黑門水產すいさん (棉登徑)

講到尖沙咀食日本野，最出名當然係棉登徑，個頭餐廳都夠晒正宗同多選擇，呢間黑門水產平時都好旺場，要預早book定先有位。為咗同男朋友一嚐去日本感覺，專登嚟呢度食晚餐。入面裝修真係同係日本既一樣，好有心思！如果我哋點水產，佢會有專人現場幫我哋燒，所以夠哂新鮮同方便！超級推介係佢既爆多蟹膏既甲羅燒，食過咁多間日本嘢，呢間最性價比最高！甲羅燒有蟹肉、蟹籽、蟹糕、鵪鶉蛋一齊燒，燒好後再配上梳打餅，多重鮮味，口感超豐富，令人回味無窮！佢個龍蝦湯煮海鮮都十分推介，有大生蠔、海蝦、螺等，煮完記得飲埋個湯，粉絲索晒啲龍蝦湯，超入味。再點了個秋刀魚刺身，呢樣係第一次食，平時燒秋刀魚就食得多，原來刺身食會更帶來魚既鮮味，配上wasabi 同汁，一啲都唔會腥，不妨一試！仲要左葱腩卷同沙律，成餐飯都超過滿足，真係好值得一試。