點心到 MIX·大排檔

營業中

休息中

叫個龍蝦伊麵成350蚊，隻龍蝦話有一斤，我諗得半斤多啲，個麵低成30蚊，個份量小到裝唔滿個飯碗，所以你話香港啲所謂餐廳邊做得住呀，呃人呃到咁，絕對沒下次，仲有個侍應不停係你身邊吹你落單，菜單都未睇完，就不停問你食咩，係咁推介叫龍蝦，你個龍蝦咁搵笨你仲好易思推介人地食

昨天，食除夕飯，叫左個羊腩煲，薑蔥炒龍蝦煎米粉底，第一，煎米粉底唔係放起龍蝦底，吸唔到d汁，同另外上無咩分別。第二，羊腩煲，無落生菜，仲有個羊腩煲等左成個鐘都未上，個廚想等埋其他客落單先一齊煮個羊腩煲，最後無客落單，死死地氣先煮我地枱羊腩煲。叫左侍應幾次 催個羊腩煲都無聲氣。羊腩煲因為太谷氣所以唔記得影相。去呢度食，一定唔好叫龍蝦同羊腩煲，呢個定律黎。除夕飯食到一肚氣。下次真係去深圳食，香港飲食業食得💩，國際金融中心遺址。從來未食過咁差！

聖誕假期食咗幾餐西餐，我同老公都想食番晚中菜，去到旺角俾佢門口旣相吸引了入去。名係大排擋，不過環境乾淨又光猛，簡單點左了款小菜加個炒飯。冰鎮咕嚕肉呢樣係出面見到幅相已經覺得幾特別，想試吓，雖然底下係有冰，不過食落唔會凍，反而保持了肉嘅脆皮嘅香脆，入面熱辣辣，而且d肉質可能因為冰旣原因，食落好爽口，個咕嚕肉甜酸味適中。豆豉鯪魚炒時蔬老公話佢未結婚之前常食，雖然材料唔係咩貴價野，不過呢度炒得幾香，菜用了油墨菜，d菜好嫩加埋炒得啱啱好，豆豉鯪魚夾埋一齊用黎送飯，冇得頂。大肚婆炒飯 $82 其實基本上係楊州炒飯，足料，大量蝦，叉燒，帶子粒，不過加左d薑粒，食落少少辣，炒得幾有鑊氣，味道唔錯，原來薑對大肚婆有益，加上唔油，所以可能真係啱大肚婆食。

呢間餐廳我經常去，佢哋日間係賣點心，而晚市就變成賣炒小菜，所以餐廳名字叫點心到MIX大排檔就係咁解🤭點心質素相當不錯，價錢又抵食，特別是蝦餃和燒賣大大件，可以揀兩件或四件，人少少點兩件可以食多幾款點心我媽咪最愛呢度嘅川芎白芷燉魚頭湯，佢話頭痛飲完舒服哂。薑蔥牛柏葉、山竹牛肉味道也不錯。燒汁釀虎皮椒十分惹味，叉燒包非常足料！總體來說，這家餐廳的點心質素不錯，建議可以多多嘗試不同的點心。餐廳的環境也很舒適，適合與家人或朋友一同品嘗美食。

今日喺旺角見到呢一間點心到，以為係淨係食點心，原來晚上時段係做港式大排檔。炒小菜、煲仔菜、炒飯，炒麵及小食，選擇好多。店內是用人手落單的。我們叫了的菜式：✅冰鎮咕嚕肉: 沾滿酸甜汁👏用新鮮菠蘿片👍外冰內脆，口感鮮嫩。✅紅燒乳鴿：外皮香脆、肉質潤滑。呢個價錢都低食。✅啫啫豬潤雞煲：雞及豬潤份量唔少。冬天食煲仔菜幾好👍店舖環境光猛，裝修簡潔。店員服務好有效率落咗order後，很快有食物可以進食，不用等好耐。

依家餐廳超級可愛，雖然細細間餐廳，但係裏面菜式選擇好多，甚至可以多過酒樓，而且有啲菜式仲特別有特色添！就好似我嗌咗一個芋蓉包佢會印住咗一個好可愛嘅表情，真係令人完全唔捨得食。然後我地仲叫左好多常規野食，包括啫喱雞煲，土匪牛肉，白飯同奶茶。其實兩個餸一個飯已經好夠兩個人飯，正常份量嘅話記得淨係叫一個飯就夠。佢嘅土匪雞翼辣辣地，而且好多韭菜同芫荽，好夠味。而雞煲有洋蔥，豬膶同埋雞，非常之豐富。而飲品方面，佢依度嘅奶茶，除咗有普通嘅杯裝之外，仲會有樽裝，好適合一啲飲唔晒嘅人。

都叫易搵，就係中旅社對面，金雞廣場個牌下面。都幾多人排隊，嚟到有條人龍😱不過好彩等一陣都好快有位😄😆🥢晶瑩鮮蝦餃2粒$17人唔多，好鐘意佢可以叫2粒only，咁可以試多啲其他嘢。🥢卡通流心芋蓉包$25一黎見到個3個唔通既卡通樣，勁得意！入面係甜嘅香芋蓉，有啲似芋頭西米露嗰陣芋頭味，好味喎！要試呀！👍👍👍🥢炭燒山楂鴨絲包$30見menu寫推薦，又好似幾特別就試下。薄薄的硬脆炭燒黑色外皮，原來入面其實係類似叉燒包嘅餡，只不過唔係用叉燒而係用咗鴨絲，味道冇叉燒包咁死鹹，兼且帶少少山楂味。🥢欖仁馬拉糕$23係濕潤嘅馬拉糕質地，欖仁香口🥢香茜牛肉腸26爆餡牛肉腸！每條都脹卜卜，好足料，睇相就知茶錢只係每位5蚊(不過無得揀茶，枱枱一壼都係一樣既茶)，仲無加一，都幾抵。

呢間食小炒既大排檔真係好旺7點半已經排長龍茶位$5/位唔使加一茶係一早用暖水壺裝好自己倒出來花膠海鮮小米粥小米粥係出面好少機會食到粥底應該加左南瓜所以呈橙紅同埋好綿花膠同海鮮分量都唔少入面有蝦、帶子、魷魚、花膠超足料有分大鍋同細鍋今次試左細鍋兩個人食好夠飽冰鎮咕嚕肉應該係人氣款式好多枱都有點用冰塊墊底直接擺咕嚕肉係上面咕嚕肉唔肥需且超夠汁好味夏天食應該會再爽啲川芎白芷魚頭湯燉湯都有4款揀杏汁白肺好快賣晒今次試魚頭湯每盅都好多湯料抵飲

好幾次經過旺角金雞都見到呢間餐廳好多人，有時仲要排隊等入座。有人排隊我唸都應該唔錯掛😬今日有時間，即管同朋友仔排下。我地兩點黎到，等左差不多15分鐘有位。叫咗六款嘢食都幾好食😋鮑汁鳳爪 （$32）我的最愛，飲茶必食！特製的鮑汁醬配花生，整到好入味但又唔會太腍。份量都多，推介大家可以一試😌原隻蝦燒賣 （2粒$17）好鍾意可以叫兩粒，就可以留肚食多D其他款式👍🏻豬肉新鮮，食到有原隻蝦，啖啖肉。黑金流沙包 （$26）新鮮滾熱辣，似啱啱蒸起。將包餡打開，超多奶黃流出黎！大家食果時都要小心D唔好辣親嘴🤭醬皇金錢肚 （$28）金錢肚好入味，彈牙有口感，醬汁都好好味，蘿卜吾會苦。點少少辣椒油仲惹味😌金沙脆皮銀蘿腸 （$29）俾個名吸引咗，想試下係咩😬原來係腸粉包住脆卜卜米網&蘿蔔絲，口感非常豐富。外脆內暖，好食！👍🏻籠仔鳳爪排骨飯 （$40）有驚喜 估唔到咁大份！熱辣辣，有荷葉味。排骨蒜香味濃郁，鳳爪都好入味。D汁撈埋飯一齊食🥰正呀食完呢餐飲茶系列總結都好滿意，下次再黎試下晚餐小菜再報告俾大家知😊

再次探店點心到，鐘意尼到性價比高，環境舒適，同友人點三樣野：金銀蛋浸時蔬(菠菜):可以選菜，我們就選左菠菜。菠菜的營養價值高且口感爽脆。金銀蛋是這道菜的點睛之筆，分量十足，它們可為菠菜增添口感和味道的層次。 黃金桂花蝦球:以鮮嫩的蝦球為主，並添加了桂花的香氣和顏色。蝦球經過炸製後，表皮金黃酥脆，肉質鮮美。 黑金流沙包(2件):雖然是傳統的包子點心，由黑色外皮包裹著黃色內餡。內餡是由金黃蛋黃流沙餡料。一咬，流沙餡料溢出。味道濃度剛好不甜。卡通芋蓉包(2件):內餡是由芋頭製成的芋蓉，口感綿密細膩。整體而言，環境舒適，食物美味😋，高性價比之選。

-紅燒乳鴿 $55.0超抵食, $55蚊有一隻燒乳鴿, 皮脆肉質幼嫰, 肉汁超豐富. 香濃惹味-秋葵野菌扒豆腐 (自家製) $82.0呢個菜式好特別, 豆腐分成兩層, 上層用秋葵攪爛至糊狀製作成秋葵豆腐，顏色翠綠, 下層是雞蛋豆腐, 豆腐幼滑, 十分有豆味, 外脆內軟, 配上大量雜菌, 秋葵及特製的醬汁, 鹹鮮兼備, 口感層次分明 -紅燒涼瓜魚雲煲 $96.0魚雲泡油後十分香口, 鮮甜有魚味，而且無腥味,涼瓜其苦味淡、瓜味清新, 配上大量蒜子, 薑蔥, 十分有鑊氣, 惹味-卡通芋蓉包 $10.0/隻芋頭包外形搞笑有趣, 個包熱辣辣, 鬆軟香甜, 濃濃芋蓉香，入口即化, 超正

點心到 (旺角)旺角洗衣街39-55號金雞廣場地下1A, 1B, 1C號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：麻辣雞煲 $88，炸大腸配鳳梨 $88，黑金流沙包 $10點心到鄰近港鐵旺角站E2出口，交通方便！😄😄😄麻辣雞煲：雞煲的辣度和麻感充足，一入口就能感受到舌尖的刺激。雞肉的口感鮮嫩，非常入味，麻辣醬汁能夠充分地融入雞肉和配料中，使得每一啖都能品嚐到醬汁的美味。配料中的香菇、洋蔥及莞茜亦極之惹味，一流！👍👍👍炸大腸配鳳梨：一味菜式便結合了鹹香的炸大腸和甜蜜的鳳梨，營造出獨特的口味。炸大腸非常肥美，每件都有兩層肉的結構，外層酥脆，內層彈牙，甚至可夾起分開品嘗。鳳梨的甜蜜和酸爽為炸大腸帶來了平衡，提升了整道菜的水準！😍😍😍黑金流沙包：流沙包外層呈現出漂亮的黑色，帶有金色的花紋，外觀非常吸引人。流沙餡的鹹蛋黃和奶油非常甜美，口感柔軟滑順，給人一種愉悅的享受！😋😋😋

呢間食過好多次！性價比高👍🏻不過今次係紀錄一下，我終於食唔到炭燒鴨絲包🥹🥹🥹食物炭燒鴨絲包🦆炭燒鴨絲包但次次都食唔到炭燒鴨絲包😭今日去排隊個陣睇定食咩嘅時候，問下姐姐仲有冇，我今日終於食到啦😎😎外層脆脆，入面啲肉又軟又甜甜地！勁夾口感！唔怪之得咁快冇晒🤪榴連雪媚娘榴連雪媚娘都好值得推介！不過唔好同啲唔鐘意榴連嘅人一齊食😂😂😂因為佢個榴連真係齒頰留香，long lasting 😅超幸福嘅感覺☺️☺️籠仔臘味飯你有冇食過臘腸係會爆汁架？😂😂😂我一咬，啲汁彈岀黎飛到去對面…啲臘肉嘅咸香同油份滲晒入去啲飯到…啲飯一定要撈好佢，因為個底勁香荷葉味!😅😅我因為冇撈，所以個底仲再香～～懷舊混醬腸粉我同個仔都勁鐘意呢到嘅腸粉！超多醬不在話下最緊要係佢好滑！又唔痴口蝦餃燒賣呢2個必食就不在話下其他2年前都係5蚊茶位、冇加一，到依家都係！坐到full晒要等位，姨姨問介唔介意搭枱，其實都好好禮貌，你唔搭，就會同你講等下先，陸續有人埋單執好就可以坐…

【旺角•點心到 MIX·大排檔】@dim_sum_hereππππππππππππππππππππππππππππππ旺中茶記式大排檔上菜快 選擇多 夠獲氣冰鎮咕嚕肉: 色澤紅亮，口感爽脆。肉質鮮嫩，搭配冰鎮的方式更是清爽宜人。蒜蓉炒時蔬通菜: 通菜經過簡單的炒製，清淡鮮美。蒜蓉的香氣充分提味，整道菜清淡爽口，對於想要吃清淡菜色的人來說是一個不錯的選擇。沙爹粉絲金菇牛肉煲: 這道菜風味獨特，香料與肉類的結合極為完美，滋味濃郁，令人回味無窮。金菇的質地豐富，口感甜脆，炒製的牛肉則鮮嫩多汁！餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 278✨✨✨✨✨✨✨✨✨✨✨✨✨#旺角美食 #點心到 MIX·大排檔 #web3旺角點心到 MIX·大排檔旺角洗衣街39號金雞廣場地下1A, 1B, 1C號舖

旺角平價點心mix大排檔，必食流沙包&榴槤雪媚娘😋🔻紅燒乳鴿 💰55 🌟乳鴿比平時茶樓食嘅大隻好多，所以55蚊黎講好抵食，外皮香脆，肉質嫩滑，鴿肉唔會有好大陣腥味😋🔻黑金流沙包 💰10 🌟好鍾意個黑金流沙包，一定要趁熱食‼️輕輕一搣，熱辣辣嘅奶皇流曬出黎好吸引，口感順滑綿密，仲食到有小小鹹蛋黃味😍🔻榴槤雪媚娘 💰16/1🌟雪媚娘外皮又薄又煙韌，入面有忌廉同一大啖榴槤果肉，做飯後甜品一流，榴槤控一定唔可以錯過🥰🔻乾炒牛河 💰78 🌟乾炒牛河好有鑊氣，炒得唔油膩，每條河粉都上左色，份量好多，牛肉都好大塊，適合兩個人share黎食👍🏻🔻冰鎮咕嚕肉 💰88 啱啱炒好嘅咕嚕肉沾滿酸甜汁，冰鎮完外皮更加酥脆，豬肉肥瘦適中，都幾特別😋