黃金燒味 (已結業)

今日來到演藝學院睇完一場精彩表演後，順便在灣仔附近食午餐。見到這家黃金燒味的午市套餐好抵，價錢相宜又多選擇，便入來食下。我們揀了一個二人套餐，包有燒味雙拼一碟，蒸品一款，白飯，老火湯等。乳豬拼燒鵝乳豬皮脆內滑，乳豬皮卜卜脆，肥瘦適中，肉質嫩滑香甜，多汁而不油膩，點燒汁食好夾。燒鵝偏瘦，有淡淡的木薰香味，肉質軟稔香甜。涼伴雞腳拼青瓜雞腳味道較清淡，咬落煙韌，富有膠質。青瓜爽脆清甜，新鮮爽口。瀨粉白飯可以轉揀瀨粉，份量好大碗，爽滑入味，湯底是帶有肉⻣茶的藥膳湯味，用料認真。䜴汁蒸黃立䱽即叫即蒸，魚肉嫩滑清甜，用薑蔥蒸出黎香氣撲鼻，魚肉少⻣，蒸得剛好熟，滑溜多汁，魚香味濃郁。生炸脆皮乳鴿熱騰騰，色澤鮮艷，油份有光澤，皮脆肉滑，生炸的煮法令乳鴿食落香脆可口，香甜而不膩。例湯，蘿蔔青瓜豬⻣湯，清甜可口。蠔油菜芯，清脆爽口，鮮甜多汁。

 燒味係香港既代表性美食今次介紹灣仔呢間新開既燒味專門店自家工場製作,品質水準都相當出色招牌既燶腩叉燒更加係非常搶手短短數月已經係灣仔有一班食客粉絲支持！埋位即上每位一客小吃，今日係青瓜夠脆口，開胃小菜標準單雙拼就$49起不過識食一定食燶腩叉燒鵝脾飯 $98送老火湯或熱飲 必飲煲足5小時真材實料靚湯,賣完就無！肥燶腩叉燒鵝脾飯一大隻鵝脾，我有個小建議！提佢免切，食得更加爽!肥叉比得好足料,一大條叉燒！呢個價根本抵食過叫例牌雙拼！ 肥肉，瘦肉相間，一層肥一層肉夠甘香，但不油膩，特別鬆軟多汁絕對比起好多星級中菜既叉燒都要好!少許焦香更令佢多一分香氣～燒鵝，皮好薄身，好脆口，鵝肉特別多肉汁咬起來特別滋味，夠油香有肉味!都係個句,免切更加正！每日招牌例湯用足料煲，夠滋潤有營養!非常胃暖 燉湯燒味餐乳豬拼蜜汁叉燒 配淮山杞子螺頭燉雞湯一碗油菜一份可選飯或粉麵包熱飲,凍飲另加錢 識食燒味緊係配瀨粉 蜜汁叉燒比較瘦身,但肉都鬆化夠甜,燒得香口仲有乳豬都唔錯外皮夠脆口,唔算好肥,食落都唔錯配埋乳豬醬就正!  有常餐,番茄湯餐,小菜,選擇都多~ 秋天仲有臘味選擇！地址：灣仔軒尼詩道68號地下電話：270

今日同阿媽去灣仔行街阿媽話好想食燒味 我哋見到有一間新式嘅燒味餐廳裝修得好骨子 唔似傳統嘅嗰一種我哋就叫咗兩個雙拼燒味餐真係叫到成枱都係因為個餐係包左一碗湯一碗嘢飲同埋一碟菜我哋就食咗個乳豬拼牛展乳豬好香脆 牛展亦都好入味另一個就叫咗叉燒拼燒鵝叉燒夠晒肥 亦都有啲窿位好香脆而燒鵝都燒得好香而且個套餐仲可以俾你揀飯 米粉同埋賴粉真係10分多選擇 而且啲菜亦都好甜啲嘢飲方面我哋叫咗一杯柚子蜜不過我就覺得甜左少少 呢一餐真係好滿足

個日放工同同事係附近搵餐廳，見呢間新開無耐就入左去。餐廳有好多吾同款既餐，我地就叫左個2人餐，分別有以下食物燒鵝雙併，我地無要肫豬就併左廋叉燒叉燒燒得好香個邊有焦香，佢廋差但肉都係好淋，加埋d蜜汁好好食燒鵝都啖啖肉，個皮片閃令令，鵝肉都香。仲有好多舊菜心一碟有涼伴青瓜及雞腳青瓜食落口幾fresh,可以清下個口既油拍蒜豉汁蒸倉魚條魚係原條上，好大條，豉汁足料好惹味，條魚蒸得岩岩好夠分鐘，肉質滑，豉汁再撈飯，最好的配搭最後叫番兩杯跟餐飲品，我地就比錢升級左

在開飯找燒味店，這間黃金燒味評分幾高， 下午茶叫叉雞飯、凍檸茶。叉雞飯的叉燒，我已經叫了半肥瘦，結果又硬又乾，最終放棄吃了。切雞，可以接受。白飯，份量少。杯凍檸茶足足等了20分鐘才到達， 真的要大叫凍檸茶3次。我以為找錯了店。燒味店，叉燒是最基本的菜式。

雖然 在灣仔開業時間唔算太長， 但已經在區內站穩腳步， 而且已經儲到一班粉絲。 朋友下班後約左我來這裡吹吹水，來一晚女人的浪漫。 一貫茶餐廳格局， 面積不大， 大部份都是卡位， 我們兩個人坐四人卡位又點會迫呢。  當然主打燒味，亦有蒸魚套餐， 同時提供咖啡、奶茶，對無奶茶不歡的我而言，這點是十分重要。 襯著秋風起， 當然要滋潤下， 我點   $108            聽落好似貴貴地， 不過有盅燉湯飲就點都值既。 燒味雙併 、 淮山杞子螺頭燉雞湯 配 白飯骨湯浸時菜燉湯唔係成盎上， 真心有點失望 但份量一定比一般的燉湯多， 褐色湯頭， 呷一個熱辣辣靚湯， 味道稱不上鮮味，但湯料足， 味道夠甜， 淮山杞子螺頭有補肺、滋陰功效， 飲完成個人都暖笠笠。  接著當然要品嚐一下主打燒味  點了瘦叉， 果然是全瘦，厚切叉燒邊焦香， 肉質有嚼勁； 玫瑰露酒芳香撲鼻； 蜜汁包裹著叉燒，層次相當豐富。赤紅色的 ，鵝皮片片也是閃令令，急不及待將它放入口， 果然鵝皮又薄又脆，下層油脂散發出來的鵝油香氣佈滿口腔。鵝肉香；肉有彈性，但美中不足的是吃到的鵝肉不多， 如果喜歡吃鵝肉的朋友應選鵝肶部份。 朋

個個都賣燒味，但係唔係個個都賣好味嘅燒味。門口見到燒味都好靚，入去試一下。點了住家燉湯餐和雙拼燒味飯。分別有淮山杞子螺頭燉雞湯和老火湯。湯味道尚可，反正他不是專門做湯的。住家燉湯餐 ($108) 要燒鵝和貴妃雞。 燒鵝好靚，皮脆，唔肥。 貴妃雞夠滑。雙拼燒味飯($54)要叉燒和燒腩仔。 燒腩仔皮少脆，肉多肥膏少。我亦很怕吃肥叉燒， 這裏的叉燒肥瘦適中。生炸脆皮頂鴿($98)， 新鮮炸起， 熱辣辣， 要放量一會兒才可以用手拿起， 皮超香脆， 肉質柔嫩。燒味真的很靚，食得很飽， 有點不夠喉，買了鵝頸頭回家再吃。 拿回家吃依然好食。

今晚又去灣仔上SEMINAR，上堂前同同學仔黎個速食~~我地每人叫左個雙拼瀨粉, 燒鵝真心正，片脆肉嫩，我連皮食呀，食落好滋味！叉燒色澤均勻，肥瘦適中，好推介！油雞嫩滑可口, 唔錯~燒腩仔就嫌D 皮唔夠脆, 不過肉女好食~我地仲跟左個菜心, 都幾多，又唔油～另外我地加錢飲燉湯，係淮山杞子螺頭燉雞湯，入面真材實料, 淮山、杞子、螺頭、雞肉都有，飲落冇味精, 好養生健康！最後仲叫碟白雲鳳爪, 味兒唔錯, 仲好好損呀!!地點功方便，又平又抵食~

夜深的灣仔，我倆只想隨便找些東西吃，碰上這間門面特別，招牌有創意的的餐廳，意想不到是賣燒味的。一串串的燒味掛起，店內裝修不算特別，但很光猛。食物：二人餐：$208前菜青瓜一碟，還附上白雲鳳爪，爽脆煙韌各具特色。菜心翠綠的色澤，煮得稔身易咬。燒味招牌乳豬已賣完，點了燒鵝跟肥腩叉不愧是肥腩叉，肥瘦比例約55開，肥肉不會太油口感也是鬆軟，味道帶甜，很好吃燒鵝給了我們翼位，皮跟肉都有點乾身，配上醬汁，算還不錯吧豉汁蒸倉魚魚肉結實彈牙，魚身白𥇦整齊，魚鱗清得乾淨，魚皮鬆軟但不油，加上剛好的豉汁非常好吃！

餐廳佈置比較簡單，但系滴燒味味香到流嗮口水。要左份叉燒拼燒鵝，搭有青菜同湯。叉燒肥而不膩，真系好香。燒鵝就更加好食了，外脆裡嫩，肉好嫩滑。個飯量都比較大。食完真系超級飽。值得一提噶系，上菜速度好快嘎，如果趕時間，真系個唔錯噶選擇。

今日咁岩嚟到灣仔，經過見到呢間燒味餐廳環境唔錯，而且不嬲都好鍾意食燒味，咁就一於去試吓啦。呢度有別於其他食燒味嘅地方，因為通常都比較迫同環境唔會太注重衛生，但係呢度唔單止位置好坐，而且裝修都幾靚，最緊要係環境夠晒乾淨。一坐低佢就俾咗兩碟青瓜我哋，食落酸酸地好開胃呀。我同朋友就叫咗一個滷水拼盤同埋一個燒味拼盤，而我仲另外叫咗一碗瀨粉。呢碗湯好好味，飲落夠味但係冇味精，飲完唔會覺得口渴。燒味拼盤分別係油雞，乳豬，叉燒，燒鵝。我自己覺得四隻都咁正，但我最推介嘅係乳豬。因為佢唔單止個皮夠脆，而且食落唔會太肥，皮脆肉嫩，點埋甜醬真係一流呀。呢個滷水拼盤分別有生腸，分題，牛展，鵝亦。我自己覺得最正嘅係生腸，因為佢除咗口感一流，而且滷水都好入味呀。雖然呢個係淨瀨粉，但食落原來都有特別。因為佢嘅湯底係有少少藥材味，食落唔會太淡，而且感覺好健康。呢間燒味餐廳環境又好，價錢又平，估唔到啲燒味都一流，下次一定會再嚟食呀。

同男朋友去完灣仔電腦商場睇電腦 個麻甩佬竟然話好想食燒味飯 唉 見佢咁恨食 唯有睇下附近有邊間有好味啦～～～ search search 下就搵到呢間黃金燒味 佢個肥叉燒好似好鬼吸引！咁我地就入左去了 咩都想試既男朋友就叫左黃金四寶飯：平時去燒味餐廳很少會叫四寶飯，因為外頭大多都是用雞翼，紅腸，咸蛋，燒肉等比較下價貨，而這間餐廳有點不同，竟然將四寶飯用自家店名來為其冠名，所以特意來一試究竟。果然這裡竟然用上了其馳名的黃金燒鵝，燒鵝皮脆肉嫩，肉汁香濃，肉質結實。香脆美味的化皮乳豬，油而不膩，齒頰留香，再來就是香甜蜜汁令其更為邪惡的肥燶腩叉，腩叉肥瘦比例適中，口感軟稔。而最後一寶就是遠處都能聞到其酒香的酒香汾蹄，汾蹄充滿濃郁芳香的酒味，加上店家特製的醬汁，令其香味更為突出。而我呢本身又真係唔太好燒味 所以我就試下佢啲下午茶啦～～～ 公司三文治：三文治經過烘底，材料豐富，蛋，生菜，蕃茄，火腿，午餐肉等，作為午餐亦足夠有餘，再加上配有香脆可口的薯角，十分飽肚。芝士豬扒脆脆豬：香脆香口的豬仔包，內裡塗滿香濃的牛油，經已邪惡十足，現再加上香氣撲鼻的豬扒和半熔狀的芝士，更令其更添邪惡，現再配上一籃用

今晚要OT遲左放工，所以同友人係公司附近食飯，呢間餐廳一直未有時間試，所以決定今晚黎試下。餐廳不算很大，卡位/梳化位較多，不過都唔會太窄!餐牌上有套餐也有散叫，我們點了一個燒味餐和一個蒸品餐，還單點了一碟例牌豉油雞!住家燉湯餐，這個餐包括有燒味、燉湯、菜、白飯和飲品。燒味是雙拼的，我們點了燒鵝拼燒腩仔，燒鵝肥美juicy，皮脆肉滑!燒腩仔的皮脆卜卜，肥膏和肉的比例平均，唔會太咸!燉湯是淮山杞子螺頭燉雞湯，湯很鮮甜，而且都好足料，有雞肉也有螺頭，而且還有桂圓呢!菜心本身有味，再配上蠔油食會更美味!日日蒸品餐我們揀選了豉汁蒸鯧魚，鯧魚蒸得剛剛熟透，所以肉質很嫩滑，唔會好鞋，配上豉汁特別惹味!而這個餐也有例湯，今天的例湯是粉葛湯，幾鮮甜而且多料。玫瑰豉油雞(例牌)，豉油雞味道剛剛好，唔會太咸，肉質都幾嫩滑，配上薑蓉更加鮮味!兩個套餐我們也點了凍檸茶，味道跟茶餐廳差不多，茶底夠澀!這裡的燒味和蒸品味道都不錯，下次可以再黎買lunch食!

燒味都係香港既特色食物之一，所以見到新開燒味食肆我哋都會湊下熱鬧幫襯下.見到灣仔有間新開咗一排既燒味餐廳叫”黃金燒味”個名好特別就入咗去食吓。我自己叫咗叉燒燒肉瀬粉，嚟到佢分開咗上,我自己都比較鍾意lee種做法.因為燒肉皮唔會浸到”淋”晒或者冇晒味.試下個瀬粉發覺原來佢個湯係放咗D藥材落去做湯底,有D似淡味肉骨茶，但我同事唔係咁鐘意藥材味,我自己都接受到所以就冇所謂,但都講聲俾大家知.講返叉燒都好琳好蜜汁都ok.燒肉不過不失,可以一試

中午來到灣仔買完東西來到黃金燒妹。步進餐廳, 環境光明，綠色木椅，有別於傳統燒味店,挺新穎。點了燒鵝雙拼河粉➕肥腩叉鵝肉質細嫩、不油膩，味道還可以。肥腩叉偏咸。河粉算滑。個人欣賞餐廳既名也欣賞內部設計，坐得舒適。