黑木亭居酒屋 (金馬倫道)

餐廳裝修別緻，牆上有唔同嘅壁畫，打卡一流！1. DIY壽司刺身盒 $599呢個刺身盒有三文魚、吞拿魚、海膽、帶子、魷魚、三文魚子、芥末八爪魚、醋飯、紫菜。講到明DIY，就係自己用紫菜包醋飯同刺身食！呢個就可以按自己嘅心意，配搭唔同嘅刺身！刺身都幾新鮮，份量都唔算少。2. 清酒煮蜆 $108清酒嘅味道都幾重，蜆嘅份量都唔少，但係飲咗幾啖個湯就有少少鹹。3. 流心芝士玉子燒 $88只是做到拉絲嘅效果，味道就係正常玉子啦，不過不失。4. 海產細味六杯蠔 $228六杯蠔，配搭三種唔同嘅口味，泰式、雞尾酒、日式酸汁！不過啲蠔比較腥，配埋啲醬汁，都辟唔到陣腥味😣（以上價錢未計加一服務費）

想搵個地方同朋友邊人邊吹水，衣間餐廳正正岩晒要求。座位空間闊落，滿座時亦唔會變得太噪，亦無入座限時計。食物整體質素高質，份量同價錢都合理，店員態度服務都好，會再幫襯過！

金馬倫道雖然比以前冷清左少少，不過好彩好食既餐廳仲係到。1樓有間日式居酒屋，佈置勁有日本feel, 席間又聽到有日本客人！黑木亭原創-黑糖啤酒拉麵 2.0 $128賣相同造型都滿分，店員話要攪勻先食，上面扮啤酒泡的，原來是cream cheese，配凍蕎麥麵好特別，撈完後連埋紫菜、蘿白蓉、wasabi 一齊食好好味！黑木亭製-鐵板和牛餃子配芝士忌廉汁$178得4隻餃子其實價錢偏貴😂不過店員推薦時說餃子係自家包既就叫黎試下。入面啲餡全部都係和牛粒。芝士係忌廉汁個味幾西式，勁多汁點唔晒黎食～三味鐵板A5和牛鵝肝$298重頭戲！鵝肝超軟熟好好食！大蔥蒜蓉和牛+厚切和牛都勁有牛肉味，不過我覺得喺鐵板上邊要盡早食，如果唔係煎下煎下就過熟。紅火龍佛手柑熊茶$78蜜桃烏龍熊茶$68兩款茶飲都有勁可愛既熊仔冰，打卡勁好睇！蜜桃烏龍茶都幾甜，有好重既桃味。紅火龍佛手柑熊茶飲落有少少莓味？個人覺得偏甜。

見到open rice 咁多好食評，一於同女朋友試吓，先講服務，有等於無，每次叫order 都要擧三四次手先見到！我哋要求坐卡位，當時仲有數張冇人坐，不知點解個經理都係唔比我坐，直至我哋走果刻仲有吉卡位，咁既服務，算吧了到食物，我哋叫左個椰皇壽喜燒，佢哋招牌，點知上枱果刻真係怕怕，個椰皇出面同入面都黑色的，啲所謂椰水倒出來透明，同一點椰子味都冇，然後我問果位同事，這個似清水多過椰水，果位同事好似知道咁，冇出聲，然後同我哋講啲椰水已經放咗入去！吓！！咁個椰皇原來是道具，打卡還打卡，都要有道德！之後叫咗啲串燒唔係凍就咸，仲衰過後面街$10串！然後我女朋友叫左甜品，又話打卡必點，點知等左45分鐘都未到，我追時候，待應先話師傅收咗工，吓，咁都得🔥🔥🔥呢餐飯食到一肚氣，以後唔會再去，亦都要提醒大家，食評不能盡信

每次來到這間居酒屋都會有不同的驚喜，餐牌經常會更改，所以每一次都有不同的體會，水準又保持到！山葵滿盤烤肉（２９８元）這個烤肉拼盤挺豐富的，一共有三款肉，分別是豚角煮，洋蔥炒肥牛和蔥花牛肉，再配上茄子，青椒，墨魚腸和菠蘿，另外還配有生菜，蔥絲和山葵給你包肉吃解膩的！豚角煮入口鬆化，肥的部位入口即化，燉煮得很入味。洋蔥炒肥牛味道香甜，入口充滿肥牛的油香，味道惹味！蔥花牛肉牛肉是厚切的，肉味比較濃，牛味突出，加上蔥花來吃，挺香的！另外墨魚腸也挺有驚喜，口感爽脆又有肉汁！時令海膽天婦羅（１９８元）海膽炸得差不多８—９成熟左右，熟的海膽吃起來味道會更濃郁，口感外脆內軟糯，跟生的完全是兩個感覺，非常特別！奶油薯條（９８元）挺特別的一個搭配，感覺就跟食雪糕配薯條一樣，吃的就是一個冰火的感覺，外脆內軟的薯條加上奶滑冰冰的奶油，味道比想像中能接受，挺有趣的！蜜桃烏龍熊茶（６８元）味道會比較香甜，有烏龍茶香，蜜桃突出。紅火龍佛手柑熊茶（７８元）紅火龍的香甜，加上佛手柑酸甜，配上茶味，這杯會比較解渴解膩的！

今日去尖沙咀跟舊同事聚舊，搵左間日式居酒屋食飯。餐廳以木系室內設計，牆上畫咗好多日本風的公仔同畫，亦有好多日本式的燈籠同櫻花喺餐廳周圍比人去打卡。最緊要係日本菜式夠創意同玩味，全程相機食先。黑糖啤酒拉麵2.0 $128估唔到香港人咁有創意，將冷麵放喺啤酒杯內，再喺啤酒杯上面加咗一層忌廉，變成一杯黑啤。而啤酒杯裏面係冷麵汁，如果唔夠味可以自己點蔥同Wasabi。三味鐵板A5和牛鵝肝 $298用鐵板上，熱辣辣渣渣聲。厚切A5和牛, 細細塊，入口即溶食完唔夠喉。大蔥蒜蓉和牛,用和牛包住大蔥同蒜蓉煎熟，大涌吸收晒牛肉嘅精華，非常香同惹味。兩粒非常肥美的鵝肝，夾住蘋果薄片、咬落去好Juice，蘋果吸收了鵝肝多餘嘅油份，識落唔覺好油膩。蜜桃烏龍熊茶 $68超得意嘅熊仔烏龍茶好香蜜桃味唔會太甜剛食完和牛，飲烏龍茶來消滯非常一流。紅火龍佛手柑熊茶 $78火龍果同佛手柑茶整成嘅飲品，上面又係加咗隻用冰做嘅熊仔，非常Q。飲品仲要漸變色紅黃色，未飲已經被佢色彩繽紛嘅顏色吸引，女仔必叫來打卡之選。

呢間餐廳有好靚既環境，座位好多，入面好大好多壁畫同日本既擺設，我地叫左一份厚切和牛，大蔥和牛片配鵝肝多士都只係$298 食物仲用左石板燒住熱辣辣，睇住d和牛燒好，和牛厚切入口油脂比較濃郁，牛肉極嫩滑既口感鵝肝好大片，而且夾住多士食會減卻一份油膩感黑糖啤酒拉麵聽講係自家制，啤酒杯造型入口係比較特別好creamy既冷麵，奶泡係奶油加黑糖漿，望落真係好似杯啤酒甘。蜜桃烏龍茶造型趣緻上面有冰熊，烏龍茶味都幾出。

🔸 厚切A5和牛 大蔥蒜蓉和牛 鵝肝 三味鐵板   $298三款美食放喺一個熱辣辣嘅石板上面，配咗啲洋蔥絲、蘋果片 仲有蒜蓉包， 一上枱就熱氣騰騰，香噴噴。大蔥蒜蓉和牛係將和牛肉片卷住一束大蔥絲，下面亦都堆滿咗洋蔥絲， 有好濃厚嘅蔥香味，食落牛肉卷肉脂豐富，淡淡爆汁 而且好滑流。煎香咗嘅鵝肝就最適合夾埋蘋果片同蒜蓉包一齊食，十分滋味，鵝肝一啲都唔蘇，又大件漏油。燒厚切和牛 本身就已經係好香， 其實物都唔使蘸，點少少海鹽入口，啖啖肥美嘅和牛本身牛脂味已經好正😚味道：8/10性價比：7/10🔸 黑木庭原創-黑糖啤酒拉麵2.0   $128呢個好特別，仲係第一次見，餐廳用一個好大個高身嘅啤酒杯裝住麵條，上面鋪滿忌廉同黑糖，另上一碟 wasabi、蘿蔔茸、蔥花、紫菜絲。 可以將啲麵撈埋啲黑糖忌廉，拎出嚟放喺個味碟上面蘸你鍾意嘅配料，忌廉麵條蘸上蔥花嘅味道似日本蕎麥冷麵，如果蘸蘿蔔茸口感好清爽，配wassabi都唔錯，唔會好辣，味道有多種，主要係冷麵搭上忌廉同黑糖，好爽滑好好食。味道：8/10性價比：6/10🔸 鐵板和牛餃子配芝士忌廉汁  $178四隻牛肉煎餃，放喺個鐵盤嘅上面，浸咗喺啲熱辣辣嘅

🥣鐵板和牛餃子配芝士忌廉汁🥣：💰$178餃子餡超濃郁和牛味，食到原粒和牛，油香爆發，餃子皮煙韌，沾埋芝士忌廉，好邪惡🤭🥣三味鐵板A5和牛鵝肝🥣：💰$298有標示肉類名稱，4粒厚切A5和牛，可以自己睇住熟度夾黎食，肉質爽口，油脂分布平均，大蔥蒜茸和牛，中間夾香蔥，可以去咗油膩感，濃牛味，兩片鵝肝分別夾鮮蘋果片加多士食，油香加果甜，勁力推薦⭐️🥣黑糖啤酒拉麵2.0🥣：💰$128用啤酒杯裝住，杯面有黑糖忌廉，味道似butter beer ，幾厚身，拉麵仲有種糖心蛋味，汁撈埋黑糖忌廉增加左香滑感，加埋紫菜，仲似日式冷麵咁。🥤芒果烏龍熊🥤：💰 $68有隻熊仔冰粒，打卡able，要mix完先飲，底部有甜甜果肉，加埋烏龍茶底，夠清新。🥤藍蝶花佛手柑熊茶🥤：💰$78呢杯夠涼透心又清新，佛手柑清甜，仲有果皮肉，甘甘地少澀，幾特別。

經OP Book 8點沒有爆場，可能因為唔爆場的關係，在場侍應都唔多，加上我哋係坐最入，所以點餐都好困難先講點了什麼1. 黃金片立鱗燒 $198唔熱都唔緊要，咬到中間直情係冰冷…跟店員說了情況，她提出退了2. 日本原隻象拔蚌 $198正常3. 原板時令海膽 $198正常4. 磯煮鮑魚六點刺身盛 $388三文魚刺身有筋，由於本人唔好鮑魚，加上朋友話好咸，試都無試，其餘刺身正常，不見得好新鮮5. 鰻魚牛蒡炸蝦卷 $128朋友想食鰻，點了這個，炸蝦應該是脆的，但係淋既，舊飯好黏，一pat 野6. 清酒煮蜆都係唔熱既，算正常，份量多7. 炸雞軟骨終於有一樣野係熱架啦，拎嚟時明明有個醬，唔擺低，再問，我哋又等一陣，佢返嚟講爭我哋個醬喎埋單兩個人盛惠$1,782，咁既價錢值得更好選擇

睇咗啲食評，需然都知大多係廣告，但估唔到可以係咁嘅水平。 中價錢，但低質量。座低睇完menu, 菜式選擇不多，三百幾蚊嘅刺身水準係凍肉店質素，真係唔知點解會有咁多人話好食。 全場大部分人叫鍋物，因為冇乜特別嘢選擇。 生蠔，買一送一，但價錢差唔多double 一隻，即係冇平到。 好彩嘅先叫叫咗少少試吓，唔對路就走人！ 然後去第二度再食過！ 餐廳策略係將價錢拉高，然後特價其實冇平過，但都明白，租金人工都咁貴，但始終餐廳應該要對食物就要求咁樣先至會令客人覺得值得去食。

之前在黑木亭居酒屋吃過，又靚又好食，環境食物打卡一流，中午經過見到刺身生蠔午市商務二人前原價$570，打折之後$469，同好友即刻衝入去吃！真心燒蟹甲羅 獨特的橙紅色的蟹形裝飾碟裡面放了雞蛋、蟹籽、蟹膏、青蔥和蟹肉,濃郁的蟹香撲鼻而來，蟹肉蟹膏鮮甜豐富,口感細膩！仲有麵包片，可以夾住吃也相當惹味！薄切白身魚刺身八片 賞心悅目好誘人，白身魚十分新鮮,切片潔白透亮,魚肉口感滑嫩細緻,沾上醬油,味道會更加豐富,鹹鮮味與魚肉的鮮味交織在舌尖鮮嫩七味地雞扒配自製鮮魚湯泡飯雞扒金黃酥脆,味道好特別是由七種不同的香料調和在一起,非常惹味。自製鮮魚湯,湯頭濃稠透亮,飄散著淡淡的海鮮香氣，鮮甜可口,飽滿的米飯充分吸收了魚湯，啖啖都好吃！法國生蠔生蠔新鮮晶瑩,飽滿汁水充盈，入口時,蠔肉Q彈柔軟,蠔汁清澈鮮甜滑入口中蔥鹽封門柳 封門柳鮮嫩多汁,清蔥為滑嫩肉質帶來蔥香！Lunch hour 仲設有自助，有檸檬茶、麵豉湯、沙律、漬物前菜，真是好抵，性價比高！

舊同事飯聚， 去左尖沙咀金馬倫道黑木亭食lunch. 點左個刺身生蠔午市商務二人前。產地直送薄切白-入口爽脆， 上面舖左好似啫喱嘅配料， 入口qq 彈生蠔- 海水味濃， 生蠔肉身肥美。真燒蟹甲羅 - 勁多蟹膏， 加上蔥 蟹籽， 味道回甘， 碗上多士黎食， 中和返味道濃烈嘅蟹膏。柚子豚肉丼 - 用上柚子黎做調味感覺清新， 喺悶熱天氣， 可以開下胃口， 另外， 豚肉份量多， 肥瘦適中。鵝肝和牛石鍋飯-超多和牛粒， 牛味香濃， 鵝肝入口即溶， 加上有我最愛嘅飯焦， 呢個飯大滿足。

踏入位於繁華尖沙咀核心的黑木亭居酒屋，仿如穿梭至東京的小巷弄中。店內裝潢簡約而不失日式雅致，木質桌椅與和風裝飾營造出一片寧靜的食天堂。首先，流心蛋脆片薯仔沙律以其獨特的口感和層次，讓人驚喜不已。蛋黃柔滑流淌，與脆片和薯仔的酥脆形成絕妙對比，每一口都是味蕾的慶典。接著，黃金片立鱗燒的外皮烤至金黃酥脆，內裡魚肉鮮嫩多汁，每一口都能感受到海洋的鮮甜。而啤酒拉麵則是一道創意十足的料理。冷麵搭配黑糖和奶油湯底，甜中帶鹹，啤酒的微醺與奶油的滑順交織，令人回味無窮。常滿卷則是壽司愛好者的夢幻之選。三文魚、吞拿魚等多種魚生的豐富口感，在加州卷中展現，每一口都是海洋的贈禮。火炙左口魚邊卷的表面輕輕炙燒，帶出魚肉的油脂香氣，口感豐富，令人難以忘懷。飲品方面，藍蝶花佛手柑熊茶與蜜桃烏龍熊茶都是清新解膩的選擇。藍蝶花的清香與佛手柑的微苦完美融合，而蜜桃烏龍則帶來一絲絲的甜蜜，為這場美食之旅畫上完美的句點。服務方面，店員的細心與周到，讓整個用餐體驗更添分色。每一道菜品的介紹都恰到好處，讓人感受到賓至如歸的溫馨。總的來說，黑木亭居酒屋提供了一場視覺與味覺的雙重盛宴，是尋找正宗日式料理的不二之選。🌟🌟🌟🌟🌟

難得平日，有得同🐷兩個人食午餐，就試下黑木亭推出既商務午市套餐💚白身魚刺身的味道是鮮甜且濃郁，配上佐醋够醒神開胃。時令法國生蠔的味道鮮美，帶有淡淡的海水味又脹卜卜。真燒蟹甲羅的味道濃郁，帶有蟹肉的鮮甜和蟹膏濃郁，再配上鵪鶉蛋塗上法包，脆味可口。雜錦炸物有天婦羅蝦和炸雞，味道酥脆可口流心蛋牛油果角切魚生丼：結合了流心蛋、牛油果和新鮮魚生的鮮美口感，食落又够creamy 冷蕎麥麵：好岩夏天食，凍凍的蕎麥麵味道清爽最後甜品，朱古力和曲奇雪糕❤️💚