鼎泰豐

營業中

休息中

為了慶祝自己公司今年仍有花紅出，我特別約了爸媽及男朋友係星期六在鼎泰豐開門營業左右(上午11時30分)飲茶，試下佢出名既小籠包及其他點心。真係唔夠運，個陣剛剛落好大雨，大家都好狼狽由地鐡站一直走入新港中心，之後再快速搭扶手電梯上去鼎泰豐。不過，時間仍然係11時15分，要係門口等多陣。約11時30分，鼎泰豐終於開門啦！佢地約有10個員工排列一邊，當每枱客人係門口行入去時，佢地就用國語大叫 “你好，請往裡面坐”，講得唔多正但都算有禮貌。我地坐低之後就打開點心餐牌看看有甚麼好食，當然首先要睇佢既小籠包先啦。有蟹粉和特色兩樣，前者$68/6個後者$48/6個，而其他點心價錢都係差不多。比起平時食開$10-$20一碟稻香點心真係貴咗截，但心諗既然佢出名就一定唔會平，所以我亦唔吝惜叫左7、8樣嘢：蟹粉小籠包、特色小籠包、擔擔麫、荔芋香包、蝦仁蛋炒飯、蒜蓉油麥菜、滷水牛展、燻魚等等。燻魚：唔錯，只有主骨唔會食，條魚係倉魚所以魚質較實都幾特別滷水牛展：亦唔錯，很薄片，味到與出面食差不多擔擔麫：麫質口感爽，花生味道好，辣味適中，但份量不多蝦仁蛋炒飯：呢個飯炒得真係好好味，啲蝦仁好新鮮，蛋好滑，但份量不多

今日難得朋友相約晚上去了這裡吃飯選這裡有兩個原因一是太久沒有吃上次就是一年前剛開張不久的時候二是朋友沒有吃過而且也不知道這間鼎鼎大名的鼎泰豐是什麼一間食店就自然要帶他來試試了(其實也是滿足自己的一己私慾)7點來到 等了45分鐘左右(星期六的晚上 也算是正常時間了)一張圓枱 和另外四個人「搭枱」 也沒關係 反正就是肚餓叫了 小籠包(6隻) $48仍是香港吃過最好吃的 不過不幸舌頭給湯汁燙到了 好熱好熱 原盅牛腱湯面 $58湯很好味(不知有沒有加味精呢？) 牛和面都是正常水平 表現中上排骨蛋炒飯 $55排骨很香口 不過朋友就說只是普通 但我們卻齊聲讚美蛋炒飯 很特別 也當然很美味豆沙小包(6個) $33最後才來到 熱熱的 皮十分薄 可看到十分多的豆沙在裡面 未吃已知好味 因為本人十分喜歡吃豆沙的 朋友亦大讚出色食物是依舊保持了水準 但服務態度卻和一年前有了差別一年前剛開張不久 我去過一次 那時因為從台灣店舖那邊帶來了不少侍應協助服務我的是一個說著國語的侍應 笑容可躬 也十分親切 服務態度自然不在話下一年後店舖穩定下來 侍應也變成全是香港人 雖然他們也十分有禮貌可是我覺得總是差了些什

今天慶祝我的生日,同至愛的家人去吃鼎泰豐之前在台灣吃過,所以也帶著期望的心情出發,我地六時半去到,已經有人排隊,店員服務態度一流,好好笑容勁欣賞但登記時,問我地會唔會一個半鐘內吃完,如果可以,我地欠兩個人未來齊,也可以俾我地進去,...後來才明白,那些咁快嘅服務,當然可以一個半內吃完啊小籠包...好味,但好似比台灣細隻些,但服務態度好好,一開蓋,發現其中一隻包穿左,店員立即主動話補送一隻,欣賞牛肉麫...叫左兩碗,最正係個麪,牛肉也好好,但湯就一般炸醬麫...一般啦,啲餸同平時的唔同,都係好欣賞個麪好想推薦豆沙小包個及包皮勁薄,豆沙好滑,正!!最好要讚女洗手間個姐姐,好好服務態度,俾十個叻妳!!

今晚有幾個朋友從北京過來玩. 佢地習慣食包子, 面食, 同想食少少辣. 諗左好耐, 結果來呢度 try try. 結果, 佢地大贊超好食. 特別係 service 方面, 話香港始終係香港. 大陸 d service, 就差好多好多. 單單"廁所呀嬸" 的 service, 已經打敗左佢地. 仲問我"廁所呀嬸"係咪要俾 tips 架.. 哈哈 ~~ 我真係好 proud of 呢度所有 staff ~~感動~~ 我地 20:00 左右去到排隊, 共 5 人, 等左 15 mins 左右. 都算快. 叫左幾多野: 1) 酸辣湯 (兩客) - 材料多; 味道夠辣, 酸都 ok, 唔夠按個人口味再加; 最欣賞係麻油味合適, 唔會話只食到麻油味. **正** 2) 蟹粉小籠包 (兩客) - 皮薄, 肉鮮, 多汁; 但出奇地唔易穿. **正** 3) 干扁四季豆 - 香, 少辣. 4) 紅油炒手 - 個汁幾好, 係甜辣, 少酸. 5 ) 蒜蓉通菜 - 抄得好嫩. 但蒜蓉味唔夠出. 6) 紅燒牛肉面 - 湯底勁濃的牛尾, 牛根味!

我舊年去過這度，這度的拿位方法真係好麻煩，講真返工食晏時間個個都係得1小時，咁諗住叫定o野食等老公來食，食完就走，佢話唔得，最慘那時係十二點三，都唔係full，都唔知我一個同佢經理嘈，另一個女士都係咁話佢，咁個個食晏時間都短，有人叫定o野食來咪可以快d 食完快d 走，佢地話唔得一定要跟返台灣做法，其實所有餐廳來到hk都要跟hk那套做呀!我又唔係話食dinner擺定個位有排坐呀!食晏個個都係食完就走，我地叫了蟹粉小籠包、什麼類似蝦肉燒賣、豆沙包、普通小籠包同埋好似係一個湯麵，佢所有O野的份量都好少，所以好似食極都唔夠，咁我地最欣賞都係個蟹粉小籠包同埋個豆沙包，真係幾好食，所以最終都叫多次蟹粉小籠包。個湯麵已經冇印象食過什麼，只係記得好細碗，兩啖就食完呀!而個蟹粉小籠包好食係因為真係食到好香的蟹味，D汁都係有蟹膏味呀!而個豆沙包就係D包的皮好滑，咁個豆沙又唔會好甜呀!個蝦肉燒賣就冇什麼特別呀!個普通小籠包就只係皮薄呀!不過食個晏都幾貴呀!

台灣鼎泰豐食過一次, 印象麻麻, 但黎到香港呢間反而變成我喜愛的食店之一呢!之前已吃過2次, 今晚又同老公去踩場! 菜單:小籠包-- 皮薄多汁, 點夾都唔穿! 紅燒牛肉面-- 必食, 牛肉好淋, 湯底勁正! 要飲多幾啖辣味小黃瓜-- 唔錯, 比較辣但脆口原盅雞湯-- 雖然湯望落油左d (因為連埋雞皮一齊燉), 但都唔錯, 雞肉唔嚡紅油炒手-- 個汁幾好, 但個皮硬左d, 下次可以唔洗叫呢個 荔芋小包-- 唔太甜, 細細粒, 幾好味! 另外, 清潔嬸嬸服務態度一流, 人客出左厠格, 會即刻入內清潔一下先叫你入去, 感覺相當乾淨, 又有禮貌, 值得一讚, 如果其他食肆都係咁就好啦! 好滿意的一餐!

之前淨係試過一次紅磡果間, 呢間未試過, 今次同人打賭輸左要請人食飯 (原本食利苑), 特登黎到所以點都要排。見佢大排長龍以為要等好耐, 原來唔係喎, 都係等15分鐘左右。 叫左5樣野1) 特色小籠包-食完蟹粉小籠包再食佢就覺得無咁鮮味, 但都係皮薄餡靚2) 蟹粉小籠包- 好鮮味但唔膩, 話佢皮薄餡靚可能你會話我行, 但呢個的確係事實3) 水晶肉 - 無"金滬亭"做得咁好食, 但都算唔錯4) 紅燒牛肉面 - 想食番去台灣食牛肉面的滋味所以點左呢個面。牛肉炆得好腍, 好入味, 入口即溶, 但加左牛根, 唔正宗。而且湯底有少少辣, 同响台灣既唔同。價錢$58亦有少少貴。不過咁, 論味道佢係好好食既, 比起响尖咀一間自稱牛肉面專門店既好食。 5) 蝦仁蛋炒飯- 呢個頗油膩, 而且食到有鹽粒未炒開, 唔...少少失敗。但有好多隻新鮮大蝦都幾甜幾好味。 要一提的是, 呢度既服務真係一流, 服務生個個都好有禮, 廁所有呀嬸响度幫手亦好清潔, 今時今日呢d服務响香港真係好難見到啊!!!!!!!!! 雖然呢餐要我請, 但都食得好開心。下次會再黎!

Good soup dumplings 小籠包 were not something that you could easily find in New York. Joe’s Shanghai in Manhattan was very famous for their soup dumplings, yet I have never been quite impressed by their 小籠包. As a result, I was more than excited when my friend brought me to 鼎泰豐 for a late lunch.I had only tried the 鼎泰豐 in Japan when I worked there, and it was a long time ago. I had high hopes for the 鼎泰豐 in Hong Kong, given how Hong Kong excelled in dim sum and dumplings in general. We began o

這篇食評其實已是好幾個月之前了, 只是一直都很懶, 遲遲都沒有寫下, 今天晚上終於"的"起心肝來寫了!!!坦白說, 已經是好幾個月之前的事, 叫了甚麼食物其實已不大記得, 但覺得食物質素仍然是不錯的, 雖未至於絕佳. 其實要說的是它的服務, 這家食肆的服務真是令我感動啊!!!! 一走入去, 迎面而來的侍應都會跟你打招呼, 還附上一個百分百親切的笑容, 感覺到是發自內心的. 習慣了香港式那種機械式, 如交貨的招呼及笑容, 驟然看到這麼親切的笑容, 真是令人好感動呢!!!! 而走的時候, 所有看到你們離開的侍應都會說謝謝, 慢慢走, 那真是一種很令人感動的招呼啊!!!!!! 雖然上一次吃已是幾個月之前的事, 但是對於這食群的親切服務態度仍然留有很深刻的印象, 也令我十分想去位於台北的老店, 感受一下這種久遺了的親切服務態度呢!!!!!!

今日終於可以和老公一試鼎泰豐.我們大概下午5時到達, 成功避過人潮, 不用等位未到吃飯時間, 兩個人,只為一嚐滋味, 只點了三樣食物小籠包--超超好吃, 拍得住台灣總店. 皮薄料靚, 熱騰騰蒸出來, 真係正!擔擔麵-- 一點都不特別, 又細碗, 又少湯. 可以不試,炸排骨-- 只得一塊豬排, 薄得很. 收$44一碟, 有點偏貴, 味道還可以.總括來說, 只有小籠包值得推介, 其他太太太普通了.下次再來可能我會獨沽一味只叫小籠包..

曾經在澳門食過一次鼎泰豐,決定以後不會再去。直至好耐之前見到雜誌話新港呢間係直營店,先有念頭想再試。地方很大,亦很潔淨;侍應全部都好有禮貌。當日帶同囡囡一齊去,他們很細心地準備一份兒童餐具。我們點了小籠包、坦坦麵及牛肉麵。很快,牛肉麵已盛上,肉很滑。隨後到坦坦麵,好耐都未食過咁有麻香的坦坦麵啦。呢個並不是湯麵,而是撈麵;麵質煙韌,香味十足。最後,主角出場:小籠包肉汁四射,皮薄而不穿,最可惜的是摺位比較厚,而它的大細,O岩O岩一啖一囗。

小籠包數過真係有十八摺, 仲可以拎起盪鞦韆咁, 湯汁無漏到. 但係皮薄唔厚, 湯汁正! 以前係黃埔那間比, 而間至叫正宗嘛. 四季豆 - 涼菜, 不錯.杯鐵觀音都幾好飲喎, 我平時唔鍾意飲茶的, 都飲了好多杯.下次希望試下鹹肉棕.但飲品好貴, 一杯$18 的可樂/豆漿? 遊客可能會叫的...

今日老死生日....就同左佢去鼎泰豐慶祝.我地幾年前一齊去台灣食過鼎泰豐後就迷上了之後返黎香港都有一齊去過當時o係黃埔o既鼎泰豐食過....都好好味(咁當然總係覺得好台灣的有少少分別)上年已經聽講尖沙咀開左鼎泰豐，不過一路都未去試一去到，都好full....要等位原來呢到有部份staff 係o係台灣的調過黎....我地叫左小籠飽,酸辣湯,豬扒麵,排骨旦炒飯樣樣水準都唔错~ 不過最正都係小籠飽....好juicy!! 不過唔知係咪先入為主，始終都係台灣好味d....)唯一要彈的...係上菜方面!唔知係咪多人呢，我地叫左個旦炒飯好遲先上...仲要係我地追左幾次不過staff都好有禮貌o既~

香港既鼎泰豐長期都是人龍不絕, 一直都很想去試但想到要等位就真係卻步..上星期在台北吃過了真係有點心思思又想食, 便約埋家姐姐夫下班去早食囉.. 6 時多不用等我們一行四人便安排入座。 點了不少麵食加一個飯, 沒辦法鼎泰豐就是吃點心麵飯, 有別一般吃上海京菜的有很多選擇。 奇怪是細心侍應落單是卻提醒我們是太多了拍我們吃不下呢。 想想只是5個麵點(其中三個是拌麵理應份量是較湯麵少的), 一客小籠飽, 一客菜肉餃同一個菜肉飽, 蒜泥白肉, 和排骨炒飯,烤夫等等。 最後還是聽話刪減一個麵食。見那邊落單這邊廂食物已隨即奉上真係快到你唔信.. 有點急去拿起相機影相又恐防食物冷掉了, 真係一句講哂好豐富好忙碌呀!很快的吃過所有食物, 大至上和台北的味道分別不大, 只是份量是香港的較為小。好像那牛肉麵, 只是寥落的四塊厚薄一致, 我在台北吃過的是件件都肥厚幾乎是牛肉多個麵架~ 不過很滿意的是那味道仍在, 非坊間賣既一味是味精同腍爛的牛肉, 根本和台灣既牛肉麵是兩碼子回事。擔擔麵一直是我最愛的但香港做的似乎多了芝麻醬近似拌麵不是我杯茶。反之蔥油拌麵是一讚, 就是簡簡單單也可吃出別緻味道, 是麵條和醬油

有朋友仔生日, 於是到鼎泰豐一試出哂名既小籠包一行三個女仔, 未入到去已經排哂長龍,等既時候店員好有禮貌咁俾點菜紙我地揀左食物先,入到去D店員係咁用普通話同我地講"您好"我地仲以為自己似台妹, 仲用埋普通話對答點菜走既時候先發現台式既鼎泰豐原來全部店員都要講普通入返正題先我E個大食妹當然係咁叫小籠包---- 唔錯, 皮真係薄wo, 貴就貴在師傅既技術喇!擔擔麵---- 花生醬好香! 食完仲想叫多碗排骨蛋炒飯---- 好軟既豬肉, 我依個cool牙妹食都唔會痴牙油豆腐粉絲湯 ---- 唔會太淡, 又有豆腐, 腐皮仲包著d肉, 粉絲又幾彈牙wo菜餃---- um... 我覺得媽咪整既仲好食, 好普通喇, 一次就夠喇食物份量其實比想像少, 可能我太大食, 不過8成飽都幾健康優質的服務, 不錯既食物有機會要再去幫襯