黑木亭居酒屋 (金馬倫道)

鰻魚牛蒡炸蝦卷（$108）鰻魚唔會有骨～ 食落啖啖肉，加左鰻魚醬更惹味～ 反卷入面有牛蒡同炸蝦，香脆又爽口，令口感大增！茶漬蛋煙肉凱撒沙律 （$88）茶漬蛋份量好多～ 蛋黄有微微流心效果🥰沙律加入凱撒沙律醬，食落勁有風味～ 幾開胃！富士山鐵板A5和牛溫泉蛋飯（$358）A5和牛飯以鐵板呈上，以一片片和牛包裹住飯～ 賣相唔錯😋 店員會幫我地加入醬汁拌勻，食落熱辣辣🤩 和牛相當柔嫰，入口即溶！加埋旁邊嘅蔬菜增加口感～🥬蜜桃烏龍熊茶（$58）粒冰係熊仔造型～ 超精緻！蜜桃味都幾重，味道偏甜～🍑 北海道士多啤梨牛乳乳酸（$48）賣相又係超靚！士多啤梨乳酸飲落酸酸甜甜～ 都幾開胃又解渴！

政府又派咗$1000消費券決定同老公食好西😋😋😋😋😋咁啱同老公結婚週年，又食返一個高質東瀛晚餐🇯🇵🇯🇵🇯🇵上網搵吓尖沙咀附近有咩居酒屋，見到黑木亭有咁多好評就去試吓🥰進入餐廳非常有日本feel，很多和式佈置嘅擺設，好似去咗日本旅行咁（自肥計劃，食左當去咗日本😍😍）鰻魚牛蒡炸蝦卷 $108 鰻魚經過微醺沒想到配牛蒡，兩者結合，無論是味道或口感，都有著玄妙的衝擊與縫合。茶漬蛋煙肉凱撒沙律$88糖心蛋非常入味，經典的凱撒沙律配煙肉，口感豐腴惹味。富士山鐵板A5和牛溫泉蛋飯$358A5和牛是主角，溫泉蛋是配角，凸顯出和牛的甘香和嫩滑口感😋😋😋非常美味。五星推介🌟🌟🌟🌟🌟蜜桃烏龍茶$58打咭重點終於出場，別緻可愛的烏龍茶冰啤啤🐻🐻，滿滿的蜜桃味🍑🍑北海道士多啤梨牛乳乳酸$48這杯士多啤梨星空飲品，味道甜中帶酸，最夢幻的粉紅組合。

呢間黑木亭成日見到foodie介紹位置都好易搵 就喺百樂酒店對面一上樓梯已經好有feel仲有職員敲鼓歡迎 好似去咗日本咁同朋友成5點先食完tea6點半又話食晚飯 咁就簡單叫幾樣啦牛油芝士鐵板帶子好香芝士味 帶子都有六粒 呢個價錢幾抵食流心芝士玉子燒呢個冇想像中咁芝 但食到一層層嘅口感加埋木魚紫菜絲同沙律醬好好味明太子雞腿肉雞腿肉都幾滑 明太子醬好足料 啖啖都食到鹽燒白鱔燒到鱔皮好脆口 魚油幾豐富 肉質爽彈黑豚荔枝卷荔枝酸酸甜甜又多汁 同豚肉勁夾 好夏天黑松露大拖羅蓉卷入面卷住蟹柳青瓜牛油果上面仲有拖羅茸同黑松露醬 口感層次好豐富冰燒菠蘿燒過嘅菠蘿特別甜 上面仲有一層脆焦糖食落口係冰凍嘅 當甜品咁食北海道芒果牛乳乳酸蜜桃烏龍熊茶將蜜桃茶雪成熊仔冰 溶左都唔會溝到淡晒熊仔好得意 打卡啱晒

哇哇哇，又係我啦😈#居酒屋 #尖沙咀好去處 #尖沙咀美食 吃貨出動，無得食都有得睇😼今日同保姆食日本野，佢最愛🥲一入去爬左幾層樓梯，每層既裝飾都好有feel，好似穿越左去日本咁🏮見到好多好評既 #富士山鐵板A5和牛温泉蛋飯 果斷地食食食！離遠已經香氣撲鼻🤤啲和牛入口即融，Yum～街食都可以食到減肥餐，最緊要蛋白質同纖維，所以呢個沙律啱啱好，#茶漬蛋煙肉凱撒沙律🥗 啲蛋好入味，仲要係溏心蛋，不過啲煙肉就唔多覺眼，可能俾對面個件食曬🥲一餐飯有個沙律菜瞬間覺得好Fresh😼仲有 #鰻魚牛蒡炸蝦卷 第一次食呢個配搭，幾特別，個炸蝦係脆既，唔錯👌飲品嗌左 #蜜桃烏龍熊茶 😱 OMG隻熊好cute地俾我飲曬，好香紅茶味，但就太甜，溝左2杯茶都好甜，大家記得少甜。。。另一杯，#士多啤梨牛乳乳酸 呢杯ok啦，酸酸甜甜👌最開心有打卡位，不過豬隊友影相唔係肥就矮。。。好彩有張貼到堂🙃又到R like時間，路過記得俾個like禾啦🫶🏻

90後的味蕾.一間回頭幾次嘅餐廳，因為呢間餐廳嘅日式料理非常出色，天后總店就適合二至三人聚會，但係尖沙咀店地方好寬敞，枱又夠大張，好適合一大班朋友，飲住清酒，食各款日式料理。.今次嚟發現原來呢間居酒屋唔止有壽司、串燒、刺身等日式料理，仲提供埋西式料理，可以叫埋有啲唔食日本嘢嘅朋友一齊聚會。.🪄三色刺身 ：油甘魚、三文魚、劍魚腩每片刺身有厚度，劍魚腩肉質細棉，油甘魚有膠質口感，刺身唔會有雪味。.🪄鐵板A5和牛溫泉蛋飯外貌非常吸睛，粉嫩嘅和牛好似玫瑰花咁包住珍珠米飯，中間有一粒溫泉蛋，和牛份量頗多，溫泉蛋一篤開，金黃既蛋黃汁慢慢，店員會幫手將所有材料撈勻。.🪄脆片牛油果蝦沙律混合沙律醬嘅牛油果蓉舖係一塊薄薄、月亮形狀嘅墨西哥脆片，再加上一隻剝左殼嘅凍蝦，西式餐廳常見嘅餐前小食。.🪄忌廉球炸薯條粗身嘅薯條，配以冰凍嘅忌廉球，忌廉好滑身，而且掂到熱辣辣嘅薯條就即刻溶化，好邪惡，但係好啱一班朋友share食。.❤️‍🔥呢度嘅飲品冇得輸，士多啤梨乳酸未到唔係死甜，乳酸味好出位，熊仔芒果烏龍茶，芒果汁雪成熊仔冰，慢慢溶落去清香既烏龍茶，茶香滲透芒果甜味。✧每隔一段時間呢間餐廳總會有啲Special M

好掛住日本居酒屋嘅感覺啊🙈❤️餐廳設計成日式居酒屋風格，別有一番日本風味同朋友叫咗串燒、壽司、小食質素唔錯，即叫即整！黑松黑松露大拖羅蓉卷6件飯卷，紫菜卷包住青瓜絲、蟹柳上面鋪住滿滿拖羅蓉，將黑松露輕輕同拖羅拌勻帶出黑松露嘅香氣💕流心芝士玉子燒厚燒玉子幾高質 玉子燒厚身，口感尚算滑嫩，好香蛋味上面有木魚碎沙律醬同蕃茄醬，好滋味串燒質素都幾好其中荔枝豚肉串，豚肉片包着荔枝荔枝果肉非常多汁，味道突出燒白鱔好香啊！白鱔啖啖肉冇碎骨明太子雞肉明太子醬特別濃郁，鹹香味十足另外兩杯飲品都幾得意其中一杯蜜桃烏龍紅茶隻啤啤熊好得意呀🤣係用烏龍茶造成北海道士多啤梨牛乳乳酸士多啤梨🍓味超濃郁味道酸酸甜甜 仲有士多啤梨肉黑木亭居酒屋 尖沙咀金馬倫道58-60號國鈀大廈地下-1樓

今日約姊妹來到位於尖沙咀的「黑木亭居酒屋」，餐廳推出性價比極高的日本美食，非常美味，食物的份量十足，更有多款星級佳餚讓一眾嘴饞的食客品嚐。地點設於金馬倫道，佔地面積很大，餐廳開揚，環境很舒適，氣氛自在輕鬆，歡聚閒談的聚腳地。居酒屋佈置是日本的風格，店內新簇優雅，裝潢非常美觀，仿似去了日本了。高樓底令整間店很寛敞，用餐的空間感更舒適，周圍更添置了很多充滿風情的藝術格調。我們選擇了幾款食物，包括有黃金鮮蝦餃，高橋蘿蔔糕，酸菜魚及熊仔奶茶，慢慢去品嚐。三點刺身盛三點刺身盛分別是三文魚、劍魚及油甘魚，三文魚非常新鮮，好厚身甘甜，劍魚嫩滑，油甘魚甘甜，三款各有特色，口感相當好。脆片牛油果蝦沙律脆薯片真的好香脆，牛油果十分開胃，鮮蝦好新鮮爽口，有益好味，令人心曠神怡，感覺很不錯。火灸左口魚邊卷左口魚用了火燒過，鮮嫩彈牙，魚肉味出，軟硬度適中，食落不會太過油膩，恰到好處，非常滋味。虎蝦麵包蟹粥爆膏的虎蝦王麵包蟹，熱辣辣粥底，份量很多，加入紅蘿蔔，冬菇，旺菜及薑絲，融入了粥底後，帶出了粥的鮮味，口感層次豐富，讓人回味無窮。蜜桃烏龍紅茶可愛小熊浸泡在紅茶，蜜桃味加上烏龍紅茶，二者融合很夾，味道甘醇清甜，

朋友book呢間餐廳，睇食評好似唔錯，即管試吓佢。 happy Friday夜晚8:30入座，等咗10分鐘安排到座位。 見到餐牌好多嘢都好想食，但係得兩個人，唯有揀最想食嘅。 最後帶咗最出名嘅龍蝦魚生飯筒，食完之後佢哋會比魚湯我哋，加埋魚湯落去做泡飯。仲嗌左個蟹肉蟹子薯仔沙律 超級好味反而個牛柳粒，喺個餐牌度喺推介，我就覺得一般。 仲叫咗雞脯魚干，炸豆腐，同埋鮮蝦他他。 呢幾樣都幾好味。 飲品方面叫咗啤啤熊烏龍茶桃茶，同埋士多啤梨乳牛乳乳酸兩杯飲品都ok好飲又好睇。 買單有九折，人均消費四百幾蚊，啲食物對得住價錢。

白鱔串燒皮脆多汁、玉子燒味道都唔錯，可以一試不過非常遺憾嘅係，weekend 晚飯時段同我講啤酒賣晒，非常掃興，居酒屋無酒賣真係第一次見，建議改名做黑木亭居食屋算數

今日同好姊妹慶祝生日，好姊妹好鍾意去日本旅行，所以我哋就揀咗喺充滿日式風情嘅黑木亭居酒屋食晚餐。嚟到居酒屋梗係要食刺身啦，呢個三點刺身有劍魚腩、油甘魚、三文魚,舊舊都係厚切，又鮮又甜，正到暈！富士山鐵板A5和牛溫泉蛋飯真係好好食，熱辣辣嘅鐵板上面有靚靚嘅A5和牛包住啲飯，再係飯面打隻溫泉蛋，賣相非常吸睛。仲有專人幫我哋整開個飯，等啲和牛係鐵板上面煎，等一陣之後就有美味嘅和牛飯食啦！人和牛肉質又淋，牛味又濃郁，配埋個燒汁飯，簡直食唔停呀！脆片牛油果沙律又係一個驚喜之作，墨西哥脆片就食得多喇，但係今次食係牛油果加蝦，小左酸辣多咗清新。忌廉球炸薯條又係驚喜之作，食呢個忌廉薯片食得多喇，但係用上一兜真嘅忌廉配真嘅薯條我都係第一次食，食落口個感覺有啲似食雪糕，但事實上佢係鹹鹹地，好有奶味，比傳統嘅芝士炸薯條，呢個都係一個唔錯嘅選擇。生日壽星女就嗌咗杯烏龍蜜桃熊茶，一杯嘢飲一上嚟就俾隻一隻熊仔型嘅冰吸引住啦，好可愛呀！杯飲品充滿著蜜桃嘅香味，烏龍嘅清新簡直係絕配。我就嗌咗杯北海道士多啤梨牛乳乳酸，酸酸甜甜，仲有益生菌，成件事好健康囉！

*炸櫻花蝦豆腐 $88*利用櫻花蝦作脆皮去炸豆腐既做法比較罕見，效果好好，吾單止能保留香脆既口感，櫻花蝦味仲更加突出。入面豆腐都能保持香滑口感。*蟹甲羅燒 $98*甲羅燒有新鮮蟹膏，蟹肉，鵪鶉蛋，蟹杼同香蔥。鵪鶉蛋挺身，整體食材新鮮。撈均甲羅燒可以配米餅食或者就咁食。個人認為就咁食能更食到蟹既鮮味*龍蝦八鮮木桶丼配鯛魚湯 $448*海鮮桶非常多料，有三文魚，章魚，海膽，生墨魚粒， 蟹籽，三文魚杼，仲有大大隻原隻龍蝦。海鮮底下仲有味素飯，配埋鯛魚湯一齊上。可以先食桶上既海鮮，之後再加上鯛魚湯去食飯。刺身肥瘦比例均勻，海膽濃郁甘甜。生墨魚粒有嚼勁。食完啲海鮮，再食加上有鯛魚湯再撈埋三文魚籽同蟹籽既味素飯，索哂啲海鮮味。*蜜桃烏龍熊茶 $58*熊仔形狀冰係飲品上面，打卡一流。味道偏甜，白桃果味較茶味特出。*北海道士多啤梨牛乳乳酸 $48*外觀有漸層效果，味道偏甜，有好多果肉，更有咬口。🤩地址:尖沙咀金馬倫道58-60號國鈀大廈地下-1樓

富士山鐵板A5和牛溫泉蛋飯 $358哇～未送上黎前，已經聞到勁香噴噴既鐵板燒味啦🤩未望見都知我既A5和牛溫泉蛋飯到左啦😍😍見到咁震撼既富士山形狀，真係未食先興奮😆味道上就好似以前食開pepper lunch既鐵板牛肉飯咁，不過呢個係高級版，一塊塊A5和牛入口即溶🥩肉質嫩滑，再加上溫泉蛋🥚送飯一流🤤🤤三點刺身盛 $168呢盤三點刺身盛包括有三文魚三切、油甘魚三切同埋劍魚腩二切🍣刺身都好厚肉，而且完全無雪藏味，勁新鮮😻😻忌廉球炸薯條 $68完全無諗過忌廉配薯條係咁夾格🤣忌廉球幼滑輕身，而且薯條灑上七味粉🫙味道相當夠味🍟就算唔點上忌廉球都一樣咁入味😋脆片牛油果蝦沙律 $108一啖食落口，有晒脆口清新彈牙，幾種口感🤩🤩連鋪係底既椰菜絲都好好食～～認真吸引😆北海道士多啤梨牛乳乳酸 $48甜甜既士多啤梨配上牛乳乳酸🍓呢個組合一啲都唔陌生，一樣咁好飲，仲好開胃添😝蜜桃烏龍熊茶 $58蜜桃烏龍紅茶一向都係我既至愛💕💕見到上層有隻qq到傻既熊仔已經心心眼左😍食完鐵板燒再飲一啖，真係清甜解膩🥳

幫好朋友慶生當然要有點誠意 這次預約得有點趕急 幸好都吃得不錯 店舖幫忙安排的小驚喜也算成功🤭我們點了龍蝦八鮮木桶丼配鯛魚湯🦞吃完海鮮後 可以加上鯛魚湯變成湯飯 很鮮甜很好吃😋還點了甲羅燒🦀😋好有回到日本的感覺☺️日本產A5和牛海膽他他😋濃郁的和牛香配上新鮮海膽🤤好好吃😋櫻花蝦豆腐我朋友力讚👍🏻好好吃好特別的口感👍🏻還點了一些串燒 有牛舌芯❤️免治雞肉棒等等都好好吃😋P.S. 裝可樂的櫻花富士山杯子好漂亮❤️❤️

想念日本？去就啱啦後知後覺，差不多兩年幾冇得飛日本。可以話對「返鄉下」，有著強烈思念。係日思夜想下，fd突然介紹話尖沙咀金馬倫道開咗間好日本嘅日本居酒屋。忍唔住就即刻起行。一看餐單，好新派日本菜feel。和牛，龍蝦，還有充滿少女心的熊仔打卡，都看得出店舖用心設計。餐廳裝潢都好有心，和風式設計，加上柔和的燈光。可以話係一個日本嘅沈浸式體驗。講返幾個印象深刻食物。忌廉球炸薯條。搭配酒一流，好邪惡，熱騰騰的薯條，搭配解膩的忌廉球，一絕，叫人一口接一口不斷食。另外值得一試的係和牛溫泉蛋飯，視覺衝擊，上碟。待拍完照後，店員會細心把飯拌開，香滑的蛋液混入飯中。搭上和牛濃郁的脂肪與牛的味道，很完美的融合在一起，必試。總的來說，可以一解鄉愁，值得去試試。

趁而家有得食，同孖寶爸去食好野先✌🏻。今次食日本菜，位於金馬倫道「黑木亭居酒屋」，地點很方便，地方大環境舒適，裝修得很像日本的居酒屋一樣，每一個角落都充斥着日本風🇯🇵。龍蝦八鮮木桶丼配鯛魚湯🦞 $448 ⭐️必叫⭐️我見每一枱都叫呢個菜式，應該是餐廳的signature! 大大隻波士頓龍蝦好吸睛👀，而且師傅已將龍蝦身拆肉，食落去啖啖肉，好滋味☺️。還有不少角切魚生，三文魚、吞拿魚、八爪魚、鮑魚等，非常新鮮肥美，還有海膽、三文魚籽等超豪華配搭，令丼飯鮮味再提升🥰。底下日式珍珠米加上飯素本身已非常惹味，加入熱滾滾的鯛魚湯，珍珠米吸收晒海鮮和鯛魚湯的鮮味，令人回味無窮😋。炸櫻花蝦豆腐 $88外層滿滿櫻花蝦，炸得香脆可口，蝦味鮮甜，內裡豆腐嫩滑，非常美味❤️。蟹甲羅燒 🦀$98甲羅燒集蟹肉、蟹羔、蟹籽於一身，加上香蔥和生鵪鶉蛋攪拌後鋪上脆米餅，脆卜卜口感豐富，同時吃出香濃蟹味，雙重享受。芒果烏龍熊茶 $58好可愛的熊茶冰🐻好有特式，如果孖寶見到實鍾意😆。熊茶冰令烏龍茶保持冰凍，夏天飲非常解渴💦。北海道士多啤梨牛乳乳酸🍓 $48清新草莓味道，酸酸甜甜幾開胃，上面灑上草莓乾和朱古力粒，令色彩繽紛好開心❤️。