龍鳳號 (已結業)

早前到台灣旅遊的時候，食了很多台灣美食， 返到香港還念念不忘他們的魯肉飯。突然俾我發現觀塘有一間台灣料理~龍鳳號，門口還裝修得很有傳統的中國風格，鋪頭入面的枱和櫈都是用木的，充滿復古懷舊的氣息。 我們叫了古早味魯肉飯$38，滷水拼盤$78 (滷水豆腐，滷水蛋， 滷水黑毛豬耳，滷水大腸) ，龍鳳豆花$42古早味魯肉飯，魯肉脂肪甜而不油膩，魯肉大大粒肉味濃郁，採用珍珠米的魯肉飯，粒粒煙韌黏口， 完全食到台灣的風味。滷水拼盤包括有滷水豆腐，滷水蛋，滷水黑毛豬耳，滷水大腸。滷水豆腐比較硬，如果林少少比較好。滷水蛋和滷水大腸煮得好入味， 反而滷水豬耳切得太大舊，還有未砌好的情況。 後來要叫店員幫我們再砌多一次，因為太大條了好難入口。滷水豬耳厚切，如果可以砌細一點，那就更加好了！龍鳳豆花入面有有芋圓，地瓜圓，豆腐花，紅豆和綠豆， 芋圓和地瓜圓味道唔錯但唔夠煙韌， 豆腐花整體都算幾滑，但我叫的是熱龍鳳豆花，上枱的時候是暖的，原本想嘆一碗熱辣辣的甜品啊！整體來說這間台灣料理的魯肉飯真的唔錯，還有不同種類的台灣啤酒，但希望我下次到來的時候我叫熱糖水時，餐廳真的會給我熱辣辣的感覺。

太掛住台灣，見到龍鳳號有唔少台灣地道美食就約埋朋友一齊試下。必食古早味魯肉飯（$38）上面係五花肉肉粒，比起出面嘅魯肉飯啲肉大粒多汁，珍珠米粒粒分明又軟熟，好好食。麻糬地瓜棒（$56/8條）想念台灣夜市的地瓜球，麻糬地瓜棒比地瓜球更飽肚皆因入面係實心，淡淡嘅蕃薯香，外面炸得香脆可口，裡面麻糬同地瓜煙韌，果然係唔錯。姐姐涼面（$38）有簡單的青瓜絲，同黑芝麻醬。第一次食黑芝麻醬拌麵，都幾香口，不過醬汁多少少會更好。燙蕃薯葉（$42）有滿滿嘅一碗，燙得唔會太老，上面有少少香蔥，簡單健康。兩個飲品：檸檬冬瓜茶（$28）及青檸百白果（$28）都係支裝，味道好但好細支。最後叫左兩個甜品都有芋圓，仙草凍（$38）及龍鳳荳花（$42），普通，芋圓不夠芋香，可能我地對於芋圓都有要求吧。幾鍾意呢度嘅裝修，同用嘅碗碟都好有家嘅感覺。每樣食物份量少似夜市感覺，可以一次試多幾款唔同食物。

自從 公司搬咗嚟觀塘之後 就 多咗下晝 在附近搵餐廳食飯， 早兩日 做嘢做晏咗，跟住同同事去下午茶同事話附近有間食台灣嘢唔錯咁我諗住試下無妨， 由於間食肆喺商場2樓同埋是下午茶時段，'我同同事2人入到去都係只係得兩枱客， 由於同事和我都唔係太肚餓，所以我就嗌咗個擔仔麵 同 桂花菊蜜 佢就嗌咗個大雞腿 和柑桔檸檬， 我就覺得個擔仔麵 麵身軟硬度適中， 湯底都唔係太油 可以一試 另外嗰杯桂花菊蜜甜度適中， 我同事話隻大雞腿吾太咸口感幾好，但有少少雪味，另外樽柑桔 檸 檬甜酸都適中算合格有餘的， 整體環境算靜同食物 都ok。

亞仔上網找了另一家台湾食店，但個間的位置較遠，見到呢度近下車位置，而且商場新，就來試下，裝修唔錯，因為人唔算多，坐得都算舒服和靜，看菜單剔食品，叫咗肉燥板條，大腸麵線，燒茄子，豬蝴蝶腩，墨汁香腸，共五款，我以為各人一碗主食加三款配菜應該好飽，先來碗大腸麵線，碗是一手拿得曬的飯碗，眼見得兩片簿切大腸，味道淡而偏甜，再來板條，味道比麵綫好，但食量一樣少，再來是墨汁香腸，亜仔香普通台灣香腸一様只是黑色罷了，豬蝴蝶腩爽有咬口，燒茄子冇咩味，好差（我以前響另一家吃的是有醬汁煮過的，我喜歡呢款茄子）仔要追加魯肉飯及一杯熱桂花胎菊，魯肉飯偏甜，但味道唔錯，我覺得最惹味好吃是呢個

下班後吃什麼？在觀塘apm附近覓食，無意中發現了這家店。這家店位置雖然偏僻，但坐無虛席😱。1️⃣ 古早味魯肉飯 $38 — 五花肉的肥膏入口即溶，一點也不覺得膩，非常驚喜😍。配上甜甜的醬汁，不知不覺便把整碗飯吃掉😋。2️⃣ 宜蘭葱肉煎餅 $48 1碟5件，這道菜外表似生煎包，但其實是炸餃子🥟。一口咬下去，湯汁就爆出來，非常juicy。3️⃣ 虎咬豬🐯🐷（刈包） $36 — 看上去平平無奇，但一口咬下去，五花肉的肥膏入口即溶配上軟綿綿的麵包、酸菜、芫茜，不錯不錯👍。但不喜歡芫茜的朋友，下單前要三思三思，因為芫茜的數量不少。4️⃣ 四神湯 $52 味道偏淡，嘗到淮山、姜味。也吃到2-3件沒有味道的豬肚。5️⃣ 仙草凍 （手工芋圓 + 地瓜圓 + $6 紅豆）$38 + $6 1個字「甜」😩！廚師下了太多糖水，令到整碗仙草也變得很甜。芋圓方面，雖然嘗到芋頭味及地瓜味，但$44 份量很少，只有6 粒芋圓🙁。回頭指數：9/10（除了甜品及湯不推介外，強烈推介它的五花肉😋）

餐廳環境不錯，味道有點淡。由於價錢頗貴，本身以為食物味道及質素會有驚喜，但整體感覺只是中上。點了一份 魯肉飯及楊桃汁，飯來到的時候還覺得細碗，飯不太油膩，可是，用膳完畢後出奇地飽到頂胃。楊桃汁味道有點酸。

時間如白駒過隙，我同之前旅行好朋友去過台灣之後 久別重逢。為咗回味同佢台灣嘅旅行嘅日子決定同佢去觀塘食依間龍鳳號😘人生就是一場戲，喺裏面食嘢透過傾計期間都令我地諗番唔少台灣嘅生活片段不過廢話少講，我哋都係講返嚟到嘅食物我地點左個滷肉飯同埋我鐘意柯仔煎。滷肉飯係必點， 因為聽過唔少朋友大讚呢兩樣野，果然名不虛傳。非常之有台灣嘅風味，相反令我哋驚喜嘅竟然係飲品冬瓜茶佢唔會太甜，令我挑剔唯一嘅就係滷肉飯份量略嫌少，但其他所有野都非常之咁出色！

之前見有不少飲食雜誌和食評介紹，早就收藏了在必食餐廳名單中，但今日一試，真心有點失望😞1.份量太少 2.吃不到台灣風味🍚魯肉飯魯肉口感軟腍 醬汁滲透飯粒 味道偏甜 但份量太少 碗只有手掌般大小🍜惹味肉燥新竹米粉吃到有炸蒜和芽菜 配上肉燥 挺香口的❄️仙草凍芋圓硬硬的 而仙草不是台灣的那種 比較像涼粉 本來就是因爲見台灣甜品好吸引 才會想要去試試看 有點失望🍋檸檬冬瓜茶 檸檬味太重 好酸 飲唔到冬瓜甜味 不對個人口味 只喝了一半

勁耐沒食台灣野，觀塘呢一間見到佢開咗都好耐之前有好多人排隊。環境係最正有好多唔同嘅打卡位尤其是佢嘅霓虹燈。呢度嘅滷肉飯算係我食過台灣菜始終幾唔錯幾一間，因為真係好濕潤之前食過有啲餐廳份量有小而且又好乾。鴨舌都幾入味，分內好多！可以配埋滷肉飯一齊食增加口感嘅層次。我哋另外叫咗個鹽酥雞扒，炸得唔錯，如果可以再落多啲辣粉同埋孜然粉就好。去台灣餐廳我都會飲嘅就係四神湯之前喺台灣飲過嘅味道都差唔多。最特別呢度竟然會有仙草冰，平時糖水舖要專登入去一啲小店入邊先有得食。估唔到呢度都做得唔錯。分量啱兩個人，材料都幾多。自製飲品嘅話我就比較喜歡冬瓜茶，比較清涼。

星期六family day，滿心期待要食呢間，然後嗌左宜蘭蔥肉煎餅，砂窩三杯雞加台灣珍珠米（即係白飯啦）。宜蘭蔥肉煎餅，每個都少得可憐。雖然熱哄哄且皮薄，但好硬 😖 餡料淨係食到胡椒粉味，蔥又唔多，肉又唔多，唔多好食，都幾失望。叫得砂窩三杯雞，梗係要有白飯嘅。飯好大碗，而台灣珍珠米確實脹卜卜、粒粒分明，但煮得唔夠軟熟，煮嘅過程水唔夠，令到飯偏硬，𡁻到牙軟，又無飯香 😞 三杯雞味道亦一般。明明係雞脾肉，但煮到鞋口，完全唔嫩滑，仲極之油膩。😖食食下頂唔順嗰個硬飯，嗌左個肉燥湯粄條，滾滾熱湯中嘅粄條半透明，非常軟熟，加埋有蝦米香嘅肉燥，同飯相比真係好食好多。食飽就要食甜品，嗌左個桂花酒釀丸子加地瓜圓，食唔到酒香、亦無乜桂花香，純粹酸酸甜甜，丸子、地瓜圓算軟熟，整體而言只可以話一般般，唔值呢個價。環境叫注重設計，尊重畫師，尊重設計師 👏🏻 但餐廳最重要始終都係食物味道同質素，所以都有改善空間。

台灣野一直係港人至愛，因為食物夠地道，而且好岩港人口味同友經過工業區，係OP搵到呢間餐廳。裝修都好古色古香，而且都好闊洛仲好型有個打卡位嗌左黑糖冬瓜茶同檸檬冬瓜茶，酸酸甜甜，開胃一流，不過個人會鐘意黑糖多啲，鐘意酸既不妨試下另一隻人一人個古早味魯肉飯同古早味肉燥飯。令我諗返係台灣花蓮同友人一齊食魯肉飯同肉燥飯記憶，真係一樣味，飯唔會太硬，而且肉啲唔會太多汁同好油，唔好睇佢咁細碗，係絕對夠飽最後叫左個滷水拼盤，啲滷水都幾入味，而且嗰日仲唔算特別人多，可以友人暢談之前係台灣既點點滴滴。

龍鳳號@高質的台灣餐廳觀塘有一間好高質嘅台灣餐廳，每到Lunch 必定大排長龍，今日特別帶新同事一試。我一直認為好食的餐廳，菜式都會比較少，因為專注某幾種菜式才會專業 1.秘制炸大雞腿 +古早味肉燥飯$68⭐️⭐️⭐️⭐️⭐️ 超巨型的大雞腿，而且好貼心切開了3大件 炸到外皮好膽，但肉質依舊鮮嫩，加上台灣的鹽酥的粉，真的好好味好出色！2.家鄉紅趜滷豬手+古早味肉燥飯$72⭐️⭐️⭐️ 豬手好入味，而且炆得好李，好易咬開，而且份子都好多，至少有5個豬手。最值得推介係古早味肉燥飯，因為我們跟餐叫左古早味肉燥飯，肉燥好多，而且個滷肉汁濃郁又香甜，配埋粒粒分明的台灣珍珠米，食落好煙韌又綿軟，完美。3.鹽酥雞翼3隻+姐姐涼麵$68⭐️⭐️⭐️其實係麻醬撈麵，不過好岩夏天食，應該係季節限定，因為之前無。不過個芝麻醬味道比較香濃，同青瓜一齊食幾清新，唔會覺得好溜嘅鹽酥雞翼3隻炸得都好好好味，外脆內軟。我個人比較推介lunch來食，因為性價比會高好多。LUNCH 會有set，會送一碗湯同一碟小菜，但Dinner就只可以單叫，價錢比較貴。

不嬲都會係觀塘搵D特別既野食，今日就約左朋友去到駿業街中海日升中心呢間台灣野。因為人數唔係好多，所以只係叫左幾樣野食。古早味魯肉飯食得台灣野，緊係會食魯肉飯。其實佢既魯肉同台灣食果D好相似，夠味得黎又唔會好咸。最正係D珍珠米黏口，有D似食緊日本牛肉飯既感覺。惹味肉燥湯新竹米粉 另外都叫左個肉燥米粉。除咗肉燥之外，仲有好濃嘅蒜味。新竹米粉比較幼細，但係食落去好爽口，加埋D芽菜做配料，非常唔錯。烤香腸烤香腸都係平時去台灣一定會食既野，加埋D蒜片做配料，口感味道一絕。炸花枝蝦餅通常食台灣野都係食花枝丸，但係呢度有一味係花枝蝦餅。估唔到呢間餐廳做炸野都咁有水準。每件都好大件，好彈牙好足料，值得推介。傳統黑糖刨冰最後緊係都叫個甜品啦。對芋圓情有所鍾既我就叫左呢個傳統黑糖刨冰。芋圓，地瓜圓刨冰根本冇得輸，仲可以加$8轉個牛奶底。總括黎講呢間台灣野水準都唔錯，樓面亦都乾淨企理，係觀塘做野既朋友不妨一試。

今日放工去咗海日昇嘅龍鳳號食肉燥飯。7:30已經超多人。呢燥間餐廳係自己剔野食的。剔好交比職員就可以古早味肉燥飯$36肉燥味道好正，又香。撈埋飯可以成碗食晒姐姐涼麵$38麵質唔錯，唔會太淋。但就唔係太夠味。比較淡滷水拚盤$78滷蛋~1隻滷豆腐~4片，豆腐滑，唔“鞋”滷大腸~有“壓味”，好乾淨，好味道滷黑毛豬耳~好爽以上四款都非常好味，龍鳳號嘅滷水汁好香花椒八角味。滷水汁味道唔會只得個喊字。醬燒茄子$38一碟6件，切成圓柱體。凍食的仲叫咗2枝飲品甘吉檸檬及黑糖冬瓜茶

觀塘愈來愈多食肆，中海日升中心就係近年新崗起嘅地方之一，樓下已經有日日排長龍嘅紅茶、南記粉麵、龍門茶餐廳，上一層就有譚仔食，日海日升中心每日下午都聚集一大班打工仔係呢度食飯，真心不無道理。好耐之前食其他餐廳時，已經注意到龍鳳號呢間店，木製裝潢，非常有古早味，非常令人印象深刻。碰巧約舊同事食飯，於是就提議食呢間。今次黎到龍鳳號，即使已經2點鐘，但亦非常多人，幸好大部分人都是2點多就要回去工作，我們等了一下下就已經有位置啦。龍鳳號店內裝潢也是以木調為主，連桌子、椅子都是木質的，有趣的是在這古色古香的環境下，滿牆是大大的現代璧畫，身穿旗袍的女人偎在一邊，旁邊有一枝手在喂食，有一只小豬爬在手上，仿佛也想嚐一口似的。地方不大，但卻充分體現到店家對於裝潢的要求、藝術感 和 古與今的結合，是一家很有個性美的餐廳。我們簡單的看了一會兒菜單，很快就下定主意了，叫了炸秘制大雞腿配乾拌麵($68)，同事則叫了姐姐涼麵，配鹽酥雞翼($68)。炸秘制大雞腿配乾拌麵大大枝雞腿放在眼前，想起小時候總嚷著媽媽給我咬雞腿，因為肉是最滑嫩的，也最有口感，這雞腿烤的香酥，雞肉汁緊緊的鎖在炸粉內，食時要小心哦！不要被熱燙燙的