龍華酒店 (下禾輋)

營業中

休息中

小時候常到龍華酒店食乳鴿, 當時的乳鴿有分大中小和乳鴿皇, 食得很滋味, 價廉物美, 後來很多年也沒有光顧, 今次家人想再試食乳鴿, 希望懷緬一番, 所以在復活節便到龍華酒店. 發現原來乳鴿已沒有再分為大中小, 全部一樣大, 價錢也不算便宜了, 我們分別點選了燒乳鴿, 西檸雞和乾炒牛河, 乳鴿燒得外皮脆卜卜, 頗為好味, 西檸雞的皮也炸得很脆, 西檸汁略嫌結了一點, 乾炒牛河味道一般, 和其他食店沒有太大分別, 總體而言, 價錢再也不是平民化, 變成一間普通的飯店.

同家戚一共6個人去食飯total 6隻乳鴿 份量岩岩好-鼓油味－鹽焗－炸－鹵水當中鹵水味最正, 有一陣陳皮味 好入味!胡椒酸菜一般  酸菜太酸!!酸甜咕嚕肉  肉係豬頸肉,一d都唔肥 不過波羅 有d酸另外,椒鹽豆腐好好食! 外層好脆, 豆腐好滑蛋餅 小朋友最愛 不過啊算太滑

由於是喜慶日子,故選擇到此店共晉晚餐。這天,我們點了: (1) 招牌餸菜的紅燒乳鴿，(2) 粉絲雜菜煲 (3) 菠蘿甜椒排骨。這間飯店的招牌菜是乳鴿，單是鴿子類的款式，做6款以上,如陳年花雕浸乳鴿、生炒乳鴿片、川味泡椒乳鴿、仙鶴神針和香蔥焗乳鴿煲等,而我們點選的紅燒乳鴿非常入味,點上淮鹽就味道十足;粉絲雜菜煲用料十分多,計有: 魷魚、大蝦碌、魚塊、菜心與豆腐等,味道可口。至於菠蘿甜椒排骨夠酸甜,叫人開胃。環境: 分內部和露天兩種環境,古舊幽雅。服務:提供中英與日本三種語言的菜單,很方便旅客。招呼良好。衛生:合乎水準。價格:中上價,宜會友。

龍華，一看到這名字就有零碎兒時開心回憶浮現腦中要經過一條有野狗的路，賣豆腐花的婆婆，等孔雀開屏，和我最愛最愛的遊樂場但對於龍華的食物可以說是零印象以前最愛跑到遊樂場，一現身就會有其他小朋友邀請你加入戰團玩「捉」 來看食評的你，有否同我一樣的兒時回憶，有否和我曾經玩過呢是日和爸媽帶狗狗到過彭福公園，就順便到龍華懷念一下！之前和友人來過吃晚飯，感覺它的小菜真的很一般，而且價格不便宜。這次只叫了兩隻乳鴿開邊，乳鴿肉味很香，但可能不是BB鴿的關係，肉有一點點鞋，皮卻是炸得很脆的！闊別多年再光臨，那遊樂場一小部分還在，但再沒有熱鬧的歡笑聲了

同朋友做冬至，突然想起龍華酒店 ，便決定去懷舊下，相信很多香港人沒有去過，都會聽過龍華大名，他們出品的乳鴿，更是非吃不可 今次清清地，點了三菜一甜品，在未說食物時，先看看裝修，相信大家未入到酒店前，都會被他的懷舊裝修吸引 入到大廳，會看看一張張不同年代的名人飯照食物方面，先說說乳鴿，今次點了紅燒，和鹽焗，紅燒的，仍保持水準，不會過火，外皮香脆，肉嫩，鹽焗的咸度剛好，野味 雀巢水晶鴿蛋：呢個十分奇妙感覺，蛋白爆至發大，蛋黃仍滑滑的，吃下食像布丁感覺，好味 但雀巢不夠脆冬菇海參扒時蔬：是用來應節的，海參爽口，生菜，冬菇鮮甜美味 桂花糖水豆腐花：桂花香甜，豆花滑，如果是熱一點就更好

朋友話小時候黎過呢度…今次特登黎面懷一番…（而我呢…就幾年前黎過）…唔知道大家認為改變左幾多呢？？ 長長既走廊…大紅燈籠高高掛…入黑當然會亮燈…另有一番 風味…（無變）入去之前…沿路有園林亭…似乎多左d小型屋仔…係打麻雀用…依然有內有外坐…外面如舊電影般…雨傘林立… 入面就有不少明人相片掛畫…而呢度既名物>>白鴿，鸚鵡，孔雀都仲係度…今次order既野唔多…招牌乳鴿當然走唔甩…紅燒依然皮脆可以食埋…鹽焗既皮就較肥膩…還是不吃吧…無論點煮法…兩者都保留了肉汁在內…皮唔脆…而內裡旦白位置就真係半透明（似足水晶咁）…旦黃則全熟…口感唔同一般街邊賣既鵪鶉旦咁實…最重要係每人食左3粒都唔滯…雀巢綠色好特別…唔知食唔食得？？即管試下…但可能我地耐左先食…已經唔脆…冬菇非常厚肉…好香菇味…海參有d好爽…亦有d較唸…每樣都有4大件…生菜亦多…相信有半斤…雖然價錢過百…但確實貨真價實…讚最後食埋招牌甜品…小木桶係4碗裝豆腐花…超滑…配上桂花口味糖水…特別…

豆腐花既口感好順滑,五會比人好膏狀或者用粉沖既感覺,而特別又有心思既系,呢間店既豆花五會提供黃糖,用左桂花汁,好清香,五會溜,男女老少都適合食另外,隻乳鴿皮五會好厚,D肉又滑,有少少鼓油味,五會好濃,好好味,一人一隻食五停~

小時候到過龍華酒店食乳鴿, 感覺回味無窮。 唔少外國返黎香港嘅親戚都會要求我地帶佢入沙田食乳鴿。都好多年無去過龍華了, 個門口唔同左好多, 以前喺入口擺檔賣特色小食嘅啊伯都唔見左 沿途嘅雀籠入面都空空如也。 入到去, 只係叫左碟菜同 炒飯。 因為唔想食太飽。炒飯同菜好好味, 唔算太多油, 炒得好香。之後既時間就係食乳鴿喇! 差唔多每人都食左兩隻乳鴿因為實在太好食, 皮夠脆而且肉質香嫩!乳鴿上枱好快, 建議大家每隻乳鴿都喺食之前先叫, 乳鴿攤耐左會凍同無咁脆, 質素差好遠架

抱著一顆期待的心品嘗遠近馳名的燒乳鴿，與一眾親戚來到這間滿載上一代童年回憶的園林酒家提前做節。走過橫跨大埔公路的行人天橋，很快就來到龍華酒店的正門。那條前往飯店的走廊，兩旁掛滿了舊式的大紅燈籠，充滿著懷舊的氣色。我們被安排在一個裝潢比較舊的大廳入座，雖然大門常開，裡面的空調溫度還是令人感到涼快。第一道上菜的便是紅燒乳鴿($89)，侍應窩心的派發即棄手套給我們。開了邊的乳鴿，隔著手套，仍然非常燙手。可是肉質有點老，而且味道很一般，只有鹹味，鴿皮也不脆，完全稱不上是招牌菜！生滾雞粥是另一道有名的菜式，份量合理，但味道只是可以，粥底亦不是特別好。我們還點了椒鹽豆腐，但味道和豆腐質素也很平庸。反觀干炒牛河雖然不是招牌菜，味道卻不錯，牛肉也很嫰，炒得很有鑊氣。最後便是海鮮窩麵，或許當晚客人比較多，我們等了半小時麵才煮好。最令人驚訝的是，整窩麵分起來才不到四小碗！對我來說，一窩$118的湯麵只有這個份量，實在是非常不合理！與部長理論完一番，他自覺理虧，遂以一碟干燒伊麵謝罪。平心而論，海鮮窩麵的海鮮味道是不錯，份量也合理，只是麵的份量太少。值得一提的是吃飯時，會有結他手來到每檯，為大家彈奏經典的英文

經朋友介紹，與家人再次到訪，讓家人嚐一下傳統的滋味。於酒店內參觀，遠離了城市的煩囂，彷彿生活節奏也慢了下來，身心可略為紓緩一下。乳鴿與豆腐花是這次必吃項目。要了脆皮乳鴿，外層香口酥脆而不太油膩，鴿肉有彈性；及鹵水鹽焗乳鴿，輕微的鹵水味亦帶點鹽的鹹味，鴿肉堅韌，水準不錯亦符合期望，但比較起來還是脆皮乳鴿較惹味，不過還是值得一試的。豆腐花有桂花汁，冰涼、爽滑而幽香清潤。另點了鴛鴦飯和杏汁冰糖雪耳燉鴿蛋。鴛鴦飯是經典的紅白汁，汁料豐富，蝦肉新鮮彈牙不腥，配菜亦做得爽口，醬汁的濃稠剛好，茄汁不酸。杏汁糖水熱騰騰的，吃到各種材料，味道比豆腐花略甜，但適合愛吃甜品的我。還是一頓令人十分享受的午餐。

細到大搭火車經過沙田，一直好想食龍華酒店的乳鴿啲人講到好好食今日男朋友終於帶我去去到有註場歌手唱歌我地分別叫左豉油皇乳鴿同埋紅燒乳鴿豉油皇乳鴿同埋紅燒乳鴿兩樣都完全冇驚喜仲要d肉好老香芒蝦球比較好d，除此以外叫左虫草花湯，咸到放棄左我唔會再返黎食！！仲要貴到乜咁！

難得平日放假兼落雨,就二人行黎左龍華~7點入到去~哇 得幾枱人...唔使等位~就拿拿聲坐低叫野食~紅燒乳鴿 : 今次比較多油~不過都好脆皮~唔使點調味都夠咸，但係小弟比較熱氣，所以一件起兩件止。豉油皇乳鴿+瑞士芝士海鮮焗麵 豉油皇乳鴿 : 黎到唔食呢個唔算黎過呢度! 夠入味，最重要係唔熱氣，可以放心喪食。瑞士芝士海鮮焗麵 : 佢既芝士比較偏向甜既奶香味，配伊麵底，不過比較"傑"身，夾得吃力D，海鮮有蝦，帶子，魚柳，魷魚。份量適中，兩個人都食得哂 

地踎酒樓的格局, 無冷氣, 有蚊, 洗手間衛生情況惡劣。唯獨入口兩排新簇簇紅燈籠有少許排頭。。。食物質素蠻好的, 夠穫氣1, 招牌炸乳鴿 $88, 鴿味比其他酒樓香濃, 皮脆。 不過講真, 炸乳鴿只要新鮮熱辣食就點都是好味的, 要上百元一隻又是否合理呢？2, 豉油皇乳鴿, $88, 豉油汁過多八角味, 變左滷水汁, 唔接受。還是炸的好3, 羅漢齋 $120左右, 墊底的芽菜好有穫氣, 但整碟菜就比較油, 始終是齋。。。4, 水晶炸鴿蛋 $168, 火喉控制得宜, 鴿蛋白很滑, 有點彈口, 蛋皇是全熟的, 無特別香。好矜貴架, 得5粒架咋5, 煎釀豆腐 ≤$100, 這個唔掂, 豆腐炸得過火, 不滑了, 豆香不濃另白飯一碗+特價啤酒3枝三人食, 埋單$6xx如果各位朋友下次食, 建議叫多點小炒或炒牛河之類的, 它的穫氣夠嘛！另外, 如果老闆願意花多點心思, 時間, 金錢打理酒家環境, 這六百幾, 我會比得心甘情願多了！

鼓油皇乳鴿，乳鴿貴到離譜，雖然皮脆肉厚但凍的，而且似乎放了很久。紅燒脆乳鴿，乳鴿貴到離譜，雖然皮脆肉厚但不熱，而且似乎不太新鮮。鼓油皇大蝦，分量少價錢貴，蝦肉細肉質差，調味倒不錯幾揶味。香炸獅子頭，很一般的菜色，油份過高料不佳，沒有什麼特別。香蒜炒大蜆，價錢貴分量少，材料一般不過炒得幾香，唔抵。香葱炒花蟹，蟹無肉且肉很松，味道濃郁可惜得嗰幾啖分量。紅燒豆腐，豆腐不新鮮，不過做到皮厚肉嫩，可以。炸大腸，一般般沒有特別。服務嘛嘛，地下的衛生情況很差，水積很多。價錢偏貴，不值得專程上去食，同級食物比比皆是。

最近到龍華吃過乳鴿後，Shirley密密買乳鴿回家品嘗，總是失望告終，共處多年，我又怎會不懂她的心事，再謀廉購龍華現金劵！龍華的乳鴿每隻由$89至$118,我 這次要了脆皮红燒、豉油皇及滷水鹽焗共三隻乳鴿。脆皮乳鴿基本能做到皮脆肉厚，不會太乾，但又不會是無人能及，屬三甲之列吧！ 真正特色出色的應該是豉油皇乳鴿。那混了香料的豉油將鴿肉浸得奇香，很入味，味道豐富而香纯，且餘甘連綿，Shirley醉了....... 至於滷水嘛....... 居然不夠豉油皇香，以鹽焗又令鴿肉過鹹，不試也罷！逭次的主食是黃鱔臘味煲。飯很乾身，有嚼勁，飯底先鋪了一層蛋皮，避免黐底，有點心思。黃鱔也很多，不過味道被臘味(臘腸、膶腸)所掩蓋，未能試真。$168這個價錢是有點貴，但份量卻出奇的多，三至四人分享應不是問題，一口乳鴿，一啖香飯，相得益彰。見鄰枱上了七、八隻燒乳鴿，真想叫他們試試豉油王乳鴿，但又怕唐突又怕口味不同，裹足了。但我跟你們説：脆皮乳鴿在龍華只能做阿二！