點心到 MIX·大排檔

營業中

休息中

每次係旺角經過呢間點心到MIX • 大排檔都好吸引，今日終於有機會入去試吓 😆黑金流沙包🥇黑金流沙包上碟嘅時候熱辣辣，一咬入面啲奶黃流晒出嚟，食嘅時候仲辣親條脷呀! 奶黃偏水狀，但係味道唔會好淡!紅燒乳鴿 🔥乳鴿皮燒到脆卜卜，咬入去肉汁鮮嫩。乳鴿本身都幾大隻，所以兩個人食一隻都夠👭🏻啫啫豬潤雞煲 🍲雞煲入面嘅雞肉好滑好多肉，份量亦都好夠。上碟嘅時候熱辣辣，送飯一流呀蜜椒牛柳粒🐮蜜糖味超濃郁，每粒牛柳粒都超大粒，蜜糖配埋牛柳粒上面嘅黑椒，簡直係絕配呀！仲有薯仔，青椒同洋蔥炒埋一齊，勁夾! 呢碟餸超 級 推 薦👍🏻

點心到 Mix.大牌檔在早市，午市和下午茶市供應的點心抵食好食。晚市就提供小菜，款式多，有鑊氣，經濟實惠，不用加一，茶錢每位只是$5。今日和朋友在旺角購物完我們便去吃晚飯。冰鎮咕嚕肉($88)是招牌菜，碟頭大，水準比好多酒樓好。美味酸甜的咕嚕肉放在冰上，皮脆肉嫩，令人胃口大開。鮮菠蘿片酸甜新鮮，青椒，紅椒和黃椒爽甜。天氣轉涼，食白鱔啱時候。豉汁蒸白鱔($138)大大碟超值，鱔大大塊好厚肉，肥美鮮甜有口感，豉汁夠濃郁惹味，送飯一流。蒜蓉炒芥蘭($68)都好食夠鑊氣。芥蘭又嫩又甜，正。店環境光猛，店員服務好又有效率，坐位都舒適。這店值得推介。

【旺角•點心到 MIX·大排檔】————————————————————————呢間大排檔食過幾次，皆因佢啲款式夠多，最緊要夠鑊氣👍🏻👍🏻👍🏻🍯｜川味水煮牛肉｜HKD 108性價比高👍🏻份量好夠兩人食，睇落好辣但食落其實正正常常。水煮牛加咗好多香料同材料，滿滿的花椒、大豆芽、仲有粉絲索汁，牛肉煮得好腍。🍯｜火腩大鱔煲｜HKD 138惹味又香口之選😋滋味濃郁，再配上掛滿汁的豆腐。火腩肥肉唔多，大鱔肥美啖啖肉。🍯｜乾蔥豆豉雞煲｜HKD 88熱辣辣的煲，雞件質素正常，乾蔥豆豉味香，雞件份量有半隻左右，配上豆豉汁是一到好餸飯的菜。

之前於佐敦食過點心到,屬於比較親民價格點心店,新派之餘,質量亦唔錯.當日旺角逛街時見到原來點心到仲有大排檔版本,而且地方更寬敞,食物選擇性更多.怪不得既有老友記,又有年青人,整場爆滿!🔸晶瑩鮮蝦餃($17/2粒)🔸原隻蝦燒賣($17/2粒)🔸沙律明蝦角($29)🔸皮蛋瘦肉粥($29)🔸豉汁蒸鳳爪($24)🔸卡通流心芋蓉包($25)🔸金沙脆皮銀蘿腸($29)🔸楊枝甘露($25)🔸茶芥($10/位)整體水準對比價格有相當水準,即叫即蒸.蝦餃燒賣,新鮮大大粒.可選擇兩粒或四粒,非常適合兩小口子.芋蓉包賣相可愛,甜度適中,搣開更有芋頭粒及流心芋蓉,熱騰騰～而每次必叫脆口點心,蝦角及脆皮腸粉同樣香口不油膩.最後當然要叫埋甜品😗楊枝甘露作圓滿結束

今次超差體驗，不會再光顧！！！！難怪星期六日已再沒有人龍!！！之前已經光顧好幾次，覺得食物和員工態度好才繼續光顧，而且好幾次星期六日都要大排長龍，要等齊人先入。今次去到已感到不妥，為何星期六日沒有人來排隊？？然後我們最後得出了答案！原來就是分配食客進入店內的安排超差！居然給未齊人的食客walkin內進（門口有牌寫着已訂桌的客人優先，但要等齊人才能進入）因為這樣，我們上前跟該店員工爭論，誰知那個應該是店內經理的大叔見我們爭論，還刻意拖延上菜及漏單！！！！！！我們還發現原來之前光顧好幾次的店內員工已全部換了人，難怪星期六晚餐時間再沒有人龍！！！

原來都好耐無去過旺角，諗住去睇下波鞋街有咩新鞋買，買完野就梗係要醫下肚，行行下就去咗金雞呢度，原來有間比較新式既餐廳，下午好似係有點心食，我地夜晚當然係食下小菜啦我地叫咗幾樣野，雜菌豆腐火腩煲，一上枱香噴噴，火腩肥瘦適中，醬汁十分惹味另外龍鬚豉油王炒麵，份量好多，勁抵，仲有超多魷魚，好足料再叫多個菜，蒜蓉炒油麥菜，好有有鑊氣，同屋企炒真係好有分別，舟地貪心仲叫埋甜品楊枝甘露添，好多料下次要下午去食下點心，見到都好出色，性價比都好高

🍴 點心到 MIX·大排檔 (旺角) 🍴✨ 有流沙包食嘅大排檔✨-· 蝦醬炒通菜鮮魷 - - - $89蝦醬啱啱好！唔會太咸👍🏻鮮魷好脆口☺️加埋通菜食好味😋啲通菜都唔老👍🏻· 沙嗲粉絲金菇牛肉煲 - - - $88沙嗲味好濃！啲汁湯好𠎀身☺️送飯超正😂重有粉絲！澱粉係我嘅好朋友☺️澱粉加澱粉係雙重快樂😂😂牛肉係滑牛👍🏻食落冇筋👍🏻· 黑金流沙包 - - - $10@1流沙包真係流心！唔會太甜！推介-Total: 231推介指數：8/10———————————————🔺 點心到 MIX·大排檔 (旺角)🔺 旺角洗衣街39-55號金雞廣場地下1A, 1B, 1C號舖-----------------------

大排檔乾淨企理，而且茶芥只係$5@，好抵食▫️冰鎮咕嚕肉($88)👉🏻 咕嚕肉沾滿甜酸汁好開胃，炸粉唔會厚，冰鎮過之後真係唔同啲！比平時更加酥脆☺️豬肉肥瘦適中，咬落Juicy完全唔會乾！👉🏻配料有鮮菠蘿，非常鮮甜，仲有三色椒！⭐️⭐️⭐️⭐️⭐️.▫️飛天通菜煲($82)👉🏻 通菜用石鍋上，全程Keep 住熱辣辣😄 通菜好夠鑊氣，鹹香味重帶微微香辣，好開胃⭐️⭐️⭐️⭐️.▫️ 紅燒乳鴿($55）👉🏻 乳鴿皮炸到好酥脆，肉質嫩滑，真正外脆內軟😌⭐️⭐️⭐️⭐️⭐️——————評分：9/10.平圴消費：~$225

位於旺角金雞地舖人氣點心舖《 點心到 MIX·大排檔 》，餐廳座位都比較多，而且裝修都算新淨🥢杏汁燉白肺白肺片切得均勻，而且湯裏面非常足料，餐廳嘅杏汁燉白肺湯唔會過份用調味料，份量掌握得好好，杏汁味唔會過重，保持咗所有材料原汁原味🥢晶瑩鮮蝦餃佢地係用高質素嘅手工麵粉，保持咗餃子皮嘅薄滑程度，至於鮮蝦內餡，鮮味十足，每一隻蝦餃都包含大舊鮮蝦，質感鮮嫩🥢鮮蝦腐皮卷佢地嘅鮮蝦選料新鮮，每一隻都肥美嫩滑，炸至金黃酥脆，佢地嘅調味料亦都恰到好處，唔會過於咸或過於油膩🥢燒汁釀茄子一入口即爆出茄子哪甜味，而上面哪魚肉餡更係鮮嫩可口，不得不大讚個魚肉，味道調教得好好，而且釀魚肉size好大嚿，口感更係煙韌😋唔係又淋又散個種🥢豉汁蒸鳳爪鳳爪哪豉汁醬汁製作得好好，香濃而不膩，甜味唔會蓋過豉汁哪味道，而且鳳爪口感蒸得Q彈🥢金沙脆皮銀蘿腸金沙脆皮銀蘿腸口感多層次，幼滑腸粉包住金沙脆皮內脆外嫩，而金沙脆皮包住白蘿蔔粗絲，蘿蔔鮮甜多汁，呢款絕對係手工點心

#搞串個pantry今次我哋去咗食一間我哋覺得唔錯👅嘅小菜。我地揀咗 #旺角 嘅分店，既有點心♨️，仲有埋大排檔小菜🔥。雖然話係大排檔，但係舖頭嘅裝修新式⭐️，坐得舒服。侍應姐姐亦都好親切😉。而茶位🫖每人$5，白飯🍚$12碗。🍳菜脯肉碎煎蛋($68)煎蛋整得好出色，係鬆軟嘅感覺💨，不過蛋味好出、好香😋。而且菜脯分佈得好平均😆，每一啖都食到，口感好好，味道又啱送飯🥚。🐷XO醬爆豬頸肉($82)豬頸肉大細啱啱好🐽，呢一個厚度可以食到好爽口嘅感覺🫦，又唔會太過韌。而且用XO醬炒完之後好香😍，真係好惹味。🧁榴槤雪媚娘($16/個)一定要試呢間舖頭嘅名物🌟！外皮好有彈性又好薄😝，裏面就係好飽滿又濃郁嘅忌廉🍦，仲有榴槤果肉，真係好香濃、好邪惡🥳。🥭楊枝甘露($25)芒果味幾香🤤，而且配埋芒果粒🥭夠腍又冇筋嘅口感，同埋足料嘅碌柚粒粒🍊，真係一個唔錯嘅飯後甜品💕。

昨天早上起了床，想起来香港还没喝过早茶，看了大众点评，他们家评论挺不错的，就选了他们家。环境不错，店面算大的了，人很多，生意不错。味道不错，黑金流沙包是奶黄馅的，千万别用筷子戳，要不然会流心。

隔左好耐冇黎食，今日係旺電買完野，咁岩係附近，就黎過左黎食！ 之前食過佢既冰鎮咕嚕肉後覺得好好食同好脆口，所以今次又再叫多一次！味道依然係好好～ 份量唔少，而且外層都係好脆口🥰 仲有依舊每次黎食都會必叫既係 榴連雪媚娘， 鐘意食榴連既我覺得好正～ 啖啖都充滿榴連味，仲有椰絲cream, 外皮好煙韌😋 今次仲叫左芋泥卡通包，外表好得意😍入面既芋泥都好香好幼滑，值得一試！ 呢度平日都坐滿人，要等位～ 足見食物質素唔差～ 🥰 下次都會想再過黎食

點心到 MIX·大排檔 之前在佐敦食過點心到，屬於比較價錢親民的點心店，質量也不錯。今天在旺角逛街時見到原來點心到還有大排檔版本，每個小菜大概都是一百元內，便決定入去試一試。🔥沙嗲粉絲金菇牛肉煲 $88⭐️7.5/10⭐️滿滿的牛肉，加上紅椒青椒和菠蘿粒，份量十足，足足有超過十塊牛肉！沙嗲粉絲牛肉煲，絕對是送飯必選。由於小編是重口味，略嫌沙嗲味不夠香濃！🔥啫啫時蔬煲 $78⭐️8/10⭐️小編晚上食中菜一定要吃一碟菜，所以選擇了啫啫通菜煲，最惹味便是這個通菜煲！鹹香肉碎配搭新鮮通菜，推介！🔥冰鎮咕嚕肉 $88⭐️7.5/10⭐️冰鎮上的咕嚕肉外凍內熱，外層少脆，味道不錯！🔥白飯 $12🔥茶芥 $10/位⭐️總結：在旺角旺區來說，這間大排檔價錢相當親民，而且地方乾淨，衛生會比大排檔好！又可以嘆住冷氣。食物不錯！

今日夜晚嚟到呢間又有點心又有小菜嘅店，佢哋午市就主打點心，晚市就可以叫小菜，平日夜晚都好受歡迎，入面幾乎滿座，不過佢嘅舖位都幾大，所以唔會坐到好迫🤩冰鎮咕嚕肉🐷$88呢個咕嚕肉真係好有創意，將啲咕嚕肉放喺冰上面，令到佢食落會有啲冰火交融嘅感覺🤣咕嚕肉炸粉唔會太厚，肉質亦都幾腍，酸酸甜甜，幾啱送飯🤤黃金桂花蝦球🦐$108每隻蝦都好大隻，食落啖啖肉，而且外層炸粉加咗鹹蛋黃，夠晒邪惡🫣黑金流沙包 $10@1佢哋招牌嘅黑金流沙包面頭係金色，一咬開就有鹹蛋黃奶黃流沙餡流晒出嚟，味道濃郁🥯

紅燒乳鴿呢款紅燒乳鴿都幾出色，燒到外層脆卜卜，熱辣辣咬開仲保持到佢本來的肉汁，配埋淮鹽、醋食，更加yummy wo！大肚婆炒飯呢款炒飯個名幾得意，主要由薑、蛋、海鮮炒埋一齊，原來因為薑對大肚婆有益，所以叫呢個名，炒飯粒粒分明，雖然有放薑粒，但整體都唔會好辣～黑金流沙包一met 開，入面既料即刻爆哂出嚟，仲要熱辣辣，出哂煙！卡通芋蓉包估唔到呢款芋蓉包都帶少少流心，芋蓉甜度剛剛好，同樣地皮簿，料多，好滿足！