龍門一番 上海·紫砂燉湯 (已結業)

疫症下嘅星期五晚仍然好多人黎食！座位大多係卡位，同其他食客隔一隔都食得安心啲。每人有個獨立茶壺仔，有幾款茶揀，我地試左平時少飲嘅胎菊同人蔘烏龍。椰子竹笙燉雲呑雞湯，入面有原隻燉雞，大量竹笙同椰子，好足料，入口清甜，而雲呑都幾好味～奶油津白，好大碟，整得幾好味！魔鬼天使小籠包，創意野，黑色係墨汁皮，黑蒜肉同豬肉，頂頭係海膽。白色係帶子豬肉，上面有魚子醬。兩款都好香口，湯汁都好濃味！黑將軍墨魚水餃都好好味，墨魚味香～瑤柱露荀蛋白炒飯就不過不失～

上海菜一向係我耐唔耐就想食既菜小籠包啊奶油津白啊依啲真係食極都咁鐘意有次行過見到有新上海菜餐廳，當然要搵機會嚟食啦一坐低就會有人嚟問飲咩茶，每人一個茶包又幾正，可以成枱人個個都飲唔同嘅茶我就揀咗人蔘烏龍沖茶囉~好香洋蔥牛肉配薄餅 $60可以嘅話，我會比依個200分洋蔥牛肉炒得好惹味，肉嘅份量又唔少，配埋解一解油膩嘅洋蔥將啲配料放落個薄餅入面，真係不得了奶油津白 $75一上枱嗰下都有啲嚇親$75咁大碟會唔會太誇張味道中上啦，依個味道加依個份量絕對嗌得過小龍蝦湯包 $42另一我最鍾意嘅上海食物先用飲筒飲湯，再食啲餡好味蟹粉炒飯 $118好香炒飯粒粒分明，加埋蟹粉兩個人埋單三百幾，食到捧住個肚

.一入到去職員就俾咗一大堆茶包俾我哋揀，每人限攞一個，於是我哋揀咗茉莉龍珠同胎菊，自己沖自己飲，可以減低傳播病毒嘅風險🦠.醉香花甲（$68）• 酒味好濃，花甲同蟲草花都吸曬味。花甲無沙又大隻，68蚊黎講係好低食。.魔鬼天使小籠包（ $58 ）• 黑色魔鬼係用咗墨魚汁皮包豬肉，仲有少少海膽做點綴。白色就係包住帶子同豬肉，同樣加左魚子醬係頂部。兩款小籠包都算濃味，肉汁都好多，好食👍🏻.蟹粉小籠包（ $18 ）• 蟹粉都係好出色，皮薄餡多，帶少少蟹粉嘅鮮味。.蔥花薄餅（ $45 ）• 呢個煎得幾鬆脆，又唔會有太油嘅感覺，食多幾塊真係好易飽。.香芋鍋餅配雪糕（ $56 ）•香芋餡軟綿綿，配埋雪糕食有冰火嘅感覺，作為一個晚餐嘅甜品，都算唔錯👅.女仔最好搵人些牙一下！.餐名：以上價錢：$245評分：7/10餐廳：龍門一番 上海·紫砂燉湯 (屯門)地址：屯門屯隆街2號屯門時代廣場2樓26-27號舖

情人節同老公一反傳統，去了食中菜，這間上海菜館有多款傳統的小食、小菜及粉麵飯供應，價錢都大眾化。首先一人可以揀自己喜歡的茶，自冲自飲，茶味清香。自家製千層水晶肉肴肉切到好似午餐肉，入口膠質豐富，入口半溶。魔鬼天使小籠包小籠包皮薄，裏面充滿湯汁，味道鮮甜有肉香。北京水餃特製的醬汁令水餃味道更鮮，咬開中間爆汁。排骨擔擔麵排骨炸至金黄香脆，外層粉漿都唔會太厚，不過肉層就比較薄，入口都算腍，擔擔麵帶花生香味，湯底又唔會太濃稠。醬豬手冷麵這裏的麵都應該是自家製，麵質爽彈，加上麻醬及青瓜拌勻，味道清爽，不過醬豬手就比較硬。

最近在屯門食左間抵食夾大件的滬菜餐廳！質素都ok, 難怪長期要等位啊。小籠包是我最喜歡的食物之一，呢度的小籠包皮幾薄，湯汁都豐富，合格有餘，一籠4粒2人分，實在唔夠喉，所以再叫多左籠😆魔鬼天使小籠包很特別，白色的是帶子+魚子醬小籠包；黑色的是海膽+墨魚汁小籠包，中間仲竟然包了粒甜甜的黑蒜肉！有創意。但我始終鍾情原味小籠包，想回頭呢。香煎素鵝（$48）大大碟， 脆脆的厚腐皮包著軟嫩的香菇，是一味香口素菜！另點了一道葷前菜，醉花甲（$68），是因為嗅到隔離桌的酒香而加點的，超大一碗啊，花甲大隻，95%都無沙，酒味好香，雖是冷食，花甲都嫩滑無收縮變韌。主菜嚐了酸菜牛肉湯拉麵（$78）又是大大一碗，2人分享不是問題！味道也不錯，酸菜夠酸，開胃微辣，覺得性價比不錯喔。 每次到滬菜餐廳，我幾乎必點高力豆沙作甜品，這裡的更配雪糕（$56/2個） ！感覺這裡很適合作為日常一家人食飯聚會的餐廳，餐牌選擇甚豐富！大慨吃上三五七次都不會悶,多人來還可以試上它的雲吞雞及燉湯等等呢！

過年期間到屯門同表姐拜年，之後我們去左屯門時代廣場行下和食晚餐，經過2樓，見到龍門一番上海·紫砂燉湯，原來是在屯門新開的分店，我們在荃灣店食過燉湯，真材實料，實在令人回味不已！現在當然不會錯過，立即入座試下新分店，店內裝時尚，座位寬敞。與荃灣店一樣，有真空獨立包裝的茶葉給客人選擇，乾淨衛生。花膠螺頭干貝燉雲吞雞湯，用砂窩盛載上枱，雲吞另上，窩內有半隻雞、花膠、螺頭和干貝等，雞肉嫩滑，大大塊花膠軟滑和黏稠度，骨膠原豐富，雞湯濃郁香甜，砂鍋具有通氣性，吸附性，傳熱均勻散熱慢等特點，令雞湯原汁原味更香更美味！上湯小籠包，皮薄餡多，咬下去時，湯汁就會湧出來，餡肉亦因灌湯而保持濕潤，口感滑嫩，不會肥膩。上海粗炒，麵條有嚼頭，炒得又夠鑊氣又夠味！

最近危險時期，四圍都少左好多人行街食飯。由新年到依家出門都吾過5次，真係人都發霉今日終於都忍吾住，出尼屯門市中心行下，食下飯，約個朋友傾下計。我行行下發現左原來屯市稻香旁邊開左間新餐廳叫龍門一番，個名都幾有霸氣喎，而且見佢店內裝潢乾淨俐落，所以就步入幫襯下了。步入店內，坐到卡位，位置空間足夠，活動自如。由於仲係新年期間，所以都仲見到紅當當嘅裝飾中午時段有set lunch,價錢都幾抵，有前菜，正餐，加杯飲品，都係70-80左右茶芥係分開每人一杯，可以揀自己中意嘅茶葉我揀左菊花茶，一包倒出尼，勁多呀，起碼有成30幾粒花苞前菜係蒜蓉伴青瓜同四季豆伴豆腐干，味道就一般般la 上海粗炒好夠鑊氣，好香，粉質爽口彈牙，調味適中，而且仲好大碟添金銀鱔糊配咸菜飯，鱔糊味道偏甜，魚肉份量多，菜飯，米粒硬身，撈汁岩岩好不過可以多返d菜就好了另外單叫左花生芽菜，第一次，有驚喜呀，炒得好香，口感係完全吾同芽菜但就好有咬口最後食埋魔鬼小籠包，白色個粒入面有粒小元貝，黑白冇咩特別最後我同朋友食飯傾計差吾多2個鐘先走，期間侍應都有不時過尼幫我地加下水，問下仲有咩需要咁，服務不錯

約了親戚在屯門飲茶過時過節如無意外都會想找間中餐館來到屯門時代廣場，稻香經常吃所以就選了隔離的龍門一番這個名這麼神聖又有龍門又有紫砂，以為會好貴點知Set Lunch 原來不貴呢。.第一次覺得飲茶這麼好玩：店員會首先拿一盤茶葉給你選擇：鐵觀音、胎菊、烏龍茶等等，自己選自己的，每人一個選自己的喜好。然後把茶葉倒入自己的小茶壺中，加熱水蓋好蓋就可以到出來慢慢嘆茶。這應該是比較傳統的飲茶方法，在很多餐廳都滅絕了，差不到這裏可以享受到！應該小朋友會很喜歡玩哈哈，不過小心倒瀉水。套餐免叫茶位費的呢！.私房涼菜是送的，每一個餐有一個。份量也很有誠意，雖然是齋菜，但是調製得很有味道，連一個普通的茄子加了點醋及香料後也變成滋味十足的食物，可見廚師功架不少。.四川擔擔麵 $58湯底味道十足，是正宗的擔擔面湯底，帶點花生碎及肉碎，簡簡單單就襯托起整碗麵。我更欣賞的是他的麵，仔細看每一條面粗幼也有一點點不一樣，相信是手工製造的？口感特別有彈性。.紅麵牛肉麵 $68湯底濃郁，很誘人的味道。牛肉選用牛𦟌部位，有口感之餘又夠軟身。牛肉厚切，食完一碗便已經十分飽。.糖醋魚塊 $78魚快做得十分香脆：帶點糖的脆甜，又

🌟🌟🌟🌟🌟🌟🌟🌟🌟🌟🌟🌟🌟🌟🍽 龍門一番 上海·紫砂燉湯 (屯門)📍屯門屯隆街2號屯門時代廣場2樓26-27號舖🌟🌟🌟🌟🌟🌟🌟🌟🌟🌟🌟🌟🌟🌟擺脫中菜點心乏味嘅形象 呢一間上海菜 必試！魔鬼天使小籠包 HKD58呢一間龍門一番 上海·紫砂燉湯大玩fusion菜，呢一味魔鬼天使小籠包就用咗海膽、黑松露、黑魚子來製作小籠包，聽落都夠晒吸引😍而食落去都相當唔錯，小籠包皮薄餡靚，入面嘅汁好多，一咬落去就爆曬汁，趁熱食好正，真係有姿勢有實際架！😋日本溫室南瓜燴酒釀蝦球 HKD168身為南瓜紅嘅我，一見到呢一個日本溫室南瓜燴酒釀蝦球即刻心心眼😍一場黎到，見到自己鍾意食嘅嘢，當然一定要叫啦！一上到黎我地都冇諗過咁大個😳以為會係細細個日本溫室南瓜，點知佢嘅份量好大，中間嘅南瓜肉掘空左一半左右，裏面放咗好多酒釀蝦球，望落去幾震撼下🤭值得一讚嘅係，南瓜係非常之冧同埋香甜，而且皮都可以食埋，所以係名副其實嘅日本溫室南瓜，食完一個之後真係好滿足🤤🤤老乾媽豆乾爆秋葵 HKD75見到個菜名，覺得好特別，所以就叫咗呢一個小菜，因為我好鍾意食秋葵，大多數係出面食到嘅都係涼拌或者就咁煮熟佢用來做沙律，呢一個老乾媽豆乾爆秋

呢排周圍都好多菌，唔係好敢出街食野，今日同朋友出黎談心見呢度裝修幾靚又企理咁咪入黎食囉我地揀左烏龍茶黎飲，幾得意喎係我地自己沖黎飲，勁香睇個餐牌既價錢都諗，嗯～ 黎食裝修既唔緊要啦。叫左個「粒粒帶子炒飯」同埋娃娃菜食我唔係講笑架我做左廿幾年人真係第一次食到成碟好深色但係一啲味都無既炒飯而且帶子真係好粒粒，數過得4粒左右，而且完全無味既！成碟只有臘肉係叫有味好啦，個菜賣相係唔錯既，但係點解會附送左發泡膠既？$75蚊係食滾水發泡膠淥菜？好在只係叫左2樣野食，唔敢再亂試啦，唔想浪費食物分數我係比裝修同埋茶葉既，真係用黎食既就唔好講笑了，有得比負分既話我一定會比

位於屯門另一間新開上海菜館！裝修比起傳統上海菜館有所唔同！真係好特別！傳统D伙計會倒茶比你，但係現在比茶包自己冲茶，茶包好多味道，的確唔錯！至於食物方面好新鮮，食物即叫即炒，這碟爆炒牛肉，非常嫰滑，咬口非常正！味道適中、又唔肥膩，非常之正吖！還有其它好特色的食物！尤其是個炸鳗頭勁正!鬆脆可口非常之好食！面頭加左朱古力非常合襯，食落口感食到停唔别口！我都唔需要再介绍，有時間我會再來食多一次。金銀鱔糊配咸菜白飯 $93 蔥爆牛肉 $88 花鵰醉豬手 $78 榛子小饅頭 $38

說起上海菜，腦中第一個想法是龍門一番，之前在荃灣店吃過數次，深受家人愛戴。龍門一番憑著料好實在，價格平實的優勢，擄獲一眾食客，最近更在屯門開設分店，方便我們相約弟婦媽媽吃午餐。龍門一番的茶包全是自家出品，有五款茶包可選，我和弟婦挑了胎菊，弟婦媽媽則喝龍蔘。現泡的胎菊果然很棒，胎菊本身對身體有益，清新回甘，完全無負擔，我泡了一杯又一杯。白胖的上湯小籠包冒著熱呼呼的白煙，伴隨著陣陣小籠包香氣。小籠包個頭真的不小，一口吃下去有點難度，超燙呢。小籠包都是手工做的，功夫相當了得，內餡十分紮實飽滿多汁，外皮甚有彈性，小籠包越是咀嚼越。一顆顆圓滾滾的上海小雲吞人手包製，非常新鮮。小雲吞皮很薄，吃來滑溜順口，豬肉肉餡鮮美，人手製造就是不一樣，而且湯頭挺清爽。黑醋排骨像山一樣高，給得不手軟，排骨切得比較小塊方便入口。排骨先油炸，然後倒入黑醋翻炒兩下，排骨外酥內軟，酸甜帶勁，十分涮嘴，推薦大家必點。我們攪拌均勻排骨擔擔麵後大口吃下，擔擔麵味道層次豐韻十足，該有的麻香辣都有，麵條口感彈牙，蠻不錯的，讓人想一直吃下去。排骨外層炸得金黃香脆，內裡肉質軟嫩，肉汁豐腴，配著擔擔麵吃味道一流。弟婦媽媽說上海粗炒十分標

尋日過屯門同親戚食lunch，就去左屯門嘅龍門一番試下，之前都有去過荃灣分店覺得唔錯，睇下屯門水準o唔ok另外見到佢地派食，仲有禮物，細問之下原來係逢星期一長者派飯，而且係全城搶口罩其間派口罩幫助老人，真係好窩心💛花雕醉豬手，同土匪牛肉都係我嘅最愛，黎度必叫之選干貝賽螃蟹係其他地方試過，始終無龍門呢度岩我好味當然唔少得魔鬼天使小籠包啦原來每星期一都有長者派飯有口罩派同消毒用品，其實我都好想要😅

去完旅行返嚟，食咗咁多日泡菜，今日約咗朋友聚下，梗係揀番啲中菜食下啦。朋友介紹左呢間新開嘅上海野，呢度係一人一壺茶，可以各自揀返自己鍾意飲嘅茶。我就試吓呢個人蔘烏龍。佢個茶真係好好飲，有回甘嘅味道，沖左四五次都仲有色，唔錯。你食上海野一定要嗌小籠包啦，見佢有個天使魔鬼小籠包於是嗌嚟試吓。件事其實就係普通果隻小籠包，而魔鬼就係用咗墨汁皮。朋友話想食帶子炒飯，所以就帶咗個炒飯黎試吓，除咗帶子之外仲有啲臘腸吊味，啲飯都吵到粒粒分明。另外仲嗌咗個炒牛肉，牛肉都好夠味，都腍，唔會太老。蔬菜方面就嗌咗個奶油津白，好creamy，啲菜都好甜。兩個人加埋都係食咗三百幾蚊，夠晒飽，唔錯。

今日去咗屯門市中心行街 無意中俾我發現時代廣場1樓嘅呢間龍門一番排曬長龍 於是就去試下好冇食啦呢間舖頭主打食上海嘢 入面嘅二人座位都幾擠迫 可能因為多人等位 而且裝修幾靚 兩個人就安排唔到卡位 不過睇落幾闊落首先叫咗一個醉雞 雞肉非常之嫩滑 雞皮都唔太肥膩 可以食埋 口感十分一流 而且花雕酒嘅味道完全滲入雞肉入面 好食好食之後就叫咗一個黑醋排骨 排骨本身比較多肥肉 但係黑醋嘅甜酸味正正中和咗呢種油膩感 食落十分清爽 係一個好好嘅配搭之後朋友叫多一個蔥爆羊肉 呢個羊肉十分之好食因為佢有羊肉味之餘又唔太蘇 啱曬我朋友呢啲食唔到蘇味嘅人跟住就叫咗一個小籠包 呢個小籠包皮薄而且多餡 入面嘅肉汁亦都十分之濃最後就叫多一個豆沙餅做甜品 呢個豆沙餅煎得唔係好油膩 而且豆沙餡嘅甜味正好為呢一餐畫上完美句號