麵屋神匠

營業中

休息中

呢間位於旺角同油麻地之間的小街拉麵店係好眼熟呢，無錯啦，就係每次由油麻地A出口行過去旺角果間啦，大片落地玻璃窗內掛起日式紙燈籠，一到夜晚非常搶眼👍🏼 係充滿日系嘅感覺呀😍「麵屋神匠」由上年年底開業話咁快一年，曾於高峰時日賣300碗麵🍜小店主打濃厚蝦湯丶蟹湯拉麵及沾麵，裝修採用木紋日式裝修及落地破璃設計，日間有舒適嘅自然光線，加埋日式紅白藍燈籠配飾，生動牆畫，打卡影相一流👍🏼視覺與味覺嘅雙重享受。濃厚蝦湯拉麵 $98推介:⭐️⭐️⭐️⭐️⭐️一店之魂由三種蝦熬成湯膽，甜蝦、赤蝦及蝦乾加埋大量蝦殼秘製配方，每日熬4至5小時之久，配料有筍、大蔥、溏心蛋半隻、紫菜、重點主角慢煮叉燒🤤、特製蝦油及櫻花蝦等。有別於一般拉麵店，選用口感爽彈嘅拉麵掛湯，蝦味撲鼻，蝦湯鮮甜。炸日式餃子(4隻) $32推介:⭐️⭐️⭐️⭐️每次食拉麵已對餃子無太大期望，呢客餃子有少少驚喜，炸脆可口，難怪係屬於餐單嘅推介品。👅美味: 9️⃣ 😮驚喜: 8️⃣✨環境: 9️⃣ 💆‍♂️服務: 9️⃣💡性價: 8️⃣ 🐽飽肚: 9️⃣💫回頭: 9️⃣ 👍推薦: 9️⃣

兩個人兩個餐，唔使加一，仲有飲品跟，如果唔嗌第二啲嘢，係唔使過200蚊嘅。宜家啲台灣面餐吓吓過百元，因此呢個日式拉麵餐係好抵食。雖然地方不是太大，但日本燈籠，日本畫周圍都見，勁有日本feel，未去日本前喺度幻想下都好有意思。鍾意海鮮的我哋都係睇中蝦湯，蝦汁之類嘅嘢，因此就有“濃厚蝦湯拉麵”跟原味可樂，和“神匠蝦汁拌面”跟忌廉，湯拉麵內有两片豚肉，半隻蛋，日本葱，笋片，櫻花蝦，雖然没有大蝦，但仍然有濃郁嘅蝦味，幾ok；而拌麵的蝦味更加濃郁，而且有两個半隻流心蛋，即係有一隻蛋，收78蚊好抵食👍純粹口痕，嗌咗28蚊的炸雞，有3大件，但好似嗌多咗，事關兩個麵的份量都唔少。

黑蒜油拉麵*Time : OCT 2022, Tea *Price : $129-HKD*Place : 麵屋神匠*Review : 本是要試沾麵的，不過去到沾麵又完售，對剩下的蕃茄湯沾麵不感興趣，就試這個黑蒜油拉麵- 黑蒜油拉麵 ：感覺除了非常油之外，沒太多黑蒜味，味道比較咸，同我的預期有比較大落差，麵質本身比較軟，义燒就不過不失，大大件也很入味整體一般般，跟我預期太大落差，黑與蒜都不足，不過在攻略到蝦湯沾麵前，我仍會再去的

天氣轉涼，係時候食返碗熱辣辣拉麵。地點揀左位於彌敦道既麵屋神匠，呢度既蟹湯拉麵同蝦湯拉麵係第二度好少有，而且味道非常好。而家有午市餐牌，有9款拉麵選，包汽水4選1，亦可升級飲品或加小食。極上蟹白湯拉麵 $128極上蟹白湯拉麵個湯真係奶白色，飲落蟹味非常香濃，而口感超滑溜，加埋去殼蟹肉一齊食，蟹味就更濃，真係非常出色！伴有半隻入味滑溜糖心蛋，爽口扁筍，同京蔥加葱花。圍喺碗邊有叉燒兩大塊同紫菜兩片。叉燒係薄切，質感瘦不過夠嫩。拉麵係幼身雞蛋麵，雖然浸左落湯度，不過唔會太腍，硬度適中又有蛋香，再加埋個蟹白湯真心好食。神匠蝦汁拌麵 $78第一次食呢度既拌麵，原來幼身雞蛋麵已經撈好蝦汁，個蝦汁甜甜地好特別，仲帶微微蝦香。我鍾意呢個拌麵特別彈牙，好有口感而富蛋香，可以撈埋櫻花蝦仔，京蔥，葱花同好香既香茜一齊食。肉類有兩塊燒過既叉燒，質感都唔錯。仲有一隻糖心蛋。呢碗拌麵定價非常吸引。日式唐揚炸雞 $28日式唐揚炸雞一客3件，炸得皮脆肉嫩，肉汁豐富，伴有少少鹽比你調味。可樂雪碧（跟餐）汽水係罐裝。服務員自動俾埋獨立包裝飲管你，方便衛生。結論係呢度既拉麵真係堅好食，次次都無失望。愛好蟹湯蝦湯拉麵人士必試

Bookmark左依間拉麵店好耐，今次經過旺角終於入左去食啦😆辛辣蝦湯拉麵 $79我見依到大多數人都係食蝦湯拉麵，自己又鍾意食辣🌶️所以嗌左依佢辛辣蝦湯～有好多櫻花蝦係上面，一飲湯就覺得好濃郁！辣味岩岩好又唔會過辣遮蓋左蝦味👍薄叉燒好嫩滑😋食到飲哂d湯都唔過份！火炙叉燒醬油拉麵 $79醬油比較清淡少少，岩哂無咁鍾意重口味嘅朋友食🥰火炙叉燒係厚身既，肉質都係好淋😋唐掦炸雞 $34炸雞有3大舊，醃得好入味！炸得好脆口，唔錯！

見店面裝潢唔錯，裡面又多人食，諗住應該有保證…終於呢日就決定試試。叫了黑蒜醬油拉麵，朋友就叫了火炙叉燒醬油拉麵。雖然可以話拉麵擺盤有心，麵上抬時其實已經心知不妙。湯看似清透過頭，朋友嗰碗的叉燒火炙得略顯隨便，不過心諗，可能食落有驚喜。🔥（因見店內人士都食得津津有味）黑蒜湯底，黑蒜與湯頭味道不太融合，醬油湯頭味道感覺空洞。加上湯的溫度只算溫熱，再熱啲會更好。叉燒又薄又細（與圖有少少分別）溫泉蛋算係唔錯。👍🏻朋友碗麵湯底亦只算超市即食拉麵的水準。麵的部份還好，但我地兩個都覺得似超市即食拉麵。😅或者只是個人期望過高，$88一碗都唔好咁水準吖⋯真係唔算好食，食唔晒就走咗。

突然間好掛住日本🥰所以就想去食下拉麵🥳今次嚟呢一間舖頭試吓!有好多唔同湯底都好想試🥰🥰同朋友揀咗好耐!最後我哋揀咗極上蟹白湯拉麵同神匠蕃茄蝦湯沾面極上蟹白湯拉麵🍜$128嚟到已經好香🥹🥹梗係要飲番啖湯先一飲已經好有蟹味😍😍😍拉麵都好好食唔會話太淋。有驚喜嘅係居然有一梳梳嘅蟹肉冇諗過會有咁多蟹肉通常話蟹湯底都係得個味🤣🤣一試難忘 。神匠蕃茄蝦湯沾面🍜$128食咗個拉麵所以都想試吓沾面朋友超中意食蕃茄，所以揀咗蕃茄沾面。每日限量供應呢個沾面仲有配羅勒醬法包👍🏻好特別。同埋沾麵配嘅係火炙叉燒好好食😆份量仲好多Tim ～蕃茄湯底超級濃啲面全部都吸收到蕃茄味超好食!最後我哋飲晒啲湯捧住個肚走下次再試吓其他湯底

之前經過見到呢間拉麵舖 今日咁岩經過旺角就去試吓下就四點鐘去食 有兩三枱客 另外有兩個Staff落咗場係吧枱度瞓緊 其餘仲有兩個Staff serve客我哋分別叫咗神匠番茄蝦湯沾麵 同埋濃厚蝦湯沾麵 個番茄蝦湯沾麵會跟羅勒葉醬法包 令我諗起喺日本新宿嘅五神製麵所 同樣都係番茄蝦湯沾麵 同樣都配一個羅勒醬法包～兩款沾麵上枱個賣相都唔錯 兩個湯望落都好濃厚 但食落就完全另一回事 有三大個重點想同大家分享🤔第一 個湯之所以咁濃厚係因為打咗好多芡 啲汁會有拉絲嘅情況出現😵個蝦湯係好濃味 但只限頭一啖 個湯係無內涵無餘韻 相信一個真正濃厚嘅湯係唔會咁樣第二 塊火炙叉燒薄到喊 兩塊都係咁 仲要燒到乾爭爭 無焦香 但有焦😅 從來未食過一間拉麵舖嗰火炙叉燒喺薄到咁第三 侍應幫沾麵湯加湯時 倒湯嘅方向係向住我 結果彈哂啲湯去我條裙同袋到😅日本人注重細節 之前食嘅任何一間拉麵舖 無論咩價位都好 都會有基本嘅服務同禮儀 食物質素對得住價錢 但呢間野好失望 碗麵唔平 但食物質素好差 服務又差 相信前面嗰啲好評有啲亦唔可信😅

去到旺角，肚好餓，突然想食拉麵，最近就係呢間就入左去，除左拉麵仲有沾麵，小食都幾多款揀。我地揀左蟹白湯拉麵，蝦濃湯拉麵，同埋炸芝士年糕。麵係無得揀軟硬既。蟹白湯係勁清甜，仲有一絲絲蟹肉，非常好味👍👍👍 麵係幼身麵，叉燒因為慢煮既關系，有d 似食緊火腿。蝦湯拉麵比較濃味，我個人喜好清淡口味，所以蟹湯我比較喜歡。配料同我個碗一樣。炸芝士年糕係我仔食既，外脆內軟炸得幾好，唔會太油。下次經過會再試埋其他湯。

因為約咗時間喺附近有啲嘢要做，兩條友得返一個鐘頭時間，唯有睇吓附近有啲咩可以食，因為未試過呢間拉麵嘅舖頭，加上lunch時間唔算太多人，於是就入去試一試佢!.我哋兩個就order左：1. 黑蒜醬油拉麵 💲882. 濃厚蝦湯拉麵 💲983. 枝豆 💲28.首先講個黑蒜醬油拉麵先，一嚟到黑蒜嘅味道都幾出，佢本身個拉麵會包兩塊叉燒，兩塊紫菜，半隻糖心蛋同埋蔥花。兩塊叉燒係比較薄片嘅，拉麵本身個質地尚可。湯頭味道都正常。.另外過蝦湯拉麵，一嚟到嘅時候係充滿着蝦仔乾喺面，另外湯頭都幾甜，一樣都係包同黑蒜醬油拉麵一樣嘅餸。.枝豆就normal, 正正常常。.冇話一定要好極力推介，如果你經開又唔想等位，快快一餐嘅話都係一個選擇ʕ •ᴥ•ʔ

天氣熱，捨拉麵，試試期間限定蝦汁拌麵蝦汁味香濃帶微微甜，麵條煙煙韌韌，炙燒豚肉+隻溏心蛋，一大掇櫻花蝦、蔥＆芫荽，味道估唔到咁夾，整體好適合夏日胃口店面積細細，掛滿燈籠，裝飾太有日本fu

朋友仔知fafafoodie 鐘意蝦湯拉麵，就叫我點都要去試下呢間蝦湯。所以就揾左日平日下午茶去試試佢！食完仲可以去嘉多娜買布丁包🤪#濃厚蝦湯拉麵 🦐🍜賣相相當吸引，湯打到起泡，望落幾濃郁🤩湯底蝦味濃夠順滑，不過唔厚🙈有啲偏紅色啲既櫻花蝦點綴下🦐麵條微粗身（未去到沾麵既粗度），冇得揀麵款亦冇得揀軟硬度，硬度適中👍🏻望落好似一幻隻麵…有啲陰影怕有鹼水味😣好彩冇鹼水味😉叉燒係驚喜位，有肉味但唔係臭豬味，軟滑唔柴👍🏻溏心蛋望落靚仔，味道正正常常🥚但要注意🙈食完成碗拉麵之後都幾口渴…口渴到夜晚🤐如果冇呢個問題會好好多…HKD83#日式唐揚炸雞 🐥下午茶除左包1罐汽水，跟餐仲可以加2件炸雞，見咁多人介紹一於試埋佢🙈炸雞冇乜特別，唔算驚喜…係佢附上既檸檬鹽幾特別幾開胃🍋HKD18下午茶 星期一至五 14:30-18:00仲有個蟹湯有機會都想試下🦀免加一麵屋神匠旺角#fafafoodie_旺角

今日去油麻地買麵包經過見到呢間拉麵店先醒起未食午餐，一入到去好似日本拉麵店咁嘅裝修，完全係日系風。我哋叫咗一個拌麵，一個拉麵同埋一碟餃子。濃厚蝦湯拉麵蝦湯味道濃郁，另外加埋櫻花蝦有口感之餘仲多咗份鮮甜，溫泉蛋蛋香味濃，醃得很入味，荀好爽口，日本叉燒肉質嫩滑，唔會鞋烚烚。拉麵煮得剛剛好，好Q彈。神匠蝦汁拌麵拌麵已經拌好醬汁，加咗蘿蔔絲口感豐富，同拉麵一樣都有大量櫻花蝦，呢個係五花肉，肥瘦適中，煎得好香，油香味濃。餃子餃子煎得外脆內軟，每一口都好Juice，脆卜卜。

［#kwfoodie日本菜］🍽麵屋神匠在油麻地和旺角交界的這條街道，經常人來人往，以前的衣服店變成了一間日式拉麵店🍜正是小編這天要介紹的餐廳🍴餐廳內掛滿了日系風格的燈籠🏮充滿了日本的風情，店面不算太大，所以位置也不太多，繁忙時間等候時間會較長～#辛辣蝦湯拉麵 $88店舖招牌的蝦湯拉麵🍜使用了蝦殼熬製而成，所以湯底富有濃郁的蝦鮮味！而這次小編點了辛辣款的拉麵，湯底帶微辣但略鹹，而拉麵有韌度，不會太軟💓拉麵附有叉燒，味道不會太強，而每片較薄身味道小評分：😋😋😋😋/5#蝦汁拌麵 $78令小編眼前一亮的拌麵😍蝦汁鮮味濃郁，而且味道濃厚而不膩，拌麵上有豬五花，油脂分布平均所以肉味香濃🥰拉麵彈牙有口感！味道小評分：😋😋😋😋😋/5#炸日式餃子 升級+$10升級套餐後有4隻餃子🥟，內裡的餡料頗豐富，外層頗為香口而不太油味道小評分：😋😋😋😋/5🌟喜歡可以Like&Follow, 有你的支持是小編的動力🌟整體味道指數：👍🏻👍🏻👍🏻👍🏻👍🏻/5性價比：💰💰💰💰/5環境：💕💕💕💕💕/5服務：✅✅✅/5打卡指數：📸📸📸📸📸/5

嚟到旺角想食拉麵，一搵就見呢間店鋪座位不多，但樓底高，算坐得舒適。又有日本燈籠裝飾具日本風味！我叫了個濃厚蝦湯拉麵濃厚蝦湯濃濃的，成為成碗麵嘅精華，拉麵麵質彈牙合我胃口。配上海量櫻花蝦，荀同流心蛋，叉燒肥瘦啱啱好，湯底唔會太鹹而且又鮮甜嘅味道，配上罐冰凍可樂，gur 晒朋友叫了神匠蝦汁拌麵試左啖拉麵軟口感幾好，彈牙但又可以沾上蝦汁，恰到好處。配料有叉燒和糖心蛋，糖心蛋做到剛剛好，微微流心！！日式餃子餃子皮薄餡靚，而且煎嘅時候冇流失到啲肉汁，淡淡都係肉，好香口！