黑門水產すいさん (棉登徑)

朋友話想食日本嘢，見OpenRice 有得book 位尖沙咀地點方便book 左8點，8:03分去到見到店外有好多人等緊位，聽到職員同無book 嘅客人講要等over 45分鐘左右😅我哋雖然係book左，但都都要8:30先有位🤣所以…食物方面好新鮮，質素亦都係好好，需要燒嘅食物拎去加熱之前會喺枱面度俾你影相📸️甲羅燒加熱左之後非常好食呀😋帆立貝熟咗之後正生蠔壽司盛盒天婦羅好食😋上菜嘅速度有待改善，第二次落單加左三文魚加州反卷，追左2次都冇嚟到，到最後等到9:45我哋起身去埋單，職員話已經整左，叫我食埋左，一係打包拎走🙃佢哋話如果我唔拎走嘢食已經做好廚師會俾人扣錢，當然我我就同職員理論左一番，到最後佢哋都有取消到但係我第二次追嘅時候已經講明埋單同埋三文治魚反卷要取消，個過程係等左超過10分鐘我先起身走人嘅。

極上黑門活貝盛合$388 （圖一至三）有啲貴，但超級新鮮😍鮮甜 🤤特別係牛油帆立貝 （大粒+鮮味）鮑魚（食過最好味最鮮味嘅鮑魚）必叫❗️海膽蟹味增甲羅燒$78 （圖四、五嘅蟹殼）燒完撈埋食好正 好多蟹膏黑門角切魚生沙律$78刺身粒同生菜都新鮮 配炸蓮藕片 開胃又特別蔥吞拿魚腩卷$88新鮮但細細件海膽炒飯$150飯唔夠乾身，面頭有少量海膽，飯沾滿蟹籽同埋海膽味雜錦天婦羅$158全部都好細件而且份量少，一啲都唔抵食⏯炭燒北海道阿波尾雞翼$78其實即係鹽燒雞翼，唔會過鹹或者過乾燒章魚小丸子（6粒）$58熱辣辣，味道正常，可以多啲醬辣味魷魚🦑配洋蔥+乾蒜幾好食&惹味黑門大板燒$88唔夠熱，冇乜餡，可以唔洗叫⏮總括熱食真系一般般，可以叫返水產+鍋物🤣

好友生日，鍾意食日本野既佢揀左位於尖沙咀既黑門水產！提供各式黑門市場地道特色小食、海鮮、刺身、壽司、時令食材等，全部食材均採自日本，新鮮空運到港，確保食物質素有保證！餐廳裝備佈置充滿居酒屋特色，成個用餐環境都好有氣氛呢~刺身6盛有三文魚、深海池魚、赤身、帶子、秋刀魚、海膽，片片厚切，賣相相當吸引～特別推薦鮮嫩爽口帶子，味道好甘甜。黑門鰻魚玉子燒即叫即製玉子燒熱辣辣，入口香嫩濕潤，綿密又鬆軟，夾著燒饅魚，味道香濃又惹味！黑門令大漁魚子醬脆脆包法包烘至微脆，好有咬口，面頭有鹹香鮮味魚子醬，中間有幼細香滑吞拿魚魚蓉、鮮甜海膽、彈牙蟹肉、三文魚子同蟹子，成個組合味道層次相當豐富！牛油燒帆立貝加入清酒燒帆立貝，咬落鮮爽柔軟有嚼勁。黑門令龍蝦湯煮海鮮龍蝦湯底令海鮮更鮮甜，有桶蠔、螺肉、芋絲、金菇菜、冬菇，配搭出奇地夾，允其推介爽滑螺肉。黑門令蟹味噌甲羅燒招牌菜式之一既甲羅燒必試！蟹膏香濃鮮甜勁Creamy，拌勻蟹籽、蟹肉同鵪鶉蛋，配梳打餅同食，絕佳享受！赤子草莓 半透明粉紅色好岩打卡，入口香甜帶草莓果香。海底之心半透明藍色調，感覺好清新，入口係清甜香桃味。

放工就沖左去食好西，又book到一間水產日本野。😜😜😜1)日本生蠔，生蠔都好新鮮尤其是佢嗰個柚子啫喱仲攞隻生蠔到就好正2)清酒煮白烚，好鮮甜同埋脹卜卜，超新鮮。3)螢光魷魚，一個好食嘅小食。4)甲羅燒，爆多蟹膏大滿足😚😚😚4)海膽井，呢一個有啲失色因為真係海膽唔係太新鮮🤦🏻‍♂️🤦🏻‍♂️🤦🏻‍♂️5) Deluxe壽司拼盤，因為佢哋留咗單所以我覺得真係好一般，唔值呢個價錢🤷🏻‍♂️🤷🏻‍♂️🤷🏻‍♂️6)吞拿魚溶卷物，都算好食嘅，不過不失😫😫😫7) 上善如水，簡直係同啲嘢食係絕配🍶🍶唔飲sake點配食日本嘢🤤環境係居酒屋，超多人生日，所以係咁play Happy birthday🤦🏻‍♂️🤦🏻‍♂️自己就覺得平嘢好食啲，叫佢價錢貴少少嗰啲就麻麻哋😁😁，CP值都OK嘅。

服務態度好差 佢都唔係平價餐廳 叫左四樣野都6百幾 我唔係叫咩海鮮 刺身 只係燒飯團 一個中價壽司set 仲有兩個炸品小食 但服務態度仲差過元氣 我問左個女仔一句 個滅火筒可唔可以拉開啲 個滅火筒係擺係張櫈後面 張櫈拉都拉唔到半張出黎 佢好悔氣咁答我 “等陣吖” 然後就另轉身走左去 我唯有自己坐過隔離 如果係好忙都算啦 個時仲係6點幾差唔多7點 都係得一張枱有客！啲燒物求其砌幾張枱係bar枱隔離擺三個gas爐係上面是但搵個waiter係到燒就算刺身唔夠新鮮 熟食味道偏咸啲位迫到想行入去中間啲位 迫到要側身先入到 唔知以為去左茶餐廳真係無下次

講到尖沙咀食日本野，最出名當然係棉登徑，個頭餐廳都夠晒正宗同多選擇，呢間黑門水產平時都好旺場，要預早book定先有位。為咗同男朋友一嚐去日本感覺，專登嚟呢度食晚餐。入面裝修真係同係日本既一樣，好有心思！如果我哋點水產，佢會有專人現場幫我哋燒，所以夠哂新鮮同方便！超級推介係佢既爆多蟹膏既甲羅燒，食過咁多間日本嘢，呢間最性價比最高！甲羅燒有蟹肉、蟹籽、蟹糕、鵪鶉蛋一齊燒，燒好後再配上梳打餅，多重鮮味，口感超豐富，令人回味無窮！佢個龍蝦湯煮海鮮都十分推介，有大生蠔、海蝦、螺等，煮完記得飲埋個湯，粉絲索晒啲龍蝦湯，超入味。再點了個秋刀魚刺身，呢樣係第一次食，平時燒秋刀魚就食得多，原來刺身食會更帶來魚既鮮味，配上wasabi 同汁，一啲都唔會腥，不妨一試！仲要左葱腩卷同沙律，成餐飯都超過滿足，真係好值得一試。

一入餐廳就見到牆上有每日新鮮食材嘅推介，天花板則掛滿唔同貝類海鮮嘅貝殼，配搭彩旗同紙燈，好有日本漁市場嘅感覺。黑門令蟹味噌甲羅燒蟹蓋入面盛滿蟹膏，店員係磯燒爐上即叫即燒，離遠都聞到，香味撲鼻。一放入口香濃嘅蟹味即刻充斥成個口腔，久久不散。仲附有薄脆嘅餅乾，加埋一齊食口感更有層次。黑門令龍蝦湯煮海鮮一碗湯入面已經包含多款海鮮嘅精華，除咗本身熬製湯底嘅龍蝦之外，有蠔、風螺、蝦等等，又香又濃郁，鮮味爆棚！刺身6盛CP值高嘅刺身6盛，除三文魚、吞拿魚、油甘魚依啲常見之外，仲有海膽同帆立貝等較高級嘅刺身！每款刺身都係厚切，而且好新鮮，非常滿足！蒽吞拿魚腩卷粉紅色嘅吞拿魚腩蓉幼細香滑，口感軟綿，油脂香重。做成卷物後食落冇咁油，再加上有脆脆嘅魚乾，非常合襯。燒帆立貝(蟹油蒜、牛油)食磯燒又點少得帆立貝！今次揀咗蟹油蒜同牛油2隻味，各有特色，帆立貝本身已經大粒又厚身，肉質結實。蟹油蒜較濃，又香又惹味。牛油則較能食到帆立貝本身嘅鮮甜。黑門鰻魚玉子燒玉子燒本身香滑厚身，不一樣嘅地方除咗入面包住鰻魚之外，表面亦塗滿鰻魚汁，鰻魚嘅油香同甜甜嘅玉子，簡直絕配！

餐廳有好多種類嘅食物，有浜燒，貝燒，刺身，手握壽司，漬物，鍋物，丼飯。整體嚟講，我會推薦大家食佢嘅熟食。食浜燒同貝燒嫁話，侍應會喺你面前燒比你食。望住啲食物由生變熟都係一種樂趣😋黑門令龍蝦湯煮海鮮龍蝦湯味道濃郁，燒至收汁，海鮮包括蝦/魷魚/螺/蠔肉/金菇/芋絲吸收晒龍蝦湯，高質👍🏻蟹味噌燒帆立貝帆立貝好大粒，侍應貼心幫我哋剪開做一口大細，蟹味噌惹味得嚟都唔會掩蓋帆立貝本身嘅鮮甜味。赤鬼蟹味噌甲羅燒海量嘅蟹膏加埋鵪鶉蛋一齊煮口感更加好， 同脆口嘅餅乾好夾。 梳打餅無限任添，我忍唔住一口接一口食左3塊。磯燒海賊將原條海賊配上照燒汁，煮熟後再煎成一圈圈。照燒汁非常惹味，海賊新鮮，質感唔會霉。下次會想試埋佢嘅鍋物。

朋友推薦嘅黑門水產🦐不但用料新鮮，口感和味道都值得一讚👍🏻一分錢一分貨不過閒日都好多人排隊，可以早少少到達😂我大約8點到，大約等咗10分鐘先入座赤鬼蟹味噌甲羅燒🦀原先的樣子較吸引🤣用餅乾配搭，入口蟹鮮味十足，十分惹味😋加入蟹膏、魚籽和蟹籽等牛油🧈燒帆立貝燒前已清洗乾淨，較大粒燒後會細心地幫你切小件，入口方便食到淡淡牛油和清酒味道🍶黑門角切海鮮沙律🥗海鮮都幾多👍🏻😝$78幾抵食，同時加入不同口感的蔬菜脆片🥬黑門令龍蝦湯煮海鮮🦞呢間的攞盤好靚，用心對待每一項食材龍蝦味道香濃，加了田螺、魷魚、蝦🦐等配料蔥吞拿魚腩卷6小件👍🏻必食剌身😋每一片都好新鮮😍最推薦吞拿魚☺️左 柚子檸檬梳打🍋右 赤子草莓🍓 (即🍇🍓)

😋[]棉登徑一向都好多高質餐廳，今次就再介紹一間高質居酒屋比大家，平日8點幾去到都仲有人等緊位，我呢d做足功課就當然book定格啦🤓🤓我真係好鍾意佢個環境格局，連果種嘈吵聲音都好似喺日本既居酒屋，當然唔少得裝飾都加左唔少分啦💃🏼🎈黑門令蟹味噌甲羅燒 $72呢樣係其中一樣餐廳既招牌菜，差唔多枱枱都有叫，我見到後面姐姐燒到冇停手😂餐廳好好，燒之前唔會嫌麻煩拎上枱比客人望望/影下相，之後先再拎去旁邊比專人燒👍🏻呢個甲羅燒真係好香好好味😋🎈牛油燒帆立貝 $72🎈蟹油蒜燒帆立貝 $78🎈黑門令龍蝦湯煮海鮮 $88呢3款燒物一樣好高質，店員仲會好貼心剪開粒帆立貝，方便我地share食🥰另外個龍蝦湯煮海鮮我都唔知邊樣係主角，龍蝦湯好香濃，但係海鮮又好新鮮好味😋我連最後一滴湯都飲埋🙈🎈刺身盛6點 $298今次我地個時令海鮮係海膽，海膽就真係好出色，非常鮮甜之餘仲好有海膽味，如果唔係驚食唔晒，真係好想再叫多板海膽😜除咗海膽之外，其他刺身都厚切，質素都頗高😋所以呢個刺身拼盤其實真係抵食之選👍🏻🎈黑門鰻魚玉子燒 $88鰻魚玉子燒唔係到到都有，估唔到加埋鰻魚既燒汁又幾特別😋😋🎈麻醬沙丁魚乾蕃茄豆腐沙律 $78

暫時無得去日本旅行，真係好掛住日本嘅美食！今日老公帶咗我嚟位於棉登徑嘅「黑門水產」，餐廳裝潢模仿日本浜燒店，充滿日本地道風情，牆上貼滿大阪旅遊相片，真係好有氣氛，就當去咗一轉大阪啦！黑門角切海鮮沙律沙律非常足料！有好多角切刺身，有吞拿魚、三文魚、帆立貝…角切刺身大大粒，好有口感，加上蟹籽丶車厘茄丶沙律菜同炸藕片，爽脆爽脆的，食起嚟口感更為豐富！個sauce酸酸甜甜，好味又開胃。黑門鰻魚玉子燒呢道鰻魚玉子燒，賣相精緻，鰻魚嘅味道同玉子嘅甜度相當匹配。食起來相當厚實，口感豐富。刺身六盛有三文魚、油甘魚、赤身、真鯛、帆立貝同海膽，刺身件件好有厚度，味道甘甜，質地細膩，啖啖享受，唔錯！海膽蟹味噌甲羅燒嚟到浜燒店，點可以唔點一份甲羅燒呢！呢個甲羅燒賣相相當吸引！店員會先放上枱俾客人打卡影相，之後攞去燒煮，再上枱嘅時候已經嚟個大變身，蟹膏香味撲鼻，質感好濃滑，塗落塊梳打餅一齊食，味道好正！真係必食之選！極上大漁貝燒海膽、生蠔、帆立貝，加埋清酒同牛油嚟煮，食落非常之有鮮味。黑門令龍蝦湯煮海鮮鍋仔細細卻內有乾坤，有蝦、魷魚鬚、海螺同蠔，連埋芋絲同金菇以龍蝦湯煮成，芋絲同金菇吸收晒海鮮嘅精華，好好食！濃

突然好想食日本料理，朋友就介紹我去位於尖沙咀「黑門水產」，這裏無論環境及食物質素都不錯👍入到店內裝修已經好有日本風格，店員服務亦好好還介紹這裏的招牌食物！黑門令蟹味噌甲羅燒這個細細地的蟹蓋已經裝着很多配料，有蟹膏，蟹肉，蔥粒，鵪鶉蛋和蟹子，店員將蟹蓋裏面的配料放落火爐撈勻，燒到香濃的蟹膏味道傳出來香噴噴，在茶想餅乾上邊一齊食非常美味，如果想味道再濃烈可以再加入炸蒜，更惹味😋蔥吞拿魚腩卷魚腩有好香魚油味，加入蔥粒一齊食更提升魚的味道！黑門令龍蝦湯煮海鮮🦞湯底已經用咗龍蝦湯好鮮甜，再加入生蠔，魷魚，金菇和冬菇，材料新鮮，每一啖都飲到海鮮的味道！刺身6盛刺身樣樣色澤新鮮，三文魚厚切，紋理分佈平均，帶子晶凝通透，清甜爽口，海膽色澤金黃而且入口即溶， 十分滿足！極上大漁貝燒這個元貝好新鮮，火候控制得好好👍加入蠔肉鮮蝦一齊燒，甜到連海鮮精華都飲埋，超滿足！柚子檸檬梳打&海底之心飲埋呢兩杯特製飲品酸酸甜甜感覺好清新🥰

呢度裝修設計超日本居酒屋🏮播埋超熱血嘅日文歌，瞬間好似去咗日本咁！🥰好開心同新朋友仔食咗超豐富嘅一餐！店員服務好nice！每道菜都介紹特色同食法，仲會幫手網燒添！🥖黑門令大漁魚子醬脆脆包 $78表面放上海膽同黑魚籽，脆脆包類似烘過嘅多士，首先食到海膽鮮甜味，然後喺一齊食好夾！🦀黑門令蟹味甲羅燒 $72超Creamy食落入口即融，蟹膏味超香濃鮮甜☺️ 🦀甲羅燒主要為蟹膏、蟹籽、蟹肉同鵪鶉蛋，店員放低比我哋影相後，然後放上個爐度燒，一路燒一路攪拌，燒好放返隻碟上面，店員叫我哋放混合好嘅蟹膏放喺梳打餅上面食，仲附有一小碟炸蒜吊味～🦪蟹油蒜燒帆立貝 $78店員幫忙燒時候淋上大量蟹油，剪開大大粒帆立貝，方便我哋食用～🍣赤鬼海老天反卷 $158 辛口表面有大量魚籽！食落去中間帶點點輕量辣，包住炸蝦亦唔錯🦐花酒漬甘蝦刺身6切 $88師傅將蝦浸喺花雕酒，所以蝦肉帶有濃厚花雕酒味，蝦肉亦夠爽甜！🧊平目魚薄切刺身 $168超薄切平目魚，白裡透紅，附上帶有少少甜甜哋點點辣嘅醬汁，味道超開胃！🥘黑門令龍蝦湯煮海鮮 $88細細豌但材料超豐富！有大蝦、蠔、魷魚、螺、芋絲、金菇店員將碗放上網度烤，烤到咁上下放底，海鮮

餐廳外圍已經好吸引，猶如置身日本，未食已興奮六點入座，坐低後睇餐牌，好多都係必食之選，好多嘢都想食蔥吞拿魚腩卷$88粒粒吞拿魚、蒽花鋪上珍珠米面，飯亦好軟糯，非常新鮮，好味海膽蟹味噌甲羅燒$78侍應好貼心叫我地打咭先，影左後，侍應會攞去煮熟好鮮味的海膽、蟹肉、蟹子、蔥花、鵪鶉蛋撈埋一齊，查喺餅干度仲正極上大漁貝燒$88磯燒岩手蠔一本$156侍應比我地影相後，就攞去璣燒，黎到我地都哇哇聲，嗰隻蠔大到呢⋯⋯璣燒後好鮮甜真係唔夠喉漁貝燒一樣好鮮甜刺身6盛$298每款剌身都好新鮮，厚切黑門令龍蝦湯煮海鮮$88都係嗰句，湯真係夠鮮甜，無得傾⋯⋯有蝦、螺、蠔、芋絲，夠曬飽肚又好味另外叫左兩杯：巨峰乳酸$58 海底之心$68兩杯都好清新，尤其海底之心，有少少酒精，好好飲今晚我好滿足可以試“必食推介”，好有驚喜，好滿足，下次一定會試其他食物

今日約左個好耐無見嘅朋友食飯，佢book左黑門水產，話之前食過好好味，帶我去試吓。好彩我地有book位，即使今日係平日夜晚，餐廳基本上已經坐滿人。餐牌上面有好多選擇，我地叫左好多野share食，好滿足。黑門令蟹味噌甲羅燒，配上梳打餅，蟹膏一啲都唔少，而且味道濃郁。醬油蒜燒帆立貝，鮮味十足，蒜同海鮮絕對係一個好好嘅matching。赤鬼海老天反卷，蝦十分爽口彈牙，配上醬汁辣辣地，口感幾特別。黑門令龍蝦湯煮海鮮，唔好睇佢細細碟，原來都幾足料，有蝦、魷魚、田螺等等。黑門令大漁魚子醬脆脆包，呢件包羅萬有，食落好滿足。三文魚刺身&深海池魚薄切刺身，睇顏色就知道刺身好新鮮，正。黑酢醫蟹肉蟹籽薯仔沙律，每啖食落都有蟹肉同蟹籽，沙律菜亦都好fresh。朋友飲Suntory原味，我飲特飲「愛琴海」。成餐所有野食都好滿意，CP值高，絕對係同朋友仔去食餐好嘅好地方，下次可以再黎試下其他野。