龍門一番 上海·紫砂燉湯 (已結業)

龍門一番 上海·紫砂燉湯，又係一間服務很好的餐廳。👶🏻小朋友等位入坐，店員貼心為他送上氣球🎈，其實不一定要價錢貴才有高質素服務，這家經濟實惠都服務貼心！📍鹹肉津白湯年糕（$56）📍龍門海鮮炒飯（$78）📍糖醋魚塊（$78）📍超級無敵大壽桃（原隻蛋黃）（$32）📍魔鬼天使小籠包（$58/4隻）📍茶芥9/位 ，每位任選一包自己喜歡的茶葉每道餸菜都很好味😋😋最喜歡他們的魔鬼天使小籠包🥟，皮薄多汁💦，絕對要啜晒啲湯先好放入口！真材實料入面真係有成粒帶子同埋黑蒜！糖醋魚塊🐟，外皮酥脆，沾上酸酸甜甜醬汁，開胃惹味👍🏻！另外都十分推薦鹹肉津白湯年糕，年糕煙煙韌韌，配合蔬菜🥬，健康不油膩😋！

假期前夕同一大班同學仔一齊出黎食下飯，走到咁上下肚仔餓，所以就去搵野食啦，恐怖周圍都好多人呀，酒樓同上海菜都排哂人，所以決定左兩邊都拿飛仔等位，睇下邊到快就去邊間食，哈哈哈，係我最愛既上海菜win左呀＞_＜！真真正正既上海菜有靚靚蟲草雞湯8分係邊度都食唔到既濃郁香噴噴排骨擔擔麵9分好味到再想叫多一份食既黃金蝦球10分好美麗既紅油長條形抄手8分味道一流既天使小龍包8分呀sir都讚好既，粒粒佳辛苦既黃金抄飯8分

因為屯門好少有上海菜，呢間都新新地既食店都會去嘗試，加上朋友當中有喜歡吃上海菜，所以上個星期六就去左試下。我地四個人，本來有朋友早到，大約6點係可以直入，但因為我地味齊人，所以唔可以先入。之後6點半到再去時，已經要攞飛等位了。大概等左20-30分鐘先有位，一入到去，職員就比我地簡飲咩茶。本身以為係一台簡一種茶，但原來係每個人自己可以簡返自己既茶。呢一點係覺得有驚喜既，比較細心，因為一台食飯既人大家未必岩飲同一種茶，所以值得讚賞。然後就叫野食了~魔鬼天使小籠包($58)係出面排隊之前，朋友已經強烈要求試呢個。加上應該係招牌菜，所以一定會叫呢個試。我地四個人岩岩好一人一隻，我自己就試左黑色(即墨魚汁餃+海膽)，味道還好。不過覺得同普通小籠包分別不大。鑊仔生煎包($38)朋友見旁邊既食客食呢個生煎包食得好滋味，所以就話要叫呢個食。但朋友話我地既生煎包煎得唔夠佢地香，所以係有少少失望既，不過味道係正常，不過不失。椰子竹笙燉雲吞雞湯($188)雲吞係會另上，大概有五粒。雞就細細隻，同預期既差唔多。湯亦都普普通通通，正正常常。好彩飲完都唔覺得口乾，所以味精應該唔太多。雪菜炒粉皮($72)雪菜都算夠

今日端午節，book左枱去呢間龍門食晚餐，因為之前食過佢既下午茶，抵食之餘又幾幾味，順便同屋企人過下節book左夜晚7點，去到門口好多人都係到等緊，book左枱都唔係即刻入座，都要等一等，啲餐具有啲污糟，一拎上手有啲油油地，食物質素都還可以，但唔知係咪因為今日紅日多人，所以個質素未如之前食下午茶既質素咁。。

屯門又多一個食上海菜嘅選擇啦，依間上海菜嘅特別之處係個茶可以一人揀一款，之後自己將茶葉放係小茶壺，再倒落茶杯裏面慢慢飲嫁😂**********<上海小籠包> $38小籠包就係上海菜嘅必食之選，一試就知間餐廳有無水準，依度嘅小籠包都幾多汁，個皮唔會好厚，都有中上水準🧐**********<雞絲水晶粉皮> $58水晶粉皮加上青瓜絲同麻醬，味道同平時食開嘅無咩大分別，屬正常發揮！**********<帶子粒粒炒飯> $82個炒飯嘅份量都好多，唔洗驚唔夠飽😂除左帶子之外，仲加左臘腸同青豆去炒，味道方面就比臘腸搶曬，但炒得都算飯粒分明，不過不失啦！

適逢今日係父親節，又係一個星期日，本身諗住同男朋友撐枱腳，最後都係決定同佢屋企人食，於是我哋一行四人，就決定去呢個龍門一番試吓啦！見喺屋企樓下都開咗一段時間，之前又有試過佢個下午茶，果次覺得好正架！又平又抵食，個小籠包又唔錯，今次過黎試多次晚市！7:30去到攞飛，8點15分左右有得入座～我哋叫咗小籠包，胡椒餅，牛肉包，松子黃魚，椰菜回鍋肉，手撕雞冷麵同埋兩個酸辣湯。小籠包不錯👍🏻啱啱蒸起， 啲皮可以再薄啲不過餡幾好食😋湯汁都啱啱好 胡椒餅 就係炸饅頭入邊擺啲胡椒肉餡，胡椒味唔夠，但係口感酥脆，同埋成個味都幾好食，芝麻再多啲香啲會好啲。牛肉包 入邊啲牛肉完全係太少，同我第一次食一樣，上次過嚟係下午茶，諗住少啲都算。今次又係咁，相比起胡椒餅完全冇乜看頭，個包食咗一半就算😆佢啲牛肉太少 又冇胡椒餅咁香口！松子魚 係我最鍾意食嘅🙌🏻所以特登叫咗，啲粉比較厚，可能條魚太細都冇乜肉。個汁太甜唔夠酸，不過入邊啲魚肉算係滑，同埋冇乜骨！椰菜回鍋肉完全係超油膩 仲有好鹹！如果佢乾身啲會好啲囉。。。完全係油底！！我覺得唔好食不過男朋友屋企人覺得送飯OK⋯⋯手撕雞冷麵 完全係失敗之作！！佢嗰啲手撕雞又少，然

今日一家人提早食父親節飯，開開心心咁。叫左10個餸，坦白講，冇個見得人，首先就水晶肉，淡而冇味，又冇比汁我地點黎食，真係食件午餐肉仲好過佢。再黎上海粗炒+上海炒年糕，除左咸到pk，冇其他味道，而且粗炒係一條肉絲都冇既。跟住上黃金蝦，個蝦係好林，唔爽口，黃金又唔夠。水煮牛肉，牛肉冇牛味，個汁仲要油到嘔。仲有其餘幾餸，除左咸味，咩味都冇，真係自己煮仲好過佢！！不過值得一提，侍應服務唔錯，都幾快手，態度幾好。

父親節飯到底食咩好？唔洗諗，一定係上海菜！點解？因為好食囉🤷🏻‍♀️重點係，有我最愛食既小籠包🥠✨上海小籠包冇咩驚喜，唔太岀色🤷🏻‍♀️冇咩湯汁係入面😅但勝在肉質嫩滑，並唔會用老肉去整🙌🏻✨糖醋魚塊🐟酸酸甜甜，令人開胃魚肉鮮嫩慢慢炸過，並唔會有太油膩嘅感覺👐🏻但配料方面就少左啲，反而魚塊份量較多👍又大塊，又厚肉並沒有偷工減料👏🏻

明明成日見到屯門好多嘢食 但係原來佢哋全部都唔近市中心🙊🙊我哋嗰日又諗住搭小巴去行千島湖渦 所以最後就揀咗呢間有雙色小籠包嘅餐廳☺️佢呢度既茶都幾有特色 係每人一壺咁 不過大家記住唔好落曬啲茶葉 會好濃架🍵·魔鬼天使小籠包 $58呢一個就係我哋食佢嘅目的😍我覺得佢個魔鬼小籠包都唔錯個魷魚汁皮個味真係好出 而且入邊個海膽都幾鮮甜 不過佢個豬肉餡啲肉係比較瘦既 食落口感差啲🤭佢個天使小籠包就麻麻地啦 個皮超級厚 而且因為入面主要得豬肉餡同埋一粒細細既帶子 咬落好乾 不過佢個小籠包都多湯嘅 係個餡料麻麻哋姐🙊·花膠螺頭干貝燉雲吞雞湯$208見到佢啲配料好似好滋補就嗌左🤤佢都好足料 係真係有半隻雞 好多舊雲吞 一啲瘦肉 好大舊花膠同埋幾多細細粒嘅螺頭🥰佢個湯飲落都OK嘅 但係感覺有少少味精🙊反而佢啲湯料做得相當唔錯 個雞就算煲完都幾嫩 幾好食 花膠啊螺頭個啲口感唔錯 係個瘦肉柴左少少姐😎·#rbyeat#rby港式#rby屯門 #rby荃灣·📍屯門屯隆街2號屯門時代廣場2樓26-27號舖📍荃灣青山公路荃灣段388號中染大廈(8咪半)1樓105號舖

新開張的餐廳，因為喜歡吃上海菜，而且看見食評不錯，所以來試一下。點知價錢和質素成反比，從未食過咁難食的上海菜和湯包！1）冷盤菊花醋木耳，一陣雪味。2）小龍蝦湯包和鍋貼，內裡的肉超級唔新鮮、變曬色、唔熱、味道又怪，湯包的肉係肉碎、死咸的味精湯；皮又厚、麵粉又唔靚，咬咗一啖唔敢食，怕食下去會肚痛。3）酸菜白肉，豬肉又係唔新鮮、一滴香味精湯味。最奇怪係放薯角入去煮酸菜白肉，九唔搭八。4）海鮮兩面黃，唯一可以吃一下的。麵底似係康師傅果啲cheap麵，炸肉係雪藏魚、小粒元貝係用假元貝，個汁係超多粉的生粉獻。用料差、味道差，仲要收咁嘅價錢，以後都唔會再去。水準咁差的餐廳，唔明點解會有咁多好評？

非常難食，食材質素差⋯非常非常差。茶是獨立包裝但有異味。湯餃及鍋貼肉有怪味，外皮質地怪怪的，似大陸慣常中下價餐廳用料。超市雪藏好食過佢。湯只有咸味，沒有鮮肉味但有雪藏味同怪味。白肉酸菜煲，白肉有臭豬味，材料質量中下，像大陸二線城市連鎖店質素，酸味怪怪的，所有材料味道都是獨立而且不協調，還有幾舊薯仔，很中國特色。兩面黃⋯用料像即食面的面，怪怪的，蝦是正常的但漂到冇晒味，很難吃⋯班球⋯比吉之島的熟食部班塊更難吃，肚餓也吃不下。與食評及照片完全不同。吃完還有少許敏感⋯對味精敏感或化學成份敏感者盡量避免大量進食⋯埋單時，收銀問是否不合口味，我只說了很難食⋯她就黑面轉身而去。

朋友生日佢揀左去呢間慶祝🥰佢鍾意飲湯食中餐，又住屯元天，就去呢間試下啦😉 我地一早book左位，所以唔洗再等就入得啦😉佢每個卡位都有個插頭，可以用黎叉電😎又幾好喎😉打電話黎book位果日已經講左留湯同小籠包，因為怕買哂無得試🤪一坐得就叫我地揀茶包，有四隻揀架，包括普洱、茉莉龍珠、人蔘烏龍、鐵觀音。任均選擇🤣個小籠包好正，有分魔鬼同天使架，我就覺得黑色魔鬼好食啲，因為佢係墨魚汁皮+黑蒜肉+豬肉+海膽。好鬼正！一咬落去又多汁🤤朋友就鍾意天使多啲，因為佢鍾意食帶子同魚子醬😉之後個湯真係不得了！朋友話一定要飲！飲完我都同意！好好飲！佢係花旗參螺頭燉雲吞雞湯🤩🤤，聽到就已經覺得真🥰 呢個湯好足料架，睇相就知☺️ 一飲難忘啊😍$208真係抵！睇下啲料就知啦☺️我地好似一人飲左3大碗😋 好正！仲有好多湯料，食到我地攬住個肚🤣仲有雲吞呢，仲有隻雞呢，嘩！（其實個湯係四人份黎既）佢仲有好多野食揀，遲啲一定要再黎多次啊😊

想試龍門一番好耐，但要幾個人先可以試到更多菜式，自己想試燉湯好耐，咁唯有外賣慢慢嘆。今次試左花膠螺頭干貝雲吞雞燉湯，另再叫個菜飯，燉湯預20分鐘時間，所以買完可以去逛一逛。哇....啲燉湯真係好足料，雲吞都有成6粒。個size真係岩3至4人享用。個湯好濃郁，又滋陰，真係好岩我呢啲唔想入廚又想飲湯嘅人。雖然話出面鴻xx有啲湯包賣，但無湯料食下梗係爭啲。所以呢個都係一個唔錯嘅選擇

突然間想食酸辣野，所以就去咗食上海野。一坐低佢會俾你揀茶包（每位收返茶錢，唔記得$10定$12左右）今次食午餐，叫咗一個酸辣湯麵同埋排骨麵。先講酸辣湯麵，味道真係好一般，又唔酸又唔辣，食咗一半已經冇再食🙉🙉🙉另外叫咗個排骨麵!完全係無味！無味！無味！（重要嘅事要講三次)好失望，試過荃灣果間都唔錯，無意過呢間咁咁差！不過值得一讚嘅係因為最近疫情影響，餐廳嘅衛生意識都提高左，每枱都會比一個膠袋你擺你用過既牙簽落去，以免客人隨便掉落張枱度。

呢間中菜都真係幾多選擇😂上海菜中菜川菜全部都有-招牌既魔鬼天使小籠包 $58魔鬼入邊有舊又酸又甜既野😂唔睇餐牌都真係估唔到佢係黑蒜粒酸菜桂花魚 $238呢個真係估佢唔到😂😂個味勁麻辣 明明係酸菜魚但仲麻辣過下邊個水煮牛肉麵 入邊啲薯粉索哂啲汁勁入味🤤小龍蝦湯包 $42呢個唔錯！🥳入邊好多湯同埋小龍蝦肉！塊皮包住咁多野都唔會話好厚-甜品試左奶皇高力配雪糕 $56食落有啲似包左奶皇餡既梳乎厘😂😂應該係即叫即整 一熱一凍加埋個雪糕一齊食都ok~