣凍凍地最好就係去打邊爐,今日喺荃灣見到一間就有雞煲食又可以打邊爐嘅舖頭,18樓雞煲火鍋專門店 而且仲係一個價錢任飲任食，一個人$200都唔使，我見佢有好多其他嘢食，所以就選擇左套餐 A 188元 。性價比好高 ，值得推介 首先係嚟咗個雞煲先，雞煲嚟到炒一陣，已經聞到好香嘅味道，見到雞件份量好多，而且仲係好鮮嫩，醬汁調校得啱啱好，唔會太鹹，非常之惹味，雞肉已經沾滿醬汁，香噴噴，入口肉質嫩滑，好香雞味。煮多一陣其他配料味出晒嚟，有芫荽，洋蔥，香料，煮耐少少味道更加突出 。個雞煲食到差唔多嘅時候，就可以出去攞湯打邊爐，而醬料方面可以出去自助區自己添加，另外飲品都係自助形式，大約有十幾種選擇。如果鍾意食菜嘅朋友，出面有個雪櫃有幾種菜係俾你任揀任食牛肉見到都好新鮮，而且脂肪比例都幾均勻，入口牛肉味好香，肉質好鮮嫩。海蝦，蝦都算大隻而且仲係好鮮甜，蝦肉又爽口又彈牙。好好味鯇魚片，鯇魚肉好結實，味道好鮮，而且仲係好爽口，一食就知道係好新鮮 肥鵝腸，呢個簡直係最愛，煮一陣就食得，好爽口，加上有少少脂肪，味道好正 鍾意食甜品嘅，出邊仲有個雪糕櫃，真係滿足晒所有要求 。其他食材都好新鮮，120分鐘任食

天氣開始轉涼,最好就係成班朋友去食雞煲打邊爐,飲啤酒。通常我哋都去荃灣食，因為大家都鍾意食荃灣大鴻輝中心嗰間18樓雞煲火鍋專門店。因為貪呢度地方都闊落，坐得比較舒適，而且仲係好好味👍我哋就選擇左A 歺任食，啤酒汽水任飲，每人都係$188，用餐時間仲有120分鐘呢度主打就係個雞煲，當店員將個雞煲拎過嚟嘅時候，已經聞到好香嘅味道，雞煲開始熟嘅時候打開個蓋，就會知道咩叫色香味俱全，除咗味道香濃之外份量亦都好足，雞肉煮到好滑兼且帶有香濃嘅配料味道，少小辣，十分惹味。當個雞煲食到差唔多冇嘅時候，就可以放啲湯落去打邊爐，呢度打邊爐嘅配料非常之多，而且樣樣都係好新鮮，最重要係食完雞煲之後加湯，個湯底係非常濃郁打邊爐主打嘅牛肉都非常出色，牛肉味道非常香，而且脂肪嘅比例都好均勻，食落口好多肉汁，非常嫩滑仲有呢度啲蝦都係好新鮮，入口爽口彈牙，鮮味十足，每一隻蝦都用竹籤吉住，食嘅時候非常方便蝦滑亦都做到好爽口，而且味道仲係好好👍🏻又好味又抵食嘅雞煲，好值得推介比其他人,性價比極高飲品選擇眾多可以行出去雪櫃自己攞，而我最鍾意嘅就係冷泡桂花烏龍茶

最近發現原來荃灣喺好多好野食嘅。今次我就幫襯左一間雞煲火鍋，其實市面上有火鍋食嘅店舖有很多。但係可以任叫任食雞煲火鍋呢…又唔喺咁多。而且火鍋配料非常新鮮，所以喺值得推介。之前，我有幫襯過旺角18樓雞煲，留下非常好印象。服務員態度好，食物質素高👍👍所以，今次先嚟幫襯荃灣呢間分店。果然無令我失望。一樣能夠保持水準。脆魚鯇骨腩🐟，真係一流，超正💗💗💗💗💗。而且一定要叫雪花肥牛，呢個又真係無得彈😋😋😋😋，我翻兜叫左幾次。另外，蝦都唔錯，雖然size細d,但勝在夠晒新鮮。仲有梅頭豬肉，聖子，羊肉，萵笋，淮山，粟米，牛柏葉，豬潤，炸魚皮，蝦片。。。等等。樣樣都好新鮮，水準高。🥰🥰🥰🥰唔怪得，永遠都有人喺出面等位。當然，一樣有蔬菜櫃，多個飲品櫃，同乳酪俾你任食任飲啦。呢間鋪，我會加入我的至愛餐廳裡面，有機會會再嚟嘅。

咁啱今日放假，天氣又涼涼地，最好揾埋朋友去食雞煲 + 打邊爐放題！忽然又諗起去荃灣大鴻輝係最多選擇嘅地方，不如就18樓雞煲火鍋專門店啦！呢度地方好闊落，光線十足，環境乾淨，店員安排左窗邊4人卡坐位比我。呢度d火鍋食物係用手機QR Code落單嫁！先食雞煲再打邊爐，雞煲我揀咗小辣，仲有中同大辣可揀。雞煲配有洋蔥十分惹味，2人份量剛剛好。熱完身再黎個清湯湯底打邊爐先，火鍋必備配料，一定係要有牛啦！呢度牛有雪花肥牛，特級肥牛同滑牛肉，十分新鮮。而雪花肥牛唔會有太多肥膏，正呀！豬肉就點咗呢款西班牙黑豚腩片，呢個腩片切成薄薄，入口又唔會太過鞋口，好有豚肉味道。炸物有忌廉芝士煙肉薯波、黃金芋圓球、趣趣炸蝦片同炸魚皮。忌廉芝士煙肉薯波仲熱辣辣，味道鹹鹹甜甜，又幾好味。火鍋配料仲有好多好多款式，我哋叫左有海中蝦、是日海鮮 (聖子)，size唔算太細，海鮮新鮮。另外有自家製響鈴卷、金菇、冬瓜片、魚腐、豬皮、芝士豆腐、芝士腸、手打蟹子墨魚滑同魚皮餃等等，味道都ok。份量安排得幾好，要一件就係一件，唔怕款款咁多，食唔到其他嘢。蔬菜放在出面雪櫃可供自取，有唐生菜，西洋菜，娃娃菜同油麥菜。菜洗得乾淨，淥起左仲係

好耐無食雞煲，天氣涼左少少突然想食雞煲朋友之前食過2,3次覺得好抵食，食完雞煲仲可以打邊爐....仲可以唔食雞煲，直接打邊爐一出LIFT就聞到雞煲味，等入座時朋友DOWNLOAD 會員APP，第1次有9折，即係今餐免加一，抵!我地揀$188最平既套餐全部都係卡位，坐得闊落雞煲要小辣，雞件SIZE都好大件，辣之中帶有麻，唔會好搶喉，食完雞就可以加湯打邊爐喺等雞煲黎既時候就ORDER定打邊爐料打邊爐料好新鮮，仲有少量海鮮揀，其他一般打邊爐料都有菜同飲品要自己喺雪櫃拎，飲品選擇好多，仲有自家製冬瓜茶，仲有久違嘅乳酪食!總括黎講，$188價錢好抵食，而且款式選擇唔少，職員勤快送／執碟， CP值高!但限時2個鐘雞煲打邊爐過程好緊湊，忙住食食食…..P.S.大堂等LIFT好長龍，如果繁忙時間就預留5- 10分鐘排隊等LIFT

朋友話想食雞煲，我二話不說揀咗去大鴻輝嘅18樓雞煲。雖然今日係閒日，但係當我哋上到去攞位，7點唔夠就差唔多坐滿人，所以想嚟食嘅真係建議要預早訂位。我哋都比較細食，A餐既邊爐可以任食肥牛，再加D配菜已經夠晒飽入座之後微辣雞煲好快就送到上枱，侍應亦自動自覺幫手炒一炒個雞煲，雞煲既香味馬上提升一個層次雞件多肉又滑，而且個汁好濃郁，加埋啲紫洋蔥/香菜，真係非常惹味，分量兩個人啱啱好，留肚食埋個邊爐呢度係以QR Code 叫嘢食，廚房出食物既速度都好快又無漏單，每碟嘅分量適中，方便我可以食多幾款唔同既食物，鍾意食果幾樣又可以叫多幾碟特別有幾樣想推薦嘅食物：海蝦 - 彈牙有蝦味，有竹簽串住，方便食用豬潤 - 厚身無腥味，而且新鮮多汁 響玲 - 夠脆，同好香腐皮味是日海鮮（蜆）- 雖然細細粒，但係無沙有鮮味而菜類同埋調味料就需要自己去拎，仲有雪糕櫃添，飲品方面就按自己喜好拎，除咗最基本嘅可樂/烏龍茶/檸檬茶之外，呢度仲有自家制嘅冬瓜茶同桂花烏龍，味道淡香唔會過甜最後以杯綠茶雪糕作為結尾整體黎講，呢度好多卡位坐，環境寬敞舒服，完全無壓迫感，亦都好乾淨。侍應們都好有禮貌同主動，佢哋一見到有吉碟就會即收，

平時嘅我都係睇大家嘅食評多，今次係我第一次打食評，因為真係忍唔到。🤯🤯今日行咗成日街，行到大概夜晚8點半，好攰好攰…好餓好餓…所以諗住食餐好嘅。之後去到荃灣大鴻輝呢個食食食嘅集中地搵好嘢食啦✌🏽✌🏽🤤🤤因應疫情，好多食店都收夜晚十點，唯獨呢一間十八樓雞煲收夜晚十二點，不過都驚有伏，所以想open rice睇下大家啲報告啦…如是者見到有6百幾個Good 心諗都唔會太差啦。咁就膽粗粗同幾個朋友入去食。😎上到去呢間十八樓雞煲，唔洗等位即時入座。店員巡例問下我哋食咩餐，A,B,C餐….都係價錢嘅分別啦，嘢食嚟講分別唔算太大🙃咁我哋揀咗B餐，諗住中間價位（連加一$260一位）都無乜點死🙃好啦，開餐喇！先嚟馳名雞煲。😜哦..普普通通啦，唔係特別好食，公道啲講，唔難食😊呢度除咗上菜之外，就係全自動服務（全部自己動）食完雞煲之後，就自己出去攞上湯自己加，然後就用QR Code叫打邊爐嘅嘢食…..首先..湯同雞煲汁係完全唔夾嘅…..雞煲加邊爐真係唔係間間整得好食…….之後嘢食陸陸續續上枱，er…..除咗所謂B餐嘅牛頸脊叫做有牛肉味、同埋廚師腸有廚師味、汽水有汽水味之外…為食餓底嘅我哋…..真係覺得無樣好

呢間又平又好食嘅雞煲火鍋，唔會失望 🥰場地面積最大 我地一開市即刻衝上去開餐由於岩岩開市 仲有好多位簡 仲可以坐近窗邊 超開心！ 全程用QR Code 落單 唔洗驚miss左食物真係超方便~有3個set選擇 我地簡左SET A 任食2款肥牛牛魔王岩曬一開始食左雞煲先 叫左小辣 對於我地泥講辣度岩岩好~ 小辣岩曬仲意重口味既我！雞件份量都好多 兩人食每人都有5-6件雞 之後仲有得打邊爐唔洗食咁多雞都得 好戲在後頭食完雞煲多數加湯打邊爐牛肉超正！！狂食！！牛味好重 唔會太肥 必點！！個人最仲意係*墨魚滑* 好滑又爽口甜品有乳雪糕🍦但最後唔記得左食 失敗！食完走人全身唔會好大浸油煙味 加分！

今天難得晚上有空，叫了老公陪我吃最愛的雞煲。由於今天是平日，所以外面都不用怎樣等就能入去店內進餐。入到店內，看到人流都不多。我們點了微辣的雞煲，雞煲不用十分鐘就呈上了。雞煲醬汁十分惹味，微辣得來帶有香味，雞也十分有肉，令人吃得津津有味。 我同老公兩人吃了十分鐘就清了整個煲了。然後，我們就開始點其他食物。 基於疫情的關係，現在的食物都可以掃QR code來點餐，方便顧客。 我們點了肥牛、金菇、冬菇等食物，另外還點了一些熟食，如：大汗小酥肉，這碟食物是用炸的形式烹調，味道煙韌，十分香口。另外，飲品我們都可以隨意選擇，種類繁多最後，我倆吃了個半鐘頭都接近尾升了。臨離開前，我們還吃了yogurt作完美的結束。希望不用過太久，又可以再來18樓雞煲進餐呢！

dinner time, weekend放假friend想話食好啲🤓，呢間放題好唔錯。🔥buffet食物選擇豐富，而且質素同味道都很好， 雞煲夠足料，而且肉質夠實，好鮮味，配料好香👍雞煲內的沙薑，提升不少味道，食完雞塊，🥢邊爐仲可以用湯汁打邊爐，食材好鮮甜，湯底好入味，放題選擇嘅牛肉，味道濃郁，😋我同friend食咗好多碟。🥤飲品選擇多，都有自家製冬瓜茶，味道清清哋，最啱邊爐之後清熱降火。🥳

18樓雞煲之前食過覺得抵食味道剛好，所以見很久沒有打邊爐就去吃雞煲加打邊爐，二人來坐四人位十分舒適我們叫了小辣的雞煲，來到待應幫手混好等陣就可以食。辣度微度都剛好不太咸，雞肉份量不少而且肉質十分好保持到水準。之後我們出去拿飲品，有自家制茶好方便，已包裝好一杯杯，味道濃不甜，當然仲有汽水之類仲有西式熱茶，有桃茶和熱情果，仲有日本茶選擇。 特級肥牛肉味嫩又有肉味，除了特級牛肉仲有雪花牛肉都不錯。海鮮如蝦好新鮮又爽口，魚類白鱔和鯇魚腩爽口又鮮甜，自家制響鈴不油身又脆口，十分新鮮。魚皮餃大隻啖啖肉，蔬菜方面可以出去拿菜或點如淮山，南瓜，萵筍不少選擇都好乾淨又新鮮。麵類有幾款當然叫一個出前一丁再加上午餐肉啦。 差不多食到尾段再出去拿乳酪，配上不同配料，味道不甜可以口感有點似雪芭，整體都十分不錯，又乾淨，待應收碟都幾快手，幸好今日七點已去不用等位，食完都差不多八點半門外已有不少人等入去。嘆息之菜場

平時好少喺荃灣食開雞煲，今日返到荃灣，同屋企人傾開不如試吓去大鴻輝睇吓有咩食，最後就揀咗呢間18樓雞煲試吓，見評語都覺得唔錯，同埋原來佢上菜嘅份量唔係好多，因為兩個人食，最怕就叫一碟黎好多，真係食唔到好多嘢。可能我五點幾嚟到，冇乜人，但係我七點幾走時已經坐滿晒人。飲品除咗有汽水同茶外，佢哋都有啲自家製嘅樽裝茶，桂花烏龍查真心推介。佢哋啲菜好新鮮，一份份放喺雪櫃自己拎。雞煲嚟到叫咗小辣，份量都幾多，同埋好入味，啲雞都幾多肉，唔會似得出邊咁樣比勁多骨你。一嚟到已經可以食，熱辣辣，兩個人想慢慢食，所以淨係開個超細火慢慢熱住，個電磁爐個感應幾好，最怕就係較大火時等勁耐。雖然望落去每份都好似好大件，因為我zoom近黎影，佢係每一件咁叫，所以要嘅份量唔會太多，咁就可以試多幾件，佢哋嘅肥牛都幾新鮮，肥肉嘅份量唔多，我比較鍾意食瘦肉多啲，另外佢嘅酥肉都好好食，叫完一碟又一碟。仲有佢有一個時令海鮮，我叫咗一份蟶子仔，都幾新鮮，冇沙，真係唔錯。兩個人埋單都係三百幾蚊，都幾抵食，推介。

先講講，坐位五個人可以坐圓枱有兩個煱。好好呀！可以選唔同辣度。65歲以上長者，長者好抵食！雞煲有五個辣度大，中，小，微，不辣我地選了小辣和微辣微辣，唔食辣的，就剛好丸類有好多不會太冰，正常味道黑椒牛丸，夠晒黑椒有雪魚豆腐，芝士豆腐，好好味！牛肉都不錯有三款以上牛肉可選擇可惜的是，都太薄切了這個安格斯牛頸脊如果是三片成一片的厚度，就好了另外兩款是特級肥牛和肥牛自助甜品區乳酪有兩種味道原味和綠茶味，酸酸味和茶味幾夾麥片是脆脆的，不錯👍🏻⭕️座位間有距離感, 有透明膠板相隔 ⭕️可以坐六人一枱