龍城冰室

營業中

休息中

今日自己一個出去銅鑼灣出job接近2點鐘自己一個食lunch諗住食好d附近有間龍城冰室之前好似都有見過龍城有幾間分店但一直都未食過一於入去試下好彩剛好過左正常既lunch hour上班族都幾乎食完唔洗點等位裡面都幾寬敞裝修又幾光猛「是正」就算一個人食 要搭枱都唔會好逼同隔離同對面都有一段距離餐牌選擇超級多以上只係半本menu既相都仲未影得哂想食鐵板餐要左美國西冷牛扒$99牛扒份量超級大食落唔會韌切開係鮮嫩既粉紅色唔會太熟牛味都幾重 唔會好乾配蒜蓉汁幾香口食完牛扒已經飽飽地如果女仔一個人食 建議可以配薯菜飲品+$8 要左咸檸七 正！夏日炎炎最好飲返杯凍飲見佢晚餐餐牌都好似幾吸引如果同同事/朋友一齊黎仲可以試下個原隻花膠冬菇雞煲好似幾正咁

銅鑼灣食肆多不勝數，又貴租，要係呢區站穩陣腳一D都唔易，如果你D野食太貴又唔好食既話，好快就會俾人淘汰9點幾同朋友係附近做完gym又落住雨，唔想行太遠，經過門口覺得是日晚餐幾吸引就入左去。餐湯提供三款選擇周打魚忌廉湯，忌廉味濃，配料多，濃度適中陳皮涼瓜黃豆豬骨湯，下火一流冇味精，岩哂經常捱更抵夜既朋友海鮮茄子煲用料十足，有齊魷魚、蝦、青口、魚柳，份量適中，食唔出有味精仲有大大粒帶子朋友就叫左和風牛柳烤豬扒，好揼本...因為牛柳同豬扒都屬於貴價料，通常都係其中一款配雞扒去減低成本效益，但呢度就反其道而行，兩者都大大份煎得好香口，配埋燒汁同大量栗米粒，送飯一流如果唔係時間太夜，我一定會追加佢D小食

夜晚去完銅鑼灣工X會學嘢，然後去左伊利沙伯大廈附近的龍城冰室食晚飯。講真，其實去冰室（茶餐廳）食嘢無咩嘢好寫，但這間食店的服務態度讓我不得不要寫寫。食店職員服務有禮貌又殷勤主動。我點了鐵板餐，大家都知個鐵板好很熱，我笨手笨腳想轉下個木盆底影相，食店的職員見狀即刻主動幫手，而另一位職員又立即遞上紙巾俾我。此外，坐我隔離枱的食客點餐時，我偷聽到職員細心而耐性地幫食客落 order。My God! 我宜家係去茶餐廳食飯，唔係去高級餐廳喎！好了，講番食物。食物種類繁多，有西餐，又有中餐。我就特別喜歡鐵板餐。我點了蒜蓉羊架拼香草腸配蒜蓉汁，隨餐跟湯和飲品。我叫了羅宋湯和凍奶茶。鐵板餐有兩件羊架、香草腸、焗薯和菜。草架美味易嚼，而且沒有討厭的羶味。其他配料亦十分可口。菜的份量多，平衡了肉，比較健康。整體而言，服務態度非常好，而食物質素又高。我下次學完嘢我都會再去食番餐。（佢地有個十八蚊花膠我一定要試下。）

Modern冰室❄️ --- 心血來潮事件簿(18)🤤今日本尊就同朋友黎到依間冰室食下野😎一入去見到間冰室裝修得唔錯，好有西式嘅設計😎推薦‼️今次我地就每人叫左一樣野，大家分享食😎本尊就叫左個支竹火腩煲🤤個煲好大之餘，加$10就可以變套餐，有飯同湯或者飲品😎真係好抵食！食落D火腩整得唔錯，有一種入口即融嘅感覺，個汁都配搭得唔錯👍朋友就叫左個咖喱牛肉飯，試過朋友嘅咖喱，覺得個咖喱比一般嘅甜，有一種與別不同嘅感覺🤔推薦‼️另一位朋友就叫左黑松露雜菌意粉，個意粉配搭得幾好，唔會有好大陣松露味，同埋食落唔會好膩，食素食嘅人好啱！👍最後個位朋友就叫左涼瓜班腩炒河，試過朋友的涼瓜，覺得稍微苦左少少🤔，但係整道都ok，配搭的汁幾好推薦‼️除此之外，加$18就有個花膠雞煲，仲要個煲都好大，非常抵食👍另外我地都有加左佢個奶油豬黎食，D料好足，同埋烤得啱啱好，唔會太脆亦有一種好鬆軟嘅感覺👍本尊今日就介紹到依到，希望有機會再同大家介紹多D😎多啦😻

有時唔知道食咩, 就最鐘意搵下有無冰室係附近, 感覺係高級既茶餐廳,呢度都相當多選擇, 選擇恐嚇症又出現有我最愛既蛋牛啊, 梗係要叫返隻試下佢, d蛋好滑, 同朋友share黎食黎到冰室一定要飲呢個, 我最愛叫左個乾炒牛河, 另送一個湯, 哇,佢係用碟上, 勁大碟, 兩個人先飲得哂主角黎喇, 好耐無食過乾炒牛河, 雖然感覺好肥 , 但愈肥既野愈正再叫多個蛋治, 正啊, d蛋好滑, 同朋友一人一件EASY KO!感覺好唔錯, D 員工又幾風趣, 下次再黎銅鑼灣唔知食咩好既時候, 我一定會再黎

平時食得茶記多，呢日心郁郁想食港式豉油西餐，係地頭銅鑼灣見到呢間新派冰室，餐牌選擇幾好，中西式並有，好似唔錯，於是決定入去探下一個究竟。店舖裝潢設計非常modern，有少少現代工業風格，感覺似間悠閒cafe，而且環境同座位寬闊，唔似傳統茶記冰室狹窄嘅空間，令人可以舒舒服服咁用餐。就咁睇是日晚餐餐牌感覺非常豐富，中西餐各一，價錢實惠兼抵食，70蚊就有扒食，仲包餐湯野飲，銅鑼灣黎講算唔錯。鐵板套餐感覺吸引，圖文並茂，份份都好足料大份，我叫左份雜扒餐，咩都試下嘛，其實佢仲有特式龍蝦餐，場內亦有唔少人叫架。套餐加8蚊有個鮮油豬仔包，我當然唔執輸試下。一試之下，鮮油豬味道簡直係震懾我味蕾，佢熱辣辣烘完上枱，外脆內軟，一大層鮮油係面徹底滲入包內，唔係焗完先搽係面，夠曬入味！再配上足料濃郁羅宋湯，酸酸甜甜，呢度前菜簡直大開胃口。黎到主菜，雜扒又係件件外脆內軟，可見大廚別具心思，先將扒件焗一焗，再放上鐵板，食食下覺得濟，可以食番個焗薯，配上酸甜蛋黃醬，中和肉嘅油份。飲品試左佢嘅菠椰特飲，係菠蘿同椰汁嘅結合，份外清新同消暑！

平時返工就成日經過，有機會食到。今日順便有寫一寫個評論。餐廳每一個月都會有啲新嘢搞，會有特別優惠，晚餐嘅時候比客人食。今個月就有食夠$110 ，+18送出花膠雞煲，非常誇張🤣。不過一個女仔，就唔食咁多嘢啦，其他人得閒可以試吓。餐廳裝修都唔錯。印尼炒飯個人較喜歡東南亞口味嘅食物，所以叫咗個印尼炒飯，炒飯都算乾身，粒粒分明，有甜醬烤雞肉串，同有蝦片，令我驚喜嘅係有燒鵝粒，配料好足，口味較濃，適合重口味嘅朋友，份量係一個壯漢嘅食量！綜合水果茶橙汁嘅底，各種水果粒，飲起上嚟有啲果肉咬下，都幾好玩！

喺銅鑼灣行完商場，又係時候搵嘢食。今次去咗一間港式冰室，性價比真係非凡！平時放工嘅時候，應該服侍左唔少上班一族黑松露炒蛋 🍳有鑊氣，黑松露抄得非常均勻，所以每一個位，都有黑松露嘅香氣。油分以及調味料，適量分布喺雞蛋全身，而且仲有一啖一啖嘅蝦仁🍤，非常香口，送飯一流。瑤柱扒西蘭花🥦西蘭花好脆口，每一啖都咬到索索聲，非常過癮。冧咗係上面嘅瑤柱，非常入味，另一拌飯一流菜色。白飯🍚咁好餸，當然要叫兩碗大白飯！164啤酒🍻

天時暑熱 一個人到銅鑼灣sogo行下， 剛中午時分 搵間餐廳醫肚 行到謝斐道有間茶記龍城冰室好似新開試下先, 叫咗個常餐 - 瑞士雞翼公仔麵， 只係 48蚊! 其他午餐都係一般茶餐廳價錢 ，真係平過附近翠華 好多!! 味道幾好喎 ! 瑞士雞翼幾入味 ; 炒蛋好滑 ,奶油豬就一般啦 . 整體上一個48蚊嘅常餐算幾好啦 ! 不過 ，舖內冷氣不足 ，加上大熱天時 ，食到成身汗! 食咗十幾分鐘就拿拿聲埋單走人 !希望下次冷氣政善下。 如果下次再到銅鑼灣食飯， 都會再試下其他 殘 貪佢價錢公道 哈哈!!!

星期六同朋友下午行完街想醫醫肚，突然好想食港式茶餐就記起之前有朋友介紹過謝斐道有間冰室好好味，龍城冰室去到見到有人排隊，不過都好快有位，侍應安排左卡位俾我地坐，比普通茶餐廳位子更闊落舒服，岩哂d 係 cwb 血併完既人坐底休息。好肚餓既我地立即睇下menu 有咩食，見到傳統既茶餐廳食品都有，全部都非常吸引，我地係林郎滿目既menu 中選擇左沙嗲牛公仔麵配呢個奶油豬同炒蛋沙嗲牛肉非常入味，肉質軟熟，公仔麵既軟硬度剛剛好，放左一陣先食都唔覺好林patpat，好有茶餐廳風味。至於個奶油豬都好正，麵包烘到剛剛好既金黃色，食落好脆口。而炒蛋都不錯，顏色好靚，蛋唔會太熟。好滿意我朋友叫左午餐肉炒蛋三文治同咸魚炒介蘭，佢既餐蛋治既蛋都係半熟，同餐肉一齊食，味道好有香港風味。值得一讚係個炒介蘭，好有鑊氣，一上台就聞到炒咸魚既香，咸魚味剛剛好，唔會太濃，仲食到介蘭既獨有味道。食左咁多野，都好滿意，一定會再介紹朋友黎。

在銅鑼灣逛街後，想找一些經濟又實惠的餐廳吃飯。於是便到了龍城冰室，店內裝修不錯，卡位的位置也很充足，購物過後也有足夠位置給你安放好東西才安心吃飯。餐廳的食物很多，有港式茶餐廳常見的沙嗲牛肉面、常餐等等。坐下後便點了一客避風塘豆腐，豆腐炸得金黃香脆，外脆內軟。一口大小的豆腐令你吃下先能體驗兩種口感。避風塘的口味更令豆腐變得更香口，帶有一點辣味，令人一口接一口的吃掉。主食方面則點了鳳梨咕嚕肉和沙嗲金菇肥牛煲。先說沙嗲金菇肥牛煲，肥而不膩的牛肉片加上惹味的沙嗲醬，是用來佐飯的佳品。加上爽滑的金菇，令到整個肥牛煲也變得不單調。肥牛煲的調味剛剛好，不會太咸也不會太辣。至於鳳梨咕嚕肉，咕嚕肉炸得香脆可口，肉質也很均勻，不會帶有過多的肥肉。加上醬汁的調味適中，帶點酸酸甜甜，令人十分開胃。而且咕嚕肉的醬汁不會過多，芡料剛剛好平均分配在每一件肉上，吃下時更保持到香脆和肉汁。

近幾年香港真係開咗唔少比一般茶記企理嘅冰室。呢次行過見到午市都有得鋸扒，決定一試！扒類款式幾多，連較少有嘅羊架都有，雜扒亦有好幾款。我哋女仔想豪得嚟又冇咁大脂肪債，所以揀咗eye-catching得嚟又「少肥」啲嘅龍蝦雜扒。鐵扒唔係真係話超級大，一個人食會較飽，但都係食得落嘅程度。menu老實咁寫明係半隻龍蝦，但廚師擺得靚靚，影相打卡依然壯觀。肉幾爽口而且唔腥。廚師喺唔破壞龍蝦外觀嘅情況下鎅開外殼，一把刀，一隻叉，鉗位大大嚿肉輕易取得！龍蝦當然係主角，但其他海鮮都好吸引~所有海鮮都唔腥，不過可能鐵板餘溫嘅問題，影完一輪相，啲肉已經唔太juicy。魚扒沾蛋漿煎過幾香，幾上汁。鐵板可以跟飯/意粉/薯菜。見到焗薯個皮洗得咁乾淨就好放心連皮食，上面嘅沙律醬唔似平時食嗰種，冇咁漏，幾好食~餐湯揀羅宋湯，幾香幾濃，有牛尾味。安慰住自己個鐵板係同人share，好放肆咁叫咗杯紅豆冰。用黑白淡奶沖當然係信心嘅保證。紅豆夠腍，唔太甜，紅豆唔算大粒，係典型茶記嘅取向。呢間茶記價錢幾實惠，普通常餐嗰啲都係四五十蚊有湯有飲品，可以話係銅鑼灣恩物。

同朋友喺銅鑼灣行街行到夜，食埋晚飯先走，去到謝斐道呢邊，有龍城冰室，唔諗咁多，快靚正入去食啦！以為係普通茶餐廳，不過內裏格局裝修到有西餐廳感覺，樓底高，又大又光猛，有好多吊燈裝飾，仲有紅磚牆做特色牆，似cafe多啲，坐低叫杯嘢飲傾計都啱。行街行到好肚餓，要食得飽啲，揀左是日晚餐A, 烤澳洲T骨扒$69配薯菜，跟羅宋湯同熱菜蜜。 再叫一個銀芽肉絲炒麵$56,加熱飲$6。有兩大碟野，兩個人應該夠食啦！點知…原來好大碟！A餐的羅宋湯， 見佢質地比較濃稠，用料好足，大大嚿蕃茄喺度，鍾意食蕃茄嘅就開心啦！裏面仲有好多牛肉粒，所以煮出來的羅宋湯，牛肉味比較濃，蕃茄味就相對淡一啲，可以話係蕃茄牛肉濃湯，俾足料你喎！但我個人口味，鍾意番茄味濃啲嘅羅宋湯多啲。飲品叫咗熱菜蜜，超讚！因為菜蜜完全唔慳皮，落左好足夠嘅菜蜜份量，味道很濃又夠甜，西洋菜味揮發曬出嚟，好開心！未試過去一間茶餐廳嘅菜蜜係咁濃味的，飲完喉嚨好舒服，成個人精神曬！銀芽肉絲炒麵$56, 真係成個碟裝滿曬咁大碟，炸過的炒麵見到好夠乾身，上面淋上的銀芽肉絲和芡汁，夠杰身，唔會稀流流。食落真係大讚！同菜蜜一樣，令我有驚喜。炒麵乾身，好脆卜卜，上

Happy Friday, 收工去銅鑼灣食飯同行街街。今晚揀了 「 龍城冰室 」， 餐廳光猛企理，店內掛燈同牆身既佈置，增添了一點點歐陸風情。晚飯時間，餐廳幾乎座無虛席。一入餐廳，侍應即刻熱情招待，重因為外邊落大雨，好細心咁遞上傘套，讚👍！喜歡餐廳以卡位為主，座位寬敞，坐得舒舒服服。食物種類選擇多，有扒餐、小菜、咖哩、意粉焗飯⋯價錢非常實惠！呢晚想食扒但又太肚餓，最後揀了香煎洋蔥豬扒配薯菜。套餐有2 大塊豬扒，中間夾雜著已煎香既洋蔥絲，再淋上勁多既洋蔥汁，重要配埋原個薯仔，都只不過係$55， 非常扺食！豬扒煎得香口，無筋無肥膏👍最難得係個薯仔，大大個，薯味濃再配埋芝麻醬，堅抵！另外晚飯優惠，加$18有原隻花膠鷄煲，無諗過咁足料！而且味道相當不錯！抵到爛！

今晚放工同老婆行下銅鑼灣Shopping，之後打算隨便搵間茶餐廳食個晚飯，行下行下見到總統戲院斜對面有間龍城冰室，個名幾型又有霸氣，所以比個餐廳名吸引咗就咁行咗入去。整間餐廳裝修十分新淨呢，估計開業時間應該不會太久，正好借此機會試一試。侍應招呼我們入座後馬上獻上Menu，打開望下食物的款式頗多，而且幾特別，不是一般茶餐廳及冰室，思考一陣，就點了以下幾款菜式：是日晚餐係花旗雜扒配薯菜，牛扒豬扒加條腸仔，肉質鮮嫩，真係唔錯，薯仔份量又夠大又唔會太硬，而羅宋湯也勁入味，凍檸茶也冲得好夠茶味。晚餐呢個價錢有咁嘅水準真係👍👍👍另外晚市優惠火熱推介原隻花膠苳菰雞煲，價錢真係抵到爆，真材實料的花膠極具咬感，雞肉也好入味，汁又唔辣😋下次再來一定試埋個龍蝦餐先得😋