影片
港鐵銅鑼灣站 C 出口
繼續閱讀
電話號碼
28916928
62099831 (WhatsApp)
96901733 (WhatsApp)
開飯介紹
以放題形式供應多款日、泰料理，而主打的日本菜餐單分為冬、夏兩季，並以時令食材入饌；裝修則糅合西日元素，簡約時尚。
繼續閱讀
營業時間
今日營業
12:00 - 15:00
16:00 - 00:00
星期一至日
12:00 - 15:00
16:00 - 00:00
以上資料只供參考, 請與餐廳確認詳情
有關獎賞計劃
相關文章
數得出名嘅日式放題基本都食過曬，今次又試下新野，位於銅鑼灣京都廣場嘅「瀛豐放題料理專門店」，係銅鑼灣站C出口斜對面，位置非常就腳。閒日晚市正價時段$259，今次仲加左$148升級放題，除左可任飲生啤及任食海膽帶子，最重要係升級海鮮拼盤仲有魚子醬，今次真係學劉德華話齋，一人一罐啊!自取嘅前菜有十多款，麻辣魚皮爽脆香辣，海蜇爽口彈牙，等緊刺身嘅同時食少少都唔錯。基本嘅刺身都有十餘款，每款嗌左四件試下，普遍都幾新鮮：厚切三文魚腩魚油豐富，非常香滑；油甘魚同樣厚切，油花甘香，魚肉爽滑；珍寶赤蝦勁大隻，肉質爽彈，味道鮮甜；其他刺身仲有馬刀貝、赤貝、北寄貝、八爪魚等等。再黎一個升級刺身海鮮拼盤，除左高貴嘅魚子醬外，仲有磯煮鮑魚、松葉蟹腳、象拔蚌及翡翠螺等等。魚子醬帶咸香，口感香滑，除左鮮味外，仲有種Creamy嘅奶油味道，非常獨特，好食！磯煮鮑魚爽口彈牙之餘，其實都夠軟腍入味；松葉蟹腳鮮甜多汁，肉質夠結實，足夠新鮮。松葉蟹肉、蟹味噌及蟹子壽司飯，味道鮮甜，有啲甲羅燒嘅感覺。升級Menu仲有海膽帶子，原粒帶子夾住鮮甜海膽，大滿足!其他料理仲有泰式串燒、燒蠔、一品料理、辣酒花螺等等，淨係食刺身我都食到半飽，其他野我都只係食左少少。
繼續閱讀
香港好食嘅放題真係好少今日又再翻兜呢間實在係太懷念佢地嘅海膽帶子而且見到今期再加入左大量海鮮刺身😍仍然都係鮮甜同新鮮三文魚腩又厚又大件，一件油脂味重，一件奶香味重仲有大大隻海蝦，勁滿足今期仲有奄仔蟹食，比較上次大閘蟹呢款蟹膏味冇咁重，但係啖啖肉唯一失望係長腳蟹，鹽水味太重了，好咸熟食都係平時水準，不過不失重點係佢多咗好多甜品同雪糕有我大愛嘅薄荷朱古力，不過我覺得甜左少少新出牛奶布甸、斑斕布甸、野莓乳酪雪條真係多到食唔哂🤤
繼續閱讀
😋原來食好西真係好重要，食完可以令人立刻正能量滿滿😆偶爾食吓放題輕鬆一吓，鍾意食乜就食乜，呢種感覺真係好正。仲要係高質素嘅刺身任食，真係食到舔舔脷。叫多個海鮮拼盤，原來好高級仲有魚子醬，真係估唔到放題都有呢啲好嘢食。今次發現仲有得加錢任食奄仔蟹，平時一隻都一舊水啦，呢度真係好抵食呀，超級出色🩷🩷⭐️⭐️無論心情如何，我都鍾意食好西呀～😋😋食完好西令人心情開朗靚靚，人生又再有返動力，做返一個正能量嘅人，何樂而不為。
繼續閱讀
餐廳外設自助區，涼拌菜、甜品（慕斯、蛋糕)及罐裝飲品選擇豐富。餐廳有超過180款港日泰美食，加$148升級放題更加係海鮮狂熱者的天堂 。🥢澎湃的海鮮拼盤鮑魚爽彈、海蝦鮮甜、長腳蟹腿肥美，加拿大螺與象拔蚌都好新鮮。最驚喜莫過於點綴其間的魚子醬，鹹鮮爆裂的奢華感在放題中實屬罕見，雖份量矜貴，但任點任食的設定已值回票價。🥢海膽帶子是另一亮點，海膽甘甜未帶苦澀，與嫩滑的帶子交融，鮮味層次分明。🥢爆膏奄仔蟹膏香濃郁，蟹肉飽滿，嗜蟹者不容錯過。🍻啤酒愛好者則可暢飲Sapporo及1664，冰涼解膩。🍣刺身三文魚腩肥美油潤、油甘魚甘香、劍魚腩口感豐腴，珍寶赤蝦尺寸足且鮮甜，樣樣新鮮度有保證，切件亦大方。另外有逾180款菜式涵蓋壽司、卷物、串燒及泰式料理。串燒即燒熱度足，推薦燒扇貝，生蠔，雞肉串燒。🌟$148升級絕對是回本關鍵，魚子醬、帶子海膽、奄仔蟹，啤酒係加分項目,真係食到棒住肚皮走。
繼續閱讀
同朋友去呢間日本放題，有level選擇，我地就香簡咗升級咗極品海鮮拼盤包括有長腳蟹，蟹腳都幾粗，好多肉，幾鮮甜，涷鮑魚，佢係醃過嘅鮑魚，味道幾好，鮑魚爽口彈牙，魚子醬，粒粒喺口爆開，好鮮味，仲有刺身拼盤d魚生，都勁新鮮，三文魚好肥美，珍寶赤蝦真係好大隻，鮮味十足，肉質厚實，油金魚都好肥美，魚油十足。升級咗海膽帶子帶子勁大粒，肉質鮮甜爽口，中間夾住好鮮甜嘅海膽，鮮上加鮮。升級咗清蒸奄仔蟹蟹嘅size都幾大隻，隻隻都爆晒膏，d蟹膏好鮮甜，蟹肉勁多。佢地d創作壽司都幾多，叫咗幾款試吓，味道都好match,海膽軍艦係必叫，海膽好creamy,好鮮味。佢地d炸物都唔錯，每款都熱辣辣，仲有泰式食品，燒豬頸肉好出色，出面焦香，入面肉質juicy。出面仲有大量冷盤，飲品，雪糕雪條，甜品任攞任食，款式都幾多
繼續閱讀