影片
以上資料只供參考, 請與餐廳確認詳情
相關文章
今日同爸爸喺屋企附近食嘢 見到呢間食米線嘅都幾抵食 環境又幾乾淨 所以就入去試吓 餐廳而家仲有下午茶叫兩碗送嘢飲 下次早啲去食就可以送嘢飲啦🤪大大碗雲南米線$60就已經包咗八個餸 勁抵 而且仲好大碗 入邊有魚蛋 魚皮餃 豬紅 豆卜 牛腩 墨魚丸 枝竹同時菜 雲南米線另外我仲叫咗碗普通嘅雲南米線加咗魚腐同芋絲 佢嘅湯底真係真材實料淆咗好耐 所以好入味呢度除咗可以叫米線麻辣燙之外 仲可以叫石頭鍋飯 石鍋烏冬 仲有好多小食 下次都可以試吓串燒我哋就叫咗雞全翼 秋刀魚 原條茄子同菠蘿 個茄子啲蒜頭多到嚇親我 真係好香蒜味 另外個燒菠蘿都勁甜又多汁 做飯後果就啱晒秘製豬頸肉一碟豬頸肉先40幾蚊 但係就已經有差唔多20塊 真係好大碟 好抵食蜜糖芥末煙鴨胸酥皮pizza最後我哋仲叫咗一個Pizza 佢呢度個Pizza底係用酥皮嚟整嘅 好特別 而且加左個蜜糖芥末醬 同普通嘅Pizza唔一樣 我覺得仲好食過普通嘅Pizza 下次嚟可以再encore
繼續閱讀
[✨荃灣麻辣串串香 ]#荃灣 #麻辣串串香🔸雲南米線 配滷水雞翼+魚腐 $54湯底香濃，酸酸地好開胃，滷水雞翼同魚腐都整得好好，分量足料，好食又抵食！🔸滑蛋鰻魚石頭鍋飯 $85用石頭鍋烹調，能夠保持飯嘅熱度和香氣，仲有勁多飯焦，好惹味。滑蛋同鰻魚真係絕配，令整體口感更加豐富，適合喜愛鰻魚嘅食客。🔸鐵板牛油帶子 $70鐵板煎帶子，配上牛油香氣四溢。口感外焦內嫩，好出色！🔸雞腎 $13雞腎口感鮮嫩，正！🔸白鱔 $40白鱔肉質細膩，咬落去係FEEL到滿滿魚油香，超高質，值得一試！🔸蒜香焗娃娃菜 $38經過蒜香焗烤嘅娃娃菜味道香濃，但都仲食得出蔬菜嘅鮮甜，岩哂用嚟平衡一下。🔸金菇肥牛 $26經典串燒小吃，肥牛嫩滑超級juicy，金菇中和下肥膩感唔重，好好食encore左3次！🔸凍 檸檬茶 $18 / 跟餐 $9🔸凍 香滑奶茶 $18 / 跟餐 $9————————♡♡♡♡♡♡————————✨總結雖然係主打串燒嘅餐廳，但提供左唔少意料之外嘅選擇，真係估唔到串燒餐廳會有石鍋飯同PIZZA，而且水準真唔馬虎，加上裝修都幾光猛闊落，唔錯嘅一間串燒餐廳。📍麻辣串串香🏠荃灣河背街84號地下A1號舖 #jmhkfoodie #hkfoodie #hkeat #hkeats #hkfood #hkig #hkgirl #food #hongkongfood #hongkongfoodie #852food #香港美食 #香港食評 #香港餐廳 #為食港女 #荃灣 #荃灣美食 #荃灣好去處 #荃灣餐廳 #川菜 #粉麵 #米線 #串燒 #韓國菜 #麻辣串串香 #香港米線 #荃灣美食 #米線探店 #米線天花板 #平民美食 #港漂食堂 #中日式餐廳
繼續閱讀
荃灣咁多間米線店，真係百花齊放🌸，要突圍而出唔容易，但呢間中日fusion小店真係成功分到一杯羮💪。我同仔仔最近就去試咗，結果超出預期～🍜 雲南米線 湯底夠晒香，唔油膩又有層次，飲落微辣微酸好開胃～豬大腸處理得非常乾淨，完全冇異味；鮮魚腩新鮮到不得了，入口即化；滷水雞翼滲透晒滷汁，真係食完想Encore！🍱 滑蛋吉列豬扒石頭鍋飯 香味一上枱就撲鼻，豬扒炸得金黃酥脆，裡面仍然保持嫩滑；滑蛋濕潤香滑，配埋底下微焦飯粒～有驚喜！🍢 串燒系列 鵪鶉蛋外香內嫩，白鱔燒得微焦唔乾柴；翠玉瓜保持清甜爽脆；羊架啖啖肉，唔羶而且juicy～全部都烤得恰到好處，連燒烤控都會讚！🍺 Asahi Super Dry 一支，啱啱好解膩，配埋熱辣辣串燒一流！👩🍳 店員超有禮貌又細心，坐低即刻奉上用熱水浸過嘅餐具，真係體貼～細節位做得好令人加分。🏠 店舖雖然唔大，但乾淨企理，座位安排合理，完全唔侷促，感覺舒服又放鬆～麻辣串串香📍河背街84號地下A1號舖
繼續閱讀
呢間算是荃灣區老店，裝修後再開仲加咗其他食品，不過老闆仍是以前嗰位。果日我哋得兩個人，叫唔到好多，不過都食得滿足，已經諗定下次要食咩。重慶酸辣粉，係男友點的，水準依然靠得住。我食唔到辣，點了雲南米線，個湯底唔錯，食完都仲要飲多幾啖湯。配菜揀了好多種，全部無伏，份量足，有幾樣仲特別好食，豬腩片係又爽又滑的口感，唔係鞋拾拾的；牛腩夠稔又入味，好食過好多車仔麵嘅牛腩；鵝腸估唔到咁正，唔係漂到無晒味果種，口感好又有鵝腸的靈魂香味，喜歡食鵝腸的一定要試。 之後再點了其他小食試下：⭕️蒜香焗生蠔，好大隻，咬落去Juicy有蠔味，蒜香更加無得輸。⭕️燒白鱔我哋想點時app上找不到，原來係因為剛剛返貨，仲切緊穿緊，真係好新鮮，火喉剛好，彈牙脆皮。⭕️鐵板牛舌，份量足，鐵板上枱香噴噴，成為全場焦點，隔離枱都望住🤭，牛舌有咬口，洋蔥爆香過的，個汁亦十分好味，連洋蔥都食晒，其實已是小菜水準，十分抵食。⭕️涼伴墨魚頭夠爽夠鮮，蒜香十足，下次都會再點。⭕️燒羊架，睇相就知好食，火喉剛剛好，味道是恰到好處，唔會太多孜然，其實我好怕串燒樣樣嘢都同一個味，但係呢度唔會，令人樣樣都想試。 下次我想食鰻魚石頭鍋飯，因為見到隔離枱食緊，鋪滿鰻魚，上枱時熱辣辣好香😋。社交平台上見到原來呢度有派暖心米線俾長者，喺而家市道艱難時期仲回饋老人家，係值得支持既！
繼續閱讀
主打美食雲南米線湯底麻辣鮮香，米線滑溜，加埋串燒一齊食超滿足。串燒即叫即燒，火候控制得好好，麻辣調味夠正宗， 啱曬一班朋友鍾意食咩都可以滿足到。 秘製豬頸肉肉質爽彈，秘製醬汁帶蜜糖甜同麻辣香花虎蝦有手掌咁大隻，燒到蝦殼脆卜卜，蝦肉鮮甜彈牙！
繼續閱讀