麻辣串串香

營業中

休息中

放假梗係去食啦，星期日去荃灣食麻辣串串香，嗰種麻辣香氣真係勁誘惑，湯底濃郁又香口，配埋冰涼飲品真係一流享受🔥🌶️。大大碗雲南米線嘅米線滑溜帶彈性，配合金菇肥牛，肥牛肉質嫩滑，帶少少油香，好入味；走辣版本辣度適中，帶點麻香但唔會太嗆，湯底酸辣開胃，金菇清甜，整體味道層次豐富又夠醒胃，好適合愛唔太辣但想有滋味嘅你🥢🔥。蜜糖芥未煙鴨胸酥皮pizza鴨胸煙燻香濃，配蜜糖芥末醬微甜帶點嗆香，酥皮薄脆，整體鹹甜平衡，層次豐富🍯🍕。雞中翼串外皮香脆，肉質嫩滑多汁，調味帶香辣或微甜，食落有彈性，好開胃🔥。秘製豬頸肉豬頸肉肥瘦適中，經秘製醬料醃製，口感嫩而不膩，帶濃郁醬香和微微炭燒香。涼拌墨魚頭墨魚頭爽口有嚼勁，涼拌帶微酸微辣，清新解膩，適合夏天食用。煙肉蕃茄仔煙肉鹹香配甜美蕃茄，小清新口感，煙肉香氣突出又不會過鹹。滑蛋鰻魚石頭鍋飯鰻魚肉鮮嫩甜美，滑蛋細膩滑溜，配熱騰騰石頭鍋飯，飯粒香焦且吸滿蛋汁

麻辣串串香——呢間位於荃灣河背街嘅中日fusion小店，真係幾有特色。唔好以為佢只賣麻辣串燒同米線，其實新推出咗日式手打烏冬系列，選擇夠晒多元，好啱一家大細、同朋友聚腳。先講米線，餐廳主打雲南米線，湯底有得揀酸辣粉或者麻辣燙。酸辣粉湯底香濃、帶少少酸，好開胃又惹味，辣度可以自選。紅薯粉滑溜飽滿，配埋肉碎、花生、芫茜等配料，每一款都好足料，仲可以加餸蘿蔔、娃娃菜、貢丸等等，湯底酸辣夠香，食落層次感豐富，真係冇得輸。如果重口味就可以揀麻辣燙，辣到流鼻水都話夠過癮！講到日式手打烏冬，一樣唔馬虎。佢嘅豬軟骨烏冬好受歡迎，湯底濃郁鮮甜，用豬骨熬煮，烏冬條條都好滑彈牙，豬軟骨炆得軟腍入味，好啱鍾意食肉但又想食得有嚼勁嘅朋友。而且份量十足，食完好飽肚。至於串燒方面，選擇算唔少，有餃子釀雞翼、燒原條茄子、雞軟骨、鵪鶉蛋、牛肉丸、金菇肥牛、煙肉蕃茄仔等，每款都可以揀辣或者唔辣。推介燒豚腩，肥瘦分明、燒到脆卜卜，配埋孜然粉又香又惹味。茄子蒜蓉爆香，唔怕口臭都要試！串燒即叫即燒，香口惹味，仲啱配返支啤酒，打開紙皮仲有驚喜卡通畫，好窩心！成間餐廳裝修企理、乾淨，坐得舒服，價錢合理，食物質素穩定，真心推介大家去

店鋪位於楊屋道街市後面河背街，新淨裝修，寬敞明亮，老闆熱情，我們嘗試了大大碗米線，另加部分燒烤～下午茶時段米線惠顧兩送仲送凍飲米線一碗超大，配料都好齊全有魚蛋，豬紅，牛腩，墨魚丸等等份量超足，完全可以兩個人share鐵板牛舌超好味，超大一份，好多牛舌芯，配上有些脆脆甜甜紫洋蔥，非常好味！串燒種類豐富，不少日式燒鳥串，全部可以選擇辣或者唔辣。另外還有唔同種類涼拌小食，推薦涼拌墨魚頭，墨魚頭軟彈入味，好岩夏季解暑。店家還有超特別的酥皮pizza，嘗試了芒果蟹肉，小小一塊，夠酥脆，芝士超足，可以拉絲，完全可以當一個飯後小點。

米線戰爭，新店人流滿，店員友善。食物種類豐富，米線配料選擇多，價錢親民，非常地道雲南米線米線爽滑，彈牙味道，湯底辣帶香味，不會太辣。豬骨甘香，棒。大大雲南米線湯底香不油膩，有層次，飲落微辣微酸，朋友表示很開胃喔～配料份量多，鮮魚腩新鮮，不錯！有不同既送選擇，唔夠仲可以加配不同既送。串燒系列能自選辣度，串燒外香內嫩，清甜爽脆。恰到好處之串燒！白鱔魚肉軟腍細膩，白鱔獨有香氣，燒得微焦，好吃，而且吸引之味道

去咗荃灣嘅麻辣串串香，麻雀雖小五髒俱全啊。估唔到鋪頭唔大，但係菜式好多樣化😄我地乜都想試下，忍唔住點佐好多。老細話宜家好卷，佢地都嘗試緊加入新菜式去招攬人客。以前主打雲南米線，宜家加入佐串燒、石鍋飯等等。既然係主打就一定要試下云南酸辣米線啦🍜，老細話湯底係真材實料，飲啖湯就可以感受到，酸辣味道啱啱好，好開胃！✨串燒必點！秋葵保留咗鮮嫩，翠玉瓜清甜，牛肉丸彈牙，如果再來多次我一定點多啲串燒！🥢🍢牛肉窝蛋石锅饭🍚係我朋友評價話今餐No.1，牛肉鮮嫩，蛋黃流心，混合在一起，香氣四溢，石鍋邊邊又有飯焦，呢個飯焦無限加分！ 🥩金沙豬手、鐵板帶子、烤豬頸肉竟然都出乎意料嘅出色，完全對得住價位嘅質素！🔥點佐咁多硬菜嘢，都係400蚊左右，我覺得好抵。見到下午茶優惠仲抵，雲南米線加兩個餸仲送凍飲。不過今次肉點多佐，下次可以點多啲蔬菜類。

-麻辣串串香🍽️-雲南米線必食呢個雲南米線！自家制豬骨湯底勁正完全唔係街邊勁油勁辣味精湯佢每啖湯都勁濃豬骨味但又帶少少辣勁開胃😌建議可以叫淨麵就可以食佢多d串燒小食😉-麻辣燙麻辣燙配薯粉就最夾！佢個湯做得好好完全過濾哂d香料唔會食到一口麻辣子抵讚🤣萵荀/豬腩片/水魷係小編至愛😋-鐵板安格斯牛柳粒鐵板上吱吱喳喳勁香超惹味😋牛柳粒熟成度岩岩好放上鐵板都唔會好老😌-藤椒魚皮必點！魚皮勁爽口最正係佢個藤椒汁！愈食愈上癮停唔到口😍-涼拌墨魚頭墨魚頭好q彈配埋個重口味蒜香涼拌汁勁好味😋-原條燒茄子/燒雞翼串燒個調味做得好好唔會搶左本身食物個味而且燒個火喉岩岩好雞翼皮脆入面勁juicy👍-蒜粒脆皮豬手建議大家留肚叫呢個小食！個豬手炸到皮勁脆仲要用金蒜整勁香勁惹味😋-🌟評分:🏅🏅🏅🏅🏅📍地址: 荃灣河背街84號地下A1號舖-

小辣腩片豬大腸貢丸米線湯底同出面有唔同，豬骨味暗暗地滲出嚟，越食越有，小小既辣味唔會太搶，如果鐘意湯底既人應該會好享受。醬爆牛丸即叫即炸，熱辣辣上碟，入面好多汁，配醬少少辣得嚟有蒜香，如果配其他串燒嚟食應該都幾好味重慶酸辣粉BB辣.近乎冇咩辣度，適合唔係好食到辣嘅朋友。酸味足，配肥牛牛柏葉一流！串燒： 推介白鱔，雞軟骨！涼拌墨魚頭👍🏻👍🏻👍🏻 呢個一定要叫，十分開胃，好啱而家呢個天氣食！P.S 餐廳裝修後除左平時中式款式外，新增埋日式菜式，見隔離番叫左個鰻魚石鍋飯，色香都好吸引。下次可一試

😆有留意開我哋嘅話就知我哋好鍾意食串燒。今次嚟到呢間外表唔顯眼、以為只賣麻辣燙嘅餐廳——麻辣串串香，原來最近新出咗雲南米線、串燒同日式石鍋飯。喺門口見到幾吸引，決定入去試下。🍜 雲南米線 $30米線爽滑彈牙，湯底辣香夠勁，背後仲有豬骨嘅甘香，飲落夠層次。🦪 焗生蠔(2隻) $45生蠔好大隻，肉質飽滿多汁，蒜香味濃郁，鮮味完全鎖住。👅 牛舌 $44咬落爽彈又帶油脂香，唔會韌，燒到外層微焦，牛香味更突出。🐟 白鱔 $44魚肉軟腍細膩，白鱔獨有香氣撲鼻，燒得微焦但唔乾，火候控制得好。🥩 秘製豬頸肉 $38表皮脆香，肉質鬆軟唔油膩，加上麻辣醬點綴，帶出特別風味。🍍 菠蘿 $36新鮮香甜多汁，烤過後仲多咗陣陣蜜香。🦐 花虎蝦 $33蝦身算大隻，肉質爽口，蝦味濃郁。🥓 牛肋骨串 $28肉質鬆軟，肥瘦相間，咬落唔韌。🍄 金菇肥牛 $26燒到乾身啱啱好，輕輕加鹽調味，帶出牛肉香氣。🧀 芝士蘑菇 $23蘑菇多汁，加埋濃香芝士真係好夾。🌱 秋葵 $18保持水潤，完全冇燒到乾晒，食到天然青香。🥒 翠玉瓜 $16爽脆清新，口感清爽。🍗 雞軟骨 $13啖啖骨脆感，夾雜少少肥肉位，口感好豐富。整體嚟講，呢次試佢哋

荃灣真係好多好食嘅米線，出名嘅已經全部都過晒，最近見到有人介紹，呢間麻辣串串香嘅米線都好出色，咁就一於嚟試吓啦。因為成日食米線已經食到好悶，所以我就雲南米線大辣轉烏冬+鵝腸萵筍，估唔到真係幾出色，問落味道好香，而且份量好多，鵝腸咬落同烏冬好襯，真係值得一試。另外，呢度仲有好多串燒，本身我最鍾意食嘅燒雞中翼好唔錯，除咗價錢平之外，雞翼好大隻，而且調味啱啱好，雞肉亦都好嫩滑，非常推薦大家試吓。蒜蓉燒生蠔都好值得讚，因為價錢一啲都唔貴，而且生蠔好大隻，冇乜調味，但係食落好香口亦都好滑，鍾意食生蠔嘅人真係唔可以錯過呀！老闆話而家下午茶2:30-5:30時段，凡惠顧雲南米線系列，加兩個餸，仲送凍飲品一杯，真係好抵。呢間餐廳又平又抵食，非常推薦大家嚟試吓。

今次去荃灣搵好野食，原本只係諗住食雲南米線，但入到去發現有好多日式嘢食，真係超級意外驚喜！雲南米線系列好吸引，下午茶時段仲可以加兩個餸送一杯凍飲，真係超值。我最鍾意炙燒芝土牛肉石頭鍋飯，香味四溢，米飯吸咗啲肉汁，超好味！仲有白鱔、雞泡魚乾、餃子釀雞翼同埋羊架串燒，全部都好香、好入味。鐵板安格斯牛柳粒炸炸聲上枱，生熟程度非常之好 。秘製豬頸肉super juicy! 呢間餐廳真係好有驚喜，唔單止可以滿足到食米線嘅人，仲可以試到咁多日式美食，真係食得好開心！

麻辣串串香地址：荃灣河背街84號地下A1號舖今日同大家分享一間中日式超抵食小店，性價比爆燈💥！ 雲南米線🍜 $30 (潮州魚蛋+$10/貢丸 +$8/牛丸 +$10/ 肥牛+$12/ 韭菜雲吞+$12）湯底超濃郁，米線夠晒滑！我加咗潮州魚蛋同韭菜雲吞，魚蛋彈牙到乒乓波咁🏓，雲吞皮薄餡多，韭菜香到痺！肥牛正，下次試埋貢丸先～ 正香芒酥皮蟹柳Pizza 🍕 $65邪惡度滿分‼️酥皮底脆到「索索聲」😱，芒果甜+蟹柳鹹超夾，仲有拉絲芝士🧀，正，超級開胃。正重慶酸辣粉🌶️ $30 (爽魚片+$15/加底+$10)辣度可以自選，我揀中辣已經噴火🔥！加咗爽魚片,超級嫩滑，加底+$10份量多到食唔晒，酸菜同花生脆卜卜，正到痺！ 正原條茄子🍆 $44 燒到啱啱好！蒜蓉鋪到滿晒🧄，茄子肉一啲都唔「霉」，仲有少少焦香，送啤酒一流🍻！ 正蒜香脆皮豬手粒🐷 $58必食‼️外皮脆到似薯片😍，咬落去啲肉汁骨膠原爆出嚟，蒜香味勁濃，食到lam lam脷～ 正串燒系列🍢 雞中翼串$19，蜜糖燒超入味，皮脆肉嫩🐥 墨魚丸$14彈牙，抵食之選 。牛肋骨串$28肉質軟淋，椒鹽味好突出，抵讚👍 正檸檬茶🍹 $9解膩

由以前淨係得酸辣粉同串燒開始幫襯，裝修完之後連米線都有，一於要試埋佢！ .雲南米線🍜（$62）配餸：炸魚皮（索湯超正！）、豬大腸（滷香入味）、牛柏葉（爽脆彈牙） 一飲就知唔係味精湯！橙黃色湯頭好獨特，鹹淡啱啱好，飲完唔口渴，值得慢慢嘆！.重慶酸辣粉🥘（$38）配餸：支竹（吸滿酸辣湯汁超惹味） 經典之選，酸辣控必點！.雞泡魚乾 🐡$46 日式風味，燒得少少燶邊，香脆軟糯，送酒一流。.七味雞軟骨粒 🐤$58 粒粒爽口，微辣香口唔油膩，重蒜，一粒食完又一粒完全停唔到口！.秘製豬頸肉🐷 $38 醬汁100分，味道偏甜，食得出係自家調製，好有驚喜。肉質彈牙唔乾柴，肥瘦適中。.雞全翼/中翼🐥 $25/$19 燒得焦香，皮脆肉嫩多汁，雞中翼仲會幫手剪開一半，方便易食！好貼心啊！.餃子釀雞翼🥟 $19 創意爆燈！餃子餡+雞翼雙重滿足😍.豆卜🍢 $17燒到外脆內軟，燒嘅時候仲加咗醬汁，甜甜地又鹹鹹地，十分滋味！.韭菜🥬 $16燒完保留爽嫩，又唔會好油！.涼拌青瓜🥒 $28冰涼解膩，而且自家蒜蓉醬不得了！夾埋一齊食，好香好好味！.整體嚟講，湯底有驚喜，米線湯底真心高質。串燒配

一間裝修幾光猛嘅小店，中日式好似好fusion，就入去試吓，今次決定主攻串燒。燒白鱔係最大驚喜，外皮燒到微脆，咬落去肉質彈牙又唔乾，仲keep住啲魚汁，真係好少食到咁有水準嘅燒鱔，值得推介。燒牛舌都唔錯，有厚度但唔韌，咬落去爽口，牛味濃郁，越食越香。燒雞翼就係嗰啲食完會想encore嗰種，皮脆肉嫩，調味啱啱好。金菇牛肉卷細細件好易入口，牛肉唔會太肥，金菇吸晒啲肉汁，味道夾得好。翠玉瓜就簡單清甜，冇花巧但好食。涼拌墨魚頭有啲四川風味，個汁調得幾好，墨魚頭爽脆唔腥，幾開胃。整體嚟講，呢間小店雖然唔算大，但食物有心機，串燒水準高，仲有好多其他菜式，2：30-5：30兩餸雲南米線送飲品，下次一定會再嚟。

雞軟骨串咬落「咔嚓咔嚓」，軟骨帶住少少肉香，唔使辣反而更顯鮮甜，送酒一流。金菇肥牛永遠係經典，肥牛油香滲入金菇，走辣都一樣惹味，汁汁埋埋撈飯簡直人間值得。雲南米線要咗BB辣，辣度啱啱好，似係小朋友偷食辣椒嘅调皮。加咗蓮藕同牛丸，蓮藕爽脆解膩，牛丸咬開爆汁，呢個組合諗起都流口水😋。芝士蘑菇熱辣辣上枱，芝士牽住絲，蘑菇juicy到痹，熱量什麼嘅，食完再算啦！秋葵啱啱好夠淋又帶點咬口，蘸少少豉油就好味到不行。蒜香脆皮豬手粒先係真正嘅邪惡，皮脆到似薯片，肉質軟腍，蒜香勁過癮，一啖一粒停唔到口🤤。月見牛肉石頭鍋飯上枱時「滋滋聲」，將生蛋黃拌勻飯粒，每一口都油潤香滑，牛肉嫩到冇朋友。蒜香焗生蠔兩隻剛剛好，走辣之後更能吃出蠔嘅鮮甜，蒜香同海味完美融合，新鮮到好似喺海邊食緊🦪。菠蘿清甜多汁，係解膩神器；煙肉蕃茄仔走辣都一樣有風味，煙肉香滲入番茄，酸甜中帶鹹香，收尾最適合。

麻辣串串香 (荃灣)荃灣河背街84號地下A1號舖今日嚟到荃灣呢間中日式燒烤及米線餐廳🍜 雲南米線配豬腩片、冬菇米線滑順彈牙，湯頭清爽帶淡淡香料香氣。豬腩片肥瘦適中，冬菇厚實吸飽湯汁，整體搭配簡單卻滋味十足。 烤肉🍗 雞中翼串炭烤火候恰到好處，外皮微焦脆，內裡肉質保持嫩滑。簡單鹽燒調味，吃得出雞肉原味，是經典的下酒小食。 🌭 骨附腸腸衣脆口，肉餡帶微微甜味，咬下時油脂香氣十足。骨頭部分烤得酥香，可整根啃食，風味獨特。 🐟 秋刀魚（香辣）魚身烤得酥香，辣粉撒得均勻但不會過嗆。魚肉細嫩帶點油脂，建議擠上檸檬汁更提鮮，適合喜歡微辣風味的人。 🧀 芝士蘑菇蘑菇烤後多汁，上面鋪滿融化芝士，奶香濃郁。趁熱吃會拉絲，冷掉後口感稍打折扣，建議即時享用。 🍆 原條茄子茄子烤得軟嫩不爛，表面刷上醬油蒜蓉醬，香氣十足。份量比預期大，適合2-3人分享，是蔬菜類的好選擇。 🥬 蒜香焗娃娃菜娃娃菜焗得剛好，保留脆度。蒜蓉醬給得大方，每一口都夠味，清爽解膩，適合搭配重口味的肉類。 🐮 鐵板牛脷牛舌厚切，口感彈牙有嚼勁。鐵板保持溫度，上桌時還滋滋作響，簡單黑胡椒調味就很好吃，肉質處理得宜。 🐷 蒜香脆皮