龍城冰室

營業中

休息中

想喺銅鑼灣咁人多嘅地方食快飯，冰室/茶記係一個好好嘅選擇，而我今次喺揀咗龍城冰室，中午時段都有幾多返工嘅人喺到食，但今次唔洗點等位就入得啦，果然係茶記講究嘅效率！速度！第一樣先係必點嘅常餐，仿鮑魚火腿絲通粉（$46)，跟餐仲包咗奶油豬仔包、3.6牛奶炒蛋。值得一讚就係個豬仔包，焗到香脆可口之餘，員工姐姐仲好貼心問我啲奶油夠唔夠添啊～第二樣就點咗咖哩吉列豬扒飯（$59)我仲加錢（$12)要咗碗例湯。以呢個份量$59真係超抵食！因為豬扒係一個碟嘅size，而咖哩汁亦非常足夠咁比我去撈埋一碟飯。好可惜我一個女仔真係食唔哂，下次應該要點少飯！餐飲方面，我點了茶記先有嘅鹹檸七！夏天消暑一流，自家製嘅鹹檸檬無可取締～

今日lunch食咗龍城冰室, 叫咗佢哋特式常餐， 常山包括瑞士雞翼公仔麵, 炒滑蛋同奶油脆脆豬同埋 一杯嘢飲! $48 好抵食! 奶油豬香脆可口, 即叫即做 奶茶茶味香濃， 同奶油脆脆豬係絕配!呢度成日都好旺, 經常要等位, 但係都好快安排到位置,落單速度快,配合lunch time時間! 叫左大約10分鐘就黎齊，冇話漏單!伙記醒目，食個lunch都爽手d!另外女友人想食d 特別野唔叫例午，呢度茶記竟然有花膠斑腩炒河叫，本著商品條例我地都一心以為得塊魚皮，來到真!係!有!花!膠!食!勁呀，魚塊入味，堅花膠! 茶記黎講水準之作，尤其係瑞士雞亦，好入味又大大隻，唔會over咸，冇口渴感! 加上overall 佢其他食品目測都大大碟，算係抵食!唯冷氣有点不足!

今日一個人在銅鑼灣搵野食，經過呢間龍城見幾多人應該唔會差，所以就入去試下印象中之前食過觀塘分店，都唔錯餐廳除左set lunch 外，仲有多款食物選擇。睇圖已經覺得好吸引。由於天氣太熱的關係，先飲杯水果茶解喝先啦。入面有非常足料的多款水果，香濃茶味又唔會太甜叫左個板燒和風嫩牛柳餐 餐湯是羅宋湯，個湯底茄味濃，足料個扒五成熟 ，正牛肉肉質嫩滑又香口，肉味濃。仲有好豐富的side dish呢，包括薯蓉，椰菜及焗薯呢。今曰真係好豪氣，一個人食左百幾元這兒確實是銅鑼灣平民又高質的餐廳呢

銅鑼灣一向都多餐廳，今日同朋友黎到龍城冰室食lunch。依個時候食飯都比較多人，不過好快就等到位。餐廳設計簡約，非常清新。我地叫咗是日午餐洋蔥豬扒飯($56)，配白湯同熱華田。餐湯可以揀白湯紅湯中湯，今日嘅白湯係素翅忌廉湯，滑得黎又唔膩，素翅都有唔少條。洋蔥豬扒飯非常大碟，而且豬扒有2塊，煎得好香，再加上濃濃嘅洋蔥汁，送飯一流。難得黎到冰室，又見到餐牌上嘅西多士豬扒包呀好似唔錯咁，於是叫咗個推介嘅芝士流心西多士($26)。西多士上面有一整塊牛油，非常邪惡，而糖漿就可以自己加，一切，佈層嘅芝士處於半熔化嘅狀態，軟綿綿，好滿足。下次黎一定要再試下紅豆西多士！最後仲叫咗韓汁炸雞($36)，金黃色，好脆口，粒粒都係肉多皮薄，仲配埋韓式辣醬，夠哂有風味。

本來晚上打算和友人去書展，結果陰差陽錯又去唔到，仲要自己一個去食晚餐。不過好彩，呢間餐廳都幾好，食啲野好似好高級咁，但又唔貴喎。餐廳叫冰室，當然裝飾都係懷舊風。但又幾新正下，坐得舒服。裝飾都夠大氣，襯得上啲食物。晚餐套餐唔太吸引，我叫散叫左個炒飯，青菜，仲有呢個18蚊既雞煲真係好吸引！帶子鮑魚炒飯。帶子夠厚肉又有水份，非常好吃。但鮑魚令我好失望，圖片中既鮑魚大隻好多，而且呢隻細鮑魚好硬，我只試左一隻就無食啦。西蘭花比較硬身，我中意軟身啲，上面既金菇瑤柱汁都幾夠味。呢個雞係真係抵食！好大份，好多件雞，仲有花膠、靠菇等配料。仲煮得好入味呀！自己一個人食甘多真係幾大食，不過叫左唔好浪費，所以我都食得七七八八。其實佢份量都不太多，但亦抵食！

今次放工之後近近地，但又想食得抵啲。所以最後就誤打誤撞揀左食龍城冰室。店內地方不大，一貫茶記格局，座位編排得有點密麻，不過環境同佈置都幾有特色，中間嘅牆身用上紅磚砌成，配以天花的鎢絲燈、鐵架上的小盆栽和近門口的一列懷舊黑色窗框，裝潢帶古典風。由於來到時時間尚早，還未到晚市時段，所以很輕易就找到個卡位。本身以為應該得啲常餐 碟頭飯個啲，但點知睇睇個餐牌就發現都幾多唔同品種既野食，所以我就乜都叫左小小試下。首先，叫左個龍蝦拚牛扒配蒜蓉汁，好大份。不過個龍蝦有d咸，味道好濃。再叫左個小吃避風塘豆腐，呢個好香椒鹽味！再叫左個瑤柱金菇西蘭花，呢個太咸，吃完勁口渴，不推薦！我地試左水果茶，好普通，似系美粒果橙汁，下次都系叫普通奶茶算！

係銅鑼灣諗住求奇搵間餐廳食飯 點知好有驚喜😍2個女仔食 叫左一個是日晚餐 和風牛柳烤豬扒配意粉 同埋叫左碟蒜蓉田園炒雜菜首先黎左個湯 係個晚餐跟嘅 個湯好濃 好足料 質地係杰嘅湯👍🏻 正 另外要讚一讚啲員工 因為我地2個人但只有一個湯 有個姐姐好主動咁問我地洗唔洗比個碗仔我地 雖然只係小舉動 但好明顯佢好細心👍🏻然後黎左呢個蒜蓉田園炒雜菜 菜好新鮮 好爽口 蒜蓉又夠多 味道幾好 而且唔多油 健康之選👍🏻 呢個和風牛柳烤豬扒 有2塊牛柳加一塊大豬扒 牛柳好林好好味 肉質100分 加埋佢嘅汁 係甜甜地嘅燒汁 好味！豬扒都唔錯 烤得好乾身 但都係好林 有骨豬扒有小小肥膏連住豬扒 好香👍🏻 仲有意粉上啲有鮮茄汁 係有蕃茄肉的🤗 感覺好有誠意!

This restaurant offers delicious steak and beef fillet that allows you to order how wellcooked it is on a scale from 1 to 10.The first impression I had when the steak was served was how large it was and how it was cooked precisely to my order of medium cooked. The sauce is a decent addon the adds variety and flavour to the already fantastic steak.The boston lobster was also large and had a side of beef fillet that had the perfect consistency and seasoning.The black truffle soup also tasted very

是夜只喺同朋友有交收兼短聚，所以，搵個地方吹吓水、食吓嘢我地只係叫左兩份茄汁牛仔骨拼雞扒晚餐..一個跟飯，一個跟意粉兩份都叫忌廉湯...雞扒嫩滑嘅....果個牛仔骨係重點推介...佢個汁應該加左D蒜蓉茄汁得黎又有蒜香幾夾牛仔骨本身唔會靱！通常出街食牛仔骨！最驚吾好彩食到D成舊又靱又鞋！但杯凍朱古力就差dd，味道唔夠濃晚餐$58連凍飲又飯又湯又飲品...絕對係大件夾抵食環境都唔錯喎，都有好多卡位！！服務都不錯，我地坐好耐都吾趕不過見到門外有人等位！而且傾計咁耐只好埋單

去完旅行回來，約朋友餐聚就沒有停過，今天約了朋友在銅鑼灣下午茶，因為旅行太久了，很想念香港茶餐廳的美食啊～三拼粉麵餐$40腸仔、餐肉和漢堡排都煎得很香，配即食麵真係又邪惡，又頹廢，又好正啊！飲料點了鮮檸熱情果梳打（跟餐$19）這個真的要誇讚一下，檸檬和熱情果的香味都有，夏天喝很爽很消暑！芝士流心西多士 $34芝士是微鹹的，有輕微拉絲還不到流心，但是配上甜甜的糖漿卻是意外的搭。士多啤梨鮮奶（跟餐$17）草莓雖是很香，但是是糖漿，味道有點假，喜不喜歡就見仁見智了。因為朋友說她很餓，所以我們還加了個烘底的炒蛋餐肉三明治（$26）麵包烘得金黃酥脆，上桌後記得快點吃，不然軟掉就浪費了。炒蛋不會老，很滑，配上午餐肉，把中學小賣部的回憶都勾起來了！！一個下午茶吃了$134，我們也是夠夠的

中午同拍檔响銅鑼灣做完個job，一落樓就係謝斐道總統戲院，見銀X茶記已食過其他分店，反而隔離間龍城冰室未食過，見有位兼企理就試下，午餐咖哩牛肉飯，有餐湯＋飲品53蚊，價錢合理，唔知係唔係駱克道及謝斐道，好多食肆競爭大，連餐湯都有紅、白、中三種選擇，近期少見；飮羅宋湯可見功力之一，75分尚算唔錯，個咖哩牛肉飯至係主角，椰香味嘅馬來咖哩，送白飯一流，牛肉唔韌，有部分有D滑，分量夠飽有餘；好食之選👍🏼常餐瑞士雞翼公仔麵$48，配3.6牛乳炒蛋及鮮油奶豬仔包，瑞士雞翼夠味又唔覺鹹，公仔麵食到一丁味，煙煙韌度啱啱好，3.6牛乳炒蛋改左煎得靚嘅雙太陽蛋，鮮油奶豬夠奶，包鬆軟外脆，無理由唔試；餐飲凍啡走甜少少冰，單打少少少冰，都仲可以咁多冰😓但都想讚下好飮；熱奶茶ok。

今日剛巧經過謝菲道，見到門口燈光非常光，吸引我眼睛不自禁望過去，睇到門口餐牌晚餐都ok， 又唔使排隊，就入去試下，印象中開業不久，記得前身是一間韓國菜，難食到不行，銅鑼灣旺區咁大間冰室實在買少見少，現在有多一間冰室選擇，確實太好了。我和朋友坐低分別點了韓式醬燒雞扒拼腸仔晚餐 和 常餐（豬柳公仔麵 + 牛油豬仔包 + 炒蛋）。晚餐中湯（粉葛赤小豆煲豬骨湯）需份量少，但無味精，真材實料，似媽媽煲既湯。韓式醬燒雞扒拼腸仔 - 韓式醬雞扒配搭確實少見，估唔到出黎都好好味，有少少辣，好惹味。我朋友食了常餐，公仔麵煮既時間剛剛好，豬仔包軟硬度適中，牛油塗滿包面，加左d 煉奶，正。總結：食物勝過很多冰室和茶餐廳，很少見餐廳連銀器都印上Logo，本身做飲食採購既我都知銀器印Logo 最低叫貨量都過千隻，餐廳果然很用心，值得加分。

叫左個常餐, 就係瑞士汁雞翼撈公仔麵, 仲配個3.6牛乳炒蛋同奶油豬仔包瑞士汁雞翼, 大大件, 趁熱食用，雞翼不但口感嫩滑，還帶有絲絲甜味，味道超贊, 吃得津津有味, 沾滿了瑞士汁的撈公仔麵，簡直就是品嚐瑞士汁的好配搭, 麵質Q 彈有口感奶油豬仔包, 焗得好香脆, 奶油香味令人流晒口水添近期大熱既水果茶, 冰室都跟隨這股潮流, 水田茶搭配熱情果, 蘋果，LEMON, 茶香伴隨淡淡果香，口感格外細緻豐富, 除了吃清甜多汁的水果，亦可喝水果茶消暑解膩，水果茶酸甜開胃，最適合夏天喝

今天週末放工陪同事往Sogo 買禮物，經過一間龍城冰室，個名好熟，原來是觀塘那間龍城在銅鑼灣有分店，望下門口的餐牌，價錢並無因為在銅鑼灣區而貴左，重係大眾化價錢，同事和我都未食晚餐，正好入去試試分店味道如何！入座後，侍應招呼週到，用餐期間，見到他們對客人的熱誠，值得一讚！食滿$110以上就可以有優惠，比$18就有一煲原隻花膠冬菇雞煲，真材實料，不會將貨就價，冬菇爽口，雞肉嫩滑入味，主角原隻花膠都有厚度，有骨膠原口感，醬汁調得好好味。星洲炒米；炒得夠鑊氣夠乾身，而且又足料，有蝦仁、火腿、义燒、蛋絲、洋蔥、芽菜，米粉夠味，食不停口。豉椒斑腩炒河：斑腩鮮嫩，而且炸過可增加吸收豉汁多一點，河粉滑溜，豉汁獻調得好夠味，撈勻食好惹味。懷舊紅豆冰：我的至愛飲品，紅豆林甜，奶味香濃，甜度適中，冰凍好飲。

銅鑼灣區鋪租貴人工貴，食店當然也貴，但比我發現有一間食物質素吾錯，價錢大眾化又吾洗加一的餐廳，就是位於謝斐道的龍城冰室，餐廳食品多元化，又有懷舊feel。 餐廳地方整潔，座位是卡位，坐得舒適！我叫了一個鐵板晚餐和一碟炒河。今晚餐湯是合掌瓜煲豬骨湯，湯夠火喉，味道清甜。照燒鰻魚豬扒鐵板餐，鰻魚厚肉，燒得皮脆肉嫩，豬扒林得黎又來了有口感，點了特別調製的燒汁，非常美味！配菜有飯、意粉、薯菜選擇，這選了薯菜，薯仔原隻焗,並在中間加左沙律醬，還有娃娃菜好清甜。豉椒斑腩炒河：班腩炸到外脆內嫩，河粉滑，用豉汁炒非常惹味。花膠雞煲，晚市食滿$110就可以優惠價$18食一煲，好抵呀！花膠有口感，冬菇爽口、雞肉嫩滑又入味！藍妹，美食當前，一定少不了啤酒。