龍城冰室

營業中

休息中

都唔知係咪我哋唔好彩，之前一直聽人講「龍城冰室」啲嘢食唔錯㗎🧐 睇勻成個餐牌，樣樣都好好食咁😍 本來想叫個焗飯加意粉share嚟食，可惜今日因為趕時間，求其叫個 #咸魚蒸肉餅飯 做午餐，諗住有飯有湯夠哂正氣！跟餐果碗中湯真係好足料㗎，兩三舊豬骨仲有啲煲湯料，飲落口都覺得無味精，味道唔錯👍🏻不過碟蒸肉餅就真係咸到呢... 猛用白飯送口都搞唔拈，所以我勉強只係食咗一半就停手🤮 好彩叫咗杯 #茶走 夠哂甜，可以中和吓個口啫😆

原本諗住食日本嘢，但係星期六好多人排隊，而我又唔想女友喺度罰企，所以就去食茶記，結果行過依間龍城冰室，仲以為係藥房嗰間龍城集團添，一於入去試試...坐底張枱都幾污糟下，叫人黎抹吓枱，點知抹抹下仲飛咗粒飯比我女友，可能知佢好餓，所以飛比佢食住先唔理啦，茶記係咁㗎啦，叫嘢食啦叫咗一個小炒皇、一個叉燒炒蛋小炒皇，韭菜花、蝦乾、腰果、叉燒絲再用xo醬炒，認真炒得幾野味，連我女友都讚好食叉燒炒蛋，啲叉燒大大嚿、個蛋炒得好滑，送飯一流

返到香港隨即落街食晚飯，突然想食港式鐵板餐，銅鑼灣謝斐道總統戲院對面嘅“龍城冰室”係唔錯嘅選擇，點左一客黑椒牛柳餐，肉身夠嫩黑椒入味，百分百港式豉油西風味，只收$99在老銅真係算唔話得，所以店面細細而長期客人不絕。

今日下午tea 一tea, 走到去銅鑼灣謝斐道，整條舊街上，看到一間門面光鮮的茶餐廳，裝修得好有心機，有高掛嘅架子，放了幾本書、幾盤花，增添了一些閒情雅緻的感覺，在荼餐廳中少見！ 今日點了餐廳招牌石碢鮑魚蝦球炒飯、生炸雞肶、鮮果冰茶。首先是熱辣辣的石頭窩，裝滿香噴噴炒飯，鮑魚仔都有6隻咁多，大蝦球就有四隻，都好足料炮製！👍🏻👍🏻👍🏻炒飯粒粒分明又唔油膩，不會結埋成舊，都感到廚師有心機！整個飯濃淡適中，有少少飯蕉，又添加了少許𡁻頭。新鮮炸起的雞脾，香炸又能保留肉汁，炸的火候控制非常好，炸脾做下午茶真係一流的選擇！😍😍最後就要讃個鮮果冰茶，茶底係紅茶，配新鮮嘅火龍果肉、橙肉、檸檬片，整杯冰茶，與凍檸檬茶有相似嘅地方，同時又有充滿着鮮果味嘅茶香。呢個對於我呢位忠實檸檬茶fans來說，的確係另一吸引嘅選擇，如果係夏天飲，更加解渴透心涼！

夜麻麻突然想食扒但又到月尾是但搵間平平地嘅地方食下，就決定係龍城冰室啦！睇下menu，有唔同款揀👍🏽我同朋友揀咗板燒牛仔骨同美式龍蝦海鮮大餐！兩個加埋都係二百幾，又有龍蝦、又有帶子、又有青口、又有魚排仲有牛仔骨！真係好抵同好平😂😂😂😂❤️❤️❤️！問題係仲要好食！牛仔骨勁多塊，有啲嚇親！本身預期得三、四塊，點知有成五、六塊😱😱😱😱 呢個價錢又咁多，以為貨仔會麻麻啦，點知唔差仲要幾好食😂好神奇另外龍蝦海鮮餐，半隻多膏龍蝦👍🏽👍🏽👍🏽鮮味多肉，絕對唔會比啲肌肉萎縮嘅貨仔你！👍🏽👍🏽👍🏽👍🏽極力推薦！帶子，青口大大粒！👍🏽👍🏽👍🏽👍🏽👍🏽幾多個手指公都唔夠！！而佢啲意粉唔會吸哂油👍🏽👍🏽唔怕肥❤️啲茶又唔會乾身，有煮過好有味😂我未試過食扒連啲菜都咁好食😂😂😂而食一間冰室點先知佢啲嘢有功架？就係熱奶茶。我本人係極愛奶茶之人，呢到啲奶茶好飲到不了，奶味極重😍😍😍😍，我食得開心得濟，冷落咗杯奶茶，點知凍咗都仲咁好飲OMG😂😂😂呢到啲奶茶都係必飲👍🏽👍🏽👍🏽👍🏽呢間嘢我一直會再戰👍🏽👍🏽👍🏽好食好抵又開心！❤️

今日想食平平哋，同朋友喺銅鑼灣搵到一間龍城冰室！大致上食嘅嘢同茶餐廳無異，不過多咗焗飯、西式意粉等等⋯我哋分別叫咗羅宋湯和中湯，羅宋湯番茄味香濃，配上大量雜菜，非常好飲。中湯是西洋菜豬骨湯，都幾好飲呢！我哋首先叫咗一份11 焗鮮茄豬扒飯$59 ，豬扒肉質軟熟，番茄味香濃至極，配上微硬的雞蛋飯，很好吃呢！朋友點了一份50 菜遠斑腩炒河$60，斑腩可炒得夠鑊氣，加上茨汁，令河粉的口感非常滑口，斑腩都做得唔錯。下次都會嚟食！

I love food in simple forms without too much seasoning, less is moreWas in causeway bay waiting for a friend while my stomach drumming so I decide to get some light lunch. Then I saw this cha chan teng, packed n no queue decide to check this out. Ordered my favorite food from cha chan teng toasted scramble egg sandwich with hot milk teaMilk tea is smoking hot, good balance of milky taste and tea. Very nice. Egg sandwich is fair, buttery and very filling but the bread doesn’t give the crispy outs

今日同老公兩個行開銅鑼灣，見到呢間冰室門面裝修得好靚，決定入去食個lunch😊一入到去，見到牆壁既壁畫都好有特色，好靚😍😍同埋座位好寬敞，都坐得幾舒服😊 跟住見到餐牌都好有驚喜，有好多唔同既餸菜可以揀，有西餐意粉，扒類，又有中餐小菜，大排檔既餸，小食，常餐等等，好多種類可以揀😍😍😍我地叫咗 薑汁咸魚炒芥蘭煲，招牌石鍋鮑魚帶子炒飯，芥蘭好新鮮，配搭埋薑汁鹹魚，好正😍😍👍👍👍啱曬鐘意食菜嘅我， 石頭鮑魚帶子炒飯都炒得好好食，好入味，熱辣辣正呀😋👍👍👍 我哋另外亦叫咗一杯北海道3.6牛乳， 牛乳味好濃郁，好滑，好好飲😍😍飲完都好想再叫多杯黎飲👍👍呢間餐廳d店員態度都幾好，做野好快手👍👍整體上都幾滿意， 下次會再試下其他唔同款式既餸😊

同朋友行銅鑼灣行過見裝修幾靚就入左去試下，價錢係銅鑼灣嚟講完全唔貴，好多餐都$70有找！特別係依個牛肝菌帶子意粉，賣相比得上高級餐廳，仲要勁足料，菇同帶子都勁多，食完d意粉都淨勁多。意粉軟硬適中，唔係一般茶餐廳個啲意粉。杯檸檬茶甜度適中，檸檬係新鮮嘅唔會有爛！至於嗰個海鮮拼盤真係超級抵食有原隻龍蝦青口帶子再加埋個魚柳120有找個龍蝦仲要係勁多膏同埋勁多肉然後個魚柳都好大塊本身以為個魚柳會好乾但配埋個醬汁令到龍蝦同魚柳啱啱好唔會太乾又唔會太濕，同埋個醬汁係另外裝起唔會因為時間耐左而令到個魚柳淋晒！加上個服務態度超好因為我哋幾個人去食需要啲碟碟叉叉又係咁要熱水佢哋都冇嫌我地煩反而態度都好好！仲有個環境都幾舒服同埋裝修都幾靚最重要係價錢平 喺銅鑼灣咁嘅地方搵到間又平又高質嘅餐廳真係值得一試！

今晚去咗GOJI度做gym, 做咗成個鐘gym, 的確好攰呀, 係時候要補充下体力啦, 係云云咁多款菜式裏面, 我點咗我最鍾意食嘅鐵板餐, 因為可奈都冇食過, 選咗牛柳係因為牛柳蛋白質豐富, 又軟熟, 啱曬做完GYM既我大概等咗十分鐘就, 板燒和風牛柳配照燒汁上菜啦, 熱哄哄嘅鐵板, 再點了照燒汁上面, 沙沙聲嘅蒸氣, 慢慢升起, 香噴噴, 熱辣辣嘅牛柳, 牛柳切開, 非常之容易, 咬落去十分軟熟, 牛味濃,醬汁同牛柳非常之配另外再點一杯青蘋果特飲, 飲落去真係透心涼, 有新鮮嘅青蘋果, 香味夠清新, 這一餐真係大滿足, 可以補充我足夠嘅能量!

喺銅鑼灣區行街之後就去食啲嘢，但係銅鑼灣其實周圍食嘢都好貴，揀返茶餐廳冰室就抵食。喺銅鑼灣之前都開咗一間冰室就喺地鐵站附近， 10分便利。而且嘢食都唔貴，大概介乎40至$80為主，都有鋸扒果D. 最後就揀咗個鰻魚飯同埋炒河，平均大概$60左右，加幾蚊有一杯飲品。14 日式鰻魚炒飯$60炒到全部都有好勁鰻魚汁顏色, 而且每一粒都非常分明，食到每一口都有點鰻魚，鹹味適中不會太濃烈。31 瑞士汁菜遠牛肉炒河$59呢個真係值得一讚，本身以為瑞士汁都好容易中伏，點知都幾清新喎！而且上面係菜心，使得比較乾淨口感很爽口，又新鮮又夠多，牛肉份量同埋質素都唔錯，河粉好多茨汁次晒上去好重手。熱好立克熱啡以上飲品需要加$6就有得飲價錢都算OK，冇乜特別，不過咖啡就比較濃喇。

今晚約咗個friend喺銅鑼灣睇戲，見未夠鐘入場，又有少少肚餓，所以就係附近周圍搵嘢食，見到呢間冰室門面幾靚，價錢又合理，就入去醫下肚😏😏😏本身只係醫下肚，但我哋2個人最後食晒2個小菜、3碗白飯😂😂😂小菜我哋叫咗1個xo醬西蘭花炒蝦球，xo醬非常惹味，有少少辣，蝦球全部大大粒，送飯一流😍😍😍😋😋😋我哋另外在叫咗一個川味辣子雞，辣子雞雞件數量好多，食落真係幾辣，啱晒鍾意食辣嘅我哋！飲品就叫咗檸樂同埋果茶，果茶飲落好鮮甜，幾好！！！原本只係諗住是但食d嘢醫下肚，但呢間茶記嘅食物質素絕對令人眼前一亮，有機會一定再黎

今天終於返到食肆林立的銅鑼灣，YEAH，食飯不要愁，見這裡坐滿人， 應該好食，入去試一試。 這裡裝修西化，用上吊燈，啡色為主，坐位款式多有4人卡位、2人卡位、4人、2人枱。職員反應敏捷，一入門口已接待帶位，我一支公就同人夾枱坐，剛好面對廚房，見住食物出爐，好自癒。仲有好多選擇，菜單有分“是日午餐套餐”， 菜單簿又有圖文並茂的介紹食品，選擇種類多，枱上還貼有18蚊原隻花膠冬菇雞煲，可惜晚市才有得食，睇咗好耐竟然搵到午市都可以食花膠，菜遠冬菇花膠斑片炒麵咁當然叫碟啦！這間冰室又是 cafe 當然點杯薄荷朱古力咖啡試一試菜遠冬菇花膠斑片炒麵嘩!花膠長而厚，斑片有筷子一半咁長菜心好甜唔硬，冬菇焾滑，花膠同冬菇扣汁扣得入味；炒麵最正因是炸麵底，炸得香脆唔燶，，蠔味汁份量剛好弄腍3/4麵，留返1／4脆卜卜，口感一感薄荷朱古力咖啡：賣相 OK， 雖然無薄荷葉做裝飾，不過薄荷味濃，口感冰涼，朱古力咖啡香滑

個日同朋友做完gym 諗住食番啲肉補充下肌肉啦 行下行下經過呢間鋪頭 見到餐廳入面有鐵板牛排好似唔錯咁 肉又大大舊咁 所以就入左去試下🙈一入到去裝修平時普通冰室唔同 仲幾有格調睇得出有用心裝修過 令餐廳雖然多人 但食野環境幾舒服👍🏻之後我哋當然就係叫咗個鐵板牛排餐啦🤤成個餐有牛扒仲有薯仔同配菜 感覺幾豐富👍🏻雖然係茶餐廳 但係水準一啲都唔差我叫咗五成熟 佢哋都煎得啱啱好 食落去好冧 好多汁☺️最後食咁多肉梗係要飲返啲嘢 如果唔係好口乾我就叫咗個檸檬蘋果梳打食完肉飲呢個幾好 因為呢個味道幾清新👍🏻整體來講呢講普通茶餐廳都整到咁嘅水準都算唔錯👍🏻

黎親銅鑼灣都好頭痕究竟食乜好。唔係因為佢無啖好食，而係太多好野食而唔識揀。今日誤打唔撞黎到呢間龍城冰室，一間有裝修得黎唔貴又好食既茶記。話明冰室，食物都五花百門，有中有西任我揀。見隔黎枱叫左個鐵板套餐都唔錯，我又跟風叫左個照燒鰻魚豬扒配配燒汁試下。首先令我眼前一亮既係呢個白湯，伙記本來好簡單咁問飲紅湯定白湯，本來諗住係普通既罐頭湯求其是旦啦，點知一d都唔隨便。除左濃濃既忌廉蘑菇湯之外，仲有加左黑松露粉粒，個湯唔開水已經out of expected啦，仲要加埋truffle，絕對值得一讚！個扒餐方面。未食已經比大大塊既鰻魚吸引住，鰻魚，燒豬扒加焗薯既配撘，絕對夠哂飽肚。鰻魚燒得夠乾身，豬扒加上日式燒汁，別有一番風味，refresh得黎又唔會覺得膩。雖然焗薯只有簡單既沙律醬點綴，但係一啖豬扒一啖薯底下，味道已經十分足夠。整個扒餐足料又好味，十分抵食！！最後，叫左一杯鮮檸熱情果梳打嘆下，本身都無話點期待，但估唔到好飲都咁誇張，可能係扒餐比較重口味，梳打加酸酸味味既熱情果令人精神為之一振，大滿足呀！！！