龍華酒店 (下禾輋)

營業中

休息中

一行四人訂左6:30pm, 入到去已坐有7成人, 之前已睇過呢間D食評唔多好, 已做足心理準備.紅燒乳鴿- 一般! 冇想像中咁多肉.龍華特色炒飯- 完全唔覺有咩特色! 有D似西炒飯.魚腐雜菜煲- 魚腐外形細細粒, 味道OK! 但最離譜D白菜仔, 勁多沙...大良炒鮮奶- 味道有D淡, 入面都好多蝦...!服務一般! 上菜速度可以接受.

2007年3月10日<br />與家人合共17人到龍華晚餐\,沒有足夠的大枱,要分成二張枱,職員服務態度奇差,我們叫了一個十人套餐\及散叫如鄰枱的小朋友,因一時忘記所點的菜,被一名略為高級的侍應怒啤,餐\湯到時並沒有人招呼,需由自己分湯,乳鴒祇油而不香,似老鴒,湯內的所謂花膠,腥而臭,通知經理更換,祗換來一個瑤柱羹,同樣是腥的,沙律石斑塊,石斑奇硬及腥,伊面淡而無味兼秘口,真的不知所謂,埋單時盛惠$2,500大洋,為什麼享有50年歷史的酒家落得如此田地!!!!

星期三同媽媽2個人去食LUNCH,唔太肚餓所以叫左一隻炸鴿同埋龍華特色炒飯隻炸鴿都OK,好油但係個飯都唔知有咩特色,好似平時食果D揚州炒飯加左提子干囉伙計唔知係咪嫌我地叫d野少,成日怒啤我地俾左$5 TIPS,個伙計嫌少收完錢黑面咁走左,算點先??tips都係EXTRA O者,

年初三同父母到龍華食飯，發現這裡改變了許多，四周環境干凈許多，食品也算OK，一間經營六十多年的老店可以至今保留原有風貌，确是難得之事，如今想尋找童年回憶的地方己越來越少，最少在這裡多少可以尋回兒時記憶，孔雀開屏、白鴿....

昨天和朋友一起,來這店食...應是午飯!14:30,食午餐的人都走得六六七七.我有成7,8年無過,呢度無乜大改變,條路都唔易搵,又無指示,好彩我有嚮導.2個人叫了2只燒乳鴿,一窩雞粥同蒜蓉炒菜芯加1支啤酒.燒乳鴿- 我好耐都無見過噤大隻乳鴿???我以為叫錯"燒老鴿".皮係脆又入味,剛剛炸起,但d肉好"孩",又冇肉汁.同係中山的"鴿子情緣"比較,sorry!係不能比較...><不過我聽朋友講話呢度d乳鴿曾經比人罵過細,後來變成現在的"size".雞粥- 粥底ok,雞肉都滑,好似唔係冰鮮,但好多雞油,呢只雞一定好肥!蒜蓉炒菜芯- 呢個反而唔錯,蒜蓉夠多,菜芯又當造嘛!不過呢度有好多上年紀的人來光顧,可能食開有感情啦,真長情!

是晚因有親戚到港, 便帶他們試試馳名乳鴿, 卻失望非常.1. 問路唔係太識路, 從沙田火車站行到宜家, 見唔對路, 打去問路. 伙記說, "梗唔o岩啦, 再行寶福山喇! 咪沿火車軌囉... 點講你知o者... 總之有條路仔啦.. 你去到就見到啦" 大叔既態度勁差, 如果我知條路o係邊就唔洗問你啦!! 2. 上菜7個人食, 叫o左6人套餐另叫一個. 先上乳鴿, 正在品嚐之際, 其餘所有食物都上齊! (包括粥和乾燒伊麵!) 一檯都係o野, 伙記又唔放好, 東一碟鴨鬆, 西一碟生菜, 南一碟醬... 好地地一味分別放在3個地方! 將十多碟食物放在一檯, 何其壯觀!有感自己在食"旅行餐"!! 一睇就知全部都係預先整好哂, 凍哂都未食得切, 食物叫經理埋o黎, 經理話, "係咁o家喇, 假期嘛, 體諒下啦" .. 但現場根本都唔滿, 比一般酒家的檯數都要少! 就算真係預先整好, 都唔好一次上哂丫...3. 食物質素& 份量乳鴿都算香口, 其他味道一般, 只是份量足, 唔叫多個都ok. 最好的是豆腐花, 好香好滑.4. Overall"飯堂" 及"旅行餐" feel, 食物完全不是即煮, 伙記及經

龍華就如一個白手起家既老豆張一d好野俾左個仔, 個仔食老本, 不思進取, 結果管理不足, 食品水準下跌, 好常聽既故事.我平時係唔會去呢d食店, 明知係老千屋, 不過今次有個朋友安排去, 又話識老細又呢又咾.... 結果：炸乳鴿($55)-唔係用呢d大隻既乳鴿架, 有冇人可以話佢知又多油, 皮下肥料又多, 大隻既乳鴿又干, 一d都唔好食.主菜唔得, 不如關門.之後我帶佢地去左大圍xx記再食乳鴿, 坐是坐在路邊, 但乳鴿($40)size合適, 冇咩肥, 炸完就連胸肉都有少量肉汁. 同龍華比, 大圍既水準高太多了吧....

Well, its all about their famous roast pigeon. I really wouldn't go there for any other dishes, i've tried and been disappointed. Thumbs up for their roast pigeon though, crispy skin and juicy tender meat. Been there quite a few times, and the quality has never let me down.Its a great place to take friends from abroad to experience something thats unique to HK.

the food really sucks there, not to mention the price which is totally unacceptably high.in gist , the food is 1. too small in portion2, too less in ingredient3. not too tasty in general No next time !

近年已好少再嚟\\\"龍華\\\"，上次已經是去年的事。坦白講我對\\\"龍華\\\"的食物不是有好評價，但屋企人突然提意再去，唯有跟住去。我們叫了:1) 四隻炸乳鴿: 鴿是剛炸起，很熱但亦很油。一面食一面滴油，味道亦很咸。咁嘅質素收人$55/隻，實在過份。2) 雞粥一窩: 雞尚算滑，粥就很重味精，一般。3) 生炒骨: 味道一般，唔算好。4) 百花釀豆腐: 豆腐很滑，但蝦肉就很少。5) 沙茶芥蘭炒牛肉: 好似咸咗D。6) 豆腐花: 全晚最好食，很滑和有豆香。其實全晚D餸都好咸，比起昔日水準下降了不少，而且那些伙計愛理不理的態度真令人不好受。免得過都唔會再來。

老父提議到龍華做冬，眾兄弟姊妹立即到openrice.com check check啦。見到咁多劣評，心知不妙，苦無對策，點知娘親提出與老父去試一試菜，以嘗老父到龍華食乳鴿之願望。做仔既我，當然以身犯險，陪同兩老山長水遠食左呢餐。只得十三度既周日晚，室內位置也算滿座，而室外位置也有數圍。說實，環境未算光鮮，但尚算企理。甫坐下，伙計隨即開茶，著伙計將菜譜拿來，老父首先點了燒乳鴿及鹵水乳鴿各兩隻(@$55)，再過數分鐘，再點南瓜花蟹菜膽($78)及帶子蒸豆腐($82)兩個菜。一會兒，首先端上燒乳鴿，有香味，熱度也夠，吃過，肉質亦算幼細，油份充足，皮不是全脆，亦稍咸，但亦未至於不能入口。其後，送上一隻鹵水乳鴿，少了一隻，即時向伙計查問，伙計亦即時再落單補上。鹵水乳鴿油份更佳，食落肉質肉味也較燒的好。之後菜膽也到，原先諗住只有數條蟹肉隨炒，估不到有整隻三點蟹斬件炒成，但味道只是尚可。帶子蒸豆腐亦是一般，未見突出。最後外賣一隻燒乳鴿及把吃剩的半隻鹵水乳鴿回家讓弟妹試吃。回應之前食評，白飯八元一個，並非如前所說的十二元，整晚伙計亦沒有半句惡言，相信之前數位食家的不愉快經歷並不是絕對。龍華的食物質素

"先生，我地個4人餐同8人餐先有豆腐花送架，你地個六人餐係無架！就算你地叫黎食都好平0者~"有時食野係講心情，聽到佢咁講已經無心機食。燒乳鴿就吾"趣"，其它"送"就似煮定，衰過20蚊三樣"送"果D。原來今時今日，部長ge態度仲可以係咁！仲聽聞話間野上左遊客指南tim，真係搞衰左香港"美食天堂"個名！記得幾年前去過都無咁差~~

以為咁出名野食唔會差得去邊,點知係我懂性以來食得最差的一次食物差, 連最出名o既乳鴿都唔好食, 唔脆, 太咸其他食物唔想多講, 難食到喊!服務都差, 食野當日我就見到最少有兩枱, 叫左野食, 等得太耐叫極冇人跟單, 唔等埋單走人, d 侍應同經理o既趕客功夫, 一流!總之就係差!!!有邊個得罪你, 你可以介紹佢去o個度食飯. 一定得!

細個成日去既龍華, 已經好耐冇去, 見尋日父親節打算一家人食好d, 專成揸車去,點知食到成肚火.我地一家7:00pm已到,7:20pm 落單點左5樣菜, 點知等到成8:00 先黎第一樣野食...之後第2樣要半個仲後先黎.. 其間已不停追..員工態度麻麻, 最後要走去搵個經理嘈左一輪其實我地叫個d都唔係好複習既菜式:-1. 乳鴿5 只-- 唔翠,好咸,多油,個師父好似冇切過咁, 要我地將只鴿自行分開2. 百花釀豆腐- 只係在將平時街市買到既$2一件布包豆腐上加d 蝦肉,,塊蝦肉細到得一粒萬樂珠糖咁大..但就買成$68 一碟3. 八合花枝片- 多油, 細碟4. 椒鹽軟殼蟹- 成碟垃圾, 死蟹唔在講, 仲要唔熱, 好"醒"5. 金銀蛋莧菜- 連呢個都唔掂, 真係死得最離譜係白飯及細枝裝可樂, 竟然要各$12 及$15 一樣.最後埋單要成$750 , 真係痴x線超唔愉快既一餐.. 真係冇下次

昨天同爸慶生，去左沙田龍華酒店食乳鴿，好好食啊！d乳鴿比起我地一般係酒樓食到的大隻，食落啖啖肉之餘，師傅仲將隻乳鴿燒得皮脆肉嫩，一d都唔「柴皮」，大家都食得好滿足耶~ 加上個裝修保留住70年代的風情，有「雍雅山房式」的露天茶座，加埋不理不睬的服務態度，仲唔集齊舊式酒樓gei「基本條件」？不過大家食得咁高興，都唔會太斤斤計較架喇，而且仲會覺得別有一番風味添！不過除了乳鴿以外，其他吃了甚麼呢?? 都忘了: P