黑木亭居酒屋 (金馬倫道)

呢間居酒屋屹立喺尖沙嘴已經好耐，見OpenRice訂位有88折，最近約朋友去食飯水準都唔錯，難怪開咗咁多年都有捧場客。柚子八爪魚沙律$98八爪魚鮮味，肉質柔軟，唔會𡁻橡筋咁，沙律菜加上開胃清新嘅柚子汁好爽口，再配上脆脆嘅麵包粒，口感好好。黃金片立鱗燒 $198呢個魚擺盤好靚😍，最特別係連埋魚鱗一齊炸的，魚皮同埋鱗炸得金黃香脆，食落口鬆脆到索索聲，然後魚肉都炸得火候啱啱好，一啲都唔會乾，魚肉又唔腥，啖啖肉，沾上秘製嘅醬汁味道好好。伴碟仲有一啲天婦羅嘅菇菌，脆口得嚟裏面嘅菇菇仲係又爽又多汁。椰皇壽喜燒A5宮崎和牛+M7澳洲和牛寶盒 $398呢個壽喜燒竟然係用椰皇做湯底，睇住店員幫我哋倒入原個椰皇水已經舔舔脷，跟住見到鍋上面有一隻得意熊仔冰，再嚟一個充滿仙氣嘅和牛寶盒，成個presentation好IG-able😆寶盒裏面都好豐富㗎，總共有三款牛，我就梗係最鍾意日本和牛啦，肥美鮮嫩，入口即溶。澳洲和牛就肉味濃郁，比較有咬口。另外寶盒仲有兩隻大蝦都好新鮮，好大隻肉質爽口。仲有兩個年糕福袋添，吸晒湯汁好正。湯鍋除咗有好多蔬菜之外，仲有一啲好似薯粉咁嘅粉絲，煙煙韌韌，吸湯汁一流。藍蝶花佛手柑熊茶

尖沙咀行街週圍睇下食乜，俾街邊menu 吸引左入去，貪價錢唔貴又樣樣都有啲唔使煩又唔使就住就住就. 餐廳入口喺地面，要經過一條樓梯上樓，環境裝飾佈置幾有心思，有紙傘同燈籠仲有紅葉及牆畫等等，真係令人恍如置身日本咁地道，心情都愉快啲. 座位闊落好寬敞. 坐得舒適. 茶水自助夠方便個茶都幾好味. 頭盤有兩隻法國時令生蠔、仲有八片白魚刺身，燒物有🤤🦀真燒甲羅燒🦀，主食可以揀兩個價值$88嘅定食（超過左可以補差價）款式而且選擇不少，仲有個甜品. 甲羅燒係用個蟹形裝飾碟裝住，下面有🔥火熱住，個碟裝滿蟹肉蟹膏蟹籽同埋蔥，用嚟搽香口麵包食襯托鮮味更顯層次. ⭐️溏心蛋雜錦天婦羅丼飯天婦羅炸得香口唔油膩炸粉唔厚，南瓜🎃茄子🍆等蔬菜夠鮮甜，糖心蛋🥚天婦羅真係比較少見炸咗嘅流心蛋又幾好食喎，🍤蝦肉好爽身，蟹柳啖啖肉，品種豐富. 沾上醬汁同蘿蔔蓉更好味. 配埋個飯🍚軟綿綿帶米香好滿足.⭐️角切刺身丼刺身份量幾多而且好新鮮，80幾蚊嚟講真係高性價，有三文魚🍣油甘魚大蝦帶子全部大大份又肉厚肥美. 臨走店員會奉上冰凍透心涼芝麻雪糕🍧圓滿嘅一餐. 😙😙

啱啱喺日本返嚟同朋友聚會梗係揀番啲質素高嘅居酒屋啦，果然呢度嘅質素依然都係咁好咁新鮮😌同日本食嘅都差唔多🥰-海上鮮海鮮鮮魚湯鍋-聚會珍寶盒 $698佢嘅湯底係日本鮮魚骨湯🐟聽店員介紹係幾條魚放入個煲度每朝早熬成日所以咁鮮甜咁奶白又幼滑😍我都飲咗幾碗🤪建議一開始就可以飲幾碗先！因為之後落完啲配料之後會鹹少少同埋啲湯佢都會refill俾你的😚一上枱真係嘩一聲！見到滿滿一盤海鮮仲要切得咁靚擺盤得咁好望住都心情大好🤩海鮮大拼盤：日本鮮魚、鱔片、蠔、鮑魚、虎蝦、蜆肉及福袋所有海鮮都超新鮮🥹魚有檸檬嘅香味仲要勁滑～鮑魚磯煮過有甜甜香香嘅味道食落仲要好彈牙鱔彈牙又爽口蠔都係大大隻冇腥味好鮮虎蝦好香蝦味又彈牙蜆都大大隻仲包住啲海水喺入邊個福袋都好特別，佢係有啲煙煙韌韌嘅年糕同埋玉子喺入邊，食落口感好得意😎腐皮就鹹鹹地吸咗啲湯～配埋秘製沖繩菠蘿蓉甜汁有款就甜甜地有款就酸酸地兩款都可以提升佢哋嘅鮮味🤭雖然佢哋話呢份係三至四人份量但係因為太好食所以我哋兩個都食得哂🤫-藍蝶花佛手柑熊茶 $78、紅火龍佛手柑熊茶 $78藍蝶花佛手柑底下仲有啲柚子蜜酸酸甜甜咁紅火龍佛手柑就酸少少🤏兩款都好飲，顏色都好有層次好豐富

咁岩約左朋友去尖沙咀 就揀左黑木亭居酒屋同朋友食生日飯🎂果然真係冇令人失望呀 (人∀·)入到去裝潢好有日本風味🎎🇯🇵👘坐位好闊落 坐得好舒服👍🏻服務都非常周到 一坐低店員就好主動過黎向我地介紹值得一提嘅係餐廳仲提供左前菜 有多款漬物// 沙律菜 同麵豉湯 好多樣化-♪ 商務二人前套餐 $398我同朋友樣樣野都想試 所以就揀左商務二人前呢個套餐套餐性價比非常高 平日仲要7折就可以試到好多款食物 (^-^)/⭐♪ 三點盛店員好快手就上左拼盤入面有三文魚// 油甘魚// 八爪魚油甘魚非常肥美 好味 !!♪ 火炙左口魚邊卷輕輕用火槍燒過既左口魚邊飄出浸浸既誘人煙燻香氣令口感更加豐富 好味又好睇 (ᕑᗢूᓫ∗)♪ 炙燒四合丼一上枱已經聞到勁香嘅火炙香氣 ~ 非常惹味 !!入面有三文魚// 左口魚邊// 鰻魚同蟹柳 底下係鬆軟嘅醋飯火炙魚生食材新鮮 口感鮮美每一啖都令人感受到佢地炙嘅新鮮度同高品質 四合丼絕對推介 ✧٩(ˊωˋ*)و✧♪ 流心溶岩蛋三文魚飯朋友叫左溶岩蛋三文魚飯 面頭鋪住大大粒溫泉蛋一篤開蛋漿四溢 包住粒粒香米 三文魚佈滿惹味醬汁 朋友都大讚出色 !!♪  係雪糕球 我地揀左曲奇味

黑木亭居酒屋👻同朋友都係好鍾意食牛見到依間日式居酒屋近排既推介好多都係和牛料理即刻約埋朋友去好好慰勞下自己😆.🔅 熊之降臨豆乳豬骨鍋配M7澳洲和牛珍寶雜錦盤 HKD 378份量十足既鍋物一上枱個陣熊仔坐係鍋入面真係好cute雜錦盤個主角就係澳洲和牛又薄牛味又濃 放入鍋一變色就食得原來豆乳鍋都幾出色😛🔅A5宮崎和牛厚切和牛 HKD 368依個和牛不得了用石板熱辣辣咁上枱可以再自己調教佢既熟度外脆內嫩 加埋蒜片食一流🔅88MM直徑A5和牛球石頭鍋飯 HKD 268一大球生牛肉係個石頭鍋入面店員會幫忙處理用石頭鍋將和牛加熱切成一小塊既和牛mix入個飯啖啖都係滿足 仲有飯焦添🤭🔅 脆焦糖蘋果鵝肝(兩份) HKD 176鵝肝係我既最愛仲要係配蘋果多士忍唔住要試試佢甜甜地既焦糖同鵝肝好夾🔅蜜桃烏龍熊茶 HKD 68🔅藍蝶花佛手柑熊茶 HKD 78兩杯都有熊仔係到浸緊溫泉好有依到既特色蜜桃茶少少甜同烏龍好夾藍蝶花就好新奇配埋柑好解渴😙.整體黎講：豐富日式 和牛盛宴😋.🎈 黑木亭居酒屋 (金馬倫道) (尖沙咀)尖沙咀金馬倫道58-60號國鈀大廈地下至1樓

餐廳好有日本和風式設計嘅環境，對於我成日想去日本，呢間餐廳都真係幾日本下。見到餐廳好似都幾多特別野，價錢都算係抵食。珍寶燒蠔 $78新鮮嘅珍實蠔都幾大隻，配上左d菇菌一齊燒，燒出黎食落有彈菇嘅清甜香味，再加埋d蒜更加香，蠔身燒完都唔算縮得太多。A5宮崎石燒厚切和牛 $368 好厚切開嘅A5宮崎和牛，d油花都幾靚。表面已經封煎得好金黃香脆，石燒嘅熱度可以控制住個熟度。食一舊3成熟嘅，油香勁濃，肉身嫩，基本上都真係唔需要用力咬，香味都唔需要沾上太多醬汁。再黎一舊5成熟嘅，和牛嘅肉香同煎嘅香味就更加突出。熊之降臨 - 豆乳豬骨鍋配M7澳洲和牛珍寶雜錦盤 $338 豆乳湯湯底，一大隻嘅熊仔係個鍋到等住你溶佢。呢個雜錦盤都幾大盤，個盤包括有豆腐，菇菌，京蔥，大量嘅菜，粗身粉絲，帆立貝，豚肉片，M7和牛片。湯底好香濃嘅豆味，因為有片檸檬一齊滾，有檸檬嘅香味食落就無咁膩。M7和牛食落好香牛味，油花唔算特別多但勝在肉味濃食多幾塊都唔會覺得膩藍蝶花佛手柑熊茶 $78 蜜桃烏龍熊茶 $68兩杯野飲都好幾好飲幾解渴，甜甜地咁幾有茶香，同埋有隻熊仔係個杯到都幾得意

同HONEY 一齊食飯最緊要食日本菜前兩天食左壽司今日想食火鍋選了黑木亭居酒屋慢慢坐慢慢食同Honey 食飯有樣好5駛諗佢發板我等食短短時間可以享受美食同私人空間都是一件美事.食火鍋.Honey 愛食牛. 我愛豬肉所以點豆乳豬骨湯配M7澳洲和牛珍寶雜錦盤A5 宮崎石燒厚切和牛,而我想食蠔. 見有黑松露牛油野菌蠔買一送一. 抵食。另外. 見到人家有飲品好得意有隻冰熊仔係上面所以一定要試下.我要紅火龍佛手柑及Honey芒果烏龍熊茶各有特色味道. 5止飲品有熊仔原來豆乳豬骨湯都係一隻大熊仔職員將熱湯倒向熊仔.一瞬間, 熊仔消失了先看M7澳洲和牛珍寶雜錦盤細細盤.但肉類同蔬菜絕對新鮮澳洲和牛花紋均佈好平均色澤紅潤有光澤不是一般和牛質素豬肉以腩肉為主肥瘦均勻A5 宮崎石燒厚切和牛,在熊熊石板上的和牛.燒一陣就好食怕太熟. 少了嫩滑感黑松露牛油野菌蠔相當豐富的美感面上全是細切野菌配上黑松露.混好後, 連肥蠔一起食.美味。雖然沒有其他店家有多款肉類, 蔬菜, 小食, 甜品等選擇,但肉類質素同創意已經值回票價。

呢間居酒屋位於尖沙咀金馬倫道，要行樓梯上，門口侍應很好帶我哋上樓上安排位置，（其實我哋喺度諗每次帶一班客上去都要行上行落佢都真係好辛苦，值得讚賞），我哋四個人食咗呢個A5和牛鍋配和歌山赤糖蕃茄豚骨湯，啲和牛簡直係入口即溶冇牙齒都食得，價錢仲要係特價$398 ，抵食。卷類我哋嗌咗兩份，一個係好特別嘅鰻魚牛蒡炸蝦卷，另一個係炸蔥吞拿魚蓉鮟鱇魚乾卷，夠晒特別夠晒好食。再叫廚師發板壽司，呢個就冇咩特別意見，再嗌咗啲串燒等等，整體嚟講晚市惠顧可享八八折優惠真係食得過。

豚肉烏冬竟然係暖，上面塊魚旦凍冰冰章魚燒外皮好硬，極度失望。仲叫左兩串燒白鱔，唔知點解間店非忙碌都要分開燒，分開燒都唔緊要，來左一串，問左三次終於上埋另一串另外仲叫左玉子燒，焗蠔，但我覺得每樣都質素一般冇咩特別😓

先聲明：我不是會員，並沒有有關餐廳或代理人曾提供用餐款待或試食優惠。午飯時候在樓下經過，看到有職員在拉客，於是進去試下。食物：點了個火鍋，豆奶豬骨湯底，牛肉，同埋一些任食既嘢。任食既嘢唔吸引。餐牌所指既果汁任飲原來係檸檬茶。。。有味增湯任飲，但感覺好廉價，一大鍋。啲牛肉幾好味，個火鍋湯底冇豬骨味。食物普通啦。服務：冇服務。上到去自己搵位坐，之後手機點餐，付錢時自己去前台。環境：普通餐廳。哈哈價格方面，都幾底既，又唔係貴。但係我唔會番黎食。普普通通，呢個價格可以去食唔錯既日式拉麵嚕。

食物質素幾好，但環境有d迫，待應態度差劣，上菜速度好慢。本身一坐低叫左1份火鍋同1份2貫壽司，諗住睇住份量食，唔夠再加。點知洛完單等左起碼半個鐘都無嘢食，舉手揾待應，待應一係扮見唔到，一係就話轉頭先。成功叫人追單啦，都要等多10分鐘先有壽司食。諗住應該好快火鍋都上啦，又唔洗廚房煮，點知又等左半個鐘，壽司都就黎食完，再追單先至上。食物方面，12貫壽司係廚師發辦，質素幾好，都夠新鮮，不過海膽唔啱自己口味。火鍋叫左椰皇壽喜燒 A5宮崎+M7澳洲和牛寶盒，牛肉有質素好食，不過待應求其放低就走，放位都係我自己放番好，火都要自己開，感覺好差。叫做壽喜燒，但無生雞蛋，失望。要等上曬所有餸要成個鐘頭！好幾枱客人都一樣情況，見到隔離枱等完仲要上錯餸，又要等多30分鐘。2個人埋單8百幾，未係好飽，不過等到無心情再叫嘢食。食物ok，價錢貴，服務差，性價比低。

落單：椰皇壽喜燒鍋、串燒、生蠔2隻-第一次寫評價獻畀呢間餐廳老實講嘢食係唔差 但係佢個鍋傳熱麻麻再加上真係等咗好耐好耐好耐！可能係情人節啦 多人瘋狂漏單錯單遲單比錯隔離檯😡基本上每一檯都係咁-我地08:50落單 最後 9:45個鍋先到講真你地要食嘅 考慮下自己夠唔夠時間等😔一開始已經比錯我地個茄子串燒隔離檯收番之後連埋其他串燒先畀我地串燒不過不失 OK好食-但係等其他菜已經等到就嚟餓死生蠔等咗差唔多40分鐘先上到中間已經吹過一兩次最後遲咗仲要上錯另一款生蠔🦪仲要好似唔係好新鮮 腥味好重食落有少少生蠔殼 呢個認真麻麻食完個生蠔同埋串燒 個鍋都未到望住附近有一檯遲過我地去已經食完咁濟..-然後中途仲發現隔離個檯原來仲慘過我地😵‍💫佢地早過我地到叫咗個最貴Set淨係嚟咗生蠔 同一個主菜上咗個鍋 但係原來唔係佢地 應該係本來要上比我地嘅我地走個陣佢地個鍋先啱啱到但係仲有Pizza同埋其他嘢未到-除此之外 後面仲有幾檯 有個男人走左出嚟問佢地個鍋整咗未 未整直情唔要 佢地都差唔多等咗成個鐘隔離另一對情侶都仲有個餐未到講真唔會再去🫠你地要試建議食Lunch 或者冇咁多人嘅時間食因為個度人手係完全唔

本來情人節想同另一半食餐好，鐘意食日本嘅我見comment 唔錯就抱住期待嘅心情黎試。點知點左野食半個鐘都未上到，叫人又冇人應，有個職員係完全迴避，當睇我地唔到，隔離枱都一樣，三催四請都唔上菜，我地只係叫左一個壽喜燒同12貫壽司，都差唔多等左成個鐘先上到壽司，但個壽喜燒都係不見蹤影。吹完放低個爐，轉頭又收番起個爐，比個爐我望梅止渴？真係成個問號係頭頂。仲要聽到隔離都等左好耐，幾經等待上菜，點知原來都係上錯菜。極不推薦，價錢唔平，服務態度有待改善。

就快情人節，大家諗好同你愛人去邊慶祝未呢～今次黎到位於尖沙咀既日式料理，未入去門口已經佈置得好靚好有氣氛裡面佈置都冇令人失望，好多不同日本文化元素，令進餐時更加猶如置身外地先來海膽，比我預期鮮甜，食得出既新鮮，超級讚平時食生蠔都係原隻上，原來加上配搭調味，可以令生蠔既鮮味再去另一層次，打緊呢篇食評既我已經回味緊個人建議食既次序：1個人建議食既次序：2個人建議食既次序：3關東煮賣相精緻，打卡一流職員會加上椰子做湯底，特別鮮甜仲有多款串燒，特別推介豚肉荔枝串燒，超好味壽司不過不失，飯略嫌唔夠醋味

好難食的麻油烏冬，一個牛pizza要等個鐘，又唔一早同客講明。d野食油到入唔到口。鐘意坐就即管去呢間黑木堂。真正垃圾， 用餐時間用來寫comment最好。個pizza 其實是一個油面包。