龍城冰室

營業中

休息中

在公司OT忙碌咗幾日，公司竟然有一天補假俾番我，真的太感動了。 既然多咗一日假，就約媽媽出來買買食食一日遊。 行下買下又到lunch時間，遠遠看見＂龍城冰室＂。 當然入去吃過快丶靚丶正午餐，跟著可以繼續shopping 。餐廳内裏用上黃光吊燈，再掛上一些畫裝飾，令到餐廳帶有一些歐陸鄉村風格。大大本好有厚度餐牌，餐廳提供很多不同種類食物，由快餐小食到鐵板也有。 大部分餐更有食物相片，令人更容易明白每道菜式。熱奶茶茶味香濃又夠熱，奶夠香滑，正宗港式奶茶。鮮番茄海鮮意粉用新鮮番茄加上蝦丶青口丶魷魚丶帶子等，好豐富海鮮組合，煮出鮮甜海鮮汁，再放入意粉炒勻，令每條意粉表面也沾上海鮮鮮味。咖哩雜菜羊架飯有兩塊超大塊羊架，加上有番茄丶西蘭花丶薯仔等配菜。 咖哩汁香濃，配料又豐富。 只吃羊架已經超大滿足。

又到銅鑼灣覓食嘅時候，每次我都慎重選擇，免得浪費左自己個胃！今次又揀到好野啦！雖然我唔係個個年代！但對冰室都有一種特別既情懷，香港既特色！一入到去已經見到好有特色既裝修，好似一個黑板上畫左一幅畫咁！我好鐘意！冰室特色食物每間都唔同！今次我就揀左焗飯！焗飯多數都係蕃茄，但呢間有唔同選擇！我就揀左咖哩，平時比較少食到！焗咖哩薯仔雞扒飯，睇個樣已經覺得佢好好味！咖啡味好香，食落帶有少少辣味，仲有好香既香料味！表面仲有少少椰汁，一齊食好香，好好味！重點雞扒黎啦！本身會覺得佢好似出面既雞扒咁！又少又鞋，點知好驚喜，有成6-7件雞，每件都好滑，仲要好入味，雞皮仲要焗到有少少脆脆地！我真係好愛呢個雞扒！個炒飯底一樣咁出色，粒粒分明，水份唔會流失左，重點唔會因爲面頭有汁會令到個飯底淋哂，呢個焗飯真係好好味！貴少少都值！冰室唔少得既特色飲品，平時去餐廳好少叫既凍檸七，唔知點解係冰室飲佢特別好feel，呢一餐好滿足！

一排冇去銅鑼灣，係 Sogo 後面謝斐道見到間新間野，明明見係「冰室」，估係一般旺區既茶記，諗住快快手就走入去快食就走啦一入去，以為入錯左地方，去左間「西餐廳」裝修佈置有用過心機，好 woodly feel 。座位方面都夠寬敞，卡位都多。一打開餐牌，好Q多野食叫😱😱 正常既常餐、茶餐當然走唔甩，中式小菜、炒粉麵、西餐焗飯啊意粉，通通都有，鐵板餐都做埋。我同朋友叫左招牌黑椒牛柳、西蘭花炒帶子、黑松露雜菌意粉同花膠雞煲西蘭花炒帶子好夠鑊氣，西蘭花都夠爽脆，一個字「正」牛柳份量好夠、味道好好、係叫七成熟，佢再煮熟左d ，計埋價錢$99 就性價比好高黑松露雜菌意粉好重松露味，鍾意聞「煤氣味」既朋友應該好滿意，計埋價錢 $66 我不能要求更多吧最後一道花膠雞煲，有成三舊花膠、又有花菇，仲要都有成六件雞。味道都好入味，搭單加$18就叫到，唔叫就笨啦整體地理位置冇得頂，環境都坐得舒服味道都中上，計埋喺旺區都係呢個價錢值得推介

同媽咪行街行到攰 經過一間裝修幾靚嘅茶餐廳 又見客人好多 於是就入咗去食晚飯 入到去覺得個裝修好懷舊 好舒服我自己就嗌咗個是日晚餐A 係越式香茅豬扒雞串 佢有兩大塊豬扒 煎得好香 雞串都好好味 就連伴碟嘅蔬菜都好新鮮 而配菜方面我選擇咗薯菜 冇諗過係成粒薯仔！比起一般嘅配嘅薯條健康 亦都不失好味👍🏼另外跟咗個中湯 都係一碗好好飲嘅老火湯而且餐廳嘅嘢食選擇都好多 中西合璧媽咪就揀咗一個牛肝菌帶子意粉 我試咗一啖覺得好香 意粉亦都煮得啱啱好 而且有好多雜菌 我都忍唔住食多咗幾啖 而且佢嘅汁都好好味唔會太少唔會太多最後埋單加埋都唔使140 呢個質素銅鑼灣來講算係超值 以後喺銅鑼灣行街又多咗個食飯選擇！

今日星期六，當然要陪老婆去行下街買下嘢啦 係銅鑼灣經過一輪血拼再加埋睇戲之後， 係時候要醫肚啦見到有一間門面極之光猛，裝修又幾靚嘅茶餐廳……“ 龍城冰室” , 門口仲有人等位添， 好啦就試下食啦 !當睇緊menu有咩食嘅時候…… 感覺同一般茶餐廳一樣有茶餐啦，小菜啦，炒粉麵飯同鐵板扒類， 但……有無睇錯？？真係有驚喜喎，鐵板竟然有龍蝦併牛扒，都唔使百三十蚊，仲有餐湯同餐飲， 唔係講笑，梗係即刻叫比老婆食啦， 而我自己就食, 我嘅至愛雜扒飯 我覺得餐廳好細心呀，因為餐湯都有三款畀你揀，中湯、 羅宋湯 、 忌廉湯先嚟我個雜扒飯， 真係大滿足有豬扒、牛扒、雞扒、 扒類都做得幾， 唔會似某D餐廳咁，塊扒細到 O 咀，份量滿足，又唔會乾真真，係條腸仔燶咗少少 重頭戲出場喇，見到非常興奮，龍蝦係原隻上，牛扒有相當嘅份量，一啲都唔韌， 煮得啱啱好， 好juicy ， 配埋原個焗薯， 老婆心心眼又嚟真心覺得好過 "花x餐廳" 份量少之餘仲要加一! 相比之下絕對超抵超值原本仲想加18蚊, 加個 "原隻花膠冬菇雞煲” 其係超抵奈何我地真係太飽啦， 唔可以做大嘥鬼嘅情況之下唯有放棄但見隔離枱叫咗，花膠好大塊

喺銅鑼灣搵嘢食真係好難，又要平又要靚，雖然銅鑼灣有好多類似茶記，但嚟到銅鑼灣，都想食一間睇落去環境舒服啲嘅。因為係十二點，餐廳都比較多人，差唔多滿座，但係職員都好有耐心幫我與友人安排座位，一坐低，其實個環境都幾靚同埋、好舒服，雖然係多人，蛋唔會吵到爆。睇埋個餐單，其實價錢喺銅鑼灣黎講，真係無得輸，雖然都係普茶記嘅價錢，但係銅鑼灣wow，而且個feel都好正。快快手order，叫左個大蝦忌廉波菜意粉，同埋咖喱吉列豬扒飯配牛油豬仔包，加凍檸茶！好鍾意佢個忌廉菠菜意粉，佢啲汁同個意粉真係啱啱好，唔會太多唔會太少，我個friend個吉列豬扒仲係啱啱炸好，好大塊，大塊過個手掌，個牛油豬仔包係俾你點埋啲咖喱汁一齊食，鬆軟加埋牛油嘅香味，真係冇得頂。檸檬茶就係一間茶餐廳嘅品質標準，唔會話佢太澀，但可以多啲囉，因為真係幾好飲。下次嚟銅鑼灣應該會返尋味！

第一次黎咁潮既cafe 式茶記食野，中西合壁既港式鋪頭，乜野都有得食之餘又快靚正，環境仲要好舒服，仲要響mtr 附近，真係岩哂呀ma 唔想煮飯一家人去食野既好地方今次就黎個中西合壁點菜招牌黑椒牛柳 $99港式西餐當然有得揀配飯/意粉/薯菜，仲可以揀燒汁/黑椒汁/蒜蓉汁， 仲有送餐湯+熱飲，餐湯揀左紅湯，驚喜有一大舊蕃茄，足料製作，加$8仲可以配埋牛油豬仔包。份量好足有2塊扒，牛柳雖不是扒房水準，但以性價比黎說就真係會比like西蘭花炒帶子$73份量雖然冇頭先既扒餐多，不過帶子都比得好大方，即炒一上枱聞到陣陣蒜香，迅間就清左碟黑松露雜菌意粉 $66意粉可以跟餐加$10有cafe 推介飲品，揀埋個綜合果茶,意粉一上枱已經勁香松露味，個sauce 又好重菇味，岩哂重口味人士花膠雞煲$18全埸最抵食，一枱限點一份，$18蚊有花膠食真係本都貼埋比你，仲要有好幾件雞，冬菇等，呢個真係必點菜式

去銅鑼灣行街，經過龍城冰室，啱啱好肚餓，𥚃面雖然都人多，不過見到仲有位，二話不說，即刻入試下，啱啱過左午飯時間，唔算太迫，坐嘅位置都算闊落，冰室午市除左午餐之外，仲有常餐選擇，所以就要左一個是日午餐，一個常餐蜜糖芥茉子西冷牛扒🥩🥩呢個午餐揀左跟飯，分量十足，男士一定唔會餓親，個牛扒都唔會靭，午餐仲有餐湯，今日係木瓜雪耳煲豬骨，個湯唔錯，唔會話好似水咁無味道😋😋瑞士雞翼撈公仔麵🍝🍝焦點就梗係瑞士雞翼啦，食過好多地方嘅瑞士雞翼，呢度真係唔錯，夠入味，有咬口，唔會話因爲咁而煮得太耐而淋哂，另外呢個常餐仲有3.6牛乳炒蛋🥚，個炒蛋好滑呀，鮮油奶豬仔飽，個奶油豬好鬆化，而且仲熱㗎，唔會話凍冰冰咁，好味

上回提要，話說我剛剛才在銅鑼灣「謝斐道」上，幫襯完一間售賣意大利雪糕的甜品食店「3 ItaliXXi」，付款購買了一杯意大利「Gelato」雪糕做底製造出來的雪糕芭菲。雖然「3ItaliXXi」的雪糕芭菲，不是什麼很巨大，雪糕份量超多的版本，但是我的雪糕芭菲勝在有很強的安全感，味道很甜之餘而且沒有任何其他味道混雜在裡面。「3ItaliXXi」以兩款口味的意大利手工雪糕，作雪糕地的底層，再加上甜味士多啤梨糖漿做底。然後店員又有大量切片香蕉伴邊，再加上乳脂鬆糕，製成了一杯味道十分甜的意大利雙球雪糕芭菲甜品。不過「3ItaliXXi」的雙球雪糕芭菲，價錢一點也不便宜，所以在「3ItaliXXi」裡面，只是點了一杯甜味士多啤梨糖漿跟乳脂鬆糕，合體變成意大利版本的雪糕新地。我在「3ItaliXXi」食完雙球雪糕芭菲之後，剛剛步出離開「3ItaliXXi」的店門，我的目光立刻發現到，位於「3ItaliXXi」店舖的斜對面，「謝斐道」另外一邊的舖位，又有一間港式茶餐廳。茶餐廳的名稱，大致上貼近了香港近年的飲食風尚，兩個字「冰室」是也！而且這間位於「謝斐道」的對岸，茶餐廳的招牌用上有點懷舊的設計，茶餐

放工搵地方食晚飯，明知出街食就一定「濃味野」居多，無奈實在太懶，唔想自己煮嘅關係，最後揀咗龍城冰室醫肚。印象中既龍城冰室性價比係幾高，食物款式又多，要中餐有中餐，要西餐有西餐，再加多個Hong Kong Style畀你揀😂！一到夜晚食飯時間，例牌坐爆！家庭客亦特別多！翻開餐牌，今日突然之間想食得清淡啲，左揀右揀，最後決定叫個海鮮雜菜煲。佢仲可以加$10轉套餐，配白飯或者熱飲，但係係啲咁熱嘅天氣下，冇理由唔加$3轉凍飲架！去冰室食飯，凍檸茶真係唔可以缺少，要健康嘅，走甜就可以啦！隔多陣，海鮮煲同白飯都一齊上枱啦！雜菜煲材料非常豐富，份量一啲都唔小。而且亦都非常符合商品說明條例，叫得做什菜煲，蔬菜嘅款式果然夠多！除咗西蘭花之外，仲有菜心、椰菜等！海鮮亦都有好多唔同種類，例如青口、帶子、斑馬、魷魚⋯整個海鮮雜菜煲味道鮮甜，食完之後一啲口渴嘅感覺都冇！海鮮亦都冇雪藏味，肉質結實，味道鮮甜。再加多個白飯，就唔怕唔夠飽啦！簡簡單單又一餐！滿足。

星期六例牌同朋友gym完搵好野食，係銅鑼灣搵到之前係觀塘食過既龍城冰室，上次印象唔錯，就入左餐廳，睇下所有龍城冰室係咪水準同樣高先！下午非常多人，裝修較一般茶餐廳高級，環境更加令人舒服。做完gym當然要食扒餐啦！龍城既扒餐選擇多，價錢大多數$100以下。扒餐會附送餐湯，我揀左白湯，大大碗比較濃稠。我叫咗板燒和風嫩牛柳（五成熟），牛柳熱辣辣上菜，肉質尚算幼嫩，而且份量都多，有三大件。配料有我嘅最愛，包括一個薯仔配沙律醬同翠肉瓜。叫左鐵板餐嘅話，加$19就有杯特色飲品！我叫左青蘋果飄香，名字非常有意境，青蘋果香味飄到十里外。今次Gain Weight 大餐成為$120左右，以後去銅鑼灣食快餐嘅選擇又多一個。

好厚好厚嘅餐牌,宜加D餐廳食物種類愈黎愈多,呢間都唔例外連西餐都有,扒類選擇更是花多眼亂最後叫左板燒黑椒牛仔骨配薯菜同蒜蓉拍薑炒芥蘭個扒餐分量好大,又有配上新鮮蔬菜好難得肉質好軟但唔散,入味而且生熟度適中美中不足係都痴住左一部分肥膏,怕肥嘅朋友可能要轉叫其他扒類喇但整體黎講係好食嘅黑椒汁都好足料,除左黑蒜都仲有蒜蓉,而且濃味唔水身薯菜都好值得一提,雖然薯條真係好好味,但真係唔太健康成個焗薯上一定夠飽,仲要加埋沙律醬,正！芥蘭方面除左蒜蓉外,都真係好有薑味！芥蘭好爽同嫩身,分量一樣好多咁食都幾飽下,不過真係想健康D食多D菜,其實佢菜GE選擇都幾多環境方面好四正,侍應安排2座位俾我,當後黎有人要搭枱侍應都好好禮貌

喺銅鑼灣搵間平價抵食嘅餐廳唔係一件容易嘅事，呢間龍城冰室係唔錯嘅選擇。.食物選擇都算繁多，可以叫餸食飯，亦有碟頭飯、粉麵同焗飯嘅選擇，比較特別嘅係呢度有好多歐陸意粉可以揀👻.原隻花膠冬菇雞煲好抵食！消費滿$110，就可以用優惠價$18食到！每樣食材都相當入味，雞肉夠滑又多肉，值得一試！.枝竹火腩煲係惹味之選，枝竹掛汁力強；火腩既腍又香，份量都頗多，送飯一流，都有半份嘅浪漫。.環顧各枱食客，唔少人都要咗咖哩，於是乎我地都決定一試，果然冇跟錯機👻 咖哩係偏馬來西亞風味：醬汁偏稀、椰汁味濃、辣度溫和，牛腩亦炆得軟腍，不愧為人氣之選！.黑松露雜菌意粉冠上歐陸意粉之名，不過都係令人熟悉嘅茶餐廳口味😛 意粉偏軟身， 忌廉落得唔重手，黑松露味道香濃，雜菌同意粉份量偏大，味道ok之餘亦夠飽肚。.奶油豬十分香口，配上適量練奶，好味！.涼瓜斑腩炒河茨汁鹹度適宜，斑腩保持外脆內軟，涼瓜有鑊氣，味道帶甘苦，整體味道不過不失😛

岩岩去左上海四日做左，食左各種地道菜及台灣美食，一回港就約老公收工去食港式茶餐廳，食番港式食品想順路去買下野，就簡去銅鑼灣龍城冰室，方便就腳，因為星期五所以都幾爆，咁亦都證明晤會伏啦👍🏻👍🏻👍🏻位背後既牆幾特別，好鍾意呢類牆，仲有周圍都有擺下擺設，都有點心思一心諗住食最愛餐蛋面，不過坐低睇下餐牌又比常餐吸引左（好貼切我平時性格🤭🤭🤭）我點左櫻花豬柳公仔面拼3.6牛乳炒蛋再拼奶油豬仔包先黎食個豬仔包，嘩！好鬆軟呀，食下食下食晒🤦🏼‍♀️個炒蛋都正最不得了係豬柳，軟林林，但表面又有點炸，真係好有口感，不往我選左呢個餐，食左70%已經飽，但因為唔鍾意浪費同埋好好食，忍不了口又食晒🤦🏼‍♀️個胃又大番啦！仲有銅鑼灣食到$46好味野你估易呀？我老公今晚都叫左唔係佢平時會食既野（似我食既野🤭）係黑松露野菌意粉同相無太大出入架，你知啦，其他可能碟野黎到都唔知係自己架麻😂一黎到出晒煙，熱辣辣架，食落都creamy,完全又係我鍾意食既野🤤🤤🤤最尾再飲埋杯涷檸茶，完美呀兩個人，埋單都係$115，講真去其他地方食，一個人錢都唔夠P.s今時今日，去冰室茶餐廳，待應服務態度可以話，有就係執野，食個快餐你想要咩服務不

The first thing I noticed is that the chocolate milk there is absolutely amazing, unlike restaurants elsewhere, the chocolate have enough milk and doesn't taste too sweet. Another thing is, the steak, I ordered rare, and it turned out to be perfectly cooked with my personal favorite black pepper sauce😍😍. More about the steak, which is the main part of my meal, the steak was seasoned with the right amount while most restaurants just serve it bland, great!I definitely would recommend this place.