影片
以上資料只供參考, 請與餐廳確認詳情
相關文章
呢間算是荃灣區老店，裝修後再開仲加咗其他食品，不過老闆仍是以前嗰位。果日我哋得兩個人，叫唔到好多，不過都食得滿足，已經諗定下次要食咩。重慶酸辣粉，係男友點的，水準依然靠得住。我食唔到辣，點了雲南米線，個湯底唔錯，食完都仲要飲多幾啖湯。配菜揀了好多種，全部無伏，份量足，有幾樣仲特別好食，豬腩片係又爽又滑的口感，唔係鞋拾拾的；牛腩夠稔又入味，好食過好多車仔麵嘅牛腩；鵝腸估唔到咁正，唔係漂到無晒味果種，口感好又有鵝腸的靈魂香味，喜歡食鵝腸的一定要試。 之後再點了其他小食試下：⭕️蒜香焗生蠔，好大隻，咬落去Juicy有蠔味，蒜香更加無得輸。⭕️燒白鱔我哋想點時app上找不到，原來係因為剛剛返貨，仲切緊穿緊，真係好新鮮，火喉剛好，彈牙脆皮。⭕️鐵板牛舌，份量足，鐵板上枱香噴噴，成為全場焦點，隔離枱都望住🤭，牛舌有咬口，洋蔥爆香過的，個汁亦十分好味，連洋蔥都食晒，其實已是小菜水準，十分抵食。⭕️涼伴墨魚頭夠爽夠鮮，蒜香十足，下次都會再點。⭕️燒羊架，睇相就知好食，火喉剛剛好，味道是恰到好處，唔會太多孜然，其實我好怕串燒樣樣嘢都同一個味，但係呢度唔會，令人樣樣都想試。 下次我想食鰻魚石頭鍋飯，因為見到隔離枱食緊，鋪滿鰻魚，上枱時熱辣辣好香😋。社交平台上見到原來呢度有派暖心米線俾長者，喺而家市道艱難時期仲回饋老人家，係值得支持既！
繼續閱讀
主打美食雲南米線湯底麻辣鮮香，米線滑溜，加埋串燒一齊食超滿足。串燒即叫即燒，火候控制得好好，麻辣調味夠正宗， 啱曬一班朋友鍾意食咩都可以滿足到。 秘製豬頸肉肉質爽彈，秘製醬汁帶蜜糖甜同麻辣香花虎蝦有手掌咁大隻，燒到蝦殼脆卜卜，蝦肉鮮甜彈牙！
繼續閱讀
同時想吃米線和串燒，由荃灣友人帶路，來到這家中日式餐廳，看到石鍋飯，炸物等都有，於是決定試試雲南米線 $30+$8 萵筍+$8 蓮藕+$12 魚腐+$12 滷水雞翼 酸度和辣度可以自選，湯底酸辣之餘帶鮮甜，吃得出自家製，蔬菜類新鮮爽口，雞翼炆得軟嫩入味麻辣燙米線 +$10牛腩 +$12韭菜雲吞 +$12牛柏葉 +$12墨魚丸 +$10性價比高，因為本身沒有底價，按自己想吃選購食材，麻辣湯香濃惹味，牛柏葉爽口，墨魚丸彈牙蒜香焗沙白 $48完全沒沙，而且很大隻，沙白肉鮮甜白鱔 $44金菇肥牛 $26必點白鱔，肉質彈牙，魚油很香；肥牛包住口感爽脆的金菇，好吃的經典組合涼拌墨魚頭 $49墨魚頭爽脆彈牙，蒜蓉辣汁很惹味，仍吃到墨魚的鮮味鐵板安格斯牛柳粒 $78上桌時熱騰騰冒泡，牛柳粒份量不少，肉質軟嫩下午茶時段，吃兩餸雲南米線送凍飲一杯米線出色，食物多元化，難怪平日都滿座
繼續閱讀
同朋友去荃灣行街，附近搵間一齊去食，我想食米線，朋友想食日式系列，搵到呢間Menu係有齊哂，中式加日式餐廳，岩哂我地😆，有得QR Code落單，好方便大大碗多餸雲南米線😋（潮州魚蛋/魚皮餃/豬紅/豆卜/牛腩/墨角丸/支竹/時菜）米線係煙靭果隻，湯頭都幾出色，叫左少辣，辣得惹味又唔會太過分重口味，有啲驚喜石鍋鰻魚炒飯估唔到連日式菜式都幾高質，炒飯好香口，粒粒分明，食到底部仲有飯焦😍仲叫左啲其他小食咁，生蠔🦪會唔會太大隻😆，好肥美，鮮得黎又嫩口原條茄子🍆，蒜香焗沙白 ，蒜蓉娃娃菜 啲蒜蓉味係超級濃厚，勁香勁蒜，沙白都幾大粒，夠鮮夠甜串燒系列韭菜串、雞全翼、秋刀魚 味道夠川式，香得黎又唔會太辣，岩哂香港人口味配埋王老吉，好似去左一轉大陸咁🤣下午茶2:30-5:30時段，惠顧雲南米線系列，加兩個餸，仲送凍飲品一杯😆
繼續閱讀
我係舊客戶，裝修之前成日去食裝修完後有點失望，可能裝修期間，十分期望再食希望越大，失望越大食物款式係多左，但燒物少左好多新登場有：石鍋飯、炸物、手打烏冬……..同時都少左好多食物，包括我最愛的：燒黃魚、燒烏頭、燒雞肝……….以前我會叫爭餸麻辣燙，但依家變左電子落單，一定要點澱粉質（主食）講返食評：芝士肥牛石鍋飯，啲汁好甜鐵板牛舌，啲汁應該和石鍋飯一樣，好甜及鐵板上有燒燶味燒串冇以前咁辣………………..
繼續閱讀
您可能會有興趣的...