點心到 MIX·大排檔

營業中

休息中

新一年第一餐既點心就喺呢度食中意呢度地點方便，環境乾淨企理～點心款色多樣化，新式同傳統點心都可以响度搵到呢日total嗌左5款點心同朋友share ，整體質素都唔錯！！✨晶瑩鮮蝦餃✨皮薄餡靚大大粒，蝦肉爽彈～✨原隻蝦燒賣✨同樣粒粒飽滿，肥肉唔多，調味得宜！！✨五香咸水角✨香口金黃唔油膩～✨金莎脆皮銀蘿腸✨口感豐富，值得一試！！✨炭燒酥皮鴨絲包✨咸中帶甜，愈食愈滋味～呢度仲可以飲到多款茶記飲品，凍奶茶都幾有水準添💕

在旺角繁華地區，晚餐食中菜的，都不乏餐廳，但位於金雞廣場這一間，今晚來到都要等位才可以入座，餐廳早午食點心。晚餐食大排檔中菜。餐廳裝修企理舒適。餐牌都有好多選擇。紅燒花膠雞煲$128，上擡還在啫啫響的滾著，熱辣辣及雞煲飄出一陣陣的香，真是色香味，雞肉嫩滑且入味及多汁！花膠軟滑入味，還配有洋蔥、雞髀菇、秀珍菇、蒜子、芫茜……等, 菇類都非常爽口！超惹味！白飯魚煎蛋$72，一整碟金黃色的，廚師切開6大件，白飯魚頗為大條，煎蛋啖啖蛋香及白飯魚的鮮甜。

旺角食飯一肚氣，午餐時間排長龍都唔緊要，勁多內地遊客，打尖唔排隊，餐廳侍應都唔理會，有人入做生意就完全唔理邊個排先，10問9唔應，未食已經一肚氣，態度奇差因為媽咪想食即管忍你個侍應阿姨個態度，點知坐低左仲要聽佢講野，走過黎特等講人地排個半鐘都係咁，我地係排隊安排座位，火都黎埋，你間餐廳遲到先入座，安排有問題仲惡言相向！

又係討厭嘅星期一 早前見呢間點心到 大排長龍一入去店員溫馨提示而家只有小菜食 啊 原來晚市無點心食唯有留下次午市再嚟過🔹️杏汁燉白肺湯唔好俾佢外表呃咗咁頹好重杏汁味 聽講止咳 一於補補佢豬肺都有3嚿 正呀 🔹️沙爹粉絲金菇牛肉煲好夠熱 煲仔係燒過 事關我又燙親手指沙爹味好濃 牛肉大大塊 又夠多粉絲好入味 送飯食好正🔹️紅燒豆腐超！多！豆！腐！而且夠入味 又稔另外搭幾條菜心同埋大量菇菇🔹️黑金流沙包即叫即蒸 熱辣辣 出晒煙個包好軟熟 仲要好流沙一搣開就會流哂岀黎仲有蛋黃味 好好味 睇片一目了然2個女仔清晒 🤣

經過旺角見呢間有點心食，夜晚好想食下中式嘅味道，但入咗呢間---🌟點心到🌟食晚餐，晚市無點心嘅選擇，但小炒嘅款式選擇有好多，每個類別都有好多選擇好吸引🤩餐廳都算大，夜晚都好full，好彩今次唔洗等位👍🏻._.🦐 | 鮮蝦腐皮卷 | 🦐平時飲茶都好鐘意呢個點心，晚市竟然有🤩一碟都有成六舊，每舊都大件，熱辣辣上枱，炸到外皮勁脆口，裏面大大啖啖蝦肉，會夾雜住啲芫荽，如果唔鐘意芫荽就要注意了。.🔥 | 紅燒乳鴿 | 🔥大隻有肉唔係BB鴿到無肉果種，燒到外皮好香脆，裏面肉質唔會乾身，跟埋豉油同鹽一齊上，可以因應口味自己點。.🍛 | 金沙海鮮蛋白炒飯 | 🍛見到金沙俾佢吸引咗，即係用起沙嘅鹹蛋黃炒飯，未試過勁想試下個口感，果然無失望，啖啖飯都起沙，帶有鹹蛋黃嘅香濃味道，勁正！💕仲夾雜蛋白同蝦仁肉炒，唔會鹹味道啱啱好👍🏻.💛 | 榴槤雪媚娘 | 💛見到有榴槤好想試，仲要咁啱賣淨最後一件，香甜嘅榴槤味，裏面仲要夾住真嘅榴槤肉，作為飯後甜品一流，榴槤控不要錯過❤️.🖤 | 黑金流沙包 | 🖤一叫要三個一籠，但值得嘅，流沙包一咬開，堅係流質嘅蛋黃流沙餡，好味道！💛._.

每次經過呢間餐廳都見到好多人幫襯～ 中午主要食點心，夜晚主打食大排檔小炒，食物選擇非常多！叫咗三款小菜加流沙包試吓，食物質素唔錯，但唔算好驚艷，價錢合理，想平食鑊氣小炒可以試試～ 🔸黑金流沙包 $10個夜晚點續個包計錢，最少叫兩個，仲可以點芋蓉包～見好多人話好味有啲期待，不過個包size比想像中細，無平時茶樓食嘅咁大，味道唔錯，非常流心！如果再熱啲同大個啲就更好啦～🔸啫啫豬潤雞煲 $96冬天特別想食煲仔小菜～ 叫咗呢個啫啫豬潤雞煲，上枱好辣辣辣！雞肉唔會太大舊，都幾入味！豬潤幾爽口，但有啲大細不一，細嘅無咩咬口～ 整體味道唔會太鹹！🔸蝦通魷 $89即係蝦醬通菜鮮魷，份量都算多～有好多塊鮮魷，切咗格仔花，都幾爽彈！蝦醬味道唔算濃，調味唔會太鹹～ 通菜新鮮！唔個價錢算抵食！🔸乾炒牛肉腸粉 $78呢個乾炒腸粉味道有啲似乾炒牛河，牛肉大大塊幾軟腍，腸粉軟滑，唔會炒到散晒～ 雖然顏色深，但調味唔會太鹹偏淡味，亦唔會太油膩～鍾意有好多芽菜，口感更好

同屋企人行完街，食晚飯就去咗旺角呢間點心到Mix•大排檔☺呢間餐廳平時我地多數去食點心飲茶，到晚上就會變成大排檔咁食小菜，座位寬闊，高質享受小菜☺講到必食紅燒乳鴿，口感鮮嫩香脆， 除外脆外仲保持到乳鴿嘅肉汁 ,必配准鹽😂大排檔當然要試下佢哋嘅黃金鮮魷，每塊鮮魷都被咸蛋黃覆蓋著，好邪惡😂外層咸香味十足，內層爽而鮮味！炒牛肉腸粉鑊氣十足， 平時乾炒牛河食得多配腸粉 ,另一番風味！牛肉香而濃，而且份量都幾多，腸粉外香而滑！

今日朝早去旺角同媽咪買啲嘢，經過呢間店每次都見到好多人所以帶媽咪過黎飲茶😉佢哋茶位$5一位～-川芎白芷燉魚頭湯$42一開始梗係飲返啲暖嘢啦見到入邊都好多料仲有啲雞腳喺入邊好鮮甜👍🏻-豉汁蒸鳳爪 $24個豉汁整得好好食鳳爪好入味炆得好淋啲雞軟骨都好有口感～-醬王金錢肚 $28佢哋啲醬汁都係唔錯嘅金錢肚好爽口彈牙又掛汁😋連入邊啲蘿蔔都好好食🤩-招牌紅燒乳鴿 $48好香脆嘅皮肉既味道都調得啱啱好好滋味😛-榴槤雪媚娘 $35好少地方有呢款甜品我哋本身都好鍾意食榴槤所以見到就一定要點！呢個個皮好煙靭入邊啲cream好滑好香榴槤味😍😍😍

今晚約咗朋友係旺角聚舊食晚餐佢哋揀咗呢間餐廳早午間有點心食，而晚市就做大排檔，真係好少見～餐廳裝潢以大地色為主，配上金屬系的吊燈及鏡面裝飾，仲有個大大的燈牌，環境夠光猛又舒適～冰鎮咕嚕肉賣相相當特別～底層以中式的竹籃配上冰粒，橙紅色的咕嚕肉變得外凍內熱且冰火口感，食落外脆內軟又嫩滑多汁～仲配上新鮮菠蘿及清爽三色椒，真係好好味～推薦黃金桂花蝦球金黃色的外皮酥脆香口，內裡滿滿蝦肉柔軟細密且爽滑彈牙，咸蛋黃咸香十足，仲有淡淡桂花清香，滋味又高質之選～推薦香煎蠔餅呢度蠔餅蛋的比例較多，外皮略脆內裡細膩柔軟，食落啖啖蛋香及蠔粒的鮮味～榴槤雪媚娘淺黃色軟韌的外皮，內裡綿密幼滑的榴槤忌廉，食到中間仲有榴槤肉，真係夠哂滿足～整體食物味道不錯，環境適舒服務周到，估唔到食點心的餐廳連小菜都咁掂咁好食，值得再來享受一番～

平時食開西餐日本菜 經過旺角想食返啲中式小菜😚 但只係得兩個人又唔想去酒樓 點知俾我哋發掘到依一間點心到🤩 環境乾淨 又有好多食物選擇 啱晒後生仔去😇冰鎮咕嚕肉咕嚕肉好多人都鍾意食 今次特別啲係冰鎮咕嚕肉😆 咕嚕肉每一嚿都沾滿晒酸辣汁 🥰而且加埋啲菠蘿洋蔥 酸酸甜甜好開胃😙 而且肉質無筋 又鬆軟 加埋冰冰地 好特別☺️金銀蛋浸菜苗食小菜 最緊要係叫可以撈飯食嘅餸🤓 金銀蛋相信好多人都鍾意 係由皮蛋同埋鹹蛋撈埋出嚟嘅汁 今次仲加咗$10轉菜苗😊 菜苗超級嫩 份量都好多 配埋飯簡直係一流🤪水上人艇仔粥平時好少機會食粥 就叫咗呢度一大鍋嘅艇仔粥 好足料😘 入面有魷魚 豬膶 牛柏葉等等 而且個粥底 稀杰度啱啱好😝

魚香茄子煲:茄子煮得剛剛好，口感非常棒，內部保持著柔軟的質感，不會過分油膩，與其他配料相互融合得很好。調味料則帶有微辣的辣椒味，讓味道更加豐富多樣，每一口都能感受到不同的層次。紅燒乳鴿:是餐廳的招牌菜之一。乳鴿的肉質鮮嫩多汁，經過紅燒的過程後更是入味。紅燒的醬汁濃郁，帶有一點點的甜味，讓乳鴿肉的香氣更加凸顯。乳鴿的外皮烤得酥脆，內部則保持著嫩滑的質感，吃起來非常美味。通菜煲:通菜的葉子嫩綠多汁，入口爽脆，在煲裡加入了一些肉碎及辣椒，使得整道菜的味道更加鮮美。這道菜不僅口感豐富，而且營養豐富，是一道非常健康的選擇。

點心到在油尖旺有三間鋪，在金雞廣場地下的這間是最大和寬闊的，圓枱也比較多，可以不搭枱，坐得舒服。*今日去到坐下立即問姐姐有無鴨絲包，被告知還有三份後，即時落單先，然後才慢慢選其它點心。因此，我今日食到這個聞名已久的鴨絲包了，好開心。*招牌作，果然無令人失望。整體似叉燒餐包加黑色脆脆，不過內餡是鴨肉絲，好味和有創意。*皮蛋瘦肉粥多料到不得了，皮蛋多，瘦肉也多，而且是一絲絲的真豬肉絲，口感非常好。*腸粉的牛肉餡多到似食肉餅。*金錢肚又腍滑又入味，墊底是吸收了醬汁的白蘿蔔，超好吃。*炭燒山楂鴨絲包（$30）晶瑩鮮蝦餃（$17）原隻蝦燒賣（$17）五香鹹水角（$24）皮蛋瘦肉粥（$29）醬皇金錢肚（$28）香茜牛肉腸（$26）茶芥（$5／位）

點心到mix大排檔呢間餐廳位於旺角，交通方便，環境乾淨舒適，服務態度親切友善。佢哋嘅菜式有好多選擇😽😽😽我同家人上次去食咗豉汁蒸白鱔同麻辣雞煲，兩樣都好好食。豉汁蒸白鱔嘅魚肉鮮嫩彈牙，豉汁香濃唔鹹❤️麻辣雞煲嘅雞肉鬆化入味，麻辣醬汁夠勁夠香，仲有洋蔥、菇等配料，食落好有飽足感。兩樣菜式都好適合同白飯一齊食，份量足夠兩個人share😆😆😆點心到mix大排檔嘅價錢好合理，兩個人食咗兩個菜式，加埋飲品白飯同茶錢，總共只係$260左右。我覺得呢間餐廳好抵食，值得推薦俾😚❤️

近排我哋都唔係咁舒服，想食啲清清地或者粥類食下，咁我哋就去咗旺角點心到，有粥類，有蒸野，有小炒，啱我哋食，這裹個裝修都好新淨，好光猛，座位都好多，坐位都好闊落， 都好適合各類嘅人士黎食飯生滾螺片滑雞粥 (细碗)螺片和滑雞都很多，滑雞有雞槌，雞翼和雞背，都好嫩滑，螺片已經切到細細塊，好容易食到，好軟熟，粥底煲得都好棉，係用個瓦煲仔出，份量都算多，够我哋兩個人食，天寒地凍嘅日子好啱食，暖笠笠 😍清蒸沙巴 (龍躉仔)蒸沙巴有幾款唔同嘅煮法，我哋揀咗用果皮蒸 條魚真係好新鮮，你見到個魚鰭都仲係飛起，好似游緊咁就畀人劏咗 😆，蒸得剛剛好，好滑，魚都好大條，好多肉，應該重過一斤，兩個人食剛剛好黑金流沙包 & 卡通芙蓉包我哋嗌咗兩款包食，一個係流沙包，一個係芋蓉包，兩個都係即叫即蒸，好新鮮流沙包搣開嘅時候，嘩，流沙好澎湃，湧曬出嚟，正 😅芙蓉包就相對冇咁流質，但係都係會流嘅，兩個包都唔係太甜，包皮好軟熟 😆

旺角呢間點心到朝早有點心，夜晚變身大排檔，我哋今次食晚餐。👉🏻沙拉骨$88見到佢係招牌菜就一於試下佢✅超級大碟，起碼有7、8舊沾滿沙律醬嘅炸肋排，啖啖肉，三個人share都夠。👉🏻魚香茄子煲$78真係超鍾意食呢味餸，勁好餸飯🤤🤤通常茄子煲都偏咸偏油，但呢度調味好好，唔過咸，仲有小小甜同淡淡薑味，肉碎又多，食到停唔到口。👉🏻鮮蝦炸春卷$65餐牌寫住有6條，仲以為係剪開6小條，原來真係有咁多，正🤑每條都有大大隻蝦仁，即叫即炸非常脆口。店員比左喼汁同浙醋我哋點春卷，仲比埋較剪，有服務✅