瀛豐放題料理專門店

營業中

休息中

好耐無食放題，是晚與友放縱一下。這裡提供各款刺身，海膽帶子都有，真係望見開心。餐廳地方寬敞，環境光鮮，食起來份外覺得安心。用QRcode手機下單，有wifi提供，上菜快收碟快，店員效率其高。除日式刺身外，仲有泰式美食，選擇十分多。放題每位$259，升級+$138刺身拼盤先送來一盤刺身，有珍寶赤蝦、三文魚腩、油甘魚、希靈魚、八爪魚、鮑片、馬刀貝、北海道角螺，樣樣都好肥美。生蠔生蠔來自愛爾蘭，蠔身飽滿肉質爽口，海水味淡無腥味，點cocktail sauce為佳。蟲草花燉湯凍食刺身可以飲啖暖身又滋補，味道甘香清甜。海膽帶子：賣相吸引，海膽甘甜，帶子軟綿，食完半打，又半打~松葉蟹杯：細細杯，蟹肉多飯少，有蟹膏正。一口海膽壽司：飯球超迷你，唔夠喉，再點Ｎ次。原條穴子壽司：好長的穴子可一試。鵝肝帶子壽司：鵝肝係一小點好珍貴，太攪笑。七味雞軟骨：好食，但都好多粒有排食。八味黃金豆腐：炸皮脆薄，但一碟相當多，大家不要做傻事。泰式魚露燒蝦：蝦肉彈牙，正常發揮。泰式燒元貝：元貝加了蒜蓉幾惹味。炸榴槤波波：口感軟糯，榴槤超香，高質，一定要試。飲品汽水飽肚當然唔飲，一刻果汁(水蜜桃汁)最好選擇，啖啖果香唔會好

好耐無食日式放題，新年第一時間滿足呢個 'to-do item'! 先唔講食物，瀛豐放題料理專門店地點超方便，港鐵銅鑼灣站 C 出口行1分鐘就到~🚇💨食物方面，有180款港•日•泰美食，任叫任食，每位再加$138仲可以升級任食即開生蠔+海膽帶子+任飲Hoegaarden、Stella生啤酒🍻:刺身：最受歡迎的種類都有齊，超過10種刺身任揀包括赤貝，醬油吞拿魚，白玉貝，八爪魚，鮑片，馬刀貝，北海道角螺，珍寶赤蝦，三文魚，油甘魚，希靈魚，八爪魚等等，無雪味又夠新鮮🍣🍱👌升級食海膽帶子及生蠔：3個字--超鮮味，生蠔屬中size，海水味濃，入口即融，回味無窮呀!🦪🔪熟食：辣酒煮花螺：夠晒麻味，刺激味蕾；🌶️🐚飛天通菜：鹹香味足又夠鑊氣；🥬🔥泰式燒元貝：蒜蓉味同元貝完美配搭，好味~🍢🍤🧄飲品：除左大量果汁、汽水及茶外，唔加錢都可以有罐裝啤酒無邊幾間放題有，好抵好有誠意!🍹🍺😄甜品：一大個雪櫃放滿豆腐花、泡芙、榴槤糯米糍、啫喱、布甸等等甜品任揀任拎；仲有made in Hong Kong的Coco Berry雪糕，口味分別有朱古力、曲奇、咖啡、焦糖餅等等多款選擇，值得一讚係甜品及雪糕都少糖少甜，減低

上星期同朋友去銅鑼灣食好耐無食嘅放題，見到呢一間竟然有好多泰國野食，所以決定試下！去到先知，+138任食生蠔，我地無加到。其他食物方面質素都唔錯，特別推介泰式炒通菜同埋炒椰菜苗，食到嗰個鑊氣！pad Thai唔錯！另外推薦軟殼蟹手卷食放題，當然唔少得刺身啦，但刺身一般般，最好食都係泰式蝦👍另一隻珍寶赤蝦好大隻，但一d 味都無，又唔甜😑好似唔知食緊咩係口🙈其他三文魚、八爪魚、螺都係普通，無驚喜感/好味的感覺🙄壽司細細嚿，無相像中大嚿，咁就可以食多d 唔同款，呢個幾好👍叫左泰國炒蜆、炒椰菜苗兩個都唔錯，炒蜆偏甜辣，椰苗好少見，所以幾特別👍燒物類嘅燒元貝 起正👍係時間有d 耐，但真係大隻好味。燒菠蘿好解膩👍係有d 細嚿，一啖一嚿都唔錯😋。燒三文魚無左，所以叫左燒刀秋魚，無咩味😂最後叫左炸物，炸雞脆骨同炸香芋丸呢兩個都好食😋甜品就...好一般，我個人表示唔好食🙈最失望係雪糕，但番幾好少，運氣唔好 拎有兩隻都好難食😤but 整體都ok, 鐘意食泰國野同又想食日本野，呢間可以同時滿足你兩個願望🤣