影片
電話號碼
27356111
開飯介紹
美式餐廳，除了有隨口也懂叫的牛扒、燒排骨、洋蔥圈之類的食物外，這裡的凱撒沙律及藍莓批也不俗。精選的甜品如各款芝士蛋糕、雪糕新地也可以一試
繼續閱讀
特色
適合大夥人
營業時間
今日營業
11:30 - 22:00
星期一至四
11:30 - 22:00
星期五至六
11:30 - 23:00
星期日
11:30 - 22:30
公眾假期
11:30 - 22:30
以上資料只供參考, 請與餐廳確認詳情
有關獎賞計劃
相關文章
友人問我幾耐無黎過呢間美式餐廳?唔……….又好似真係好耐無黎過，今餐就黎個回憶殺。一入門口就有張吧枱，方便飲嘢; 兩邊設有卡位，昏暗燈光，同回憶都似。見到有個人自選套餐，由餐湯沙律主菜到甜品都有，一個價錢食幾樣野，由二百幾去到四百幾，想輕食至嘆牛扒都照顧到。尚未落單，侍應已送上餐前包籃，有硬/軟身包及合桃鬆餅，配上牛油及士多啤梨牛油醬，驚喜位係合桃鬆餅外脆內鬆軟，又有合桃碎嘅咬口，甜度剛剛好。Happy Hour去到七點半，趕得切黎一轉。呢杯咁靚嘅係Galaxy Five，加入蝶豆花茶，再有蘋果，檸檬及熱情果，入口有生果嘅酸甜味，幾清爽。見到有餐前包，就要客周打蜆肉湯配包。濃厚湯質，食到海鮮碎粒，包括魚肉及蜆肉，材料豐富，幾有口感。加點綠色，有招牌凱撒沙律做代表。材料簡單，配特色凱撒沙律醬，對佢嘅個人份量有點喜出望外，食多D菜都有益D。呢客德州大漢堡 ($258)，目測出鏡率都幾高。配黃金拍檔薯條，仲有菜絲沙律。切開一半與人開心些牙，就可一眼望晒每層有咩材料。除咗咬落唔散開嘅主角漢堡外，新成員包括烤醬辣紅椒，牛油果蓉，高達芝士及紫洋蔥。飽身鬆軟，整體高度應該可以一啖咬到底。另一主菜烤半鷄 ($268)，餐牌上寫住配薯條，唔知係咪見我地嘅漢堡已經有薯條，所以改為蕃薯條呢?! 配多個BBQ醬汁及菜絲沙律。半邊烤鷄搽上BBQ醬，入口甜酸鹹加微辣，外微焦肉嫩。甜品方面，有美式雪糕新地，賣相似睇美劇入面出現果D，但係迷李版。雲呢拿雪糕再唧上幾圈鮮忌廉，邪惡度倍升。仲試埋自家製布朗尼蛋糕朱古力士多啤梨，有埋焦糖醬襯底，增加濕潤度。入口微暖，無想像中咁甜，朱古力味幾香濃。有些東西要珍惜，尤其係呢D咁經典嘅美式餐廳，有機會再同友人回味一下。
繼續閱讀
dan ryan's chicago grill @ 尖沙咀去海港城行街…見到有間dan ryan…發現原來好耐無去美式餐廳clam chowder 好耐無飲過了。呢個好飲…好creamy…又多clam一坐低就奉上2個包+1…摸下仲暖笠笠…麵包質感鬆軟….muffin配個樹多啤梨牛油都幾好味…bufflo wings 少少辣 外脆內嫩 個source唔錯帶少少Tabasco辣…仲跟左幾條青瓜點個ranch sourcenachos 有牛油果醬再配上salsa同sour cream。 nachos上面有焗左既芝士 辣椒同olive…份量頗大…nachos最正就係點salsa黎食主菜既beef steak fettuccine 意粉有大量火箭菜 parmesan cheese 蒜片 蕃茄 牛肉 呢個味道唔錯…蕃茄醬甜酸度剛剛好…好開胃…另一個main係south west burger 跟餐既coleslaw salad幾好味 burger有生菜絲 蕃茄 紫洋蔥 芝士 牛油果醬 patty煎到焦香帶著有香濃牛肉味…最正有一大圈紫洋蔥…仲有熱焫焫薯條甜品新地雪糕 成座whipped cream山😍😍加埋雲尼拿雪糕…一個好平實既美式甜品brownies 朱古力醬 + 拖肥醬 肥鼠系列首位一貫美式餐廳…份量大堆頭…一定食得好滿足…加上無限時…地方坐得舒服…好啱多幾個朋友食野傾下偈
繼續閱讀
約咗朋友喺尖沙咀海港城嘅 Dan Ryan’s 食晚飯，呢間美式餐廳裝修係典型美式懷舊風，木枱皮梳化。環境唔會太嘈，燈光柔和。套餐包左個餐湯蜆肉周打湯，熱辣辣，湯底濃而不膩，Creamy得嚟唔會太杰，夠晒滑口，食到蜆肉同薯仔，好有口感。牛油果鮮蝦沙律，賣相唔錯，口感好清新，蝦仁爽口彈牙，牛油果好滑熟成度啱啱好，加上新鮮爽脆嘅生菜，整體配搭清爽解膩。費城芝士牛肉三文治亦都好出色，牛肉炒得好香，肉味濃郁又唔鞋，油香滲晒入洋蔥同芝士，啖啖都有拉絲效果。麵包焗得外脆內軟，成個三文治層次感好豐富。味噌煎比目魚柳，魚皮煎得微微焦脆，味噌醬汁本來諗住會太鹹，但出奇地同魚味好夾，微甜中帶少少鹹香。甜品揀咗招牌芝士蛋糕，質感夠綿，入口即溶，芝士味濃郁但唔會膩，下底嘅餅底做到香脆唔乾，好有咬口。
繼續閱讀
同男朋友食週年大餐，簡左海港城的Dan Ryan 大擦一番美式餐廳份量果然驚人，一個餐真系可以兩個人shareSet Dinner 包前菜、主食同甜品前菜凱撒沙律好大碟，沙律菜非常爽口是日餐湯蜆肉忌廉湯creamy 多料，好飲手撕慢烤BB豬肉漢堡$258豬肉扒好紮實，BBQ sauce 整得唔錯漢堡包體好鬆化，塗上牛油好香口烤半雞$268半隻雞好大隻，撕開隻雞有雞汁熱辣辣流出黎，香氣滿滿又好juicy Mango Milkshake$72Mango 味甜甜地易入口，岩曬夏天解暑飲
繼續閱讀
海港城「Dan Ryan’s Chicago Grill」呢間美式餐廳，由餐前包到主菜都好好味，環境又好適合慶祝。一坐低就送上熱辣辣嘅麵包籃，估唔到有合桃鬆餅！外脆內軟帶濃郁合桃香，配埋餐廳自家製士多啤梨牛油，酸甜平衡，仲有芝麻包同軟法包，很有誠意。鮮蝦牛油果沙律超新鮮虎蝦彈牙爽甜，牛油果熟到剛好creamy，好味得嚟夠晒健康。份量十足，兩個人share啱啱好。 香烤味噌比目魚，魚扒厚切，外皮煎到金黃脆身，魚肉卻保持雪白嫩滑。味噌醃得入味帶微甜，下面鋪滿薯蓉，好creamy。仲有好多烤南瓜同西蘭花。手撕豬肉漢堡嘅手撕慢煮BBQ豬肋骨肉鋪滿漢堡，豬肉炆到好冧，一叉即散，煙燻味超濃。夾埋芝士、紅洋蔥，生菜，同特製醬汁，口感超豐富。
繼續閱讀