黑門水產すいさん (棉登徑)

黑門呢間店聞名已久,聽講出名食水產,但我唔太食刺食,點左其他野食,都有好多選擇。首先叫左杯赤子草莓梳打,甜酸度適中。頭盤係蟹味曾甲羅燒。未燒之前係有蟹子,蟹膏,蛋,蔥,呢D料MIX完後就拎左去燒,味道好豐富。唔知其他人食唔食得出加左D既調味呢?用梳打餅點來食,真心好吃!梳打餅唔夠再免費加的。魚子醬脆脆包都好特別,有吞拿魚蓉,蟹子,魚子醬,魚子,視覺同味覺都令人震撼。黑門令龍蝦湯煮海鮮都好特別,有蠔、蝦,八爪魚,吸取左龍蝦湯既精華,好好味呀!而極上大漁貝燒就有大大粒既帶子,同埋其他配料燒成,有燒過既焦香,但內裡仍然晶瑩剔透。最後就係黑門鰻魚玉子燒,玉子甜甜地,內外都有鰻魚,面頭仲有紫菜碎,正呀!

好耐無見嘅朋友話想食日本嘢。。。搵啦睇吓見到介紹呢間嘅甲羅燒好正，咪經openrice訂枱。未夠7點已到，可以入座，一入去已經好爆場，店員已講用餐時間個半鍾，所以好快咁就落單！由於餐廳環境太迫，而且坐位咁啱響冷氣底，好大風，由於環境已經唔好，加上食物唔算出色，所以唔會再去喇

星期六夜晚係尖沙咀搵食，諗住好難搵位。見呢間門口嘅人都book晒位，本來都打定輸數，點知好好彩有位！入到去裝修真係好日本，彷彿去咗轉黑門市場一睇餐牌，就決定要叫我最鍾意食嘅蟹膏甲鑼燒，我係叫咗有海膽嗰款，因為好少見出面餐廳有呢個配搭。呢度啲侍應好識做，系Siu之前擺低俾我哋影張相，然後再攞去燒。暫時係我喺香港食過最好食嘅甲羅燒超級香，配埋塊梳打餅，一流。另外我哋再叫咗刺身飯同埋卷物，刺身都幾新鮮，不過拍份量偏小。整體來講唔錯

今次試咗呢間日式餐廳 見佢喺OpenRice超多like 去到又超多人 對佢充滿期望😂😂不過唔知係咪我對佢太大期望 我覺得嘢食幾好食嘅 不過就有d overpriced 🥺 加上環境非常迫同嘈 唔算好舒服 所以我哋食完都急急腳走 lol 整體其實ok嘅 性價比就唔算高😉Gave this jap resto a try cuz I saw a number of positive reviews on open rice! It was apparently quite a popular resto cuz it was fully booked lol had quite a high expectations hahaBut it somehow turned me down … The food was quite good, but overpriced. The tables were tightly packed, and it was quite noisy - definitely not a good one for talking, so I left right

以前走日本都會同朋友去下居酒屋, 感受下日本既地道飲食文化。 雖然冇話有特別喜好, 但好一段時間冇得去又有d掛住。朋友介紹話係尖沙咀有間居酒屋幾得, 就放工過黎試下。雖則係平日, 但坐落都好多人, 轉眼就爆場, 果然好受歡迎。點菜最快黎係刺身, 點左: 三文魚同帆立貝。 都好新鮮, 夠鮮味。要特別燒制既: 黑門令龍蝦湯煮海鮮, 黑門令和赤鬼蟹味噌甲羅燒。 佢地賣相都好特別, 最重要係佢地都好香。 一放底已聞到勁海鮮。 雖然偏咸左d, 所以如果叫埋酒飲會更好。赤鬼海老天反卷, 好大隻炸蝦, 仲有滿滿既蟹籽同魚籽，好美味。黑門角切海鮮沙律。 雖然話角切, 竟然跟成隻大甜蝦。 又係好鮮味。仲有試lee個好多人點既大漁魚籽醬脆脆包。 佢既配搭好鮮味，一d都唔腥，配法包真係幾特別。 不過食時要小心, 真係要用手, 因為用筷子真係會好易反轉😄最後都係忍唔住叫左2杯冰凍既特飲: 奇異果梳打, 赤子草莓梳打。 好完滿既一晚, 這間居酒屋真係好唔錯。

⛩黑門水產すいさん 海膽蟹味噌甲羅燒🦀$78賣相好吸引！店員先放甲羅燒係枱比我地打卡之後幫我地烤調😝將殼入面材料混為一體，好重蟹膏味，質感好濃滑，塗落塊餅乾一齊食，味道好夾！壽司盛合🍣$288諗唔到食咩壽司就叫左呢個，刺身都幾新鮮♥️燒章魚丸🐙$58口感香脆，但入面d料唔夠多。環境裝飾好有日本感覺，但座位有d逼。

棉登徑附近一向有很多人氣餐廳集於一身🍴每次令我都會眼花撩亂!但是經過黑門水產門口看見了很多人排隊,於是同朋友決定在這裏食晚餐🙆‍♀️環境設計很有日本特色,令我很想念日本旅遊🤩黑門令蟹味噌甲羅燒⭐️店員每次上菜後先俾你拍照,然後就會攞去燒👍味道十分驚艷😋蟹膏燒得岩好,味道鮮美鹹香十足加埋梳打餅一齊食口感豐富而且不會膩推介!三文魚刺身4切⭐️肉質鮮嫩可口美味,口感爽滑肥而不膩😋赤鬼海老天反卷⭐️醬汁味道是芝士辣汁很過癮,而且裏面是新鮮炸蝦🍤加埋三文魚籽和蟹籽味道鮮上加鮮,味道絕配我很喜歡😋極上黑門活貝盛合⭐️我最期待的海鮮套餐🥰有生蠔,鮑魚,扇貝,花甲!覺得非常貼心店員會幫你燒👍五怕自己燒得不好🤣很喜歡這個服務!令我最驚喜是鮑魚和生蠔!味道很鮮甜,有淡淡海水味不用其他調味已經好好食😋真心推介！深海池魚簿切刺身⭐️第一次食味道不錯,口感爽口新鮮加埋自製醬汁感覺很清新!赤子草莓⭐️草莓味道濃郁酸酸甜甜消暑解渴!愛琴海⭐️味道是桃味感覺很熟悉,但我更喜歡赤子草莓🍓

想係呢間食生日飯 真係要好好睇落去話說朋友同我食生日飯事前想俾個Surprise我，所以老早放低個蛋糕，但一入到去已經俾Waiter啤到實問佢黎做咩，以為佢咁早黎食野阻住佢地set場😂都明既，阻住你做野，但其實放低個蛋糕都唔洗咁惡既😂去到現場，我地叫到成枱野食唔逐一寫晒啦，寫d令我有印象既野啦👉🏻 蟹味蹭甲羅燒我地叫左3隻味，明太子，海膽，黑門令其實枱上有個爐，但原來個爐係裝飾😂, 佢拎左3個個甲羅燒黎話俾我地影左相先，轉頭就收走返去佢地個Bar頭到燒😂, 望住個爐表示黑人問號😂😂👉🏻 炭燒雞泡魚干係好食既，放耐左都唔會變硬，但portion真係好細，一人2-3條都KO晒😂👉🏻魚肝係好香魚肝同魚油味，但一碟得2舊仔同menu圖有4舊有d 出入，係咪我地對佢個standard有d咩誤會😂我地開左支 燒酌Waitress拎盤冰埋黎，但附加既"古惑冰夾"係夾唔到冰既😂, 我地最後要用匙羹「筆」落去杯到😂而因為生日關係，朋友想俾驚喜我 (老實講，我事前只係諗住食餐飯，完全冇諗過有蛋糕)而一位"長期處於惱怒忟憎狀態"嘅侍應 (幾次行過起菜都會突然爆下粗，發下脾氣咁樣🤣)佢3翻4次走埋嚟問我哋「甜

環境：勁迫，勁窄，冷氣係零，食日本野食到流汗都好少見；餐廳仲要在客人旁邊燒烤，令室內溫度更高；個樓面又係廚師；一邊serve 客、一邊燒烤，一點都不專業。食物：算好食，但刺生搞左45分鐘先到，又限食90分鐘。定價以這樣既環境算貴。最後因為太熱，我都個鐘內走左，冇下次。

黑門水產聽過唔少次，每次見到人打卡都覺得幾正咁，於是今日與友人咁岩經過，就入去一試。下午時段直入唔洗等，見環境都唔錯，用左唔同具殼去裝飾都幾有心機，幾有日本feel呀未食已經。而家用電話落單都好方便，所以一坐低就叫野食。不過..等左約15-20分鐘先上菜。有一刻以為無落到單所以咁耐，但原來係成功落單。黑門魚生角切沙津分量適中，有三文魚腩、甜蝦、油甘腩、蟹籽、芝麻，呢個用左酸酸甜甜既開胃醬汁調配，加上沙津都用腩位，算係誠意之作。另外，我地仲叫左一個7件壽司嘅lunch set，有中華沙律、青瓜沙律、魚籽茶碗蒸、湯、一個細烏冬。如果只睇價錢$118有一個set算係ok，但味道個人來說就還好。魚籽茶碗蒸賣相不錯，蛋都好滑，但除了面頭入面就無其他材料，所以食落只有一層兩種魚籽帶來嘅口感。壽司當中可以讚嘅有甜蝦，有特別用過酒所以有D驚喜，油甘也可以，壽司的飯都比較細舊。最好的是員工服務，食物遲左到來亦有即時跟進我地既單。

朋友準備移民英國，佢哋都喜歡食日本嘢，而且未試過一齊試居酒屋，見到這店評語唔錯，揀咗尖沙咀棉登徑黑門水產。最好味係鰻魚雞蛋卷，食咗兩客，個蛋整得好軟滑，鰻魚都好juicy，另外亦都試咗加州反卷，都係非常一般。雖然好多嘢都比較一般，但反幾款燒烤有驚喜，$388一個海鮮拼盤唔算貴，有兩隻鮮鮑魚，兩隻好大的生蠔，兩兜顯蜆，兩隻帆立貝，值得推介。最後加多左一隻魷魚，店員非常專業，燒得好好，服務周到。甜品叫咗兩個焦糖哈密瓜，我覺得係亮點，大家如果到訪不妨試吓。😙

尋晚久違地約左舊同事一齊食飯，周圍都book到full曬，見黑門仲有位，之前食過又唔差，就book左，點知真係令我全日嘅好心情都打到落谷底，所以整合左幾宗罪：1. 首先一去到，明明book左位，但所有枱中間分一半，我同朋友要平排坐同人地搭枱，已經好晤舒服感覺好差。2. 啲野唔好食，小食好咸，爐端燒燒左一世都未上菜，食落口係好苦。3. ok都算，問題嚟啦，啲staff好似係炒散咁，唔應人冇表情好冇禮貌。而且仲係嘆倒瀉野，淨係我地已經倒瀉左兩次。倒瀉完第一句係話：冇整污糟你架。姐係點，冇倒污糟就冇問題？4。 入座話限時90分鐘，冇問題我知生意難做，但係70分鐘嘅時候就不斷趕人走，叫人埋單俾下枱落單先，我地食到咁丄下都算，對面搭枱嘅兩位，落單過左大半個鐘催左幾次都未有上菜，啲staff都應承唔會趕佢地走，但最後都係趕。其實呢間真係唔平，呢個價錢喺附近可以食到更好嘅野，更好嘅服務，更好嘅環境。真係sorry not sorry我絕對唔會再幫襯。

刺身（尤其海膽）新鮮、炒飯美味，CP值高，而且地點都算方便，食飯途中遇上幾枱慶祝生日，唔單止會播生日歌，仲會有特別嘅蠟燭，都算唔錯P.S. 雖然有訂座，但去到仍然要等，令到飢腸轆轆，所以最好都係訂第一輪枱

小編日日夜晚都想著何時可以出走✈️，好興奮今晚有人帶小編飛了一轉”大板”，尋找日本🇯🇵新鮮海產的美味回憶。這間位於尖沙咀棉登徑的黑門水產すいさん，由門口到裝修都充滿日本和風特色，周圍掛滿一串串的貝殼做裝飾，令你彷如置身日本東瀛。餐廳是日推介魴鮄魚🐡全條刺身，小編第一次吃魴鮄魚刺身，味道比較清淡。師傅刀功了得，厚薄均稱，透白肉質呈淡粉紅色，主是食其肉質彈性。吃完刺身，餐廳還可以取魴鮄魚頭煲魚湯🥣，師傅先將魚頭煎香再煲，魚湯呈奶白色，鮮甜無比😋。最令小編懷念是日本的磯燒海鮮，小編當然不會錯過。這裡食客可以選擇在食客面前燒，還是在廚房烹煮。海膽蟹味噌甲羅燒，🦀蟹膏味濃郁，加上海膽的獨特鮮味，真令人垂涎三尺。想一次過試多款海鮮，就不要錯過這個極上黑門活貝盛合，有磯燒岩手縣生蠔、白烚、鮑魚、刀貝及帆立貝。這裡海鮮非常新鮮，鮑魚上檯時還非常活躍，生蠔鮮甜肥美，店員一邊燒一邊用自家製燒汁煮，燒汁不會太咸還帶點鰹魚香，帶出海鮮真正的鮮味。店員煮得剛剛好，保持著海鮮柔軟口感，香氣撲鼻😍。北海道大漁丼，絕對性價比高，魚生剌身款式非常多🤩，有海膽、帶子、甜海老、吞拿魚、油甘魚、鯛魚、三文魚、三文魚子、飛魚子、

😋冇得去旅行去試下呢間朋友極力推介嘅黑門水產日本嘢先， 可能係中午時間冇乜人唔使等位，門面都幾有日本風味餐廳入面嘅擺設都有特色， 服務員好好介紹我哋今日最新鮮既食材 最簡單太揀咗個set lunch， 呢個套餐有麵豉湯有個蒸蛋沙律魚生，份量係足夠， 海膽飯真係超正好鮮甜好新鮮放落個口即溶 😋呢個餐我覺得最值得回味係個魚子， 好新鮮鮮美，咁大碟都唔夠食，另外個蟹蓋同我喺日本蟹道樂食差得遠了，冇咗嗰種海水味道蟹味但都還可以環境好服務態度有善， 應該要再去，餐牌上面仲有好多 我都好想再試 😍 每件餐都精緻淨係打卡都可以滿足到去旅行嘅滋味🤣🤣價錢方便都非常相宜，喺尖沙咀算係幾抵食嘅一間日本餐廳