龍鳳號 (已結業)

秋風起，突然勾起我既台灣癮😋一於黎龍鳳號食返個滷肉飯😍係香港食過幾間台灣野，到而家都係鐘意呢間既滷肉飯😋好香口好惹味原本想食花枝丸，但原來呢到冇花枝丸賣，得炸花枝蝦餅，味道都唔錯，好彈牙好足料😋野食幾好，不過服務員態度麻麻

成班同事一齊去試下龍鳳冰室，去過一次，就已經再去多左幾次了！真的好食！魯肉飯 ［9/10］呢度有肉燥飯同魯肉飯，魯肉飯肉塊較大，而且比較多肥肉，但油而不膩，細細碗又非常夠飽，超好食！滷水拼盤有蛋、豆腐、豬耳、大腸，全部都煮得好腍，滷得好入味，豬耳尤其出色！ 推介！鹽酥雞排 ［8/10］味道不錯，炸得幾香口，不會過咸。雞也不乾，好滑！但粉有點厚。地瓜條 ［8/10］煙煙韌韌，不錯！皮蛋豆腐 ［9/10］醬汁和豆腐皮蛋好夾！好食！

今日响觀塘行下街，心郁郁想食台灣野，最終去左附近一間叫龍鳳號的餐廳。餐廳佈局有種傳統復古味，全部用晒木枱木椅等，就連櫃都用上木色。呢到係用點餐紙，自己畫，基本的台灣菜，如擔擔麵，滷肉飯等都有，選擇都多。飲品係支裝，非常衞生。點左支桂花胎菊蜜，可以揀凍同熱。飲落甜甜地，帶清幽的菊花味，入面仲有明目的杞子添，而朋友叫左青檸百香果，佢都話幾好飲，不過就略有小小甜。惹味肉燥湯新竹米粉味道唔錯，新竹米粉超幼，口感帶點硬身，令嚼勁同質感都比一般米粉好，而撈埋D肉燥，好惹味，唔會太鹹又唔會太淡，味道剛剛好。鹽酥菇好值得點，每粒都好香脆，漿粉唔多，又唔會層層油，炸得幾好，嚟到個陣，仲係熱辣辣呢。成個質感，可以話內軟外脆，好好味！湯點少得傳統的台式迷你佛跳牆，唔好睇見細細甕，二個人分都非常夠，而入面D料亦好足，有鮑魚，魚翅，海參，干貝等，味道香濃。菇都係大大隻，咬落又有彈性。整體食物唔錯，價錢中等，不過最好係原來無加一服務費，不過就變相無水供應，飲品要點選。

放假豬仔同朋友去食下午茶揀咗喺觀塘附近食豬仔去到嘅時候2:45龍豐號下午茶三點開始於是坐住先慢慢等下午茶下午茶價錢平好多 細細碗但都夠食豬仔點左個古早味魯肉飯朋友就叫咗米粉 眼見米粉冇咩配料 清清淡淡古早味魯肉飯夠入味 豬肉軟綿綿 好味道每個下午茶套餐都跟一杯嘢飲揀咗檸檬冬瓜茶檸檬冬瓜茶比想像中酸 幾特別的口味 最後都飲晒 呢款最啱喜酸的你另外點左份小食台式烤香腸好有台灣風味 好好食一片一片切好晒 好適合做配菜下次會再嚟試其他嘢食

食台灣菜啦！觀塘行入少少，人流無咁多，談天都很舒服喔傳統黑糖刨冰 $42台式冰就是比較粗身，咬下去就是爽爽的~芋圓，地瓜圓，大大粒，但咬下去唔太Q，有點硬🧐加$8轉牛奶底，但奶味唔算強龍鳳豆花 $42芋圓，地瓜圓，豆腐花，紅豆，綠豆🤓芋圓，地瓜圓都係唔太Q，豆花都滑既，但整體略小份台式青蔥炸大腸 $68不錯的大腸，內邊夾上青蔥，外邊脆脆的，唔會太油，加了蔥有增加口感鹽漬蜆仔 $62味道特別，涼食的，鹹香味道特出麻薯地瓜棒 $56一份8條，味道不會太甜，有麻薯，食上來有點Q，而且不會炸得太油膩，不錯彭湖花枝蝦餅 $68炸得夠脆，內邊口感豐富，好好咬，蝦夠爽口，食上來彈牙山楂洛神花茶不會太甜，解膩一流，山楂味夠香甜

Lunch去試下台灣野，間店喺樓上鋪，冇乜人排個裝飾都幾吸睛，傳統得嚟好有氣勢咁Lunch set選擇唔多，叫咗香酥排骨同大雞肶前菜係蓮藕，幾脆囗同清甜~湯竟然係我最愛嘅蕃茄薯仔湯，見到蕃茄已經煲到融係湯，但略厭唔夠蕃茄味，可以再濃d~應該冇乜味精，飲完唔囗渴到重點肉燥飯，好足料！就算食到一半都仲有好多肉燥，而且唔肥膩好入味，送飯一流香酥排骨即係鹽酥豬排，好香脆！皮一d都唔厚，炸得啱啱好！排骨有少少肥肉位係邊邊，食落好香同有肉汁朋友叫咗雞肶，試咗一件。個皮薄同炸到好脆，好似薯片嘅囗感不過食到入面，唔係好夠味...香酥排骨好味過大雞肶好多！雖然台灣野嚟講都算唔平，$6x以上一個lunch，但質素都唔錯

今晚朋友約咗我喺觀塘食飯，以為又喺工廈 ，原來唔係，是在一座商業中心的商場2樓好鍾意佢個木製金漆龍鳳招牌配襯埋度紅色大閘門，好復古，好特別餐廳枱櫈都係用D重重的木製，好有農村風味仲有D燈籠做吊飾招牌黑白切~豬脆管"黑白切" 獅子 台語"隨意切", 也就是請老闆隨便切點小菜的意思。 呢個豬氣管出面好少有得食，口感有D似好脆的豬軟骨，好有咬口和頭，幾特別惹味肉燥湯新竹米粉~肉燥味濃細嫩，配埋清清地，一絲絲的新竹米粉再配合不過砂鍋麻油雞~ 除了有炆得好腍嘅雞外，伸有香菇,貢丸,豬血,秀珍菇和紹菜，味道有少少似黃酒雞但又沒有那麽重的黃酒味，反而多了一重麻油的香味和少許葯材味宜蘭蔥肉煎餅~餅皮 煎得好香脆，葱味極濃，和肉的比例配合得很好，一點也不油膩，好好味青檸百香果 ,古早味楊桃汁~台式古早風味凍飲，酸酸甜甜又解渴，楊桃汁有D似烏梅汁龍鳳豆花~有紅豆，綠豆，手工芋圓，手工地瓜圓和豆腐花，睇見都好開心最鍾意就係手工芋圓和地瓜圓， 煙煙靭靭又彈牙， 豆腐花又滑又濃豆味，好正呀燒仙草~ 手工芋圓手工地瓜圓仙草~仙草有少少似涼粉，質地有D似 龜苓膏，幾好味

大力推薦特色台灣店，好似置身台灣一樣，但位置都幾難去嘅，觀塘MTR B出口，要行幾條街先搵到日升中心，仲有上兩條扶手電梯，唔係順住，要兜另一面再上，不過係值得一搵嘅小店。裝修很美，可以影相打卡。點了鹵肉飯、椒鹽香菇、大腸麵線、醉雞，仲有最鐘意食既刈包，但一定要熱食，其實全部都好好食，食到好飽，下次想試下食豬手黑糖冰本來以為用飯碗盛，原來係湯碗，建議可以兩個人share一個，加多幾個toppings，抵食d。食完真係會好滿足

很久沒有去台灣了，有點掛住台灣夜市及美食。 刈包、大腸麵線、肉燥飯、擔仔麵等等地道美食滋味無窮，令人懷念。前兩日經過觀塘中海日昇中心，接過傳單，知道有間台灣餐廳，而且價錢唔貴。所以今晚同媽媽黎試下先。餐廳名字及裝潢都有氣勢及台式風味-餐牌選擇都很多，我們點了幾款🤤-🌟砂鍋三杯雞三杯雞係台灣既特色小菜三杯就係指油、醬油、酒；加上爆香了的薑葱蒜及九層塔，就能做出具風味又惹味的的三杯雞。 一上台已聞到香噴噴；加上鮮嫩的雞肉媽媽讚口不絕👍🏻-🌟滷豆腐由細到大都很喜歡吃豆類製成品軟嫩厚切的滷豆腐，咸香豆味濃！正喔！-🌟四神湯媽媽想飲湯水，點了這碗溫和中藥燉補四神湯。材料有淮山、芡實、蓮子、薏米、豬肚這份燉湯材料足！抵讚！多喝有助健脾養胃補元氣👍🏻-🌟古早味魯肉飯賣相滿分💯 每次去台灣都是必食魯肉飯總是令人懷念當魯肉滿滿的鋪在煙煙韌韌的米飯之上，令人食指大動魯肉醬汁油香豐腴，肉質軟腍每一口都有半肥瘦豬肉的油香鮮味及醬汁的濃郁味道🤤 好想再追加多碗呢-🌟台南擔仔麵有次去台南旅行，當地朋友帶我們去吃擔仔麵，它是當地出名美食之一。油蔥湯頭入口芳醇濃郁肉燥有著甘醇的甜香輕輕拌開芽菜、香蔥、芫茜，喝一口湯，

近排發覺觀塘是個聚腳的好地方，餐廳選擇多之餘，價格又豐儉由人，彈性很大。這晚再到這區開飯，品嚐實而不華的台灣菜。餐廳位於商廈裏，裝修古色古香，那龍鳳雙飛的招牌，挺有霸氣。晚上七時客人不多，然而越夜越熱鬧，最後全場爆滿。店子供應的食物包括：台式經典小菜、古早味飯麵、滋補湯品、招牌黑白切、傳統台式甜品等，當中不乏耳熟能詳的地道菜，例如砂鍋麻油雞($78)、黃金香酥排骨($46)、鹽酥雞翼($46)、台式烤香腸($32)、大腸麵線($38)、台南擔仔麵($38)等。一場來到，當然要試台灣最經典的古早味魯肉飯($38)。魯肉飯用小碗盛載，餸料份量慷慨，幾乎把白飯都掩蓋，吃罷感覺飽足。成品採用半肥瘦黑毛豬肉，脂肪分明，油潤豐腴，因混入香甜的醬汁，不算太膩。拌入軟糯的珍珠米，風味十足。突然想吃炸物，於是選了較有特色的鹽酥菇($42)。廚師先將杏鮑菇切成厚粒，再以地瓜粉包裹放落油鑊，外面薄薄一層，香脆可口。杏鮑菇熱辣辣、夠煙韌，一咬，水份便即時滲出。椒鹽味道適中，不會過鹹，非常惹味，果然是道令人上癮的小吃。接著輪到滷水拼盤($78)出場。這個拼盤包括大腸、豬耳、豆腐和雞蛋，全部都很入味。大腸尚算厚身

台灣是一個與我很有緣分的地方。我的第一次旅行，跟好朋友走遍台中台南台北。我喜愛這裏的風土人情，自然風光，當然還有這裏的美食。有見這幾個星期工作沒有那麼繁忙，趁著週日再次來吃這間台灣餐廳，好讓我解一解對台灣的思念。觀塘的【龍鳳號】看店名還以為是傳統中菜，但其實就係主打台灣菜，有傳統台灣菜式、多款台式甜品及自家製飲品。店面，好有古代木香裝橫，古色古香！室內設計木餐枱凳、中式燈籠、中式窗花、紅磚牆而最吸睛的是色彩豐富的壁畫。懷舊風味十足！今次點了的食物跟上次有九成不一樣，只再次點了一樣的古早味魯肉飯，說到台灣菜，又怎會少得魯肉飯呢？它亦是餐廳招牌之一啊！最先order的是兩樽飲品...飲品...飲品選擇非常多...我地想了很久，成個古早風味系列都蠻吸引的。「有古早味楊桃汁、古法烏梅汁、山楂洛神花茶、黑糖冬瓜茶、檸檬冬瓜茶、桂圓紅棗茶、阿里山烏龍茶等」，都是自家天然製作。最後選了兩支，其中一支就係古法烏梅汁 $28古早味酸梅湯也稱為烏梅湯，以洛神花、仙楂、烏梅與甘草為主配方！夏天冰飲可生津止渴且消暑、去油膩，舌尖香氣滿溢且嘴裡回甘。仲可以提神解勞添！屏東柑桔檸檬$28台灣市場多以酸溜溜的綠檸檬

放工和大頭仔去觀塘吃個晚飯，2個人叫的份量都廷多呢！虎咬豬 (刈包) $36軟綿綿的包夾著中間的豬腩肉，油香十足！平時不太吃肥膏的我也忍不住多吃了幾口。豬腩肉的上面還有蒜粒，洋蔥粒和花生碎，鹹鹹甜甜的不錯。滷大腸 $38這個我是廷愛吃的！大腸滷得十分十分稔，豬味已被滷水掩蓋，好吃。台式迷你佛跳墙(2人份) $78湯是很補的那種，內裏的材料很足，有冬菇，大量豬肉，栗子等等。清清的味道也很暖心暖身。秘製炸大雞腿 $46見網上很多人推介之下點的，本來都覺得一隻炸脾要$42實在是有點貴。姑且一試！炸大雞腿上有點平時大家到台灣夜市吃的炸物調味料，炸粉明顯而又確實地依強著雞腿肉。老實說，不值$46來吃一隻炸脾呢...古早味魯肉飯 $38相對炸雞腿就更好吃，飯粒分明，而且魯肉亦夠多。整體味道也不錯。檸檬冬瓜茶 $28實不相瞞，我是未喝過冬瓜茶的。我喝了一口後覺得這個好喝呀！因為她酸酸甜甜而且有消膩的感覺！紅豆湯 $38紅豆湯也是我十分喜歡的！原因是它內裏有些小丸子，芋圓，地瓜圓等。比較下小丸子的軟糯最為優勝！

今晚去觀塘搵食，朋友帶我去龍鳳號食台灣菜~我地一開始先黎個四神湯，係台灣既湯品，入面真材實料，有淮山、芡實、蓮子、茯苓，豬小腸，飲落好養生！之後叫左個魯肉飯，肉味濃，又唔算多脂肪，食落唔膩，配上綿軟既台灣珍珠米，好正！另外，仲叫左個惹味肉燥湯新竹米粉，湯底惹味清甜，而且新竹米粉好幼滑，健康之選！     而砂鍋麻油雞SHARE 食，湯底充滿麻油、薑既香味，食落雞肉嫩滑，唔錯！最後食埋個甜品—綠豆湯入面好正， 唔係好似港式果種杰身，入面綠豆味濃郁，仲有好多小丸子，煙煙靭靭，NICE=]好推介，食落感覺好高質，下次可再黎！

拍車好方便嘅餐廳！最鍾意樓上或下就有停車場嘅餐廳。必食滷肉飯！相比台灣嘅其實叫大碗，滷肉肥瘦適中，但略為偏鹹，台灣嘅會比較甜少少。飯嘅硬度剛剛好。滷肉拌麵，熱辣辣嘅乾拌麵。下面嘅粉似陳村粉嘅感覺。本人超like. 醬漬蜆。好大碗好底食。送啤酒一流但我唔飲酒，都係覺得偏喊。粒粒蜆都好飽滿，冇空殼。迷你佛跳牆，入面好多料，飲落味道似素湯，味道其實都幾有層次同複雜。唔係好重嘅肉味，但又唔可以話佢淡！好特別。推薦！酥炸排骨，新鮮香脆，肉質柔嫩甜品好失望，以為好似幅圖咁有晒好多配料，但原來只包兩款其他要額外俾錢。黑糖得好少，甜品來講佢唔算甜，冰粒好粗糙，甜品一半。但芋圓同番薯圓，好好食！可能下次食佢熱嘅甜品會出色d.

之前到這個商場食晩飯，見到呢間裝修咁別緻的鋪頭 已經決定要黎試一試 今晚難得有空，就和媽媽，女女一齊黎試下 店名叫龍鳳號，很中菜的感覺，但其實係食台菜的~ 不單外面裝修特別，裏面也一樣很有心思 處處都滲透著農家風味，身在其中，感覺好似遠離香港，去左台南咁~ 呢間主打係台灣菜，還要係懷舊個隻~ 我自己本身就很愛台菜，不單價錢便宜，味道也合胃口~! 這裏的台菜選擇不少 而且很多對我來說都係平時少見的 例如這裏的黑白切 係新鮮直送黑毛豬的各部份 有豬心，嘴邊肉，豬脆管，豬心等等，對呢D食材有興趣的朋友真係要黎試試~ 此外，當然仲有台灣地道的街邊小食，例如鴨舌，台式香腸，刈包 飲品方面都好有自家特色，有台灣古早味熱飲/凍飲，台灣啤同手工啤 我就叫左呢款古早味的台式凍飲 屏東柑桔檸檬 比平時的柑桔檸檬味道更濃香 呢度最出名的，就係呢個古早味 其實咩叫古早味？我都疑惑左好耐 上網話古早味即係令人懷念的味道喎~XD 以魯肉飯作主打，細緻咁分為魯肉飯同肉燥飯 而我就揀左有成舊肉既魯肉飯 平時的魯肉飯都係細細地一碗 這家既份量很多，有平時既一碗半~ 魯肉飯的汁很多，味也很濃郁，好好送