龍城冰室

營業中

休息中

一早準備黎龍城食個豐富早餐，點餐時點左沙爹牛炒蛋轉奶油脆豬，點知黎到係牛角穌，同餐廳職員反應，職員態度表示不滿，但已聽到附近客人反應常下錯單另外早餐奶油脆豬原來同常餐奶油脆豬是不一樣，早餐竟然要另外加錢加煉奶？！同常餐原來是不一樣，但餐牌寫的一樣職員回覆是:一切跟餐牌一樣！但又不相符那是怎麼一回事呢？公道來說其實他的食物質素不是說不好而是不太穩定，有時候是挺好有時候不太好食，另外員工服務態度還是有待改善吧

每逢Sogo thankyouful week 吃貨小妹都會拉埋媽咪出動 去化妝品部同超市掃貨今次揀左星期五晚收工後出動 為左快狠準 我地揀左可以速食既龍城冰室 食飽馬上掃貨非常好 即刻有位 仲有梳化位坐小妹叫左個瑞士雞翼撈公仔麵餐 配3.6牛乳炒滑蛋同鮮油奶脆豬仔豬仔包同炒蛋加埋 永遠都係perfect match個瑞士汁調較得幾好 甜度適中 雞全翼夠入味仲幾大隻下 個餐好味得黎夠晒飽肚而無菜落肚唔安樂既媽咪 果日就食全素佢叫左個蒜蓉拍薑炒芥蘭 媽咪話d菜都幾新鮮 份量十足另外仲order左碟避風塘豆腐(其實係吃貨小妹私心推介佢食 因為自己睇見隔黎枱食都好想食)豆腐外脆內軟 避風塘風味惹味得黎但又唔算太熱氣 細細粒易入口唔覺唔覺食左媽咪差不多1/3碟題外話 想讚下其中一位侍應姐姐 我地坐低時佢仲食緊meal 但見無人得閒幫我地落單佢即刻放低碗飯主動幫我地落

服務態度差，見到有好多人等位，問個收銀洗唔洗等位，佢就話唔使好快下一張到你，之後又有另一個侍應出嚟派飛，我就話你個同事又話唔使派飛嘅，佢即刻話前面都冇人係得你一個攞咋嘛，但係我明明就見到前面幾個人就攞住飛，都算佢係咁話好快好快就到，我哋枱號37佢第二個同事出泥嗌Number可以係咁嗌其他人然後再跳左我哋個Number叫39號，真係離晒大譜！以後唔會再幫襯！

我一向都最like去茶餐廳或者冰室食嘢，就算只係一個普通茶餐，都已經可以令我食得好開心，呢間真係俾到我10級驚喜，完全係滿意到爆炸。今次揀咗龍城冰室店內有好大塊黑板，好靚呀，同平時去開嘅冰室感覺好唔同裝修好用心，望住仲有心花怒放嘅感覺添佢哋本menu超級厚架，有超級多嘅選擇，總之就唔會覺得自己喺一間冰室入面食飯啦炒苦瓜，呢個苦瓜絕對係我喺街食過炒得最好味嘅，無老點，因為佢真係炒熟佢，而唔係用水烚完先炒，嗰啲我就最憎，佢亦炒得勁有鑊氣，真係超正避風塘炒茄子，唔好睇佢好似無咩特別，又係真係好食到你唔信，外脆內軟，真係好似喺大牌檔食緊咁架川味雞煲，嘩！呢個調味好good，入面有啲一粒粒嘅調味令到成個煲都好濃味，食落去就知廚師好用心去整呢個煲，唔係hea你嗰啲嚟架加$10就可以改成餐，有飯and中湯，佢個中湯，好味過自己煲嗰啲，讚呀！

今晚同朋友出開銅鑼灣，途經依間叫龍城冰室，冰室之名的茶餐廳，近幾年真係越開越多，但這間食完之後，真係值得這裹讚一吓。今晚同朋友叫咗個芝士流心西多士，價錢係$26，個人認為是物超所值。西多士夠熱，芝士味好濃，好好味。另外叫咗個黑松露雜菌意粉，真係好深刻印象，非常好食，黑松露味好濃，雜菌又多，意粉份量十足，價錢係$66，個人認為是必食的。另加咗龍蝦海鮮大餐配薯茶，海鮮夠新鮮，賣相好看，熱辣辣，份量十足，龍蝦又新鲜，又多肉。口感一流，飲品方面就叫咗凍央和綜合果茶。凍央又夠凍，好好飲。綜合果茶就甜甜酸酸，好開胃。食慾大曾。餐廳環境舒服，冷氣充足，店員都有禮貌，綜合各方面，這家餐廳絕對值得推介。真係同類食店之中比較出色的。

今朝一早去左Sogo嘅感謝日血拼，血拼到肚餓就去左後面街呢間龍城冰室， 茶餐廳一向係我食lunch嘅首選我哋十二點鐘左右去到， 間餐廳都已經滿坐， 等咗一陣先有位入佢安排咗我哋去一個sofa位， 環境都ok唔算好迫我哋叫咗一個瑞士汁牛肉菜遠炒河，同一個蒜香菠菜三文魚意粉， 如果凍飲加九蚊， 特飲就加12蚊咁我哋當然係要特飲啦差三蚊😂叫咗一杯雜果賓治同一杯波羅賓治叫完嘢食就好快嚟咗兩個嘢飲， 嘢飲已經非常有heart, 加12蚊真心覺得抵， 有大半杯雜果同大半杯菠蘿， 仲要畀咗兩罐七喜， 平時啲茶餐廳都唔會咁樣分開相， 龍城呢度一杯等於人哋d 茶餐廳 兩杯喇跟住就嚟咗瑞士汁菜遠牛肉炒河， 佢畀咗超多牛肉我地， 瑞士汁甜甜地非常好味最後就嚟埋個蒜香菠菜三文魚意粉， 個意粉好creamy， 有好有蒜香味， 非常之足料喎， 每一碟嘅份量都好多，埋單 152蚊 喺銅鑼灣區嚟講已經算好經濟，有機會會再幫襯

市面上的冰室愈開愈多，有時候實在難以區分彼此。但今天幫襯的冰室性格鮮明，從食物，裝修甚至服務都令人印象深刻。冰室的裝修有點文青感覺，絕不是平常冰室的普通格局。中午的套餐其實也真不錯，我看旁邊的食客點了沙薑雞腿飯，賣相非常吸引。我們點了龍鳳檸樂和冰室必點懷舊飲品：雜果賓治！是大家青春的味道嗎？有差不多半杯雜果，仲另上一整罐七喜汽水，非常有誠意，份量又充足的飲料🥤由於是日工作辛苦要獎勵自己，所以叫了超級邪惡的流心芝士西多士。厚厚一片芝士，一切便流出來，好吃得嘩一聲，絕對需要要同事搶著吃🤣蒜味雞排配焗薯，雞排的表皮煎得香脆可口，但內裡的肉質仍然嫩滑，令我吃得一件不剩。焗薯也焗得非常透心，配上微酸的忌廉醬非常美味，相信如果分開作為一個菜出售，也會吸引人點。同事點了帶子磨菇意粉，我忍不住偷吃了一口，是濃郁綿滑的口感，意粉的軟硬亦剛剛好，喜歡意粉的朋友絕對值得一試。同事點了咖哩羊排，師傅煮得剛好，肉仍有少少紅的，加上咖哩，非常惹味可口。外觀酷酷的黑色，非常型格突出，絕對不怕錯過。另外值得一提的是服務員的態度很好，招呼勤快，值得一讚👍🏻

今日lunch同事帶我食好野，就行遠少少去到銅鑼灣既呢間冰室，諗住咪又係茶記一間，XX冰室開到周圍都有，有咩特別啫?! 坐低一睇餐牌，發現除左一般茶記既菜式，仲有d特別野喎! 主菜都未揀，就揀左份超邪惡既流心芝士西多，切開見到塊芝士溶住咁流出來，忍受唔住要即刻放入口， 芝士應該係片裝芝士，份量十足，芝士控應該好鍾意，加埋糖漿牛油，甜得嚟唔算膩滯，不過始終高卡，2至3人share 一份就好了!另外仲點左個牛肝菌帶子意粉，多汁，好多牛肝菌，帶子都有4至5粒，粒粒都有5蚊咁大，絕對冇呃秤。下次想試石鍋鮑魚飯。

各式各樣·平民美食香港愈來愈多美食，在銅鑼灣的彈丸之地，唯獨茶餐廳美食定必長年都那麼多人。近期流行莫過於「冰室」，全因貌似從前舊有的特色味道，以及種類由早餐、小炒甚至鐵板燒等。今次來到銅記後巷一人之浪漫，倒不如到「龍城冰室」宅個兒吧！場內地方非常寬敞，而且有一種摩登的感覺。牆壁上有一個大畫版，並寫上大隻字句「龍城冰室。」餐牌上的種類多不勝數，由早餐、小吃、小炒、蔬菜、鐵板燒、咖喱、燴飯及焗飯等。咖喱雜菜羊架飯$76羊架很少會在茶餐廳或是冰室看到，還有兩大條即燒的羊架。羊架燒得香脆可口，而且羊味十足。咖喱配上少許雜菜味道濃郁連同飯同吃，配感滋味。豬仔包$8另外凡光顧咖喱飯類即可以+$8有豬仔包。豬仔包烘焙得恰到好處，而且有少許牛油，滿滿牛油香。最後來多一杯港式冰凍香滑奶茶，劃上完美的句號。

灣仔、銅鑼灣一帶，滿街都係冰室/茶餐廳，好壞參半，我多數會選擇比較大間舒適的。之前有經過龍城，但每次都好多人，要排隊，所以都未有試過。今日同事提議去龍城食晏，於是我地就提前出發，免得要等位。去到其實都滿坐，我地等5分鐘就有位，可以接受。睇下餐牌午餐只是五十多元，難怪那麼多人。餐牌種類繁多，我就點了咖哩雜菜羊架：非常大份，有兩大件羊架，羊架有5成熟，外面煎得脆脆，中間還有少少紅，有肉汁，雜菜有西蘭花，洋蔥，蕃茄...非常豐富 ，可以補足一下纖維。同事點的牛肝菌帶子意粉，餐廳十分闊綽，裡面有幾隻帶子，無數的菇菇菇，白汁味道剛好，有綿密口感，但又不太膩口，係飯以外的好選擇。另外還有一個香脆雞扒配焗薯：雞皮煎得香脆，蒜汁惹味，原個焗薯加上白汁，應該多吃一個都無問題😂。由於大家都比較餓的關係，我地先點一件芝心西多士食住等🤣🤣🤣，西多士蛋味香濃，加上中間流心芝士同埋甜甜的糖漿，放入口真係有幸福的感覺😍😍

銅鑼灣區多人流又等位，真的想吃一餐飯也感難度。11月正值崇光百貨感謝月，血拼完一輪的確沒有半點氣力。又來到繁忙的晚上，晚飯不想等候倒不如去吃個茶記。近年茶記大多走上冰室之路，愈開愈多種類更加多元化。今晚走到銅鑼灣後街「龍城冰室」有少許摩登，大多以卡位為主。正值夜市人頭湧湧，好不容易濟在一角之中。餐牌上的種類繁多由早餐、常餐、麵包系列、鐵板燒、小菜、小吃、西式意粉、西式燴飯，各式各樣的食物，總有一様合你心意。茄子班腩飯（套餐）二人叫下小菜茄子班腩飯 $73，只需要添加$10有白飯一碗、明火例湯或熱飲，想轉凍飯則+$3。看似很少的茄子班腩飯，一上桌相當吸晴，熱辣辣的魚香茄子配上醬汁非常惹味。斑腩炸得香脆可口，連同白飯同吃分外美味。最後來一碗熱檸水，更可以消膩。椒鹽鮮魷$40小吃決定點了我最愛的椒鹽鮮魷，鮮魷即叫即炸並有少許椒鹽，香脆又大片魷魚，奈何份量不算多，但味道上是不錯。蒜蓉田園炒雜菜 $49最後來多一碟蒜蓉田園炒雜菜，以價格上稍微昂貴全因接近$50大元。蒜蓉滿瀉並帶有油份，雜菜有芥蘭、生菜、西蘭花等，炒得甚有鑊氣。

之前試過觀塘，牛頭角既龍城冰室，覺得幾抵食，性價比高，原來銅鑼灣都有一間，所以收工就黎食呢到座位幾舒服，冇茶餐廳咁逼，而且唔使等好耐位，侍應服務幾好同快手而且我好欣賞佢個素菜menu.因我老公係食素的，但出面d素食餐廳通常好貴，冰室更加唔會有素食menu,但呢到竟然有!首先我地叫左個瑤柱金菇扒西蘭花瑤柱同金菇既芡汁好似酒樓食飯咁高質，西蘭花軟硬度剛剛好感覺健康得黎都好味之後我地叫左菜遠花膠班片炒麵班片份量好多，炒麵卜卜 脆，加上塊塊花膠，正!另外我地叫左兩杯紅豆冰紅豆非常多!! (至少有三份之一杯)而且多奶，所以飲左好耐都仲好香濃，唔會比d冰沖啖 跟餐都係十幾蚊咋佢呢到d早餐都唔錯咁，三十幾蚊，下次試試先

銅鑼灣街頭，人來人往，有逛街的，有落貨的，周圍都是人，逼得沒有心機想想吃甚麼，隨便進了間經過的茶餐廳，快到午飯時間，有位便好了。焗鮮茄豬扒飯等了一會，店員送來熱辣辣的焗飯。盤子裡的蕃茄醬尚在滾，冒起一個接一個的泡泡，持續了近一分鐘。蒸氣帶著香氣，傳到鼻裡。芝士溶得好看，一點一點的紋，焗得剛好。份量控制得宜，不是恐怖卻潮興的芝士拉絲。有少量蘿蔔，獨欠洋蔥。蕃茄醬的濃稠度剛好，不會濕，有鮮茄味。豬扒大塊又厚身，吃起來不嚡不韌，帶少少爽的咬口。連著細細塊骨，圍著骨的位置特別軟，特別嫩，帶點油脂香。表面有層粉，帶少少蛋香。單吃豬扒有點乏味，當然不到$60的出品，亦不期待有黑毛豬的豬肉味，沾點蕃茄醬就夠調味了。炒飯底充滿蛋香，飯夠乾身，粒粒分明，混了蕃茄醬仍然保持形狀。貼著碟邊的飯，尚未變成飯焦，但烘至脆口，一啖飯有更重口感，好吃。鴛鴦不喝咖啡的我，心血來潮，亂點了鴛鴦。奶茶質地，咖啡味道。炒芥蘭全部都好幼，好爽脆，唯一問題係太濕同埋唔夠熱，少了新鮮炒好的香氣。

今日同朋友黎到依間位於銅鑼灣既龍城，我地係晚餐時段黎，服務員亦安排我地兩個人坐卡位，一開始我地叫左兩個不同既餐，分別係啫啫雞煲同依間餐廳既推介龍蝦牛柳，先上兩個餐湯，一個係羅宋湯，甜酸辣三種味道適中，非常開胃。而另外一個餐湯係忌廉海鮮湯，海鮮份量多，好食。啫啫雞煲新鮮，上到枱仲聽到沙沙聲，有好多雞件，配以洋蔥，非常惹味，飯既份量亦十足。另外個龍蝦牛柳鐵板餐，龍蝦非常大隻新鮮，而牛柳煎得很嫩口，依個餐非常抵食都只係八十幾元。最後我地都叫個炸鮮魷作為小食，炸得外脆內軟，面粉份量適中，加上個酸甜汁，更把鮮味帶出。

沉日同女朋友放工去銅鑼灣醫肚因為想快d填飽個肚又唔想食得太貴所以就去左呢間龍城冰室食其實唔錯唔錯仲唔駛等位等好耐添因為太肚餓既關係，一入到餐廳就好快叫左野食。呢間野上菜速度都幾快，等左幾分鐘就上菜喇。見到餐牌有好多炒粉麵，基本上咩配撘都有首先我地叫左個菜遠花膠班片炒麵，炒麵底脆卜卜，班片啖啖肉，再加埋花膠同芡汁，兩個字： 絕配我女朋友想食多d菜，所以揀左個瑤柱金菇扒西蘭花。瑤柱香，金菇香，西蘭花軟硬又適中師傅果然好功架!最後我地叫多兩杯紅豆冰，紅豆足料之餘又多奶，唔會話成杯冰多過料。一對小情侶係間茶記入面飲杯野甜少少夠哂sweet簡簡單單又一餐既開心又滿足其實呢到仲有西餐pasta揀架，中西合壁