龍逸軒

營業中

休息中

慶祝家中多一位長者剛剛登六揀咗食點心放題，又可以嘆吓茶之前都試過幾間點心放題，有名大個質，又有質大過名今次揀咗呢間，因為一直評價都唔錯，就來試吓啦一入到酒樓內，感覺裝修舊式傳統坐低見到枱面有一條毛髮，立即已經扣分我們的用餐時間是1:15-3:15，2:30通知我們2:45last order最後也有催促我們要離開但侍應服務態度良好至於食物方面，都算多款式選擇，炸物都是新鮮熱辣的，其他前菜，點心就普普通通，粥，魚蓉羮好味，飯炒得乾爽至於甜品，芝麻卷芝麻味好濃郁，芒果卷淡淡新鮮芒果肉，還有Häagen-Dazs雪糕

菊黃蟹肥，正是品嘗大閘蟹的最佳時期，要吃得盡情不是吃得多便是好，重點是要懂得吃，所以就同朋友去了九龍酒店龍逸軒的《八道菜蟹宴》大閘蟹套餐，除大閘蟹外，再有橙黃盈亮、甘腴鮮甜的蟹黃，我和朋友就食得好滿足，尤其是蟹粉蝦球伴脆鍋巴，超讚。龍逸軒小碟分別是鎮江肴肉及脆皮素鵝卷，前者鎮江肴肉，層次分明晶瑩剔透的骨膠原，讓肌膚都靚靚；後者素鵝腐皮卷香脆好味。鮮蟹粉小籠包(2隻)以煙韌外皮鎖住豐盈蟹粉肉汁，一口送進口裡，蟹粉鮮甜味全數湧進口裡，無得彈。要數蟹宴中，較清新口感必屬翡翠蟹肉帶子豆腐羹，及鮮淮山鮮百合炒田園蔬，前者大廚特意加入蟹肉為豆腐羹添色加彩，增加層次感。後者鮮淮山及鮮百合真是好清甜。師傅以傳統清蒸手法來清蒸原隻大閘蟹，保留原汁原味，蟹肉鮮嫩而蟹膏甘甜，一吃齒頰留香。椒鹽魷魚大家就吃得多，金黃酥脆的椒鹽味，你又試過未呢? 這道椒鹽大閘蟹與細滑甘香的蟹粉營造出鮮明層次，絕佳美味令人一試愛上。蟹粉蝦球伴脆鍋巴的蝦球經過泡熟後，與蟹粉同炒，最後淋上蟹粉在鍋巴上，味道香濃美味，蝦肉爽爽口彈牙。這道咖喱蟹粉炒絲苗，足料又滋味，每粒米飯都好有咖喱香，又不失蟹粉的鮮甜，一定要留肚食。黑糖薑茶湯圓入口

朋友忽然係kkday買左點心放題套票😋就來到呢間酒店入面既餐廳，酒店嘅餐廳，環境當然唔錯啦👍冇一般茶樓咁迫，侍應服務態度好👍點心放題最亮眼👀一定係佢！✅小鮑魚有咬口❎太多肥豬肉既燒賣底❎只能點一次✅✅推介✅醬汁唔會太鹹✅夠冧✅出色✅牛肉球好冧😋❎欠芫荽香味✅皮算薄❎入面主要係蝦蓉👎✅炸得香口✅味道少少鹹，唔錯❎多肥膏✅雖然賣相炸得唔靚，但食落係脆✅加埋椒鹽粉，香香鹹鹹，會食唔停口✅芒果糯米糍出色好味✅芒果唔酸✅糯米糍好煙韌👍其實都係食左兩轉，冇叫粉麵～😆仲有啲炸物甜品，感覺唔太出色整體上，環境好，服務好，食物上蒸點會比較出色，價錢上，唔太抵食～冇乜高質食材，除咗第一轉鮑魚...點心放題，試一次好了😉留下餐牌比大家研究下點先最抵食😎

我從來冇喺OpenRice寫過任何食評，但我覺得今次唔寫真係對唔住自己。今日同朋友即興想食點心放題，於是係網上面搵一啲介紹點心放題嘅文章，好多間已經full Booking，唯一呢間龍逸軒仲有得book位，所以喳喳林去食，點知就出晒事。同我個標題一樣，總括而言就係「不可一不可再」。完全係不知所謂，自己去唐記包點買一定好食過佢好好好好好多。或者好似之前有一個食評講過自己返屋企整淘大點心仲好。先講環境，九龍酒店咁耐歷史都唔expect入邊有咩裝修，但一入去環境感覺上都尚可以。首先黎嘅燒賣蝦餃其實係正常，但唔會覺得特別好食。但之後在嚟嘅炸物、蒸點、甜品完全唔得。牛肉球可以完全冇味、素鵝得「油益」味、叉燒係凍上、燻蹄啲肉好似變壞左咁、最經典嘅係蟹肉菜苗餃，懷疑佢用罐頭蟹肉做，完全冇味。值得一提嘅係佢所有嘅點心除咗蒸點係蒸籠之外，其他係全部用酒樓嗰啲骨碟上台，其實感覺都真係幾差，我相信酒樓，甚至茶餐廳都唔會咁樣上菜。其實我真係唔明點解佢有本事收人三百幾蚊一位，如果大家完全唔在乎質素的話可以一試，當買個寶貴經驗/教訓/話題 都可以。如果真係想食放題，建議可以去稻x自製一個放題都唔使咁貴兼好食過佢。

男朋友喜歡食點心，得知在網上提早購買放題有九折優惠，於是買了兩人的優惠劵。當中包括有40多款食物任點任食，包括點心、冷盤、炸物、甜品等等。我們選擇少量多款地落單，就可以食到多些食物。點心都是即叫即蒸，上枱時熱辣辣。特別喜歡蝦餃，燒賣和菜苗餃，餡料豐富，蝦肉彈牙，調味恰到好處。鮑魚燒賣就每人限點一隻，外形是比一般燒賣大粒，除了多了一隻罐頭鮑魚外，味道都是一樣的。原價要90多元，感覺太貴了。沙律醬蝦多士和春卷炸到很脆，十分香口。XO 醬蘿蔔糕和黃金豆腐粒都是小巧的正方形，一口一粒。蘿蔔糕惹味微辣，豆腐粒入口即化，好像食豆腐花一樣，味道很好。男朋友則喜歡食冷盤，點了京式醬蹄，鎮江肴肉和五香牛腱等等，說平時較少食這些食物，放題就可以任點了。最後以燕麥香芒卷和Movenpick 雪糕作為甜品，這一餐就完滿結束了。

「質素直迫超市冷凍點心 之 重量唔重質既點心放題🥱🥱🥱🥱🥱🥱」基本上大部份都試食晒，完全冇一個係好出色 / 好驚喜之點心或小炒，超市買個D冷藏點心都有幾款好食過佢🤔驚嚇 > 驚喜😲我揀幾樣特別驚嚇既分享下：🏳牛肉及素菜生煎包：兩者之間相同點 (非常厚的麵粉)第一啖咬落去完全食唔到餡料成口都係麵粉only🥴呢個真係經典🏳素菜腸粉：腸粉皮同蔬菜創造咗一種搭枱嘅味道(完全無協調感)全碟好味味既係個”醬油”😲🏳厚粉炸豆腐粒：上碟凍凍的🥶炸粉厚厚的😵脆皮林林的🤯總之就係好似食緊屋企冰格擺既雪藏即食點心放題咁😪😪😪😪😪😪😪不如屋企食啦起碼蒸出黎係熱既😮

見網上有人推介呢度點心任食放題， book定星期日同太太試試。點心放題種類算多，有30幾40款選擇。最好食嘅都係限點一次嘅原隻鮑魚燒賣。其他點心中較出色油有豉汁蒸排骨，味道調教得剛剛好，沙律醬蝦多士亦炸得非常鬆脆，沒有多餘油份，鮮蝦腐皮卷亦炸得香脆，入口鬆化。另外雪耳魚蓉羹味道鮮甜，魚肉份量多。蜜汁叉燒水準亦算中上，入口鬆軟，如蜜汁味再多啲，相信更加好。椒鹽小排骨及豆腐亦不俗，入口甘香，很好。總括來講，此處炸物較出色，點心上菜速度亦剛剛好，食物上枱時熱辣辣，服務亦不錯。但以價錢來說，每人加一約$300，算是中規中矩。

奄仔蟹當造，朋友請我到九龍酒店龍逸軒吃奄仔蟹套餐。他上酒店官網預訂餐券，每位打折後若500元。觀乎食物質量，服務和環境，這价錢是超值的。主角薑絲蒸奄仔蟹大大隻，膏甜肉嫩，好好味!喜歡吃奄仔蟹一定滿意。菜胆花膠螺頭湯清甜滋補。醉鮑魚是個美味的冷盤。大葱炒黑豚肉惹味肉鮮。上湯浸菜苗清甜。波士頓龍蝦啖啖肉又新鮮，配天使麵有驚喜。甜品出色，尤其是奶黃煎堆。個餐份量好足，我們吃剩半隻龍蝦帶走。配蟹宴的茶有特色，好飲。想吃一定要預訂。

點心放題 ~$270In general 覺得呢度啲炸物好高質，炸得好脆唔會回唒油，encore 之選👍(我哋order 左幾次蝦多士同咸水角🤩雖然第一round 係最高質🙈)蝦餃同燒賣都幾正，食得出係自己貨，燒賣彈牙，蝦餃晶瑩剔透👍仲要好大粒蝦🤩紅棗雪耳蓮子糖水：夠清😍鐘意可以慳返quota: 芒果拿破崙: 味道好假🙁唔太層層分明紅豆糕：無乜紅豆（但重椰汁🤩）奶黃包：唔流心好實，個味我都講唔出係偏咸蛋定吉士🧐牛肉包：包本體係ok 嘅，但我真係食唔出牛肉味😅叉燒包：偏乾同唔夠叉燒其他無提嘅即係正正常常🤣甜品仲有haagen dazs整體而言覺得都抵食嘅，二百幾蚊食到咁多樣點心，仲要大部份都above average👍環境又好，服務又好舒服👍第一round 炸物有啲凍，於是第二round 落單專登叫佢整熱啲，上菜嗰陣有問返我哋夠唔夠熱🥰好貼心🥰但甜品一開始漏咗單🙁

完全有做水魚既感覺。首先入到去係間房的格局，如果唔係坐窗口位，光線太暗令人不舒適。其次食物普片微溫，椒鹽豆腐凍的，應該炸定擺放在好耐。正常味道只有海蜇，鮑魚燒賣（限1粒咁大把）及奶黃包！奉勸有興趣嘅人要再三考慮。話晒收$280位，性價比係零分。

看you tuber介紹試了點心放題, 一家人滿心歡喜去歎茶, 怎料換來家人埋怨.   質素只可說中上, 比一般酒樓好些, 但是比海雲天、逸東軒、凱悅軒和國金軒差. 連上環鳳城也比它好. 蝦多士是水準高, 但是再點竟似翻炸過. 豆卜蒸排骨有豬尿味. 叫了三碗雪耳蓮子糖水, 一粒蓮子都冇. 還有家人愛吃的牛肉, 他吃了一口便吐出來.  總括來說, 點心款式味道不突出, 唯一可取環境舒適和時間充裕.

說起來，「點心兵團」第一次 gathering 就係「龍逸軒」，已經是一年前的事。相隔一年，原來「九龍酒店」已踏入35周年，當然有優惠推出。經eshop仲要有85折優惠。優惠傳送門 :https://bit.ly/2TdvO9P始終餐廳係正尖沙咀核心地段，毗鄰MTR出口，方便到難以置信，而餐廳中午時段，靠街一邊是落地玻璃，陽光透份令人倍感舒適，難怪就算當天是平日，餐廳都客滿。先講講佢地既重點推介。Signature Dim Sum Menu原隻鮑魚燒賣（一件）（$98）鮑魚柔韌入味，置底的燒賣肉質鬆軟香滑，自己反而覺得燒賣好大件。長腳蟹春卷（三件）（$98）真材實料，炸得啱啱好，外層脆卜卜，內裡蟹肉甜美。X.O醬帶子餃（三件）（$88）用上原隻新鮮帶子，蒸好再放上X.O醬，辣辣地好惹味。雪梨鹹水角（三件）（$52）賣相神似，外層炸得色澤金黃，咬落微脆，內裡餡料熱辣辣，不錯。黑椒和牛包（三件）（$78）包皮搓得軟熟，加上芝麻很有淮揚風，黑椒味不算突出，和牛滿有油香。其實Signature點心仲有松露石榴果（三件）（$62）、老陳皮滑牛腸（$68）、蜜豆鮮蝦餃（三件）（$68）及薑米魚鬆貢

九月晚市解禁食飯人數限制亦都由兩個人變成四人不過所謂既法制都係自由執法武肺之下好多中菜廳包括五星酒店米芝蓮餐廳都有做點心放題之前都曾經去過灣仔一間叫做川流既餐館食放題而今次就係去alfred話唔錯既九龍酒店龍逸軒食呢個點心放題星期日中午分兩段時間第一段係10:45-12:45第二段係13:00-15:00無咁早起身既我當然係揀左第二段啦係九龍酒店eshop有賣緊九折優惠兩個人連茶錢加一571蚊九龍酒店就係半島酒店身後屬於誠仔旗下都算係間幾古舊既四星酒店地下大堂好似番左去我細細去富豪酒店食自助餐既日子咁餐廳係酒店二樓因為係假日中午時段都幾多人排隊入席大約等左十分鐘而我就book臺果時已經被告知話龍逸軒無晒位要轉坐自助餐既倚天閣當時仲無乜去過高級中菜對環境仲未有好大要求不過坐正窗口位而且坐張六人檯就真係幾舒服而窗後面正正就係半島酒店今次架餐就簡陋過逸東軒好多開左壺茶似足普通酒樓碟花生仲好難食兩個鐘放題既點心紙一共兩大張都算多野揀首先上左d前菜部份淆肉叉燒豆腐魷魚鬚乾炒牛河另外都仲有腸粉同蘿蔔糕味道不過不失不過我估都應該未到平日質素既始終都係放題之後上點心不過我就7下7下以為乜都寫一碟結果點

喺網站買左優惠券之後, 店員通知我地龍逸軒滿哂, 要坐隔離嘅bar枱, 唔買都買左, 都只能ok啦...望住隔離半島酒店食都幾開心嘅😆我對呢到嘅點心有d期望, 點知連最起碼嘅熱辣辣都做唔到, 碟碟好似蒸起好耐, 用個蓋就咁蓋住嘅溫度...食落去係...屋企煮好飯20分鐘你先食, 唔熱又未到凍哂, 但點心就係要襯熱食架嘛...另外一個問題就係上菜好好好慢,要等好耐先一次過黎點心叉燒係點心放題裡面比較少見嘅, 算係呢到比較好食嘅菜式, 不過係凍架😊上次去南海一號, 呢碟豆腐令我驚艷, 但呢到真係不了, 唔熱已經唔好食啦, 做唔到外脆內軟滑呢個牛肉包同我expect嘅樣唔同, 佢係好似燒餅咁扁, 仲煎過黎, 表面偏油膩, 裡面嘅餡就幾香幾ok奶皇包嘅餡 同佢送比我地每人一個嘅月餅餡係一樣嘅....我都係鍾意平時嘅奶皇包餡多d呢個羹好清淡, 都有d料嘅, 唔係話好水嗰隻叉燒腸味道合理, 溫度不合理整體我對呢到嘅點心係好失望....連甜甜我都無叫當中有兩款甜品係藍莓芝士蛋糕同埋拿破崙即係喺隔離buffet拎黎比你

中菜廳滿座被安排到酒吧用餐，邊聽英文歌邊吃點心放題，還有半島做背景，中西合迫夠特色。質素平均，款式算多，蝦餃燒賣正常發揮，炸春卷不錯，其他就沒有一樣特別深刻。食到結尾才發現是movenpic 雪糕，記得不能錯過。假日任點任食點心brunch (10:45-12:45) 網購$285.5 一位