黑木亭居酒屋 (金馬倫道)

年幾前黎過覺得係可以回頭今次約朋友尖沙咀食飯咁又要次黎幫襯手🥗茶漬蛋煙肉凱撒沙律天氣熱真係好想食清爽嘅嘢呢個凱撒沙律就岩岩好沙律菜夠晒清爽茶漬蛋醃得好入味 煙肉同麵包粒好香脆口感豐富🐟鰻魚牛蒡炸蝦卷壽司卷上既鰻魚佢輕輕火炙過 入面包炸蝦、牛蒡、肉鬆令啲鰻魚食落更香口 食落口感好有層次同豐富🐮富士山鐵板A5和牛溫泉蛋飯吾好以為係某連鎖店的黑椒牛肉飯一上枱個望到啲牛同溫泉蛋已經好吸引店員會係客人即時幫你淋燒肉汁然後撈埋果下滋滋聲同香味真係好吸引話晒A5和牛 食落啲牛真係嫩滑唔鞋 牛味都算重配埋溫泉蛋、燒肉汁、米飯 好味🫶🏻🍹蜜桃烏龍熊茶熊仔浸住浴勁可愛飲落蜜桃味幾重 但茶味可以再出d🍹北海道士多啤梨牛乳乳酸好岩打卡嘅飲品士多啤梨味好重好適合夏天飲

尖沙咀呢間樓上既居酒屋，行過好容易會miss左，但如果大家下次經過附近，我都幾推薦大家上去試下，尤其咁耐無去旅行，上去呢間勁有日本氣氛既餐廳呃下自己都好🥹行上條樓梯，有日本街頭既相，仲有棵櫻花樹同日本既油紙傘，嗚，係日本既感覺呀🥹👅茶漬蛋煙肉凱撒沙律 $88沙律上面有茶漬流心蛋，生熟程度剛剛好～煙肉粒同麵包粒香脆，菜亦都夠新鮮，用黎做前菜開下胃都幾啱～👅鰻魚牛蒡炸蝦卷 $108呢個炸蝦卷勁香脆！係新鮮炸起既蝦！鰻魚厚薄適中，size亦都好fit，夠cover每件卷物，加埋牛蒡同青瓜，令蝦卷再香脆啲🤤👅富士山鐵板A5和牛溫泉蛋飯 $358呢個飯上枱要快啲影相先，因為店員會淋汁上去，再即刻喺鐵板上撈暈🌪嗰種香味真係不能抵擋🔥和牛可以無咁熟咁食，想熟啲就可以自己再撈下😚👅芒果烏龍熊茶 $58估唔到熊茶真係有隻熊坐左喺飲品上面，好得意，眯得又飲得，芒果味都幾重，有小朋友一齊食既可以叫比佢地試下😍👅北海道芒果牛乳乳酸 $48呢到啲飲品都幾打卡able，呢杯乳酸幾好飲，不過怕甜既朋友可以試下叫佢少甜～

位於尖沙咀嘅黑木亭居酒屋，以日式風格為裝修主調，係三五知己坐低飲酒作樂嘅好地方流心芝士玉子燒鋪滿鰹魚碎和紫菜的玉子中間是流心芝士，質感軟滑，再淋上章魚燒醬汁和蛋黃醬，非常滋味牛油芝士鐵板帶子帶子鮮甜，本菇索左汁好好味，蓋上芝士焗完好香，而且勁拉絲黑松露大拖羅蓉卷青瓜卷物上面的拖羅蓉加上味道濃郁的黑松露，兩種味道融合一起無違和串燒-明太子雞腿外皮香脆，雞肉嫩滑-鹽燒白鱔魚肉鮮味厚實，鹽燒味道剛好幾鍾意呢間串燒冰燒菠蘿冰冰凍的燒菠蘿好甜豚肉荔枝卷肥美嘅豚肉包住清甜的荔枝，清新不油膩芒果烏龍熊茶滲出淡淡的玫瑰花香，仲有可愛冰熊仔北海道芒果牛乳乳酸酸酸甜甜的飲品好適合夏天飲

同事提議收工一齊食飯，揀咗呢間食過幾次嘅居酒屋🏮。🥢黑松露大拖羅蓉卷$168拖羅蓉入口即化，加埋黑松露香氣又幾夾。飯量唔多，但有牛油果、蟹柳，味道幾豐富。🥢牛油芝士鐵板帶子$68價錢唔貴但超大份。除咗起碼6隻帶子，仲有唔少雜菌。🥢冰燒菠蘿$38其實係雪凍咗嘅菠蘿，香甜又消暑。🥢流心芝士玉子燒$78玉子燒好滑溜。芝士有拉絲效果。加埋燒汁同茄汁甜甜地又幾夾。🥢黑豚荔枝卷$38🥢白鱔$68🥢明太子雞腿肉$38黑豚荔枝卷味道清新。白鱔厚肉多魚油。明太子雞腿肉鹹香多汁。📍黑木亭居酒屋 (金馬倫道) (尖沙咀)尖沙咀金馬倫道58-60號國鈀大廈地下-1樓

炎炎夏日，對冰冷嘅日式刺身特別開胃。黑木亭於週日的午餐時間，意想不到的少人，不用排隊，慳返唔少時間。餐廳內，光線偏暗，位置寬敞，作為居酒屋氣氛不錯。餐具是充滿少女心的櫻花粉紅色！週日也設有午餐Menu，刺身赤醋飯值得推介！刺身新鮮，赤醋也很入味！另外也叫咗鱈魚set，鱈魚醬汁濃郁，味道偏甜，但魚肉好滑，也是個不錯的選擇。飲品方面，選擇左北海道士多啤梨牛乳乳酸，睇個名好吸引，圖片都好靚，但係味道過分甜，實在冇辦法完成一整杯😅 配搭日式食物，還是選擇清爽可口的飲品比較適合。

與朋友仔相約到尖沙咀先購物買衫，女人買衫真係好快手，快速買到戰利品，行到金馬倫道尾段，憑直覺入呢間居酒屋食野。我地兩個女士食量不算好大，又不想食 生冷嘢刺身，就點熟食，選擇好多 。流心芝士玉子燒$78 厚厚的玉子燒，包著芝士，夾起一件都有拉絲。牛油芝士鐵板帶子 $68 帶子大大塊，但不太鮮甜，牛油味香濃，有雜菇。黑松露大拖羅蓉卷 $168 真確好正，黑松露味 傳到隔離枱好香。 拖羅都好新鮮。串燒值得推介 白鱔 、 鹽燒雞腿明太子、 冰燒菠蘿，，黑豚荔枝捲兩杯飲品打卡又靚又好飲 芒果牛乳乳酸$48 蜜桃紅茶$58

今日八點收工，同朋友相約來尖沙咀食日本嘢呢間居酒屋好有氣氛，入到餐廳之後見到好多人都叫木桶龍蝦飯，但係今日想輕食少少，下次先來試吓啦冰燒菠蘿🍍燒菠蘿同菠蘿冰就食得多啦，冰燒菠蘿真係第一次，呢排天氣咁熱食串凍菠蘿做開胃菜就啱哂！流心芝士玉子燒玉子蛋香配上木魚 沙律醬同醬油，內裡芝士每件都流心🥰好滿足！串燒嘅部份好令我覺得驚喜😀雞腿肉好Juicy, 肉質香嫩！每啖都充滿肉汁！我平時少食白鱔，因為怕多骨，今日朋友想食就點一串Share! 食落又真係冇乜骨，白膳肥美，魚皮煎到好香脆，相信花左唔少功夫第一次食黑豚荔枝卷，荔枝又甜又多汁配搭黑豚肉一齊食，更帶出豚肉味😍Encore!!!來到了今天的重點推介！呢個牛油芝士鐵板帶子係出乎意料地好好食！必食！帶子每粒分量十足，餐廳毫不吝嗇，用牛油炒菇再加上芝士⋯⋯芝士拉絲帶子雖然好邪惡，但因為好好食，叫我食完再食多一碟都得！下次黎一定會再叫！飲品方面，餐廳一啲都唔馬虎，朋友嘅北海道士多啤梨牛乳乳酸味道酸酸甜甜好開胃而我點既蜜桃烏龍紅茶，茶味濃之餘又唔太甜～可以解膩～呢兩杯飲品超級好打卡！上面嘅熊熊冰真係好可愛！睇住佢浸下浸下，呢餐食得好愉快！餐廳好有氛圍

收咗工約咗女朋友食飯，女朋友例牌遲大到，好彩餐廳好靚補番數，加上餐牌咁多野食，唔知揀咩！諗下又望下，等咗個衰婆一個鐘都唔覺！女朋友終於到左，仲問我做咩咁準時都唔叫定野食，好啦言歸正傳。頭盤叫左：茶漬蛋煙肉凱撒沙律$88鍾意食啲酸酸地嘅你地，會幾鍾意呢個前菜，個茶漬蛋好開胃，加埋啲菜咁新鮮，女朋友胃口大開！富士山鐵板A5和牛溫泉蛋飯$358嘩！呢碟好野，個擺盤成朵花咁，廚師識啲野呀！跟住侍應會淋啲蛋汁上去，仲幫我地撈埋，食落好香滑，就好似初初識我女朋友個陣嘅感覺，嫩口得黎，又有啲激情，仲要熱辣辣，Kimochi!鰻魚牛蒡炸蝦卷$108係我個人最鍾意嘅，個壽司睇落普普通通，但啲芝士呀、鰻魚呀、配菜，加埋一齊，真係好夾好有feel，仲要忍唔住一次過食成舊，真係百味交集！最後同女朋友一人一杯野飲。蜜糖烏龍熊茶$58同北海道士多啤梨牛乳乳酸$48諗住比杯粉紅色，少女心嘅佢飲，但佢鍾意杯熊仔多啲，話清爽啲，仲幫助消化添。杯士多啤梨乳酸就順理成章我飲嘅，其實我鍾意呢杯多啲，但女朋友覺得佢有啲甜，無咁鍾意，所以建議各一啦，好似揀女朋友咁，分散下風險嘛！

位置： 非常方便環境: 有好多打卡位食物: 多元化服務: 有禮價錢：中位餐廳門口在於地面,要經過一條樓梯先可以上到用餐嘅位置,條樓梯已經裝飾到非常有特色,令你流連忘返,因為實在太靚啦,有好多日本嘅裝飾,令你掛住影相唔捨得上去食飯🤣今晚只得二人,所以無叫到佢哋出名嘅粥同飯,相信下次會必試清酒做緊買大送細,價錢合理,但唔好要求有頂級水準,$429,比到合符水準嘅酒比你,最欣賞佢盛酒嘅器皿,非常靚,keep到凍之餘仲可以打下卡添！餸酒點會少得刺身串燒小食呢,款款都做得好好,刺身非常新鮮兼係厚切,買相一流,串燒燒得剛剛,唔會燒到乾哂身,甲羅燒餸酒就真係一流,但係只不過啲米通上枱時淋咗少少最後叫咗兩款壽司作總結...個A5牛他他較為遜色,因為牛肉粒係全熟,唔係他他,亦牛味唔太濃用了晚市88折優惠卷,埋單$1700, 中規中矩,總括來講,這間餐廳無論各方面都比較中上,亦會翻兜之一

🇭🇰黑木亭居酒屋·佢呢度午市$150就有得減$30 所以如果三個人嚟就可以減$60 好似有個八折咁🤑不過佢呢度所有嘢食都係$8尾嘅 所以大家可能要加少少錢轉個野飲先用到呢個優惠🤣🤣·山。吉列豬扒蛋丼$98佢呢個係真係好似一座山咁 我諗我可能連1/3都食唔到 最後係連同事幫埋手都食淨超多🙊🙊我原本以為佢個飯下邊係會有啲層架隔一隔 但係原來佢無 佢下面係真係全部都係飯🍚😂不過佢幾好味既 佢塊豬扒幾嫩 而且個炸皮仲keep到少少脆 個蛋雖然有少少老左 但係調味唔錯既 甜甜地好送飯🤤🤤之後佢上面仲有海量嘅椰菜 配埋麻醬都木魚絲都唔錯 不過呢個真係要兩個人分 因為佢實在太大個🤣🤣·#rbyeat#rby日本菜#rby尖沙咀 #rby天后·📍尖沙咀金馬倫道58-60號國鈀大廈地下-1樓📍天后清風街10號清風大廈地舖

朋友生日想食日本野又唔想食放題,又唔要大集團式既餐廳好彩都難我唔到, 終於俾我諗到去黑木亭!餐廳裝修既樓梯間每層都有唔同既日本特式設計，最近天氣咁熱冷氣夠真係好重要！而呢到絕對夠呀！ 岩晒飲完酒更加熱既人👍🏻餐廳供應食物款式都幾多由壽司、串燒、刺身等日式料理,仲有埋炸薯條等西式既食品今日叫左~~~流心芝士玉子燒甜甜既蛋加大阪燒既各樣醬, 非常好食牛油芝士鐵板帶子黑松露大拖羅蓉卷黑松露味唔會好搶, 仲食到拖羅味~串燒: 鹽燒白鱔, 冰燒菠蘿, 雞腿肉明太子, 黑豚荔枝卷燒得乾身但又唔會無晒本身既水份, 食落仲係好MOIST~飲品~~北海道士多啤梨牛乳乳酸～掛住飲都唔記得影相😝蜜桃烏龍熊茶超可愛熊仔冰!

堂妹&佢仔由加拿大返嚟想食日本嘢！我哋求其去咗間。呢間嘢啲壽司，新鮮好食！12件廚師發格無一件唔新鮮！另叫了一板海膽，鮮味creamy又甜！而且有優惠，感覺很抵吃！和牛他他，個脆脆麻麻，但和牛海膽好吃！因為堂妹個仔鍾意食炸嘢，我哋叫咗炸雞，魷魚鬚，薯條！ 佢仔話樣樣嘢都炸得香脆好味！我都覺得好味同魷魚鬚嗰炸粉唔厚全餐飯唯獨是龍蝦八木桶丼有啲貴，其實佢個湯好鮮味同埋個飯都好食，但價錢可更優惠！侍應不多，不停手落單執枱！但都保持基本禮貌同埋幫我哋斟水同比碟我哋share去食物

今日同朋友行經金馬倫道，見到有一居酒屋「黑木亭」，晚市正作88折優惠，就入內嚐嚐。他們環境舒適優雅，牆上掛滿日本風情壁畫，引人入迷。北海道士多啤梨牛乳乳酸賣相很有少女心，甜甜酸酸的士多啤梨香味，解渴又開胃！蜜桃烏龍熊茶不愧為熊茶，杯上有隻熊仔冰粒，更有玫瑰乾花作點綴，甚有心思！蜜桃烏龍入口清新，蜜桃味香濃。茶漬蛋煙肉凱撒沙律爽脆沙律菜上加上濃厚茶漬流心蛋、香脆煙肉粒、再有陣陣芝士粉作調味，口感豐富，非常醒胃。鰻魚牛蒡炸蝦卷一客4件的鰻魚牛蒡炸蝦卷，賣相精緻，當中夾著牛蒡漬獨特清香，鰻魚軟嫩肥美，及炸蝦香脆，多重味道，令人愛上。富士山鐵板A5和牛溫泉蛋飯見到有不少介紹，所以都下單嚐嚐，不久便奉上熱熱辣辣嘅鐵板，當中放上了片片A5和牛及溫泉蛋，營造着富士山的效果。輕輕亂破溫泉蛋，即時蛋醬流出，再加上秘制醬汁，跟粟米、蔥花、蔬菜快炒一番，更顯其香味。和牛入口即化，肥而不膩，口感柔軟，配上米飯，多多都可以吃下。

朋友揀左呢間居酒屋，我都係第一次嚟黑木亭，裝修好有日本居酒屋feel，裝修有如置身日本當中，氣氛唔錯，因為要上樓梯行兩層，感覺同日本一樣，通常佢地啲居酒屋都係落兩層樓梯，入到去坐滿哂人，感受到熱鬧氣氛。食物質素唔錯，由於同朋友都係唔想食太飽，所以揀左居酒屋，諗住傾下計。我地叫左個黑松露吞拿魚腩蓉卷，買相精緻，TORO 肥美新鮮入口好滿足。流心芝士玉子燒，好大份，蛋味足又唔散。牛油芝士鐵板帶子，芝士超厚又勁拉絲，side dish好多，豐富口感，推薦。飲品方面幾有特色，由於朋友唔想酒精，我地叫左芒果鳥龍熊茶，佢有個熊仔頭冰，好cute 令人開心暢飲，杯茶唔太甜又夠凍，好好飲。另外叫左杯北海道士多啤梨牛乳乳酸，買相好靚，味道唔太甜，有香濃牛奶味，士多啤梨酸味正好跟牛奶配合。

#尖沙嘴搵嘢食今日同男人一齊嚟到尖沙咀，搵左間日式餐廳食咗三樣嘢富士山鐵板A5和牛溫泉蛋飯 $358呢個飯真係好有睇頭，和牛好新鮮 好有牛味，溫泉蛋同啲飯溝埋一齊勁香勁好味，仲有粟米粒，加埋黑椒燒汁，啲牛肉索晒汁既味道🤤鰻魚牛蒡炸蝦卷 $108鰻魚燒到焦脆，仲有啲芝麻喺鰻魚到 ，中間除咗有炸蝦同牛蒡之外，仲有肉鬆同青瓜，食落爽口好有層次感，另外牛蒡仲可以降血脂添🤭🤭茶漬蛋煙肉凱撒沙律$88蛋醃得非常入味，仲有流心嘅蛋黃mix埋芝士粉同生菜、車厘茄度，好fresh，係一個唔錯嘅前菜北海道士多啤梨牛乳乳酸 $48香濃嘅士多啤梨Mix乳酸，甜度適中，仲有啲彩針係面，飲落濃郁嘅牛奶味芒果烏龍熊茶$58烏龍茶同芒果好夾，甜度適中，個熊仔仲有芒果味，外型勁得意😎仲飲到淡淡嘅玫瑰味#尖沙咀美食 #尖沙嘴 #尖沙嘴飲飲食食