75
2
1
港鐵灣仔站 B1 出口, 步行約2分鐘 繼續閱讀
電話號碼
27021388
營業時間
今日營業
08:00 - 21:30
星期一至六
08:00 - 21:30
星期日
全日休息
付款方式
現金
其他資料
酒精飲品
加一服務費
電視播放
球賽直播
食評 (90)
等級3 2021-02-21
0 瀏覽
有時番工食燒味飯,可以慳下錢之餘,又夠晒飽肚,係灣仔食過咁多間燒味飯,黃金燒味可以話係價錢實惠得來又最好食!佢呢度午餐仲可以揀要老火湯或者飲品,每次我都會揀老火湯,健康得來好足料,同埋夠哂好大碗。蜜汁叉燒拼脆皮燒腩仔 配米粉以呢個價錢,呢度嘅雙拼燒味份量真係對得住良心。叉燒夠晒入味,雖然有少少鹹但配米粉岩岩好,燒腩仔層皮夠晒脆,仲要係我最鍾意的肥瘦度,唔會話有好厚嘅肥膏,配埋芥茉醬真係好好食。以五六十蚊一個午餐來講真係水準好高。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-15
584 瀏覽
見食評不錯,叫了個肥燶腩叉+燒鵝飯叉燒完全無肥燶感覺 只有好厚嘅肥羔,但又唔係燒腩果種入口溶化嘅脂肪,只有吃豬羔嘅感覺。燒鵝,皮是脆脆地,味道不錯,但也沒有很驚喜。感覺是一間普通燒味店,說不上甚麼高質。 繼續閱讀
(以上食評乃用戶個人意見 , 並不代表OpenRice之觀點。)
等級2 2021-01-11
327 瀏覽
今天幾乎遊了一圈灣仔至金鐘一帶的美食地區,開APP一直查看心儀的是日口味,OK今天就試試燒味。店舖門口可能也是午飯時間關係,一直在處理外賣,我想入座也沒有人招呼,等了大概5分鐘終於有侍應有空才可以入座,其間我已選好心水。侍應處理餐的速度其實算快,叉燒只等數分鐘就先來了,後來每隔幾分鐘又來其他菜式。(蜜汁叉燒番茄濃湯餐)內容:(蜜汁叉燒)先試試第一道來的叉燒:叉燒份量足夠,肥瘦適中,非柴皮叉燒,但不宜連續吃叉燒,伴炒蛋來吃也是不錯;伴菜心雖然冰冷但是吃起來是有處理過,疑似是上湯菜心,可以食用(半邊奶油脆豬)脆的程度近似酥皮。比起以往吃的脆豬似法包硬度,我比較喜歡酥皮硬度;牛油方面好冰冷,與淋上的煉奶明顯分開兩層,再隔開脆豬,吃起來比較突兀,如有方法令牛油半溶化,令煉奶可以黏上牛油及脆豬就非常好了(黑松露炒蛋)蛋比較薄身,可以更滑,黑松露醬如果可以平均染上表面的蛋層,感覺會更好(番茄濃湯米線)十分失望,不知道為何稱之為濃湯:顏色跟普通煲番茄湯一樣淺色,雖然紅蘿蔔及西芹之類的蔬菜已經偏軟爛,但湯的味道,顏色完全無法談上"濃"。配上的牛肉碎十分乾韌,廉價牛肉,不好吃;米線偏煙韌,口中吃不出條條分明,基本上似正在吃一團米線。賣相疑似西餐廳的羅宋湯,多料,可惜味道完全不是那回事。(熱檸水)沒有特別雖然番茄米線很失望,但叉燒方面確實值得一試,脆豬、炒蛋亦不錯,整體中上 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-22
424 瀏覽
🥰非常足料,燒肉佢絕對唔係俾啲頭尾或者唔要嘅部份,佢係真係會斬一啲腩仔,香脆嘅表皮,加上肥瘦剛剛好。叉燒方面,肥瘦均勻,有咬口,濃郁嘅蜜汁充斥着叉燒。我自己個人覺得係一個非常高質素嘅燒味飯。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-12-12
490 瀏覽
如果大家冇食過咩叫做好味嘅叉燒,一定要嚟試吓呢間黃金燒味。佢最出名係肥窿腩叉燒,一啲都唔韌而且非常Juicy,叉燒入口即溶,好味到你唔信。除咗叉燒之外,燒排骨、燒鵝、生腸、燒腩仔等等亦相當有質素,係一間水準一流嘅燒味茶餐廳。另外,佢嘅例湯同普通茶餐廳嘅例水唔同,佢個湯飲落有少少藥材味,絕對係落足料。總括嚟講如果你同我一樣喺香港周圍搵緊最好食嘅叉燒,我肯定黃金燒味唔會令你失望。記住落單時一定要講係肥窿腩叉燒,因為個價錢會貴少少嘅,如果普通叉燒可能個口感會有啲唔同。如果覺得午餐太貴可以下午茶時段先去試,一樣有肥窿腩叉燒飯架。 繼續閱讀
(以上食評乃用戶個人意見 , 並不代表OpenRice之觀點。)