龍華酒店 (下禾輋)

營業中

休息中

幾年前我第一次去龍華酒店真係好興奮, 裝飾好有特色，好似入咗粵語長片o個o的食o野地方咁, 間直估唔到係沙田呢o的咁旺o既地方會有一處咁有特色同寧靜o既地方, 好有味道, 尢其秋涼時份坐露天座位就超正!時至今日, 真係好失望, Ｄ野食已經唔平o架啦，如果好好食都無所謂, but 乳鴿縮哂水, 同以前大大隻相差好遠, 兼且好小肉, 間直係普通size, 雞粥好重味精，食完要勁飲水...以上都係其次, 令我最失望是無了檸檬乳鴿, 真係超正, 其他咩紅燒, 魯水乳鴿好多地方都有得食, 都唔知點解咁好食o既檸檬乳鴿話以後都唔出, 我成家都極度鍾意食, 為咗佢長途跋涉咁嚟食都無所謂, 一人每次一定要食一隻先夠候, 而家無得食, 我唸都無乜原動力我會再嚟...唔知香港有無其他地方有好正o既檸檬乳鴿食呢? or 如果龍華再出檸檬乳鴿, 我一定成家立即去食(什麼叫千金難買心頭好, 你們就知我咩心情了...) 失望人上

亞爸心血來潮話要去龍華食乳鴿，咁就順下佢意啦! 星期日夜晚，都唔算好多人，坐落亞爸發板，唔食四人套餐，散叫! 於是佢點咗以下菜色，4個人食:椒鹽軟殼蟹、百花釀豆腐、3隻頂鴿、花膠冬菇鴨掌煲和鷄粥。椒鹽軟殼蟹好好食，比日式的更鬆化，值得一試; 成$10一件，比麻雀大得個少少的百花釀豆腐，好(鞋)啊，入口都唔滑既，但個豉油好食喎，唉，出鷄既錢買豉油!4個人食3隻頂鴿，都夠食喎，熱辣辣皮又脆，多肉多肉汁，果然係招牌貨! 掂! 花膠冬菇鴨掌煲，實情係用碟上的，e，個煲呢? 不過冬菇和鴨掌都炆得好淋好好味，花膠就唔夠厚喇，亞媽話應該係人工製的，所以先咁薄又碎;鷄粥好易攪出水，亞爸話唔算好多味精，不過女朋友就話比上次食個次的味精多，唔知係唔係星期日d粥會稀d? 雖然個個都好飽，但埋單成五佰幾，都幾貴，不過食風味食回憶- 無價。註: 泊車記住- 搵佢既代客泊車係要收$30既，比條匙佢個時佢唔講，比張車咭你先知...

我昨晚帶外國親戚去沙田龍華食乳鴿, 食物水準幾好, 尤其鹵水乳鴿. 之後我2個男性朋友先後去完廁所, 之前見到個侍應去完廁所無洗手走返出去, 第二個朋友又係去完廁所見到個廚師無洗手出返去, 我覺得佢地實在太離譜, 就算食物幾吸引, 下次都唔會去.

好耐冇來,以為service會好差,但serve我地個阿姐同阿叔都幾好禮貌叫左1隻燒鴿,荷葉飯同細豆腐花隻鴿香,熱又有汁, 正!荷葉飯同"連"香一樣冇荷葉味, 不過干身有蝦味, 唔錯!個"細"豆腐花不是太滑, 不過有豆香. 木桶上, 以為有蠱惑, 點知可以一隻湯匙插入去! 足夠3個人食!!大部份食物都係$58,$68,$78 所以都幾貴~~~p.s. 走先知有孔雀, 不過太黑所以走人~~~

尋日第一次去食, 已經係呢度睇到好多關於佢既comments, 但係都去試下當見識下. 唔試由自可, 一試就炒河, 叫佢既套餐, 同埋另外叫多3樣菜. 個雞粥係無雞味既粥, 干炒伊麵又係無味, 連味精都懶得落. 蕉鹽鮮魷, 咁耐以黎都未食過咁差既, 又多粉, 又厚. 樣樣野都唔得. 真係只此一次, 下不違例. 都唔明點解重會有咁多人幫襯. D乳鴿都叫做OK, 但係出面一定都有佢咁好食, 話唔埋梗好食都有. 算, 呢次當係比面龍華呢個名, 肯定無下次. 都唔明佢可以拎到香港旅遊協會既Q o麥. 唔通有歷史就大晒??總之呢間野真係得談笑. 未去過就可能比佢嚇死, 去左之後真係比佢笑死.

乳鴿大隻又好味(不過成五十蚊一隻, 比較其他食肆似乎就貴咗d). 大良炒奶都值得一吃.

之前上黎見到呢度d食家講到咁差,真係有d卻步. 不過母親節想搵個特別d既地方同媽咪食飯,都係試下la.兩日前訂位, 都只係訂到8:30,全場爆滿.叫左兩隻乳鴒,好入味,正~~推介.朋友介紹我食生菜包,其實即係炒鴿鬆,用生菜包住食, 都好好味,唔會好乾.雞粥個粥底好綿,味道不錯,返而d雞就一般.炸鴿旦就冇咩特別,魚腐炒時蔬太喊.而豆腐花就ok la.仲有一樣補充,就係d服務都ok, 全場爆滿黎講都算係咁

今日係母親節！原本想同家人去泉章居，點知阿媽話好耐冇去龍華(成廿年)加上我都未去過，所以訂左20:00鐘5個人去點知去到真係．．．唉入到去個接侍處．竟然係冇人接侍。個個食客企晒係到，D人係到嘈晒之後先有人出返黎，之後帶左我地去個廳到，但係去到上一手食客既野仲係到。又唔去收拾好。等成10分鐘先有人黎處理，之後都算啦。睇餐牌，佢就係咁介紹Ｄ又貴又唔抵既套餐，我地果叫散餐，條友又走左去，之後開始叫菜又話冇咩冇咩，只係有套餐既食物。最後無奈地我地都要叫左個4人餐。4人餐：白灼蝦4隻紅燒乳鴿+脆肉瓜炒帶子西蘭花炒花枝片雞粥干燒伊麵6枝汽水白灼蝦-不過不失紅燒乳鴿-比想像中差(其他食肆隨時好過佢)脆肉瓜炒帶子-瓜老又黃西蘭花炒花枝片-西蘭花重白灼味,花枝片好韌雞粥-D雞肉竟然係冇雞味干燒伊麵-連味都冇全場最好就係支裝汽水(不過係可口可樂生產)仲要$12支，死未。衛生：洗手間竟然係冇水洗手（點解仲會叫洗手間?)我發誓以後唔會再去！！

一行7人去食晚飯，我都係第一次去，感覺好舊。我地叫左個4人餐+兩款小菜~** 4人套餐乳鴿兩隻炸，兩隻豉油王(豉油王每隻要加三蚊)白灼蝦豆豉帶子蒸豆腐翠玉瓜馬蹄炒帶子西蘭花鮮魷雞粥一窩干燒尹麵** 另加雲吞雞窩豆腐花唔明點解豉油王乳鴿要加3蚊,又無炸甘好味，灼蝦唔多新鮮，個蒸豆腐就加左好多豉熟油落去，變到好似油浸甘，其他食物都算ok!服務就奇差，唔知真係聽唔到定係扮，叫加水叫左好多次都無人理，上菜又慢! 老店又點呢?

幾個月前試過，覺得味道和服務越來越差，給予劣評之後，今天本來約了家人在沙田新城市的美心飲午茶，郤要等百多張枱，無奈只有再去龍華碰碰運氣，也不抱有什麼希望，果然如是o入到去，只見得三成客左右，三人就可以坐八人圓枱，待應也是一貫愛理愛不理的，沒有服務，只收柯打，沖茶，上菜，其他一摡不做o今天的四人套餐是388元，有小乳鴿四隻，味道不算差，魚付炒茄子，干貝炒什菜草菇，伊麵，雞粥等，份量頗足，也可算是物有所值的o　埋單時叫了四位侍應，連部長哥哥也叫了兩次，花了十多廿分鐘，才可以攪妥，吃剩了一隻乳鴿要打包，埋單的侍應不理，又要叫多三位侍應才得到盒子o　如此服務你會否說怕怕？這麼可怕的服務，怪不得人家門庭若市，它郤門可羅雀了o　　

已經是幾個月前的事了，是農曆新年。一家人到沙田大圍走走，夜了爸說到龍華酒店，我心想，到酒店吃飯嗎？到了才知是這麼一個懷舊地方，不是太精緻，但真夠懷舊。坐在露天地方，頭上有紅燈籠，確是有風味。叫了乳鴒，一吃就覺得這也許是出名菜色（因為我之前完全不知道有這個地方），比我吃過的都要好。還叫了甚麼菜呢？忘了……總之，我們一家都覺得味道不錯，也挺回味的，我留有一個「美味」的印象！有一個侍應生服務好到不行，笑容滿面，還唯恐對我們招呼不周；但其他侍應好像沒他那麼熱心……老店嘛，都是這樣子吧？總之，有機會也可以多去一次。

是次經驗已是幾個月前的事了當時同女友去龍華吃午飯, 當時必叫了兩隻紅燒乳鴿來試試，再加個雜菌扒時蔬和蟹肉鍋麵。本想可以吃一餐好的... 怎料卻失望而回。乳鴿還可以有肉汁皮脆味道ok不過鴿王變了以前的普通size了。雜菌扒時蔬味道一般但是很細碟而且不是太有鮮味。蟹肉鍋麵可以說是難亡，從未吃過這樣難吃的。蟹肉雪肉冇味而且唔淋，麵粗又唔淋，最極品都算是個湯了-- 只可以說是一碗有鹼水味的水。雖知該名剛轉了新一代來經營，老手已不再，但是也不至如此吧... 心有點概嘆！現在裝潢靚了、食物差了、價錢貴了，最後也不是人客少了...可憐的是在這裡的老臣子伙計以一擋百忙個不是...唉.... 一代名店就此沒落.....

二零零五年三月十三日午膳經驗:乳鴿肉汁多, 但油更多。紅燒豆腐，不但凍，而且個sauce 重多到流出碟。干炒牛河夠熱，但極多油。

乳鴿吃得多，但多數是燒臘舖的出品，素聞龍華乳鴿出晒名，今次終於有機會一試。以往食乳鴿都係一件起，兩件止，呢次真正由頭到尾食足一隻!呢度o的乳鴿分兩種，頂鴿同鴿皇，鴿皇真係好大隻，可能大過百佳o的燒雞!乳鴿是開邊上的，首先梗係將佢解體啦!先食個脾，肉很嫩，亦很多汁，點少少汁食，正!!跟住就到個鴿胸，有少少鞋，不過難免的~然後向個鴿頸進發，果然係鴿皇，條頸都有好多肉，仲好嫩添~到個頭啦，雖然明知好高膽固純，但一於好少理，食落口好甘香，好味!話咁快一隻乳鴿不消十分鐘就剩番棚骨~~食乳鴿之外，點了一個盤菜。其實我都係第一次品嘗呢種地道美食，材料多不勝數：大蝦、蠔豉、豬手、豬皮、花膠、燒鵝等....味道不錯，尤以墊底的蘿蔔同娃娃菜，入味非常!要一提的是這裡的環境，很懷舊，沿路的佈置及裝飾很有特色，甚有粵語長片的味道~

都係幾個月前既事，星期日7點一家7大人去，好快就有位，坐低睇menu，好快就叫得，點知等左15min先有個伙記幫我地落單，都係叫乳鴿，雞粥呢類野，乳鴿就好快黎，味道都ok!但係個雞粥一食就食倒好重味精，食完要勁飲水!其他食物又係一等就20min，其實都見倒d係，但係就真係唔夠人手，拿拿臨食完叫埋單，真係吹漲，埋單都要等左15min,好心就請多兩個part time 啦，我真係唔覺d野好食，除左多味精外!真係永無下次，請都要諗諗!