龍城冰室

營業中

休息中

返工返左成個星期終於又到禮拜五，咁岩放工出左去灣仔見工，而朋友又係灣仔返工，就約左佢食飯敘下舊，食得日本野多，今日就食下冰室，去左附近既銅鑼灣，見呢間好似新開冇耐就入去，唔駛等位，不過裏面都坐滿人朋友話唔肚餓、所以唔叫太多，叫左個原隻龍蝦拼牛柳配忌廉湯我最愛既龍蝦，幾大隻，不過肉不多，幾有韌度，牛柳質感剛好，不太熟又不太生，不過味道有少許咸，仲有原隻薯仔仲叫左小食避風塘豆腐，見好多人食，外脆內軟，好味食唔停口，熱氣都唔理健康d緊係叫多個菜-有瑤柱金菇西蘭花，幾入味野飲menu天氣咁熱就叫左杯綜合水果茶，減十蚊，好似橙汁咁，裏面有好多生果，飲完即刻透心涼，消暑之選最後兩人買單$252，食到好飽，呢個價錢食到龍蝦都唔算費

早上跟老婆行過， 見到有間茶記門口大排長龍， 就走去望下邊間咁厲害， 望了一陣先發現完來係排隊搭小巴，笑咗落單叫早餐 我要反蛋，老婆要全熟炒蛋。 先黎兩杯嘢飲， 炒蛋嚟咗半熟反蛋，因為係大肚婆關係，唯有真係要同佢講聲要換咗佢。老實咁講佢嘅牛角包幾好食只係佢嘅大細同圖片感覺上至少有三倍嘅差別， 一個牛角包嘅大細 只有一個蛋撻直徑左右 實在要讚嘆一下攝影技巧本來諗住先飲杯嘢等嘢食， 睇一睇， 嚇一嚇。 兩杯柚子蜜， 兩隻杯都滿佈茶漬。 唔通係新口味？ 勇敢地飲落去 柚子蜜加茶。 其實係完全冇洗杯就咁放落去 還是 將茶加錯咗係 柚子蜜 裏面？ 望下其他飲奶茶嘅朋友隻杯， 並唔係咁嘅樣， 係又矮又圓。 實在唔敢繼續諗落去，就放棄咗兩杯野， 食完出去買水飲。短期內如果有其他選擇，應該都暫時唔會 再嘗試住

This restaurant becomes my recent favourite place to visit for late dinner. They have discount menu after 10pm and provide huge varieties of food. I especially love their hotdog and fried egg with minced beef bun set. It comes with either salad or potato wedges as well. Both are very delicious. Also their drinks are very good. Overall the food quality is nice and price is reasonable!

今日去總統戲院睇戲，差唔多夠鐘就求其喺附近搵間冰室食。就嚟到呢間龍城冰室，見好多人幫襯，一定唔會太伏啦。點知。。。室內環境都算大，但甘啱坐正喺門口位，而且佢冷氣好似冇着到，所以就覺得極熱我叫咗個常餐，以上呢個豬仔包應該係全個餐裏面最好食嘅嘢。老實講，豬仔包整到外脆內鬆化其實都幾好食，而且加上牛油香味呢個我覺得可以一試，但係滑蛋嘅奶油味超重，食落口淨係覺得好肥膩。豬扒公仔麵，豬扒稱得上幾鬆化，但係你見到個湯底有色好似好濃，但食落口係完全冇咪仲慘過用雞湯整。另外火腿包片通粉就不過不失。凍檸茶一樣都係不過不失。但啲杯凍華田真係淡而無味，仲要係暖既。。。。黎到嘅時候我都呆左以為呢杯係乜嘢嚟。冰室我覺得最緊要係杯茶沖得好，但係呢杯華田真係唔得掂

茶餐廳或者冰室, 俾我感覺就係食啲快餐為主, 估唔到呢間冰室, 佢嘅小炒都唔錯喎!今晚就同朋友炒咗兩味, 叫咗個是日嘅晚餐, 碧綠蘆筍炒斑片, 佢仲跟咗白飯, 再配餐湯嘅都係只係69蚊, 另外再答多個時菜炒牛肉添, 我哋專食多啲菜, 營養均衡啲!佢嘅湯都微微辣, 寧舍開胃呀! 蘆筍炒斑片好快就送到啦, 香噴噴呀, 熱辣辣, 蘆筍都幾爽脆, 在有啲雲耳, 夠曬彈牙,佢嘅班片好嫩滑, 大大塊, 送飯一流!另外佢嘅時菜炒牛肉, 牛肉炒到啱啱好, 一啲都唔會靭, 菜心鮮綠色, 份量都唔少, 再加埋啲冬菇, 夠鑊氣！

香港特色@龍城冰室 銅鑼灣謝斐道500號維安商業大廈地舖 茶記絕對是香港人文化同日常飲食的重心，如我中午都會是去茶餐廳吃午飯，晚上沒約人也會吃茶餐廳。我不是奄尖港女，所以環境如何不重要，只要好食就得啦，今日晚餐就自己食，點份$55蒜蓉雞扒餐跟薯菜加蒜蓉西蘭花$44西蘭花清清地又唔怕太油，出街食都要追求健康雞扒實在大塊，皮煎到脆卜卜仲有油脂滋潤著。跟薯菜本身不太好薯仔走了(本身有焗薯仔一個，變了比多了菜我，哈哈)飲品要凍檸茶走甜，夏更有杯凍飲人生樂事，舒筋活血。跟餐加$9就有啦不花巧，抵食夾大件，就如香港人努力生活的態度哦！

As well as CWB, they have a joint in Kwuntong but went here as it is more convenient.Every time I go past, there is always people waiting outside to be seated.That day, we got seated within 10 minutes which was good.Ordered the spicy tofu with rice which wasn't that spicy and the tofu they used was the really silky ones which lack soybean taste.Next were the pork chops which were only $37.The portion was pretty impressive.Also had the $18 pot which comes with fishmaw, but it was only $18 so the

餐廳的設計很漂亮，一改冰室的風格，至少坐下來的環境很舒服。=w=望著餐牌花多眼亂，圖又吸收~因為是見到[ 招牌 ]2隻字就選它吧！！！招牌海龍皇炒麵：其實在中午時間食，整得幾靚w材料好豐，有食靚皮膚的花膠，補下骨膠原xd 有大大件斑片，有口感好食的。帶子都是大粒，鮮魷就海水味有點重，蝦球非常爽口，青口是連殼的，要花點技術吃，食開的人就懂了。冬菇雖然細粒，但菇味濃郁，食落非常香口。紅豆冰：這個是必點特飲，我想這裡做法最特別是採用的牛奶，如果沒有食錯，是用牛乳360整，平時出面飲唔到咁重奶香味。而且紅豆用心煮，粒粒都好新鮮軟熟。小食好想食多幾款，但2個人食真的點不了太多。避風塘豆腐：入口即溶，外皮脆卜卜，真係一口一件。避風塘就更係香辣口感，勁惹味w

今日放假做完GYM , 最好去TEA一TEA, 食TEA最好食乜? 緊係炸雞脾, 炸薯條啦~ 一行兩人, 但係因為真係太肚餓, 炸雞脾係生炸的, 伙記事先聲明要等15分鐘左右, 好~ 我等囉~ 不過叫多份TEA SET (厚花生醬西多士) 食住等囉~ 吹咩~兩個人食三個餐真係好L過份..........厚花生醬西多士好快就到了, 有吋半咁厚, 多士厚, 牛油厚, 炸到金黃色, 漲卜卜咁, 未食都覺得好正,咁記得叫伙記落煉奶, 落煉奶會更加正, 係剛剛做完GYM血糖勁低情況下, 糖漿我係落重手咗,不過入口個一下甜真係成個人醒一醒神~~ 正丫喂~朋友叫咗杯紅豆冰, 當然係唔執輸chur返佢兩啖啦~ chur完我好後悔叫咗凍啡, 杯紅豆凍好正, 紅豆沙同紅豆粒各一半, 有得飲之餘又有得食, 加埋冰同花奶真係好正~說時遲那時快, 炸雞脾都到埋啦~ 你知唔知當一個肥仔食完甜野, 再食咸野有幾咁興奮你知唔知?好想用手拎住食~ 但係因為佢真係生炸, 裡裡外外前前後後都好Q熱, 只可以切黎食,灑兩粒鹽花, 再點D茄汁, 我真係想D時間永遠都停留係哩一刻~ 好幸福歐~~~~~

平時係公司附近食晏多數都會去龍城冰室，貪佢抵食夾大件。但honey唔係返觀塘所以冇機會食到我口中話好好味嘅瑞士雞翼，趁着行銅鑼灣有分店就同佢去食一次lunch喇！瑞士雞翼撈麵份量都幾多，配搭上奶油豬仔及炒蛋，次次都食到飽飽的！奶油豬仔包烘得超脆，鍊奶又夠多，百吃不厭呀！炒蛋香滑而且半生熟，係我最愛呀！重點瑞士雞翼味道係一百分，雞翼又夠大隻，啖啖肉。今次撈麵既汁都幾多，非常完美！除咗常餐，黎港式茶餐廳梗係要食雜扒飯啦。紅酒燒汁雜扒飯有牛扒、豬扒、煙肉及腸仔，真係食肉獸專利呀！哈哈！最抵死嘅塊扒唔會薄過紙，入口口應豐富，肉質又夠軟稔！久違了既雜果賓治，非常多生果！酸酸甜甜，岩哂今日熱辣辣既天氣飲呀！

朋友最喜歡吃地道港菜，經過銅鑼灣時，看見店鋪外大排長龍，所以決定入去一試！川味辣子雞（$69） 跟套餐（$20）喜歡吃辣的我大為滿足，辣味剛好，雞肉肉質鮮嫩，份量又多，跟飯食一流！加套餐有跟飯呢！XO醬西蘭花炒蝦球（$74）自己無菜不歡，西蘭花非常入味，有一絲絲的XO醬辣味，配上新鮮彈牙的蝦球，讓我多添了一碗飯呢！蒜蓉牛油煙肉焗青口（$36）青口鮮味十足，牛油味濃，蒜蓉味十足，煙肉香口，吃完感覺不夠喉呢！冰鮮果菜（$23）水果新鮮，鮮甜解渴，入面有很多新鮮的水果片，香甜十足，不愧為主打！整體而言，店鋪的格局舒服，有卡位可聚會，食物味道好，性價比高，質素高又平靚正，店員非常主動友善，真的絕對可以有下次！

今日崇光感謝周年慶開始減價，XO仔就襯人流應該最少時去買母親節禮物，買完就是但喺附近一家最光鮮o既「龍城冰室」度快速食咗個晏就趕返公司。入座前先要攞飛仔排隊，中午時段搭枱制，一個人話咁快就有位坐。人多要等o既朋友可以喺出面睇住彩圖餐牌，諗定食乜後可以坐低即點野食。螢光幕顯示出不時會轉o既「是日午餐」款式，非常清晰。店子樓面頗高，木造假天花配吊燈、磚牆及架上o既小盆栽，感覺比一般茶餐廳潔亮時尚。卡位尚算OK好坐，自助餐具全收進餐桌o既拉櫃入面，衛生非常。小肥單點咗客自覺較健康o既「脆皮蒜蓉雞扒」。另加$9配咗杯好清涼o既凍檸茶。脆皮蒜蓉雞扒（$55）：連雞皮上o既雞扒只有好細舊骨，所以勁啱細佬食。雞扒厚身得黎啲肉好軟腍嫩口，加上個橙色o既蒜蓉汁香甜惹味，中午以$55食份咁大份o既雞扒同薯仔真係幾抵玩。

收工又到宵夜時間😂龍城冰室早餐就食過幾次，每次都見到大大張poster寫著晚市推介$18超抵食花膠雞煲，好吸引，今次就和同事試下小菜啦餐廳位置闊落乾淨，坐得舒服大大塊黑板畫滿食物圖案，幾有心思。餐牌食物種類非常多，一般茶餐廳冰室該有的菜式都有，值得一讚的是有蔬菜健營精選，啱晒想食消夜，但是又怕肥的女士們😂價錢實惠，選擇多川味回鍋肉，有鑊氣配白飯一流回鍋肉肥瘦分明，$59元大大碟，好抵食南乳雜菜煲，有營之選有幾樣蔬菜，清淡之餘又有南乳味，又可以送飯滿＄110加$18就可以食到佢啦原隻花膠冬菇雞煲$18開頭以為好細煲，但實物真係好足料，又抵食👍🏻估唔到都有成10舊雞👍🏻 味道唔錯，冬菇入味，雞肉嫩滑，最重要有大大舊花膠，補一補骨膠原😂食左3個小菜都只是百幾蚊，又平又靚又正上菜又快，抵食👍

銅鑼灣近排開咗兩三間冰室, 裝修同價錢都差不多既, 味道都已經唔係舊式茶餐廳嘅級數, 新開既冰室比一般茶餐廳高質好多! 尤其係裝修, 裝修我得非常之重要, 吸引眼球, 間接增進食慾!而最緊要坐得舒服。今日就去咗謝斐道嘅新開冰室, 要排隊, 大概等左十分鐘就入得! LUNCH有幾個午市套餐, 但我心中有另一個主意, 就係我最鍾意嘅鐵板扒餐! 大大碟既鐵板餐, 淋上醬汁, 鐵板發出吱吱炸炸嘅聲, 香氣四溢, 令其他食客羨慕又妒忌, HEHE, 叫咗牛柳set, 牛柳兩大塊, 叫咗七成熟, 牛柳容易切開, 咬落去牛肉嘅香氣滲出嚟, 仲好多肉汁添! 兩大塊98蚊性價比都算幾高! 另外我最欣賞嘅就係佢嘅薯菜, 其實一個一整個焗薯, 切開咗, 香噴噴, 入口即溶嘅薯蓉, 再配醬汁, 冇得彈!再配埋外脆鬆軟的奶油豬，正呀！

銅鑼灣其實食嘢整體上都叫做貴不過亦都有啲良心餐廳嘅價錢係做得比較平民呢間龍城冰室個名就同其他冰室差唔多至於食嘅嘢其實亦都係差唔多款式都非常之多有最廣泛嘅炒麵炒飯，去到普通嘅多士菠蘿油都應有盡有對比於隔離餐廳例如翠華吹河或者係金裝燉奶佬都係有過之而無不及入面嘅裝修都幾靚，坐起上嚟都幾舒服雖然有陣時人比較多要搭枱但整體都唔算好迫咁今次就叫咗個焗飯就係焗菠菜魚柳飯貪佢又有芝士得來又有菜咁焗野大約要等15分鐘係正常嘅咁啲飯一送到黎已經feel到好熱同埋好有心機製造第一啖已經食得出好有菠菜嘅鮮味再加上魚柳啖啖肉下面唔係用普通嘅白飯而係用炒過嘅飯所以食起上嚟更加好味會令人食慾大增來到冰室就梗係要飲返杯凍奶茶奶茶稍為嫌佢奶多得滯如果係鍾意多奶嘅朋友就應該會鍾意但係整體都唔會蓋括咗茶嘅香味所以我覺得係值得嘅同埋都幾抵