麵屋神匠

營業中

休息中

由於好耐冇食沾麵，今日我同朋友揀左呢間旺角新開既拉麵店。我哋七點左右到達，當時無人排隊，之後開始大排長龍，非常幸運☺️餐廳採用落地破璃，環境舒適。另外天花掛滿燈籠，日式氛圍非常濃厚。- 濃厚蝦湯沾麵最特別既地方係多左一片羅勒醬法包，職員建議我先食法包。清新既羅勒醬同香脆既法包係一流既配搭。至於主角－濃厚蝦湯沾麵，叉燒經低溫慢煮後變得非常粉嫩，而且切得好大片。蝦湯質感比較濃稠，令拉麵非常掛湯，每一啖都充滿蝦既精華。蝦湯入面仲有樱花蝦，口感更加豐富。另外，職員話如果蝦湯凍左可以換返熱辣辣！仲要係免費！- 濃厚蝦湯拉麵蝦湯既蝦味非常鮮甜，拉麵有咬口唔會煮得太淋。叉燒一樣粉嫩，另外仲有大量蟹肉，加上竹荀同溏心蛋，材料非常豐富😍拉麵/沾麵份量好足夠，唔駛叫小食已經夠飽。麵屋神匠既沾麵應該係近排食過最好味！

試左呢間麵店既招牌菜 “神匠蕃茄蝦湯沾麵” 賣相好靚, 味道亦非常好, 蕃茄蝦湯味道夠獨特,好開胃,仲要配料都勁足,兩大塊自家制慢煮叉燒,一隻溏心蛋,齊晒紫菜同荀,唔洗另外加錢,抵食!神匠既沾麵仲有另一個特色係, 佢地會配以一件羅勒醬法包多士 (另外亦可以散叫小食), 好脆好好食, 就咁食又得, 沾落去沾麵湯食又得另外都食左另一個招牌小食 “唐揚炸雞”, 一客有3大件, 味道食得出係自家調制, 所以亦超juicy超大舊! 正!

前兩日同左朋友去旺角見到有間新裝修的日式拉麵店，原來係新開！於是就入去試吓佢啲拉麵，一入到去有一個小玄關，俾人嘅感覺都幾乾淨又舒服。1.濃厚蝦湯拉麵 首先佢個配料好豐富，賣相都幾靚，拉麵嘅時候一定係試吓佢個湯底先，湯底非常濃郁，感覺係淆咗好耐嘅蝦湯，配料中蘿蔔絲同荀都比較開胃，櫻花蝦好香而且有少少脆，豚肉好軟滑，紫菜適合去浸住湯去食，吸左湯的精華。油麵就好煙韌，好順口，唔會有鹼水味。2.神匠蕃茄蝦湯沾麵 最特別嘅係法包配羅勒醬，麵包好香脆，羅勒醬的香草味好夾，個蕃茄蝦湯的湯底好濃厚，較潔身，麵就比較好軟滑，唔會太硬身，吸入了湯底的精華，最後慢煮叉燒的色澤粉嫩，肉質亦都幾鮮嫩香滑。唐楊雞有三隻，新鮮炸起，熱辣辣總括而言，環境食物好正！：）

油麻地地鐵站附近新開嘅日式拉麵店未開張之前日日經過已經俾佢嘅門面吸引住除咗拉麵之外仲有沾麵 有日夜晚就特登去咗試吓 裏面掛滿燈籠橫幅 裝修得好有日本氣氛______________________________〰️ 濃厚蝦湯沾麵 $118沾麵配有叉燒 糖心蛋 紫菜 荀 葱之外 仲有塊法包脆法包表面本身就已經搽左層羅勒醬 第一次食沾麵會配埋法包 點落沾麵汁食又幾正🤣沾麵湯底幾濃稠 所以好掛汁但比想像中淡 如果更加濃同重口味就好了!沾麵麵條份量好多 食落係偏硬身嘅口感~個叉燒薄片都好特別 薄薄一片呈粉紅色用上低溫慢去煮 食落口感幾軟腍嫩滑 不錯!〰️ 神匠蕃茄蝦湯沾麵 $128另外仲有叫埋佢另一款蕃茄蝦湯沾麵😛跟嘅配料同另一款一模一樣 只係湯底嘅唔同比起蝦湯 我更鐘意呢個蕃茄湯底多啲呢款更加濃稠 更加重口味 蝦鮮味突出啲!______________________________整體來講唔算特別驚喜 有進步空間見餐牌仲有蟹湯拉麵 入面會有埋絲絲蟹肉見其他人嘅評價都幾好 下次有機會再試!

疫情關係好耐好耐都冇得去日本、就要多啲去食拉麵、好感觸。味道方面叉燒是慢煮都算厚身唔會太薄有濃香豬肉味、肉較鞋。湯有蝦味、麵唔會好少夠飽。有紫菜又有蛋甘樣。店內燈籠好靚

旺角餐廳嘅選擇真係數之不盡，但係要講到食一碗好嘅拉麵，暫時我有似乎未諗到有邊間。最近旺角就新開左一間拉麵店，我就叫咗一個花咲蟹湯拉麵同埋一個神匠番茄蝦湯沾麵試下。一般拉麵店都係主打雞白湯、豬骨湯等等，以花咲蟹同埋蝦湯嚟主打嘅就相對比較少啲，所以都幾有特色。一入到舖頭就見到有一排排嘅燈籠，紅白藍嘅配色加上日文字句，充滿日式風情餐廳入面仲有一幅壁畫，都幾靚餐牌選擇唔算多，拉麵一共有四款，另外亦有兩款沾麵，而小食呢就總共有六款先來嘅係花咲蟹拉麵，蟹湯味道口感超濃郁！加上仲有蟹肉碎做配料，每一啖都有蟹味，另外當然唔少得日式叉燒同埋紫菜啦！再嚟就係蝦湯沾麵，沾麵湯用咗普通嘅碗盛裝，保溫效果一般，如果食到尾嘅話就唔夠熱，建議要食快少少沾麵同拉麵嘅面底係唔同嘅，沾麵比較粗身少少，其實配上黑糖係非常之配合，而且蝦湯入邊亦都都有大量嘅櫻花蝦，口感味道都一流。

經過油麻地 遠遠就被呢一間新開張 店內掛滿燈籠嘅日式拉麵店吸引咗入去🏮呢度座位唔算好多 主要係二人一台嘅木枱🙂同一般拉麵店一樣 呢度都有湯拉麵同沾麵可供選擇 亦有多款小食👅 我哋就揀左比較少見嘅花咲蟹湯拉麵同埋濃厚蝦湯沾麵🍜 花咲蟹湯拉麵湯底湯郁鮮甜 仲有好多蟹肉 🦀🦀 鍾意食花咲蟹嘅朋友唔可以錯過啦😆 濃厚蝦湯沾麵嘅湯好似醬汁咁結 拉麵係粗身冷麵 口感彈牙掛湯👍🏻 兩款拉麵都配有2大片慢煮叉燒 溏心蛋同筍架🌟

依間拉麵店門口既一大片紅燈籠實在太吸睛, 行過都幾難留意唔到佢我都係咁樣比佢吸引左入去~ 店內裝潢一樣充滿和式風情, 店員有禮招待, 播埋日文歌真係有D似去左日本拉麵店。神匠蕃茄蝦湯沾麵用神匠頭應該係依度既招牌啦! 而且係出面食蝦湯就多, 蕃茄蝦湯就未試過! 黎到見到都見到沾汁好濃厚, 仲有好多櫻花蝦添。試一啖汁, 首先食到帶甜既蕃茄味, 然後蝦既鮮味慢慢滲出, 幾特別又有層次。 另外較特別既係有塊香草toast, 脆卜卜香草味突出, 當餐前小食都唔錯!沾汁夠濃厚, 麵條輕易沾滿醬汁。配搭大塊軟熟既豚肉, 好味!花咲蟹湯拉麵見到好多人叫既一款拉麵, 而且蟹湯又唔係度度有, 上枱時已聞到蟹湯香味, 係好吸引! 湯頭味道鮮味, 加上有拆左殼既絲絲蟹肉融合湯中, 入口蟹鮮味突出。一邊既碗邊鋪滿豚肉, 幾中意依個豚肉大大塊, 肉質非常軟嫩又有肉香, 係慢煮既感覺。仲有荀同埋煮得剛好既溏心蛋, 所有野配搭起黎絕對係有質素既拉麵, 值得一吃!

位於油麻地通往旺角的熟悉窄巷旁，優越的地理位置令更多人留意到👫👭 因此新開業已經人籠不絕。此家拉麵店🍲主打濃厚蝦湯、蟹湯拉麵及沾麵🦐🦀 木紋裝潢及落地玻璃設計，令空間感大大提升。而店內亦放滿熟悉的日本紅白藍大燈籠🏮好有置身日本拉麵店的感覺 !·🦀花咲蟹湯拉麵 HKD$128濃郁嘅蟹湯令人回味😋 由日本花咲蟹🦀熬煮而成，充斥住鮮甜咸香嘅蟹肉味道😋拉麵配料仲有鮮拆蟹肉🤩 還有超流心🥚溏心蛋、低溫慢煮叉燒🐖麵底質感軟硬適中且頗掛湯，不錯啊 !·🍅神匠蕃茄蝦湯沾麵 HKD$128哩款沾麵係每日限量供應🈵️ 配料與拉麵無疑，最特別係會配有一塊羅勒醬法包🥖法包十分香脆，建議配以沾麵湯頭一起吃呢😚蕃茄蝦湯質感較杰身，味道較為咸鮮🍅🦐湯內仲有好多蕃茄粒😋 麵條極掛湯，每條麵條都沾滿湯汁💦 重口味的你定必會喜歡呢~·🐥日式唐揚炸雞 HKD$38 (3件)香脆外皮包裹住鮮嫩雞肉😍 雞肉唔乾，欣賞其帶點濕潤度👍大大件勁滿足！·📍麵屋神匠旺角彌敦道562號地下B號舖

《特濃沾麵祭🎏》———————————————-#麵屋神匠 👹-早排去旺角行過巨龍巷，咁啱留意到呢間拉麵店門外好多人排隊，我哋完全比佢嘅日式氛圍所吸引，掛滿燈籠橫幅🏮 裝修有種令人置身日本嘅錯覺😍-🦐濃厚蝦湯沾麵湯底濃稠入味，飲落亦唔會口渴☺️ 除咗基本嘅葱、荀、溏心蛋同紫菜外，仲有塊法包配羅勒醬，非常特別～沾麵麵質彈牙，略帶點煙韌嘅口感🍜，叉燒薄片叉燒嫩滑，呈粉紅色，以低溫慢煮法烹調，口感軟腍嫩滑，保存到當中嘅蛋白質同鎖緊肉汁🐷-🦀花咲蟹湯拉麵蟹湯囗感濃稠順滑，口感綿密，略帶膠質而不膩滯，使用咗幼麵，掛湯效果一流，同時亦好足料，有不少蟹肉，亳不吝嗇，飽滿感十足😆-⭐價錢參考：（另收加一）花咲蟹湯拉麵：$128濃厚蝦湯沾麵：$118🍌抵deal 指數：8/10💰人均消費：$130

朋友和我去旺角行街街，見到有間麵屋神匠，掛了好多燈籠，非常吸晴，menu主打為花蟹湯拉麵和濃蝦湯拉麵2款，都配有荀，葱，溏心蛋，紫菜，慢煮x燒，我們就點了這2款了，店員態度親切有禮，落單後5分鐘內送上，湯頭熱辣辣，我既濃蝦湯底好鮮又濃， 櫻花蝦做topping,鮮味更加突出！x燒為慢煮x燒，有別於出面食再個 d肥肥的！這款肉嫩富有彈性，微微粉紅！溏心蛋夠香滑，蛋汁半溶狀態流出，紫菜香脆，浸湯入味！麵質亦帶咬口，質感幾彈牙，有掛湯感覺，湯頭味滲到麵，非常出色。朋友既蟹湯拉麵，湯頭有好多一疏疏既蟹肉，口感豐富又夠層次！蝦和蟹既湯底都不相百仲，難以取捨！所以2款叫齊實滿足，還有其他小食都無試，可以為下次幫襯留白。

今日同朋友行街行到好累，見到有間拉麵店好似幾正咁，就入去坐低食飯。入到去都係填字仔落單，可以揀拉麵或者沾麵，我哋每樣叫一個試下！拉麵嘅配料都有好多，仲可以比你追加配料，佢哋都仲有吾同款嘅小食！花呋蟹湯拉麵 🍜128蟹湯拉麵賣相都十分出色，見到個湯底都吸引，香氣十足。首先就試飲左啖湯，湯底淡鹹度適中，似係熬煮好耐的湯，飲落去會有蟹味，再淡淡的鮮甜味！拉麵🍜質地都彈口👍🏻👍🏻濃厚蝦湯沾麵 🍲118淖麵個湯底就比較滐身一點，飲落去係濃味d，就好似係濃縮版本的蝦湯，湯底幾有厚度，係creamy得黎又滑口。沾埋個拉麵就perfect，拉麵配埋豚肉、温泉蛋，都非常豐富。

最近天氣又凍返啊，晚上去咗旺角食拉麵，門面掛滿一排排藍紅色燈籠，好搶眼，幾有置身於日本拉麵店氣氛。餐牌濃厚蝦湯拉麵🍜，蝦湯極之濃郁，加入了些櫻花蝦，麵條幾彈牙，叉燒慢煮口感嫩滑，加上半隻糖心蛋、荀條，都相當足料。神匠蕃茄蝦湯沾麵，蝦湯加入了蕃茄，帶點酸酸甜甜，將拉麵沾蝦湯一齊食好好味，沾麵會多了一塊香草法包，甘香鬆脆。日式唐揚炸雞，炸雞表面炸得金黃，口感脆卜卜，裏面又保持雞肉嫩滑，都幾Juicy。食完拉麵，我覺得成個人即刻暖翻晒啊🥰

原本想去新開嘅旺角Aeon 由油麻地站行過去近啲 ， 途中就見到呢間 勁多燈籠🏮🏮 拉麵店 吸引咗我入去食 👅👅 花咲蟹湯拉麵 🍜 $128 慢煮叉燒 慢煮保留到叉燒嘅肉汁 叉燒 超級大塊 又嫩 蟹湯 非常濃郁 大量一絲絲嘅蟹肉 食到最後都仲有 好鮮甜 😋😋拉麵 🍜 彈牙有口感 ！！濃厚蝦湯沾麵🍜 $118 沾麵嘅類似冷麵凍凍地 面質較硬身 ，鹼水味重啲啲。。配一碗熱辣辣嘅濃湯 ，沾住食 食食下 湯凍咗可以叫員工加熱架🔥 蝦湯香味濃郁 掛湯力強

小店裝修日本風情濃厚，一入門口有好多七彩繽紛嘅燈籠係頭上，好有祭典嘅感覺。🔸濃厚蝦湯拉麵🍜有四款湯拉麵揀，蝦湯拉麵係主打，湯底真係好濃郁，重口人士最愛，蝦嘅鮮味好出。慢煮叉燒好腍，偏清淡唔會搶左個蝦味。🔸神匠蕃茄蝦湯沾麵沾麵店家大推蕃茄蝦湯，而且上菜時仲好貼心，食到半路可以request 再翻熱。沾湯好似茄膏甘傑，麵底係烏龍面好彈牙，掛汁一流。🔸炸日式餃子日式餃子即叫即炸，一咬爆汁入面勁燙嘴，餡料係菜肉餡，都幾滿。一碟4隻share食岩岩好，仲附有餃子醋可以解膩。