鼎泰豐

營業中

休息中

昨晚和女友到TST的鼎泰豐吃晚飯, 坐下來點了油墨菜, 小籠包, 擔擔麵, 和蝦雲吞麵, 味道不錯, 中途waiter在旁邊的吉位抹檯, 卻不小心打破了辣醬瓶, 橙紅的醬油都淺到女友的白名衣裙上, 當下立刻有四五位侍應抹檯抹地, 經理連翻道歉, 女部長拿了特別的清潔液塗在女友的裙子上, 又帶她到洗手間幫忙清理, 我站起來等他們清理, 經理主動把桌上的菜式收起, 換過全新的熱的給我. 女友回來後, 看到裙子的辣醬油又真的沒有了, 說實在, 不小心不要緊, 人總會做錯事, 重點是錯了後如何應對, 這次的侍者, 經理, 部長等都表現一等, 反應快, 應對強, 有效率, 不用客人批評抱怨而自動作出補償和安慰, 實在是很感動. 就算鼎泰豐不是最好吃, 但我以後仍會鼎力支持.題外話,記得許多香港人認為米芝連批分不準, 但米芝連其中一項訐分就是服務, 我現在終於明白, 有好服務, 好環境, 而就算食物未必及得上別人, 但我認為那已足夠擊敗那些串串咀, 迫人食完快d走既所謂"好味餐廳",

同朋友叫做黎朝下聖咁啦!食又算係幾好食咁啦, 但係真係好細碟!都唔係好明點解人地食得飽......醉雞 HK$68 , 前菜都估佢唔會多, 但就比想像中仲細碟成碟加埋都有一件 KFC 雞上脾咁上下, anyway ... 係好食既担担面 HK$30 , 幾好食, 個醬係做得幾好, 其實同好多上海店差唔多當然, 份量又係小囉, 可能我大食啦!小籠包&蟹粉小籠包: 皮係薄, 肉都OK, 不過就唔特別以HK$48 同埋 HK$68 計, 同質素既可以食到平 d糯肉燒賣(好似HK$68): 真係唔得, 一 D 味都無 , 唔 comment 喇酸辣湯: 唔記得幾錢, 一細盅, 夠味, 好食, 我食到係帶辣少酸, 比較合我味道其他唔記得喇!但係我地食完仲要去第二間再食多次先飽, 唔係唔捨得再叫野食而係好似真係無咩野好揀, 算係黎過試完就算喇!P.S. 5 個人等位用左 1 小時多少少, 食左 20 分鐘左右, 當然無催你走但係就收到台面好乾淨 , 你話走唔走好? 個人唔覺得值得等咁耐食咁少選擇既野

9-5-2009是晚約六時半跟老公來到，看到店外人頭湧湧已心知不妙。果然，我們要等30張枱才到我們(2人桌)。看來還是weekday來吃較著數，光顧的人數沒有那麼誇張嘛~幸好尖沙咀不愁沒有逛街的地方，我跟老公往逛街去以打發時間。約一小時後，我們便可入座了。入座前看到2人桌的輪候號碼已排到六十張枱之後。真的有那麼多人光顧嗎?雖然這店的服務向來不錯，不過也有趕著落單、快快收碟的情況出現。我們叫了小籠飽、担担麵、排骨湯麵、菜肉雲吞。-皮薄汁多的小籠飽，賣相仍舊令人歡喜。-担担麵味道頗濃，汁較稠，不過我覺得頗好吃，但份量不算多。-排骨湯麵令人驚喜的是其炸豬扒，大大的一件，炸得很香口，不過略嫌油了一點。-菜肉雲吞很好吃，皮不厚，菜和肉的比例適中，不會只滿口肥肉，反而覺得很有菜味很健康。我跟老公都覺得很好吃。這店最大的特點是...排隊要1-1.5小時，但吃畢走人只需最多40分鐘。侍應阿姐不止一次想收拾我還在吃的東西，很有趕客的感覺，不太好。不過我跟老公沒有理會他們，我們繼續慢慢食。我們吃完食物後沒有馬上結帳，坐著喝了兩杯茶、談談天，侍應又沒有催趕喎~整體來說，食物和服務均是不錯的。

老婆話想試下…所以襯星期日拍拖黎試下八點左右去到…都幾多人等位不過十五分鐘唔洗就有位喇平心而論…佢個MENU款式唔多有唔知可以叫咩食既想法小籠包: 幾好…但好多地方都食到同樣質素…肉汁亦唔夠豐富麻醬麵：老婆覺得好正不過好漏…同埋調味可以再多D菜肉雲吞麵：雲吞好好味…麵質不錯…湯亦清而鮮味炒菜心：MENU寫炒…不過好明顯係白灼! 但仍然好嫩又甜, 滿意之作鮮肉包:餡應該係小籠包果D…味道幾好既…不過$15一個包仔似乎太貴服務質素好食完碟野十秒內一定有人幫你清但又有少少趕你埋單感覺總括而言可以再試不過應該唔會有好想再食既衝動

之前1日上OPEN RICE 睇下呢間野D食評如何, 發覺都係大多數讚, 就相約李氏伉儷去呢度食DINNER 聚下舊, 一行只得4人, 唔算多!! 我同Honey大約6:15pm到餐廳等位, 4人枱不算難等, 加上時間尚早, 只係等左大約25mins就已經有位(心想門口一大堆人仲等緊, 自己算快!!!), 帶位姐姐一路問住我地人齊未, 一路就同我地講, 食飯時限只得1個半鐘, 即係8:00pm要交枱!! o個一刻Honey已經唔多like, 食餐飯都要限住時間, 一d都唔enjoy! 但心想有好野食, 服務差dd都唔緊要喇!!! 我地4個人總共叫左8樣野, 分別有 : 1) 酸辣湯 ----- 一般!!! 只食到有少許辣, 無酸o既感覺!! 2) 皇牌小籠包 ----- 個皮值得一讚, 確係薄身, 但內裡舊肉有d失望!! 3) 鴨舌 ----- 有花雕酒味, 食落有少少苦苦地, 但唔抵食!! 4) 干扁四季豆 ----- 最穩陣o既一碟, 無咩特別!! 5) 紅油抄手 ----- d 醬油怪怪地, 一食時以為d肉唔新鮮, 後來發現係d醬酒問題!! 6) 紅燒牛肉麵 -----

各位食家,今晚同朋友慶祝生日, 平時成日都去食日本菜, 今晚就諗住試下上海菜, 聽人講呢間好出名, 所以一試! 我覺得每碟菜既份量都較少, 跟價錢為反比! .. 食物本身既味道都是好普通, 不過職員既服務態度值得讚賞!原來每張抬都有交抬時間架, 雖然有個朋友遲咗到, 我地交抬既時間都過咗, 不過好有禮貌既職員因應無咩人等位所以延長咗交抬時間, 值得一讚! SOSAMLAM

今天終於有機會去到我地談論過多次的台灣食店--鼎泰豐.去到巳七點九個字, 門口巳有一堆等位的人, 美味的食物, 令人不介意等多一會, 拿到66號籌, 還是去隔離的I.T.行一陣吧, 入面的確好大, 亦有好多唔好品牌的衫褲鞋袋, 但要有耐性的人才能在此找到自己心中所愛, 但那並不是我, 其實我有留意到我睇衫期間, 你多次行出去睇叫到幾多號籌, 才會令我這麼安心的繼續挑選.等了差唔多一個鐘終於可以入內, 等位時一早巳選好今晚想食的菜式, 所以好快就有酸辣湯上枱, 成碗好足夠, 一碗足夠兩人分, 輕微的酸度同辣度對我來講雖有少少失望, 但它的湯底並不是如外界的用生粉開令我幫它加番唔少分. 呢度的醉雞無令到我失望, 好有酒香味, 雞都幾滑辣, 再來蒸籠上的小籠包熱辣辣直冒煙, 你一路細心的叫我留意包入面的湯汁太熱, 一路緊張的望實我食完一隻無事才放心的食自己那碗中的那只, 食完一只終於明白它出名之處, 外皮夠簿之餘, 入面的湯汁好清甜, 的確好好味, 再來的炸醬麵反而令我非常失望, 好彩後來的紅油抄手令我驚喜不己, 好耐無食到咁好味的抄手, 它的醬好香又夠辣, 令到食到停唔到口, 雖然巳夠飽但

係呢間鼎泰豐又話請台灣師傅過黎, 侍應又係台灣女仔, 好似好掂咁, 但食過兩三次, 每次都好失望, 又唔係平, 都唔明點解仲有咁多人排隊.... 小籠包唔夠熱, 紅燒牛肉麵冇香濃感, 其他餸都係好一般, 可以唔洗再去啦... 寧願去翡翠拉麵好過

我巳經去過唔同既分店食過,有澳門,深圳同台灣,煮出黎既野會當地既風味但有一樣野無變就係佢既小籠包做得好出色,皮薄餡靚,又夠多汁,每人最少食一籠又其係蟹粉小籠包係我既至愛,真係食極都唔會厭,其他食物一樣有水準,唔會太參差不齊另外可以留意下,會有一D台灣既女仔做TRAINEE,都幾靚女,皮膚又幾白,聲線温柔,所以落ORDER都會特別叫佢地寫單(我只係欣賞,沒有色情成份,絶對唔好誤會)

在openrice, 很多人都對鼎泰豐讚不絕口所以有一天特意和男朋友來試一試事關那天我們都在平日放假, 在放工時間前已經來到所以不用排隊, 就有得坐啦 = )一入到店來, 已經被親切有禮的招呼所"嚇"親因為我從未試過, 入到店內每位經過待應都會向你底頭躹躬感覺有點受寵若驚呢...但感覺很親切, 好像真的很歡迎自己, 值得一讚!!另外門口的知客, 是說普通話的, 男朋友說她們的語調很有林志玲味道~哈哈!!我們坐下就開始看看菜譜, 點菜1) 擔擔麵這個擔擔麵一上台, 真是被它的"小"嚇親, 名乎其實的"擔擔"麵雖然份量比較少, 但出奇意外的好食!!!因為它不像平時外面的擔擔麵很多湯和很油, 而我很喜歡這裡的花生味, 麵也煮得剛剛好, 不軟"lum"lum"2) 淨菜肉水餃喜歡這個水餃皮很薄, 有五粒水餃3) 小籠包平時我們都喜歡食小籠包, 這個小籠包皮很薄, 我相信這也是鼎泰豐好味之一但是我覺得如果包裡的湯可以多少少會好味d呢4)豆沙小包這是我和男朋友覺得最最最好味的一個皮薄已經不用說, 包著內容豐富的豆沙餡, 加上小包熱騰騰吃一小口, 真是非常的幸福!!這個甜點, 成為這晚完美的句號!!

食左咁多次。始終每次來都一定要點的必定是小籠包雖然真係覺得來呢度食好貴但都係忍唔住口要來食下。等位期間見到有遊客係對面飲完茶行出來。問鼎泰豐門口職員點行過去海港城。佢都好有心機咁解釋行地面去啦。過橋去啦。。見到咩店轉彎啦。。連人地落左扶手梯佢都伸個頭出去欄杆外提醒人地。可以睇到佢地做野係好有心

我睇左openrice既食評 所以就黎左呢度食喇@.@我地拎飛等位我地係86~ 拎個時係60...不過都好快就有位-w-"因為有好多人都走左咁....我地叫左幾多野食醉雞-酒味幾濃,雞都幾幼滑,唔覺得肥,醺魚-幾甜,本身魚就幾多骨水晶肉- 味道一般,賣相不夠透明,牛展-香,味道較水晶肉吸引小籠包-皮薄餡靚,不膩,有食評話唔夠湯,但我覺得已經足夠了 @.@香蔥拌麵-麵質很爽,不過蔥味不足,似醬油拌麵菜肉餃麵-菜肉餃很清,菜的比例多,但亦食到肉味鮮肉包,一點也不膩,湯汁豐富服務方面,讚~洗手間的姨姨服務好得有點不習慣我地叫左兩個鮮肉包,個哥哥打開個籠見到兩個包,即問我地洗唔洗分開,之後即刻拎去切開佢~而且在香蔥拌麵上台時,有位哥哥禮貌地說,要在熱時候拌勻,否則冷了會硬@.@~~~用心的服務^^一定會再去>w<喜歡夾起搖來搖去也不破的小籠包

鼎泰豐給我最深的印象, 唔係小籠包, 而係佢既服務!真係吖, 每位侍應生都小心奕奕地做每一個動作服侍客人, 但係一點都無令到我覺得尷尬, 因為唔係做作, 而係真係由心發出. 什至連洗手間的阿姐都係咁食物其實只係一般, 小籠包都唔係好好食, 因為我覺得味道比較平淡, 炒白菜仔都係比較淡, 酸辣的擔擔麵都係唔夠刺激比我既感覺係食物做得比較保守, 好斯文, 但係味覺上比唔到客人一個突破的感覺但係我都比佢地優質既服務感動, 覺得都係食得開心的

是晚來到鼎泰豐吃晚飯上一次來好像已經是一年前的事情好笑的是入到去她還安排了和一年前一樣的位置給我......我六點三到黎到唔駛等位一去到門口D姐姐已經鞠哂躬係咁講歡迎我成個過程都係不停講歡迎同多謝其實我覺得唔駛成日低頭鞠躬....我又唔係真係咩重要人物又唔係佢主人呢個感覺真係唔係幾好，我好怕人卑躬屈膝(雖然佢地未到呢個地步)係我眼中佢地服務我地只係一份工作，只需要基本態度同禮貌就可以了既然人人平等，點解要搞到客人地位真係好似好超然咁呢?? 我真係唔係太鍾意咁樣...... =(講返食物兩個人叫左:蟹粉小籠飽"好味呀! 我好鍾意呢個! 真係有好香蟹味，一D都唔腥。個皮又簿又唔穿，仲夠哂肉汁添。原味水晶肉"其實我估佢即係鎮江肴肉，我覺得唔算太特別好食，口 感唔夠豐富，而且味道都唔夠濃。無個種食完想再食既感覺。清炒菜心"食菜真係好鬼唔抵架，不過都係需要清新一下既，但就真係覺得幾貴囉碟菜，基本上無技術可言，但D菜幾嫩幾好食既紅燒牛肉麵"唔SURE係咪，但一定係牛肉麵...因為係朋友叫，所以我唔知佢畫左邊個湯底有D辣辣地，但唔會過鹹，D牛肉都夠淋夠哂味，所以都OK! 但唔算特別好食。其實總結都係

同父母親去TST行街, 差唔多5點幾, 去到新港中心見到鼎泰豐, 個個即時話要食 (原因係開業至今都未有機會試), 可能時間尚早, 無需要等位就入得, 太好啦!先講佢哋的服務一流, 有笑容, 時常幫你fill茶. 之後, 我們開始點菜, 4人共點咗小籠飽 x 2, 菜肉餃 x 1, 擔擔麫, 酸菜肉絲撈麫, 紅燒牛肉燉湯 & 油菜.小籠飽 - 里面真係多汁, 個皮又簿, 好 juicy (係我們的至愛, 所以order兩籠)菜肉餃 - OK, 都好食 (菜的比例多過肉, 唔會覺得肥)擔擔麫 - 少辣, 但太細碗, 4人各分得一擔酸菜肉絲撈麫 - 都係細碗, 但好味, 麫質適中紅燒牛肉燉湯 - "超"細碗 (見意order紅燒牛肉麫好過, 起碼有啖麫食)Overall食物OK, 最喜歡係小籠飽, 如果唔需要等位都會再嚟食, 要等成粒鐘先有得食就no way啦~~