黃金燒味 (已結業)

似茶餐廳嘅裝修格局， 面積唔算好大， 有卡位，坐得算幾舒服。比起平時食開燒味嘅餐廳，呢度嘅選擇相對比較多，而且有套餐選擇，最後我哋揀咗兩個住家燉湯餐。套餐包括燒味雙拼、湯、時蔬、飯/粉，同埋飲品，非常豐富。乳豬燒腩仔雙併乳豬皮好香脆，入口鬆化，皮脆肉滑，肥瘦亦適中，多汁但不油膩。燒腩仔略嫌有點瘦，不過皮好脆，燒得啱啱好。瀨粉白飯轉左瀨粉，份量足夠，大大碗，湯底是帶有藥膳湯味，瀨粉爽滑入味。淮山杞子螺頭燉雞湯 暖暖嘅感覺，燉湯材料好足，有雞肉、螺頭、桂圓等，有補肺、滋陰等功效，感覺好滋潤。蠔油菜芯菜芯應該係用骨湯去浸熟，有湯味，配上蠔油就係最佳。燒鵝肥濃腩叉雙併(另加$5)燒鵝好香，係油脂散發出來嘅鵝油香氣。表層鵝皮又薄又脆，燒鵝肉有彈性而且好香。肥濃腩叉燒得都好香， 帶點肥，肉質顯得更有嚼勁，入口鬆軟，個人最鐘意，正！老火湯，想試多款湯，轉左老火湯，夠晒火喉，用料足。仲有飲品，滿足嘅一餐。