黃金燒味 (已結業)

今日去左買外賣, 燒味店一般都好快手, 所以就11:40 分左右去到佢門市叫外賣. 落單果陣都無人, 場內無坐滿人. 門口得1,2 個客等外賣(包括我).點知我等外賣要等差不多成20分鐘.... 佢飛單都飛左幾次, 哎, 食飯得一小時, 等要20分鐘. 明明無咩客等, 都要咁耐. 仲要無人理.... 好唔掂. 以後唔再幫襯, 浪費晒D 時間.

成日午飯時間經過這店，見佢外賣好似優惠啲，所以門口成日都企咗好多人等外賣，但因為我公司不在附近，所以都係選擇堂食，十二點搭三度到，等了一會兒就有位，佢個出入口位比較窄，基本上有人出係要等佢出完先有位可入去，安排咗我坐卡位，見到餐牌有個類似常餐嘅蜜汁叉燒蕃茄濃湯餐，係有叉燒配通粉/米粉／米缐/公仔麵，另外可選黑松露炒蛋或䶢牛肉炒蛋配半個奶油豬連飲品，好似幾吸引咁，決定食佢，個通粉同叉燒分開上，叉燒份量充足，不過比較瘦，但唔太硬，我覺得個蜜汁叉燒要撈飯先好味，就咁食味道有D過濃，個蕃茄通粉好多料，但個湯底出奇地無咩味😳可能太多水煲關係🤔稱不上為濃湯，至於個黑松露炒蛋唔夠滑，比較薄身，黑松露只係放在蛋上，並沒有一齊炒，個奶油豬唔夠脆，雖然以上總總好似評價唔高，但另一角度諗好似健康啲，唔洗咁濃味同熱氣🤣這個餐$62，如果常餐而言可能比較貴，但佢又有別於一般常餐，總體而言，可接受.

同朋友經過入到去叫左個豉汁蒸倉魚，叉燒燒鵝例牌，食材睇落極有水準一啲都唔馬虎，食落果然好味，然而最差係個白飯，可能我食慣金鳳，佢啲飯鞋恰恰一啲飯味都冇,仲微微偏黃，完完全全係敗筆，肯定係用咗貴價嘅越南米所至，希望儘早作出改善

同同事叫左一個蒸魚及一個叉油雞飯，蒸魚火候恰到好處，油雞尚可但係叉燒比較硬唔係太腍，敗筆之處在於啲飯偏硬又冇飯味，都唔知係咪用咗越南米出嚟嘅結果就係咁，最好用金鳳或其他正宗泰國米，6月我再嚟食過希望有所改善

是日午餐啱啱新開嘅時候都幾多人等位，但今日早就唔使點等位！但其實都坐得好迫夾但灣仔區來講嘅燒味飯佢都算唔錯㗎啦！有個細細碟嘅餐前小食係青瓜可以唔食，唔跟湯可以揀熱飲，雙併飯就50蚊左右！我覺得而家食比初初開嘅時候啲嘢仲大份左添，叉燒都大大嚿，燒肉都脆口！但就唔預佢有咩服務可言，午餐咋咋淋食完快啲走，因為門口晏左都好多人等位！同區附近黎講，佢比起大興嗰啲叫做好味少少又坐得舒服小小咁囉！燒鵝髀同埋燒腩排骨係要加錢，但呢間係無燒鴨的！

放工收夜了點就到灣仔附近隨便找找好西，食個靚飯才回家休息。而同事就馬上介紹我到附近這間燒味，講到非常吸引。而我自己平時放工又急急腳行過就走，但都成日聞都燒味獨特you吸引的香味。今日終於可以來到一探究竟la~整個MENU上面九成九是燒味，多到選擇不下，每款都想品嘗下~~真的要認真篩選看才能好好ORDER^^最後我地兩個女仔人各點左一個自己中意的燒味，而其中一個有飯Set就share已經夠 😜 好期待！#醬皇燒排骨一個淨餸果然份量驚人🤤感覺應該有超過一條完整排骨條🍖外表看上去秘製的醬料醃製令到菜式閃閃發光，馬上胃口大開😝味道方面一食入口是甜甜蜜蜜的醬料，有像咸蜜糖一樣的口感。而且排骨比例上，肉比骨多很多，不怕咬到很多骨頭👍👍#燒鵝肥燶楠叉雙拼飯🤘果然飯量已經超過兩個女生的分量，我地甘order真是太聰明haha😏燒鵝外皮燒得光澤，皮薄不會很多肥肉，女生不用怕肥😂脆脆香香的，味道一流。中意食燒鵝的人會很喜歡！肥燶楠我都係第一次食到，肉質肥嫩可以做到入口即融非常厲害😍，入口是有回甘的又充滿腩肉香。飲品除左普通汽水，重有唔小夏日特飲可以選擇😜全肉晚餐食完好滿足啊，下次放工又再行黎食💃🤘

Located in the midst of busy streets at wanchai, I really loved this restaurant because they serve high value worth steamed fish!It was a pleasing set, worth the visit!日日蒸品 $98拍蒜豉汁蒸鯧魚大頭菜蒸黃花魚 (we ordered 2 dishes)老火湯、白飯骨湯浸時蔬熱飲Besides, this restaurant was famous for its BBQ pork, without a doubt, we ordered the bbq pork set : 分量十足碟頭飯單拼 $49 雙拼 $54蜜汁叉燒&黃金燒鵝+$6是日涼拌小食白飯/粉麵5個鐘頭老火湯It was a flavor-wise set indeed! 淮山杞子螺頭燉雞湯 $35This chicken soup was soothing! Must order item here! Healthy and flavor-wi

If you are figuring out where to eat out for comfort cHinese/local food, this restaurant serves average food. Their recommended dish was definitely BBQ Pork! The black truffle fries egg was flavor-wise!蜜汁叉燒蕃茄濃湯餐$60 : 蜜汁叉燒通粉The only drawback of this set : The tomato broth was overcooked! It was really bad as a result...黑松露炒蛋半邊奶油脆豬 Devilish toast!None could resist!熱飲

似茶餐廳嘅裝修格局， 面積唔算好大， 有卡位，坐得算幾舒服。比起平時食開燒味嘅餐廳，呢度嘅選擇相對比較多，而且有套餐選擇，最後我哋揀咗兩個住家燉湯餐。套餐包括燒味雙拼、湯、時蔬、飯/粉，同埋飲品，非常豐富。乳豬燒腩仔雙併乳豬皮好香脆，入口鬆化，皮脆肉滑，肥瘦亦適中，多汁但不油膩。燒腩仔略嫌有點瘦，不過皮好脆，燒得啱啱好。瀨粉白飯轉左瀨粉，份量足夠，大大碗，湯底是帶有藥膳湯味，瀨粉爽滑入味。淮山杞子螺頭燉雞湯 暖暖嘅感覺，燉湯材料好足，有雞肉、螺頭、桂圓等，有補肺、滋陰等功效，感覺好滋潤。蠔油菜芯菜芯應該係用骨湯去浸熟，有湯味，配上蠔油就係最佳。燒鵝肥濃腩叉雙併(另加$5)燒鵝好香，係油脂散發出來嘅鵝油香氣。表層鵝皮又薄又脆，燒鵝肉有彈性而且好香。肥濃腩叉燒得都好香， 帶點肥，肉質顯得更有嚼勁，入口鬆軟，個人最鐘意，正！老火湯，想試多款湯，轉左老火湯，夠晒火喉，用料足。仲有飲品，滿足嘅一餐。

喺巴士站隔離見到有間燒味舖，好似係新開嘅就入去試吓啦本身想叫二人套餐，但係冇晒乳豬咁唯有叫兩個雙拼飯～好多飯都會送個涼拌小食，今日嘅就係拍青瓜，酸酸甜甜都幾開胃😋仲會送埋個例湯，飲得出係冇味精嘅老火湯👍🏻《油雞髀拼鵝髀》兩隻個size都大到嚇死人，本身冇諗過咁大份！油雞皮薄，脂肪唔算太多，肉滑～鵝髀皮都算脆！《肥腩叉燒拼鵝髀》隻鵝髀仍然係大到嚇死人，但就一啲都唔乾！肥腩叉燒舊舊都厚切，叫得肥叉就梗係脂肪比例比較多，所以一入口個口充滿油分，同埋調味做得幾好唔會太甜🐷係個白飯乾咗小小，如果唔係就更圓滿啦

和朋友放工聊天兼醫肚，行經灣仔軒尼詩道68號新禧大樓，見有人排隊買燒味，餐廳裝修頗新簇，我們點左黃金四寶飯 $100，有黃金燒鵝、化皮乳豬、叉燒、汾蹄，每款燒味都配有不同的醬料，沾些更好味，再配蠔油菜心和煲足5個鐘的老火湯，飲得出是真材實料無加味精，大大碗，真抵食！重有餐飲咖啡。住家燉湯餐 $108配米線，加$12可以揀乳豬和燒鵝，乳豬非常脆口，燒鵝很有肉香，淮山杞子螺頭燉雞湯也很清甜好味，有油菜配餐飲。燒腩仔$98，皮脆肉嫩，肥瘦適中。極不錯👍

啱啱專登去左灣仔食，本來期望都幾高，但係結果令人失望。首先，叉燒同燒鵝太凍，雖然燒味本來就唔係熱，但係連少少溫暖都無，令人食慾大減。跟住燒鵝皮唔脆，又淋又難咬，燒鵝肉鞋得黎又無乜味，肥叉燶腩某啲位太燶，完全係黑色，無辦法進食。但係叉燒味道係唔差，有蜜汁，幾甘甜。另外叫左條魚，啲魚鱗未刮清，仲有半條魚係有魚鱗，浪費左條魚。米飯太硬，又唔熱，配燒味依啲乾身既食材好難吞嚥，無乜胃口。不值得一試，令人失望。

見到有一間叫黃金燒味，比佢個名吸引望左一眼，見到入面都幾多客人，又有人等緊外賣，應該無伏既，就入去試下。餐廳主力做燒臘，我行去個燒臘位睇下，啲义燒好靚，好想食义燒😍😍我地叫左個2人餐，有好多野食，燒臘方面，有燒鵝拼义燒，太美味了。燒鵝個汁好好味，啖啖肉，餸飯一流。义燒竟然係半肥瘦义燒吾會太燶，而且好入味，有水準👍🏻👍🏻跟住重有一條蒸魚，日日都吾同魚，而且會賣晒，幸運地我地係最後一條😂😂條魚叫盲曹，魚肉好鮮味，茶餐廳黎講，算高質。之後重有啲配菜，係滷水拼盤同埋時菜。個滷水拼盤好好味，啲鴨翼入晒味，但食果時要小心啲，因為啲骨既切口好尖。套餐重會包埋飯同品，食左咁多野都係2百幾蚊，二人餐都好抵食，大家都快啲去試下呢間黃金燒味啦👍🏻👍🏻

今日同我朋友嚟到灣仔想簡單啲食餐晚飯，見到呢一間燒味鋪名叫黃金燒味 ，嗰度望入去見到啲燒味好似燒得好靚。餐牌上咁多食物睇到眼花撩亂，所以同個朋友一齊帶咗一份二人套餐，入面包括有蒸魚，雙拼燒味，鳳爪，老火湯，油菜，非常豐富！✨老火湯一埋位就率先俾咗兩碗老火湯俾我哋 ，老火湯唔落味精，入面仲有好大舊嘅豬骨，飲落清涼解渴✨白雲鳳爪白雲鳳爪份量好多 ，大概有10幾隻 ，旁邊仲配上醋同埋醬料點嚟食✨燒鵝拼肥燶腩叉雙拼燒味拼盤可以選擇燒鵝同埋乳豬其中一款，再拼一款正常嘅燒味，我選擇左燒鵝同肥燶腩叉。一拎餐牌嗰時見到肥燶腩叉係需要加錢，唔知道有啲乜嘢特別，但當我親身嘗試過嘅時候先發覺乜嘢先係叫做好食嘅腩叉 ，呢一份藍差一層肥膏一層肉 ，一層肥膏一層肉，配上特製嘅蜜汁，果種特別嘅質感同味道簡直係喺味蕾上面跳舞！✨鼓椒蒸倉魚套餐入邊仲包一條蒸魚 以我選擇咗鼓椒蒸倉魚，倉魚嘅份量係中等size但係配合埋鼓椒蒸，逼出魚嘅味道，呢個價錢仲可以食多條魚簡直係超值！✨例牌叉燒一份($88)食完個雙拼燒味之後覺得唔夠喉 ，決定另外再帶多一份例牌叉燒 ，今次係嗌左正常叉燒，叉燒分量足夠，足足有兩大排 ，每一件叉燒都佔

其實係第二次嚟， 因為太掛住個燒鵝髀飯點知7：30PM已經賣晒！！  唯有叫燒鵝代替， 加埋肥腩叉燒， 叉燒肥得嚟肉嫩又唔會食到成口油， 配埋甜甜地嘅蜜汁， 好好食燒肉今次食個皮有D硬得濟， 不過雞肉特別嫩滑， 明知雞皮唔健康都食哂， 偶爾放縱是必要的！平時少飲湯水， 今次叫個例湯， 估唔到好足料， 同埋絕對唔係味精死鹹味， 唔錯喎侍應好NICE， 尤其是收銀個位小姐， 有禮貌又服務好下次都係唔好咁晏， 一放工就嚟食返佢地嘅燒鵝髀先